域 流亦詩
域 流亦詩
域 流亦詩

貿易戰背後

2018/08/04 14:45:31 網誌分類: 各家大事
04 Aug

 

發難裝兇衝呀衝

斷搶全仗有幫兇

腌臢霸道人皆怕

話你唔聽我又舂

 

喪普挑起這場貿易戰、連盲公都睇得出非因貿易不平衡、而係針對中國製造 2025 、以及華為快將推出市場嘅 5G 服務。嗱、當年花旗佬看不起土耳其教授阿里坎發明嘅「極化碼」、而中國就禮賢下士、並顧用一群科學工程師、花上 8 年時間和 10 億美元進行研究、終於成功將 5G 面世、這是何等銳利嘅眼光、花旗佬惟有得個恨字。事實上、誰先擁有 5G 技術、誰就成為人工智能、醫療、訊電、機戒人、海陸空無人駕駛導航等高級科技領域嘅領先者。華為電訊公司宣布在 2019 年  6 月推出 5G 網絡服務、但花旗佬在  2020 年之前無法做得到。美國專家計算過、如果花旗率先部署 5G 嘅話、可以創造三百萬就業機會和五千億花元  GDP 增長。如果被中國搶先推出嘅話、財神爺便跑到中國那一邊去。因此喪普就要將華為趕到隨山跑、可惜為時已晚、那就只好拿中興來做出氣袋、藉此羞辱一吓習總都好吖嘛!

 

喪普不斷指控中國科技是竊取花旗的、但偏偏拿不出證據來、就算盲嗰個都看得出花旗佬含血噴人。何解冇人肯企出來講句公道話?答案係、中國經濟發展速度之快已經令西方不安。事實上、中國經濟增長每格一兩年便超越一個  G7 成員國、現在剩下一個  G7 大阿哥美國亦快將被超越、若長此下去白番便會失去世界經濟主導地位。因此、即使花旗佬是對還是錯都一樣、歐洲佬都會全力撐他的。假如美國有乜「衫長褲短」嘅話、白番攏斷全世界嘅日子就完蛋。由此可見、那些所謂公平競爭、甚麼自由貿易全部都是假的、恃強陵弱、以眾陵寡才是真的。美歐價值觀簡直是個屁、只有那些黃毒上腦嘅傻瓜才會相信。事實證明、人類世界跟大自然一樣、都係弱肉強食的。美元之所以能夠在世界上成為霸權、無非是花旗佬船堅炮利無人能及。可惜今日環境已經境改變了!花旗佬未老先衰和欠下一屁股債、科技方面嘅優勢亦被其他人越追越近、所以花旗佬趁自己能力還在時、先要將潛在對手打殘才能安心的。雖然歐洲佬同花旗佬在關稅方面搞到面左左、但並不表示白面佬會站到黃面佬的一邊來。由其是在打壓中國高新科技方面、歐盟跟美國都係同仇敵愾嘅。因為在那幾位全球科技領先嘅 G7 成員眼中、中國嘅科技越係發展快速、他們的優勢就越係縮水得快。這叫作此起彼落吖嘛!這場貿易戰已經轉化為經濟戰、而且是漫長的。因此、中國人必須要有過艱難日子嘅心理準備才行。

 

 

回應 (3)
我要發表
域 流亦詩
域 流亦詩 2018/08/06 18:26:34 回覆
@蕪湘...

無論結果係點都好、這場貿戰打醒唔少龍的傳人。

域 流亦詩
域 流亦詩 2018/08/06 18:24:37 回覆

花姐、在下手「痕」之誤錯刪去妳的留言、實在很對不起。請多多原諒! {#icons_dog5}

蕪湘
蕪湘 2018/08/05 13:25:33 回覆

其實世上各國都是牆頭草兩面擺,那面有利就向那面擺,一切以利益為上.

現在的局勢是各國都在看看中國有幾多實力和企得有幾硬。這件事上花家可為矛招盡出,至在必得,應該無這麼簡單!

不過阿習主席也是一個並不簡單的人,更加不是善男信女,相信好戲在後頭.

user

最新回應

*KK*
*KK* 2019/09/18

兄台眼光獨到. 不出一年就有大龍鳳睇了.

"污膠藤"單野, 不知若傳到近日來港的"毒眼寒流柑"之祖家又如何呢? 若彼邦之"安胃女孩像", "神大將軍像", 甚至"安義士像"等受如此對待, 真不知此"柑"會否敢在祖家國民面前仲乜野物野囉...

多年來各大爛仔館既欺師滅祖, 以至人性夏令營等精彩場面, 真係值得透過寒流輸出至全球! 彼此認識, 促進交流呢! 世界必有新氣象, "時代革命性解放"嘛!!!

開心van仔
開心van仔 2019/09/18

你好,很久不見了!我沒有在頭條寫野也有一年了!今天突然回來看看,高興見到你呀!近月心情很沉重,太多負面新聞令人情緒低落,不知亂局何時了!

123331
123331 2018/08/22

亞域哥,「來者應,去者靜。法住無常,止心一處。」謝謝。

開心van仔
開心van仔 2018/08/22

很喜歡看你的文章,為何不寫?你今日的話令我有共鳴!我進入古稀之年,剛做了第二次通波仔手術,對世事已不再熱衷了。只希望可開心過每一天。回望過去幾十年人生,很多事都淡忘,只記開心的事,不開心的由它去!現在對很多事都淡然處之,只爭取多些時間與孫兒們相聚。

祝君身體健康,生活愉快,開心每一天!真希望可再見你的文章!