PACO名人會
PACO名人會
PACO名人會

拍《臥底巨星》速訓成打仔 陳奕迅:打得靚好難O架!

2018/01/22 12:18:46 網誌分類: 生活
22 Jan
         一向好欣賞歌神陳奕迅(Eason),音樂上未有緣份合作,在新動作喜劇《臥底巨星》中終有幸圓夢。由谷德昭執導,我和謝國豪監製的新片中,導演大膽搵來零功夫底的Eason飾演國際動作巨星,Eason特訓兩周後,由頭打到尾,渾身是勁!但「打仔」坦言有難度說:「因為要打得靚、打得有說服力,好難O架!」造型、劇情超爆笑,睇得過癮!

        《臥底巨星》講述李榮浩飾演的私家偵探誤打誤撞成為警方臥底,被派到功夫巨星元豹(陳奕迅飾)的新片劇組調查一宗涉毒案。電影上映後,兩人被封「2018年最強喜劇CP」,多得谷德昭導演撮成好事!問谷導如何打動好友兼波友Eason參演,他笑謂:「咪靠熟同埋靠煩囉,以前一齊打網球、依家個個星期相約打羽毛球。鏡頭後嘅Eason好好笑,相當有喜劇天份和節奏。佢最叻模仿朋友嘅神態,搵佢拍最適合啦!」Eason亦等到好劇本與好友拍擋,他說:「我有少少『集郵』feel,拍咗30幾部戲同唔同導演合作過,係未同過佢(谷德昭)合作,哈哈!」

        Eason搭榮浩有新鮮感

          拍過無數出色喜劇的谷導,今次希望找新面孔演出,令觀眾更多新鮮感,於是邀請內地歌手李榮浩發放笑彈,谷導說:「我本身好鍾意李榮浩,直覺上覺得佢真人幾好笑,經Paco帶我去睇李榮浩演出,台上嘅榮浩好有魅力,其後飯局又覺佢幾有幽默感,就搵佢拍啦!而女主角亦想搵新面孔,編劇向我推薦新版《射鵰英雄傳》嘅黃蓉(李一桐飾),我覺得做得黃蓉嘅,一定係靚啦同埋會紅,嗰時佢又攞新人獎,見面後又跟到我哋個節奏,啱晒啦!拍攝時表現好好呀!」

          片中的Eason有大量動作戲,我年前監製《殺破狼‧貪狼》時,睇過動作導演洪金寶的團隊,其中大哥的兒子Jimmy(洪天祥)每次親身試位時相當細心又認真,於是拍《臥底》時搵來Jimmy做動作導演,結果無令我失望。Eason大讚Jimmy謂:「我跟Jimmy受訓咗兩星期後開始拍攝,動作上雖然打得漫畫式啲,但都要打得靚、打得有說服力,好難O架!Jimmy設計動作上會科學化啲,好似吊威吔咁會計晒力學,吊威吔仲有件背心着,舒服啲又安全啲。」而片中飾演豹哥武術指導的哈洛哥(劉浩龍飾)亦好出位,谷導笑說:「師兄(劉浩龍)嘅『廣普』發音好搞笑,往往將廣東話歪歪地音,就當成普通話,聽到人捧腹大笑,好受歡迎。」生活節奏咁緊張,不妨睇Eason新片笑吓!輕鬆吓啦!

        主持 : 黃柏高

        統籌 : 林永匡

        攝影 : 袁東亮、謝民光

        協力 : 林書鉉

        場地 : 帝京酒店帝景軒

        陳奕迅

        髮型 : Roy [email protected]

        化妝 : Circle [email protected]

        造型 : Felix Wong 服裝 : Ralph Lauren

        黃柏高
■谷德昭(左)表示Eason不負眾望,完美將「豹哥」一角演得無懈可擊。
 ■谷德昭(左)表示Eason不負眾望,完美將「豹哥」一角演得無懈可擊。 
■Eason的多個搞笑造型,引人發笑。
 ■Eason的多個搞笑造型,引人發笑。 
■Eason表示與榮浩合作後已培養出默契,唔排除再合作。
 ■Eason表示與榮浩合作後已培養出默契,唔排除再合作。 
■Eason笑說要做到腰馬合一,絕唔容易。
 ■Eason笑說要做到腰馬合一,絕唔容易。 
■谷導選角眼光好準,Eason配李榮浩成最強喜劇CP。
 ■谷導選角眼光好準,Eason配李榮浩成最強喜劇CP。 
回應 (0)
我要發表
user