九巴搵超級狀元講讀書心得

2018/07/26 04:42:36 網誌分類: 生活

26 Jul

        　　啱啱DSE放榜，呢排啲學生都忙於大學面試，九巴就喺今日搵咗今屆DSE超級狀元黃子衡為九巴員工子女開Talk，分享讀書心得，小弟正奇怪點解佢哋咁快搵到？點知九巴公關大員同小弟講，原來呢位超級狀元嘅爸爸，喺九巴電腦部任職了廿多年，放榜嗰日，九巴同事知道佢囝囝成為超級狀元，都為佢感到萬分雀躍，紛紛致電道賀，所以一於把握機會請子衡講Talk；再搵埋九巴另一位狀元9A車長梁領彥，兩代狀元一起大談學習、人生目標同埋追尋個人興趣，到時擔任主持嘅仲係同子衡一樣係喇沙仔嘅師兄、九巴法律部主管梁灝然律師，兼且佢會同大家分享實踐「work hard, play hard」嘅心得，當然子衡爸爸都會到場支持喇！小弟就覺得九巴真係人才濟濟，個個員工都為自己同家人出心出力呢！

        Jacky哥