30/7~1/8 議息期大舉屠牛

「五窮六絕七瓜得」, 恒指連跌3個月, 進一步確認步入熊市

期指結算日港股低開後急跌急彈.即市調整.收窄跌幅呈陽燭.惟跌勢未完

30/7 周一恒指收報28733, 跌71點(最多下跌265點, 一度上升35點)

國指收報11046, 跌1點(最多下跌95點, 一度上升71點), 國指跑贏恒指

7月期指結算價為28644
7月國指期貨結算價為11010

港股危機未除

2018年水星逆行利淡: 26/7 ~ 19/8
美國聯儲局議息: 31/7~1/8

大鱷真係神級, 連邊個水平結算都由佢話事, 想點就點, 真係在28500樓上結算, 好友今個月死唔去全靠阿爺救市, 國指力撐大市, 已是連續7日跑贏恒指, 當國指轉弱就要小心, vhsi恒指恐慌指數急升, 小心未跌夠噢! 港股收窄跌幅只係假象, 整體股份下跌比例好高(17%升.29%跌), 係熊市溫水煮蛙式派貨

28500樓下的牛牛愈養愈肥, 始終係港股後患, 燈神經仔通梁蛇繼續唱好及看好明天市況, 相反指標就係港股跌勢未完啦! 中港股市通常係同步見底頂, 上証在26/7與港股同步見頂喇! 明日恒指50天線跌穿250天線, 我地幾個月前已唱熊市, 但如今財演見死亡交叉出現才說確認熊市, 慢十拍, 燈神仲繼續唱好看漲, 相反指標係大市要跌啦!

恒指慣性走勢月尾6天係3升3跌, 到目前為止係3升2跌, 尚欠1日跌市, 即係明日應收跌, 恒指月線亦係收陰收跌, 連跌3個月, 走勢差劣, 人民幣貶值勢頭持續, 人幣資產遭離棄, 貿易戰愈演愈烈, 中國經濟增長放緩, 中港股市敗象已呈, 熊縱處處, 阿爺連放水救市絕招都出埋, 技窮喇! 當無招可出, 中港股市就要落地獄

回顧今年1~6月每個月最後一個交易日係5升1跌, 雖然黑期結算係收升居多, 不過咪高興住, 黑期結算日如果想彈高的話, 大前題要月尾幾天大跌, 黑期日才會大彈高, 但近日港股係造好居多, 只得兩日小幅下跌, 月尾冇大插即係冇得大彈高, 要上証/權重A股造好港股才有力上, 上証已連跌4天, 等上証反彈好友才有理據推升, 港股即市通常係跟足上証, 極為被動, 港股會無啦啦飛天遁地

連升斷纜多數冇好下場, 20~25/7四連升高見29083後打回頭, 沖頂回落要尋底, 港股沽壓未除, 底部繼續下移, 今日低見28539, 跌穿上周五低位28572, 不過今日落山冇屠牛, 卻放生了樓上的遠熊, 仲唔碌落山就連樓下肥牛都走埋咖喇! 大鱷已經餓左兩日冇食牛熊, 想追數就要拿拿臨出手喇! 最肥仍然係28300樓下的牛牛, 想彈高亦會俾佢拉住港股後腿, 肥牛在28266水平, 具吸引力,

港股今日回吐, 又係即市調整, 扮跌唔落引牛入局, 繼續溫水煮蛙式派貨, 31/7~1/8聯儲局議息, 資金避險, 公用板塊逆市上升唔係好現象, 騰訊控股.碧桂園.吉利汽車.石藥集團.舜宇光學科技齊齊反艇, 全因大媽又走貨, 港股通(滬)繼續出現資金凈流出, 大媽走鬼拖低大市

美國科技股反艇, QQ冇運行, 今日港股跌市元兇係騰訊, QQ低開後插水, 由上周五收市位$373一路碌到落$361.6近九個月低位才拗腰, 尾市上沖, 收窄跌幅, 收報$367.2, 跌$5.8(-1.55%), QQ大成交破位而下, 走勢差劣, 大鱷就推高內銀來撐市, 如QQ跌勢未止, 就會拉住港股落山, 明日大鱷要畫月線喇! 明日關鍵位28617, 8月如能重上28800關鍵大位, 就會再挑戰29000, 如失守28500, 就要見28000, 前底在27745, 以月波幅來看, 不可能守得住

股王騰訊的死因係 1) 大行下調目標價  2) 看淡第二季手遊收入 3) 北水持續大手沽貨 4) 外圍科技股反艇  5) QQ獲得最多資金看好, 認購證及牛證大受追捧, 大鱷睇住黎食, QQ大量衍生工具好倉拖低股價

唔好見呢兩日港股跌唔落就凈係向上望, 咬住28500有可能係受結算因素影響, 以8月份波幅計, 就要打穿28500, QQ垂危, 港股等同折翼鳥, 點飛呢? 所以大鱷就推高國指來撐市, 但亦只能抵消QQ的跌幅, 彈高有難度, 上周恒指埋單收升, 周五收28804, 但過去4個月恒指都係升一周又會再跌過, 即係本周會收跌, 上周好友威完, 今個星期輪到淡友威威

早前元帥唱淡小米, 認為$22會攔路, 結果$22.2果然打回頭, 小米穩定價格期已於28/7結束, 即係冇人護盤喇! 加上早前發行商為了發行衍生工具而大手追貨, 當小米見頂回落, 發行商就丟正股出街, 亦會令股份沽壓加劇, 點升上黎就點落番去, 其他閱文.眾安.平安好醫生.雷蛇等半新股不斷見洗倉盤, 跌下彈下派貨出街, 全民皆艇, 要留意的是覆巢之下無完卵, 洗倉是會擴散開去, 無論強弱股都不能倖免, 港股災味甚濃, 底頂下移尋底格

31/7周二收市~港股連跌兩日.點穴養牛熊.波幅收窄.大龍鳳先兆.貼價牛熊命危

恒指收28583, 跌150點, 明日28500攻防戰

昨日10天線升穿20天線, 出現黃金交叉, 今日50天線跌穿250天線, 出現「終極死亡交叉」熊來了

水星逆行 + 議息 + 阿爺救市 + 貿易戰 ==> 好淡通殺.先殺淡友.後殺好友

港股雖然底部下移, 不過低見28538, 剛好觸及昨日低位28539即彈, 大鱷守關畫月線及引牛入局, 將港股點穴, 主要在28500邊游走, 貼價牛熊飛撲入市, 嘩))) 牛上移到28500邊, 一路排到落28000, 磨左兩日, 震走了28300樓下大量牛牛, 29000樓上唔少熊亦止賺, 遠牛熊雖然鬆人, 不過貼價BB牛熊大增, 大鱷奸計得逞, 而家牛熊都非常非常貼價, 命危噢!

沽空連日急增, 如好友反擊失敗, 大市沽壓就會加劇, 大鱷已經餓左3日冇食牛熊, 過去兩個月最多都係餓3日, 未試過餓4天, 呢幾日未下殺屠牛皆因7月已食夠牛熊交數(7351張熊+10330牛), 明日8月開新局, 時辰到了, 唔使再托市, 大鱷要落去食牛扒頂肚喇! 大媽繼續走貨, QQ慘遭洗倉, 係今日跌市元兇,

以往出黃金交叉大市就會回吐, 出死叉反而會有死貓彈, 8月開新局, 既要跌穿28500, 亦要上破29000, 梁蛇加倉後繼續唱好, 仲話好友大鱷較積極部署(相反指標係港股未跌夠.大鱷倉位點會咁易俾人睇穿), 自從阿爺出招後暫時穩住了港股, 但好消息消化後又呆下呆下, 恒指昨日10天線升穿20天線(港股果然回吐), 周一出現黃金交叉, 周二出死亡交叉, 真係死得, 金叉對死叉, 而家就等新消息來爆邊, 以周及月波幅來看, 想守住28500係不可能的任務

大鱷托市, 唔俾大插, 指數跌幅不算多, 但股份跌幅大, 整體下跌股份比例高, 個別股份有洗倉走鬼味, 不過大鱷仍想繼續在28500~29000炒波幅, 想養肥牛熊才爆邊, 我一直深信大鱷有能力將港股點穴, 同樣代表有能力抽升殺跌, 大鱷已完全操控港股上落, 小心企錯邊, 向上阻力28800, 向下支持28000.27800, 大鱷最擅長係關鍵位扮跌唔落, 當有突發消息就失驚無神大插屠牛

今日港股死唔去全靠阿爺, 上証再度下試2850水平又拗腰倒升, 中港股市通常係同步見底頂, 上証冇跌穿2850, 倒升7點, 收2876, 結束四連跌, 推動國指走強, 已是連續8日跑贏恒指, 破左今年記錄, 小心國指一轉弱港股就反艇, 要上証重上2900, 好友才有活路, 如上証失守2850或國指轉弱, 好友就危

vhsi恒指恐慌指數昨日急升, 今日港股續跌, 但今日vhsi下跌, 竟然唔驚, 要阿爺好, 港股才會好, 否則只會彈散, QQ能否守住$350/$355是關鍵, 如失$355, 28500就危, 本周藍籌股展開業績序幕, 亦會令相關股份大幅波動,

~~~~~~~~~~~~~~~~~~~~~~~~~~~~~~~~~~~~~

阿爺救市好消息消化後, 28500樓上買盤隨即縮減, 連股東增持.企業回購都縮晒手, 輪到利淡因素發酵, Facebook反艇, 科技板塊遭離棄, 疲弱的QQ沽壓進一步加劇, 加上大媽又走貨, 最弊係沽出騰訊.內銀.友邦等權重股, 人民幣急瀉, 亦會拖累港股, 資金轉炒非權重的基建水泥股, 對港股幫助不大, 熊市任何利好消息只係大鱷推高派貨的藉口, 全場最肥牛在28250附近, 會拉住港股落山, 大鱷點都要將佢地處理掉, 一係殺左佢, 一係震走佢,

恒指慣性走勢不會全周單邊升或跌, 通常每周係升2~3日或跌2~3日, 市弱都會升1日, 本周恒指已經跌左2日, 要穩住QQ及內銀, 才能穩住大市, 否則仍要落山, 美元回軟, 呢兩日人仔跌勢略為喘定, 要密切留意人民幣動向, 當人仔再挫就會拉住港股落山

20~25/7四連升高見29083後升勢斷纜後, 港股通(滬)資金凈流入逆轉, 大媽由掃貨變沽貨鬆人, 過去4日都出現資金凈流出, 港股就向下走, 今日恒指收市位剛好緊貼10天線28556, 20天線亦不斷上移, 不進則退, 28500久守必失

有消息指中美正嘗試重新啟動貿易談判本來係好消息, 不過市傳特朗普指令對2,000億美元中國貨關稅稅率由10%上調至25%, 阿爺繼續打壓樓市, 政治局會議: 堅定做好去槓桿工作, 解決房地產市場問題, 堅決遏制樓價上升, 深圳市加強房地產調控, 加上31/7~1/8聯儲局議息, 議息揭盅前港股例跌, 利好利淡消息衝擊港股, 壞消息偏多, 小心大鱷玩飛天遁地, 好淡通殺, 28700~28800有瘦牛, 28200~28500有重倉牛, 牛熊合共有超過二千張, 要買定官才喇!

破日港股高開低收.沖高回落.單日轉向呈大陰燭.先屠熊後殺牛.好淡通殺.牛命危

1/8 周三恒指收報28340, 跌242點(最多下跌363點, 一度上升190點), 失守10及20天線

國指收報10973, 跌51點(最多下跌113點, 一度上升123點), 國指大幅跑贏恒指

阿爺累街坊, 上証急挫51點, 收2824, 一失守2850, 港股果然即死, 兩地股市係同命鳥, 齊齊見頂掉頭落去尋底, 內銀內險資源商品A股全面急瀉, 拖累相關H股大跌, 拉住港股落山, 上証於2900關前卻步, 恒指亦在28800關鍵位打回頭, 兩地股市幅即市走勢圖係一模一樣, 如上証失2800, 恒指28000就危, 今日人民幣大幅反彈307點子, 中港股市卻走鬼, 對好消息視若無睹, 代表大鱷洗緊倉, 港股後市不妙

今晚聯儲局公佈議息結果, 早前放風話今次唔加息, 但全世界仍趁港股高開走貨避險, 反映投資者看淡後市, 大鱷頻頻變臉, 過去幾日扮強力守28500, 引貼價牛熊入局, 今日果然飛天遁地牛熊通殺, 大鱷係畫圖高手, 單信圖表及倉位就會中伏(呃左燈神梁蛇等圖表技術派入局),

大鱷既然有能力將港股點穴, 亦代表有能力抽升殺跌, 早前沖上29000引好友牛牛, 大鱷梗係唔會走單邊向上, 俾股民捉到路, 過去幾日扮跌唔落就引左大量牛牛入局, 大鱷一變臉好友就死得

大鱷賤到冇朋友, 將港股舞高弄低如入無人之境, 高開後上沖秒殺瘦熊163張, 然後掉頭回落, 扮跌唔落咬住28500來養牛震熊, 午後大插屠牛1224張, 但周波幅仍未達標, 28000~28200有肥牛, 下殺誘因未除, 落到28000就有1939張肥牛, 28000樓下向下每百點都有牛牛,  大鱷流晒口水, 8月要跌穿前底27745才夠月波幅, 水星逆行, 估計8月波幅不會好似7月這麼窄

元帥講左無數次大鱷會頻頻變臉, 係28000~29000區間內會飛天遁地, 耐不耐爆邊, 牛熊通殺, 上周一路殺上29083屠熊, 而家就一路碌落山邁向28000屠牛, 牛熊做乜咁鬼勇? 企遠些才安全, 熊市買熊都要死, 皆因太貼價

成也大媽.敗也大媽, 大媽班資返回祖國, 港股通(滬深)齊齊出現資金凈流出, 滬大媽大舉沽出港股, 為一個月以來資金凈流出最多的一天, 拖累港股午後急挫, 大媽繼續走鬼, 怪不得今日港股又彈散, 燈神經仔通梁蛇今早唱好叫買上果然係利淡訊號, 早前佢信心滿滿看好後市, 中伏了

新地連升8日已露疲態, 周一見頂升到水尾, 當天梁蛇就話新地強勢, 信佢分析周一買入就死得, 話口未完周二三連跌兩日, 果然係燈神, 一唱好就見頂轉勢向下,  梁蛇係大鱷的忠實粉絲, 大鱷畫乜圖都信以為真, 梗係中伏啦! 梁蛇看好追貨, 持倉由約6%一路追貨到約45%, 接晒火棒啦!

美國政府證實計劃, 將上調2000億美元中國商品的關稅, 由10%調高至25%, 港股死得, 地獄見

港股破位而下.股災式洗倉.急瀉創新低.低開低走.一跌到尾呈大陰燭.大舉屠牛

2/8 周四恒指收報27714, 大跌626點(最多下跌762點),

國指收報10733, 大跌239點(最多下跌337點), 失守10及20天線, 國指跑贏恒指

大插創新低.屠牛趙完鬆.醞釀反彈