開換飛騷支持本地創作 Aga音樂會大唱Hit歌Demo
2018/07/30 04:12:35 網誌分類: 生活
兩年前Aga首次在港舉辦個人音樂會,二○二一八年再開第二個,但今次不是賣飛騷,而是為支持本地藝術創作的,她說:「其實係個換飛騷嚟,今次係同Mini Cooper一齊合作支持本地藝術學院嘅學生,捐$250就可以換飛!」話明是支持本地藝術創作,Aga也是做創作出身,她創作了很多樂曲,所以這次音樂會的歌都很特別,「我會玩好多寫畀別人嘅歌、自己歌嘅Demo,或者未出過街嘅Demo。」
重新編曲
雖然Aga近月忙於在內地舉行巡迴演唱會,但為了這個音樂會,她仍花了很多時間做準備,她坦言:「因為今次有啲歌同原曲唔同,係我re-arrange過,而且我仲請咗幾位朋友過嚟一齊jam歌。」至於嘉賓係邊個?她表示暫時要賣個關子,但可以講的是,音樂會歌單全是她喜歡的歌,其中一首英文歌《With A Little Help From My Friends》,Aga開心說:「呢首歌我好鍾意,亦係我第一次唱,至於唱邊個version?我自己聽開Joe Cocker嗰個,但今次我想玩啲jazz啲同groovy少少嘅音樂。」
繼續巡唱
忙完音樂會,她下半年的工作既要繼續在內地包括廣州和東莞舉行巡唱,亦要準備她第三張個人專輯。她續稱:「內地巡唱嘅rundown係完全反轉晒,每一次啲歌同表演都好唔一樣,其實O依家仲諗緊呢兩個騷嘅構思。至於下一隻碟嘅方向會新鮮啲,風格同以前唔同,以結他創作為主,因為由出道以嚟寫嘅歌大部分都係用琴去寫,下一隻想寫自己未嘗試過或者自己少接觸嘅曲風。」她笑言更會找結他手爸爸一齊去創作。
情感出口
問Aga點解會有源源不絕的靈感時,她表示自己是一個很容易感動的人,「同朋友睇戲,睇完戲我會唔出聲,因為我好易將啲小嘅情感放大,如果睇到啲唔開心嘅戲,嗰日個人會好沉,所以音樂對於我嚟講係個好好嘅情感出口。」她坦言大部份的靈感都是來自親身經歷或電影,「當我冇乜靈感、唔知寫咩時,我會喺YouTube開啲短片或者一啲自己鍾意嘅電影,一路睇住畫面一路寫,好多時會因應感覺去capture,所以我寫歌好少係行行吓街諗到啲melody,通常係為咗一件事或者一個感覺去寫。」希望可以快點聽到Aga創作的新歌,並預祝她音樂會成功!
主持:黃柏高 統籌:林永匡
協力:李佩儀、宋家旋 攝影:李權威、謝民光
化妝:Vanessa Wong 髮型:Gary Sun @ Hair Corner
服裝:Monse from Lane Crawford
場地:F Word(中環伊利近街38號)
黃柏高
■Aga為了支持本地藝術創作,特地開了場騷,只要捐錢就可以換飛。
■Aga今年初推出的專輯《Luna》, 之後更特別推出黑膠碟版本。
■Aga第二個在港的個人音樂會將於8月3日(周五)在會展舉行。
■Aga(右一)自2015年開始跑步,這些年來她已到過多個地方參與馬拉松賽事。
■Aga與唱片監製舒文(左一)合作八年,是她人生中第二位音樂啟蒙老師。
■上月中,Aga與李克勤和周國賢合作演出《拉闊音樂會THE TRIO 仨》。
■近日忙於巡唱的Aga,表示內地觀眾好熱情,跟香港觀眾專注地聽好唔同。
回應 (0)
我要發表