PACO名人會
PACO名人會
PACO名人會

7年後合體開騷 林二汶:重現最原汁原味嘅

2017/10/23 15:44:27 網誌分類: 生活
23 Oct
          忠於音樂、堅持音樂理想的組合at17,兩位成員林二汶和盧凱彤(Ellen)7年前拆夥,自組公司獨立發展。既然組合名為at17,順理成章揀在今年重組,12月舉行三場演唱會。坦言成熟了的Ellen,近日為揀歌重聽舊作已非常懷念,二汶亦謂:「大家在聖誕節嚟個溫馨小聚,到時at17走埋一齊,會原汁原味咁回顧番我哋嘅作品,好似懷舊騷咁!」的確,最original的at17,百聽不厭!

        at17揀今年重組,要取2017年的意頭,而且兩女在2000年認識,今年是相識17年紀念,亦有雙重意義。12月22至24日假伊館舉行的合體騷名為《Girls Girls Girls》,原來是填詞人黃偉文改的。二汶說:「阿Y(黃偉文)話我哋以前啲歌成日玩疊字,而且佢填嘅新歌《Girls Girls Girls》中有幾句歌詞係『上輩那絕唱 讓我接力唱 後世那夢想 若我見不上 交給些新女孩唱。』今次落實會請新人做嘉賓,希望將呢個舞台同佢哋分享,做到承先啟後囉!」畀機會新人,推動樂壇新勢力真是好重要。

         畀機會新人站台

          兩女的「復合騷」亦堅持重拾當年at17的「味道」,二汶說:「at17走埋一齊,會原汁原味咁回顧番我哋嘅作品,好似懷舊騷咁!」好拍檔Ellen好同意:「分開多年,大家都成熟、長大咗,把聲又唔同咗好多。半年前,我已經開始做功課聽番at17啲歌,已經好懷念,好掛住。好多歌玩番original已經得O架嘞!只要比以前彈得好、唱得好!我哋隊band都係原汁原味,有監製蔡德才、李端嫻、鼓手黃偉勳等等,仲拉埋黃耀明做創意總監,話晒當年係佢發掘我哋嘛!」無錯,我同意音樂最原意就是無需花巧,用心去唱,以靚歌聲去感動人!

        翻唱阿梅金曲

          勤練歌其間,在揀選翻唱歌上亦開始有名曲,Ellen興奮說:「我哋一向喜歡翻唱一啲英文或廣東歌,改編成artistic(藝術版),好似dance music和電音等變成不插電版本(不用電子樂器演奏)。仲想試吓改編哥哥張國榮、陳百強、梅姐(梅艷芳)嘅歌。」二汶補充謂,「我哋以前有改編過梅姐嘅《妖女》,而我就想改吓美國組合Backstreet Boys嘅歌,將男歌手嘅歌改key,變成好玩、感動元素。」期待聖誕檔睇at17,一個用靚聲去感動大家的good show!

        主持 : 黃柏高 統籌 : 林永匡

        攝影 : 袁東亮 協力 : 林書鉉

        黃柏高
■由盧凱彤(左)與林二汶(右)組成的at17拆夥7年,將於今年12月重組假伊館開騷。
 ■由盧凱彤(左)與林二汶(右)組成的at17拆夥7年,將於今年12月重組假伊館開騷。 
■二汶和Ellen分開多年變熟女,同時已建立自己的音樂事業。
 ■二汶和Ellen分開多年變熟女,同時已建立自己的音樂事業。 
■林二汶希望捧新人,推動香港樂壇。
 ■林二汶希望捧新人,推動香港樂壇。 
■為備戰演唱會,好瘦的Ellen透露要多食肉增肥。
 ■為備戰演唱會,好瘦的Ellen透露要多食肉增肥。 
■今年中,Ellen在台灣第28屆金曲獎中奪得「最佳編曲人獎」,為港爭光!
 ■今年中,Ellen在台灣第28屆金曲獎中奪得「最佳編曲人獎」,為港爭光! 
■Ellen喜奪「編曲人獎」受訪時宣布「出櫃」,表示跟太太攝影師余靜萍(圖)於加拿大結婚。
 ■Ellen喜奪「編曲人獎」受訪時宣布「出櫃」,表示跟太太攝影師余靜萍(圖)於加拿大結婚。 
■6月,Ellen(左)舉行個唱,好姊妹林二汶(右)於安歌期間現身力撐。
 ■6月,Ellen(左)舉行個唱,好姊妹林二汶(右)於安歌期間現身力撐。 
回應 (0)
我要發表
user