令人費解

唔嗲又唔吊

阿嬌遇阿俏

未恐失三魂

只怕神仙跳

世界上最尷尬嘅事、莫過於熱臉貼上冷屁股。打從縣太爺上任第一日開始、便履行「大傻解」誠諾、向黃營送出多份大禮。無耐、人家似乎唔多領情、並且以一連串播毒、撐毒、打臉嘅方式來對待縣太爺推出嘅「大傻解」計畫。在這種情況下、縣太爺顯得進退維谷、面色當然唔好睇咯！令縣太爺更難堪就係、先占便宜再賣乖嘅外妓協會居然不聽縣太爺勸告、堅持為港毒提供演講平台。就在此時、黃營長老看更李忽然跳出來直指蚊族社並非違法組織、誰人認為神嚎癲犯法可以押佢去見六判爺、而唔係大聲夾惡咁去兇向神嚎癲提供演港平台嘅外妓協會。

嗱、看更李假假哋都做過御前大狀、佢講得出嚟嘅法律觀點絕非貪口爽的。今次佢直指港毒冇違法、除咗係充着縣府而來之外、還有爆縣太爺陰毒之嫌。事實上、買田李嘅講話已經把人們嘅焦點引領到法律層面上去。那就難怪坊間有人埋怨、若非防毒法被封印嘅話、罪惡城亦不置淪為港毒樂園啦！從上述情況看來、縣太爺貿然推出「大傻解」未免太傻、太天真了吧！坊間亦廣泛質疑、國家安全係頭等重要之事、點可以拿去跟黃營交易？點解朝廷在這方面居然視若無睹？既然朝廷和縣府都縱容港毒、街坊大眾對港毒又應該如何視之？藍營人馬機乎每日都喊反毒、但僅是口講口賠。試問防毒法尚未被確立之前、反毒從何說起、國家安全又憑啥來保證？如果真係有咁多人想維護國家安全嘅話、點解唔在議事堂上實牙實齒向縣府施壓將防毒法擺上議事桌？究竟仲等乜嘢？嗱、我並唔係靠嚇、洋妓協會與港毒聯手打朝廷的臉唔止係賊佬試沙煲、唔使幾耐就有大龍鳳過你睇。信不信由你。