域 流亦詩
域 流亦詩
域 流亦詩

遺憾 遺憾 再遺憾

2018/08/06 16:12:36 網誌分類: 講府
06 Aug

 

比油更滑又骨多

敵我同心拍住拖

聖旨到來燒壞瓦

聲聲遺憾事多磨

 

呢嗱、白番今次替全城街坊話畀縣太爺知、不確立廿三兜是無法管治好罪惡城的。事實上、縣太爺除咗對港毒表示遺憾之外就再無下聞。今次縣府要禁止分離主義團體蚊族社在城中嘅一切活動、外來嘅外國妓者會所(簡稱:外妓會)公然邀請蚊族社社長神嚎癲到該會演講。當消息傳出街之後、過氣縣太爺施歪、以及外交部派注本城嘅尊員齊聲譴責。然而、縣太爺只係循例講一聲遺憾、另加一句唔適合、咁就打發咗佢哋。坦白講、如果呢單嘢發生在白番國度之內嘅話、人家唔將那群外來妓者當間諜咁拉才怪。如果今日本城落實咗廿三兜嘅話、那群外妓何來放肆餘地?縣太爺講得啱呀、真係遺憾架!問題係、呢啲遺憾究竟係誰人一手造成嘅呢、吓?!

 

大歸已經過咗廿年、老番插手城中反政府行為從來冇間斷過。雖然第四任縣太爺將一眾匿藏於大教館嘅港毒分子都迫咗出嚟、但佢自己亦冇得再留底。當第五任縣太爺上任之後、馬上推行大傻解三步曲。第一步、將廿三兜束之高閣。第二步、撕開法網把一眾政治黑金疑犯全部放生。第三步、向暗毒幫會豪擲白銀三萬兩作為揸手費。有人質疑、點解每一步都是利黃而不利其它?坦白講、我都好想知顧點解。唔止咁、縣太爺還展示其打得特質、每當朝廷派遣特使前來催促佢擺治妖法擺上台、就以一句「時機未到」把命令擋回去。世界上本性難移嘅人雖然多的是、但白鴿會在年頭收完厚禮、年中就企圖將屋邨住戶自己捉蟲搞到自飲鉛水單嘢駕禍畀縣府、確實難睇之極。仲有呀、早前被傳媒踢爆地龍站工程造假、剛剛又踢爆輕龍軌道沉降事件、總之無論是速龍、地龍、輕龍都被發現諸多唔掂。但又有咁啱得咁橋、此時就有人提出禁制蚊族社活動、而外妓會又史無前例的將神嚎癲擺上台有咁大玩咁大、成功吸引全城眼球。否則、在公眾全神貫注在三條龍嘅畸屎之下、縣太爺唔煩死都被氣死啦!難怪三叔都公話、神嚎癲今次被運用得恰到好處啦!

 

 

回應 (2)
我要發表
域 流亦詩
域 流亦詩 2018/08/07 16:03:28 回覆
@蕪湘...

今日政治掛帥、已經唔使講道理了!

蕪湘
蕪湘 2018/08/07 12:39:49 回覆

港毒,港毒, 有理無理,最緊要夠毒! 專毒無辜好人,問你死未!

其實沉降事件經常都有,不是現在才有,97前英政府時代經常有發生,未過20毫米從來沒有預先通報,還記得幾十年前屯門友愛村,也出現地面沉降時件,也是由記者揭發出來,有人質疑會影晌到該處樓宇結構,政府只是回答是正常現像並無問題的!便不了了之, 而該處樓宇到今時今日都無問題。
在97後任何雞毛蒜皮的小事,極度無聊地都大炒特炒,荒死無人知果班 "扮番九" 的確是白癡及攪屎棍喎。


總言之97前乜都得,97後就乜都唔得! 這就是民主喎!

user

最新回應

*KK*
*KK* 2019/09/18

兄台眼光獨到. 不出一年就有大龍鳳睇了.

"污膠藤"單野, 不知若傳到近日來港的"毒眼寒流柑"之祖家又如何呢? 若彼邦之"安胃女孩像", "神大將軍像", 甚至"安義士像"等受如此對待, 真不知此"柑"會否敢在祖家國民面前仲乜野物野囉...

多年來各大爛仔館既欺師滅祖, 以至人性夏令營等精彩場面, 真係值得透過寒流輸出至全球! 彼此認識, 促進交流呢! 世界必有新氣象, "時代革命性解放"嘛!!!

開心van仔
開心van仔 2019/09/18

你好,很久不見了!我沒有在頭條寫野也有一年了!今天突然回來看看,高興見到你呀!近月心情很沉重,太多負面新聞令人情緒低落,不知亂局何時了!

123331
123331 2018/08/22

亞域哥,「來者應,去者靜。法住無常,止心一處。」謝謝。

開心van仔
開心van仔 2018/08/22

很喜歡看你的文章,為何不寫?你今日的話令我有共鳴!我進入古稀之年,剛做了第二次通波仔手術,對世事已不再熱衷了。只希望可開心過每一天。回望過去幾十年人生,很多事都淡忘,只記開心的事,不開心的由它去!現在對很多事都淡然處之,只爭取多些時間與孫兒們相聚。

祝君身體健康,生活愉快,開心每一天!真希望可再見你的文章!