放養老金撐市
全球股市週二全線造好,特別是中國的上證綜指,在瀕臨破底時(2691點)反彈爆升2.7%,是2016年5月31日以來最大的單日升幅,推動港股亦大彈429點;歐股跟著走上,整體升0.5%。
外圍顯著造好,美股亦唔執輸,杜指續升0.5%,標普500指數升0.3%,離年初創出的歷史高位只有0.5%。納指亦升0.3%,連升第六日,主要受到特斯拉(Tesla)股價大漲11%帶動。
美國宣佈在8月23日開始,對160億美元中國貨,開徵25%關稅。這是針對500億美元中國貨徵稅的延續,預料對後市有點壓力。
在玩花樣方面可以與美國總統特朗普有一拼的特斯拉老闆馬克斯,昨日突然在Twitter上說正考慮以每股420美元將公司私有化。他的言論刺激Tesla飆升,中段一度停牌,停牌前急升7.39%,報367.25美元,股份復牌再抽上至379.57美元收市。分析指,如果馬斯克所言屬實,這將會是歷來最大的私有化交易之一,以每股420美元的私有化作價計算,公司市值將達到720億美元。
反映投資者情緒的VIX指數昨日一度跌至10.52的今年1月16日以來低位,收市報10.93,較上日跌3%。投資者投資美股情緒熾熱,主要原因有兩個,第一個係美企在公佈的季度成績表,非常亮麗,讓投資者認為美股雖然已經頗高,但考慮到美企強勁的基本因素,股價高得來仍算合理。第二個係投資者一直在擔心貿易戰的影響,但到目前為止,情況又未係好壞,因此亦未腳底抹油,美股就好似螞蟻爬樹般慢慢攀升。
對於美企最近派出的成績表,B. Riley FBR的首席市場策略師Art Hogan認為可以是A級成績,不但盈利理想,營收亦強勁。至於大市走勢,他認為目前正在進行著一個拔河賽,一邊是正在推動美股向上的利好企業盈利報告,另一方則是貿易糾紛問題。美國與墨西哥、加拿大以至歐盟,似乎正朝著正確的方向邁進,但觀察與中國的貿易關係,讓人覺得正在惡化。
內地股市就在特朗普說「關稅已經湊效,中國股市在4個月以來大跌27%。」後,猛然來個大反撲。不過,對於這是股市已經觸底,還只是「死貓彈」,內地分析師普遍看法謹慎。長江證券分析師宋中慶指出,昨日的成交仍保持在低位水準,反映市場信心其實仍未恢復,是否觸底回升,仍有待觀察,投資者不宜過於衝動追入。
有分析指出內地股市反彈,除了阿爺看到關特朗普的狂言,顯示一下顏色之外,也不想大市跌破2691點這個波段低位,令到投資者更加虛怯,所以昨日宣佈批出包括南方、華夏等14家公司首批養老目標基金的批文。養老目標基金加上基本養老金和企業年金,是中國養老金的三大支柱。這部分是中國勞動者個人的自願性儲蓄養老保險,投保多少由勞動者自行決定,總規模達到2.5萬億元人民幣。分析師指出,監管層批准養老目標基金,無疑是為市場引入一批真正的長線資金。
若無貿易戰這個終極不確定因素,見到阿爺出招,已可入境場,但目前的情況,就只有即日鲜及持貨力強者兩個極端人群,才易入市。
陸羽仁
2018-08-08
Dow Jones Industrial Average (^DJI)
25,583.75 -45.16 (-0.18%)
三隻老股創新高
2018年08月09日
港股上周跌足五日,本周彈番三日,動力來源係人仔稍為穩定,美國總統特朗普未有新動作,加上港股呢期公佈業績唔錯,於是由超賣帶動回升。
呢期港股升浪領風騷者,同外圍稍有不同,唔係由科技股推動,而係由傳統股份領軍,昨日中電(002) 、恒生(011) 同太古(019) 齊齊創出一年新高。
世道唔好資金回流「大冧巴」
大市由高位回落差唔多5000點,三隻藍籌能夠創出一年新高,都可算係難得。呢三隻都係恒指成份股中的老成員,睇佢地代號全部都係「細冧巴」,可見佢地全部成名甚早。佢地同一特色就係業務穩定,可預測性高,喺跌市中成為買家入市吸納目標。佢地有運行,除左個別業務循環周期有利之外,都係反映世道唔好,大家覺得老牌子信得過嘅心態。
三隻老股中,近排表現最搶鏡嘅係恒生,佢亦係最老當益壯的公司,股價唔止創左一年新高,仲係歷年新高。恒生受資金追捧,有銀行界認為係天時地利,天時係美國準備加息,有利銀行拉闊息差,所以全球銀行股喺第二季表現好左,呢個趨勢喺預期九月美國可能加息下都應該維持到。地利係恒生業務簡單,主要集中喺香港,香港銀行業仍係全球最好做的地方,生意多競爭少。同美國相比,香港監管已經無咁辣,恒生香港業務比重仍是各行之冠,故此食到正。另一點係佢自有資金多,由於股東資金豐厚,大量無成本貸款放出去,會成為利息上升的得益者,呢個狀況喺息口由低位回升時尤其明顯。
恒生收報216元,再升1.9%。O依家股價最大阻力係來自佢市盈率同估值都幾貴,O依家股價受追捧,說明市場追求保證利潤而唔係冒險,所以市場風險胃納高低,對佢估值會有影響。
中電狀況同恒生有啲相似。雖然佢多年前開始投資海外,但最好搵都仲係香港。無論喺澳洲抑或印度,當地政府一發現電力公司賺得多,就會出招。香港政府係最守合約精神的地方,明明電力公司賺大錢,都會「樂觀其成」,尤其呢次利潤管制協議,主責官員似乎對電力監管唔多熟,搞完一輪後,新協議首年竟然已經有價加,如此條款仲「筍」過港鐵的可加可減機制,管理層亦明言將來大家唔使旨意有價減。當基金同市場發現左呢樣嘢,立即湧入去追貨,所以喺佢加價前後,醒目資金就已經郁手,中電創新高後收報91.8元,倒跌0.4%。
有中環茶友笑言,按揭證券公司搞年金,叫人畀一百萬佢,保證成世每月攞五千幾元,好多人話不如畀中電幫我賺錢,更加肯定成世食硬啦。中電同恒生一樣,O依家估值都唔低,唔知幾時會回頭,買佢要有揸長線心態。
太古同恒生、中電有啲唔同,佢雖然都有國泰航空(293) ,本來呢門生意有壟斷性,可惜喺天空變成全球一家下,國泰面對內地航空公司喺國際航班的激烈競爭,加埋俾香港航空打入本地市場,令佢變成轉身緩慢的恐龍,生存相當吃力,所以幾年前開始陸羽仁多番警告,呢隻股不宜沾手。由於國泰拖累,大大削弱太古盈利同估值,所以佢係三隻老股中資產有折讓的股份。
太古皇冠上的明珠,O依家係太古地產(1972) ,佢喺香港無論係寫字樓同商場,都受惠市道向好,盈利表現甚佳。近年太古喺中國發展商場,組合逐漸成型,由於管理水平不俗,能夠同地方政府及合夥人傾到理想條款。雖然內地商場唔易做,佢都仍然能夠賺錢。由於太地股價大幅領先,於是資金吸納太古,昨日升上88.5元新高後,平收86.8元。太古股價同恒生、中電唔同,與歷史高位仲有好遠距離。近期唔少大行推薦佢,都係買佢資產豐厚同埋預期管理層會多啲動作。
喺傳統股份支持下,恒指三連彈,收報28359點,升左110點;國企指數收報10901點,漲35點或0.32%,成交931億元。除咗本地藍籌,油價向好,中石油(857) 升逾3%,收報6.07元;中海油(883) 升1.6%,收報13.08元;中石化(375) 升0.8%,收報7.6元。接連爆出工程醜聞的港鐵(066) 高層人事變動,周三復牌後股價受壓,一度挫逾3%,低見41.45元,收跌2.57%,報41.7元。
買鐵塔要唔怕悶
由三大電訊公司合組的中國鐵塔(788) 新上市,在保薦人力挺下收報1.26元,無升跌。鐵塔公司由三大電訊商合組,主要從事基塔投資。由於電訊公司前景被視為缺乏刺激,鐵塔上市反應平平,招股結果香港公開發售部份超額認購0.36倍,未觸及回補機制;國際發售部份亦獲溫和超額認購,定價為招股價範圍下限,1手至10手中籤率100%,估計集資淨額534億元。鐵塔暗盤曾傳破底,呢間公司業績平穩但比較悶,如果想買都可以等等,睇佢有無機會插穿招股價。呢類股份唔係咁刺激,入貨要計足數,抱著買唔到就算的心態,少少水位都希望執埋。
陸羽仁
滙豐、渣打、中銀等齊加按息 上限至2.35厘
2018年08月08日 (10:33 下午)
DLLMFH...
SIGH...
放養老金撐市=長線投資* / 財富轉移* / 擔沙填海*
*請删去最不適用者
港鐵 屋漏兼逢連夜雨,盡顯香港上市公司管治水平。
政府高層都係咁上吓
假如香港有法定獨立調查聽證會,及監管機構夠膽辦工,肯定好多蛇蟲鼠蟻撩晒出嚟。唔撩出嚟咪繼續蛀囉
放養老金撐市 = 長線投資* / 財富轉移*
*請刪除不適用項目
D L L M C F H
SIGH...
DLLM...
SIGH...
暫睇將軍還有反勝機會 haha
Leo兄: 噢...市場已沒有什麼新鮮事了.......
林之兄: 噢.....讓我一次輸個夠 給大市所有.......
將軍認為好戲在后頭?
將軍似乎胸有成竹,是否反彈不過三日,等聽日食滿糊
林之兄: 有滿胡唔吃 吃雞胡.........
將軍:食下🐔糊也不錯呀!仗幾時都有得打⋯⋯
kaka: 勿慌. 天要下雨 娘要嫁人. 一切已有定數矣.
Kaka兄:小弟只有鑼鼓,沒有大軍、更沒有小隊,只能繼續幫你同將軍打氣了⋯⋯已飛鴿傳書通知TC兄班救兵解圍。
林之兄,救我
將軍已全軍出動?TC兄先救到將軍了,佢兵源充足,相信可幇將軍突圍鳳鳴山
將軍,未離場?
林之兄: 救我.......
收左市、出唔到
將軍:今日收市會離場嗎?
林之兄: 勿慌. 收市再行定奪.......
Kaka兄:將軍可能重注未出,等288先傾巢而出定哩.....
林之兄,救我
將軍,子龍淡軍無第四小隊了?
Kaka兄誓死追隨將軍勇氣可嘉,但係大戶真的很🐶,大小通吃。小心今日又高收就.....
將軍,林之兄,
誓要去 入刀山 浩氣壯 過千關
將軍離場未?
Leo兄: 咁絕........
將軍,食面未?
916 食胡@7.49 揸3日+5% 有跟買的朋友可隨時食胡 :)