域 流亦詩
域 流亦詩
域 流亦詩

民調 你信嗎?

2018/08/07 15:31:53 網誌分類: 時事
07 Aug

 

合者猛推崇

違意面燶燶

民調多大話

帶你入迷蹤

 

呢嗱、唔知到邊條友發明民調這玩意、總之現在嘅民調已經成為政客用來打擊對手嘅武器。既然係武器、當然係損人利己架啦!因此、民調呢家嘢、信與不信通當係以利害來決定。例如、從前由講大教館大教頭燶町耀針對縣太爺泡製出來嘅民調顯示、縣太爺失分越勁、越係被藍營咬定係調查手法偏頗不足為信。相反、當縣太爺民望有起色時、民調又忽然之間靠譜起來了!這種輸打贏要嘅例證、並不是只發生在藍營。事實上、當結果不利於黃營時、民調同樣不被認同。𠲖、咁算唔算係輸打贏要呢、吓?!

 

其實全世界都一樣、所謂民調都是由人出銀兩聘用學術界、又或是專業機構去做的。受聘一方會不會迎合聘方要求而有所作為、那就不得而知。就本城情況而言、黃藍兩方作造嘅民調大多數都係南轅北轍的、搞到班街坊都唔知信邊個好了!剛剛之嘛、華文大教館釋出嘅民調結果顯示、縣太爺、大總管、大掌櫃、戒律長四人嘅民望都比兩個月之前有所提升。其中獲得升幅最高嘅人、居然係近來靜如深海粒聲都冇嘅戒律長。嗱、民望指數56.7排第一嘅縣太爺、今期民調升幅為1.2。民調指數52.7排第二嘅大總管、今期民調升幅為1.7。民望指數43.6升排第三嘅戒律長、今期民調升幅為2.1、升上第三位。民望指數42.9排第四嘅大賬房、今期民調升幅為1.3、降級為包屘大班。

 

從上述成績看來、今次保安大隊長代為孭起「打擊蚊族社」條飛、確實幫輕咗戒律長嘅負擔、所以得分較多係合理嘅。雖然大賬房開倉派銀、但派銀方式卻惹來諸多嘰趷、所以就要做包屘大班。嗱、這類民調結果顯示、分數高低並唔係以實祭表現為依據、而係越少得罪人嗰個得分越高、亦即係話、越係好好先生、就越受歡迎的。之不過、唔知到係受誰的歡迎之嘛!唔知當中有冇你份呢、吓?!

 

 

 

回應 (4)
我要發表
域 流亦詩
域 流亦詩 2018/08/08 14:28:08 回覆
@花姐...

這亦是見仁見智。

域 流亦詩
域 流亦詩 2018/08/08 14:27:24 回覆
@蕪湘...

很多時候民調問題都有引度性、所以其準確性係有詬病的。

蕪湘
蕪湘 2018/08/08 12:50:36 回覆

民調;講了一大堆所謂無人睇得明的科學理論, 然後便說用壹千人就足以代表了全港7佰萬人了,真厲害! 無話可說了!

花姐
花姐 2018/08/08 11:02:37 回覆

示威都係比錢就得,民調所以信唔過。

user

最新回應

*KK*
*KK* 2019/09/18

兄台眼光獨到. 不出一年就有大龍鳳睇了.

"污膠藤"單野, 不知若傳到近日來港的"毒眼寒流柑"之祖家又如何呢? 若彼邦之"安胃女孩像", "神大將軍像", 甚至"安義士像"等受如此對待, 真不知此"柑"會否敢在祖家國民面前仲乜野物野囉...

多年來各大爛仔館既欺師滅祖, 以至人性夏令營等精彩場面, 真係值得透過寒流輸出至全球! 彼此認識, 促進交流呢! 世界必有新氣象, "時代革命性解放"嘛!!!

開心van仔
開心van仔 2019/09/18

你好,很久不見了!我沒有在頭條寫野也有一年了!今天突然回來看看,高興見到你呀!近月心情很沉重,太多負面新聞令人情緒低落,不知亂局何時了!

123331
123331 2018/08/22

亞域哥,「來者應,去者靜。法住無常,止心一處。」謝謝。

開心van仔
開心van仔 2018/08/22

很喜歡看你的文章,為何不寫?你今日的話令我有共鳴!我進入古稀之年,剛做了第二次通波仔手術,對世事已不再熱衷了。只希望可開心過每一天。回望過去幾十年人生,很多事都淡忘,只記開心的事,不開心的由它去!現在對很多事都淡然處之,只爭取多些時間與孫兒們相聚。

祝君身體健康,生活愉快,開心每一天!真希望可再見你的文章!