域 流亦詩
域 流亦詩
域 流亦詩

又關世界杯事?

2018/07/26 12:19:44 網誌分類: 妖城故事
26 Jul

貓尾掹得好

唱歌唔使譜

日日詐糊塗

人皆被當草

 

日前有街坊提出、應該由講錯電台出面去購買世界杯傳播權、然後分拆給各家視聽傳媒轉播、好讓全城街坊都可以跟全世界球迷一起共賞世界盛事。之但係、賬房大掌櫃劏房哥話、公家不適宜插手世界杯傳播權、因為咁樣做等同干預商業上嘅自由競爭喎!由比可見、今日嘅公家重商輕民嘅程度係遠超於昔日殖民地當局。難怪榕樹頭講古佬三叔公成日講、在殖民地時期、老番嘆牛扒、佢亦嘆牛骨、輪到架忌冷話事之後就連骨頭都冇得舐。嗱、按照殖民地時期「全民免費睇世界杯、大歸後馬上絕跡」看來、三叔公所言不差。難怪街坊對公家嘅態度冷若冰霜啦!咁亦難怪、家陣公家只須要小圈子支持便足夠、民心對他們來說是多餘的。搞成咁、真係要多得那群尊貴在垃圾會上演那套「掹貓尾」鬧劇。某人一聲等埋阿叔、結果便馬上倒流、由贏家變輸家、登時毀去全城街坊一人一票選大佬嘅權利。

 

呢嗱、原來一圈二制真係有好大分別嘅。淨係講免費睇世界杯呢家嘢、大圈街坊比罪城(細圈)街坊幸福得多、難怪人家嘅開之指數比我哋高出一大截咯。當下罪惡城大賬房年年水浸、而公家寧願花費巨額金錢去搞那壇連鬼影都唔多隻嘅蹂躪碼頭、甚至大開庫門去益那群為我哋社會帶來不安嘅假難民、都唔肯拿多少錢出來𧨾吓班街坊。現在街坊對公家越來越心淡、如果在正當情況之下、公家應該會做番啲能夠令街坊開懷嘅事、將彼此關係拉近一點。可惜得很、今日嘅大老爺人人飄飄然、個個堅離地、都唔知佢哋係真㒼抑或係假塞咯!嗱、請回頭看看舊日嘅肥彭、雖然佢被冠以「千古衰神」惡名、但佢嘅人氣比大歸後任何一位阿一都強勁得多。無它、肥彭勝在曉得在適當時就走入基層打交道吖嘛!別以為肥彭只係飲吓涼茶食吓撻、扮老友影齊合照、係 cheap 嘢嚟呀!佢就係靠呢啲所謂 cheap 嘅嘢而受到街坊歡迎架!相反、一心提出「八問五」來益街坊嘅老董、冇人領佢情都唔止、還要被人迫佢下台嗰吓諷剌吖嘛!總之大事做唔來、 cheap 嘢唔肯做、遲早賴嘢。唔信就睇扒啦!

 

回應 (0)
我要發表
user

最新回應

*KK*
*KK* 2019/09/18

兄台眼光獨到. 不出一年就有大龍鳳睇了.

"污膠藤"單野, 不知若傳到近日來港的"毒眼寒流柑"之祖家又如何呢? 若彼邦之"安胃女孩像", "神大將軍像", 甚至"安義士像"等受如此對待, 真不知此"柑"會否敢在祖家國民面前仲乜野物野囉...

多年來各大爛仔館既欺師滅祖, 以至人性夏令營等精彩場面, 真係值得透過寒流輸出至全球! 彼此認識, 促進交流呢! 世界必有新氣象, "時代革命性解放"嘛!!!

開心van仔
開心van仔 2019/09/18

你好,很久不見了!我沒有在頭條寫野也有一年了!今天突然回來看看,高興見到你呀!近月心情很沉重,太多負面新聞令人情緒低落,不知亂局何時了!

123331
123331 2018/08/22

亞域哥,「來者應,去者靜。法住無常,止心一處。」謝謝。

開心van仔
開心van仔 2018/08/22

很喜歡看你的文章,為何不寫?你今日的話令我有共鳴!我進入古稀之年,剛做了第二次通波仔手術,對世事已不再熱衷了。只希望可開心過每一天。回望過去幾十年人生,很多事都淡忘,只記開心的事,不開心的由它去!現在對很多事都淡然處之,只爭取多些時間與孫兒們相聚。

祝君身體健康,生活愉快,開心每一天!真希望可再見你的文章!