示威也徒勞

當家唔去馬

眾丁滿地爬

口水人盡噴

噴盡欠揸拿

今日是講毒組織蚊族社社長趁嚎癲在外妓協會開騷嘅大日子、藍營愛字堆亦派出數十名代表跑到會場外進行抗議和遞交抗議書、而幫講開聲一度被拒入場、經過一輪交涉、證明幫講開聲已獲得政府認可嘅採訪人身份之後才入場採訪。據報場內有多家外國大型傳媒亦派記者到場採訪。即係話呢單畸屎、即將成為「各製」新聞。城中有些法律界人事主張、以外妓協會違反租約為理由收回該會址。與此同時亦有人一口咬定、外妓協會邀請港毒演講係違法嘅。嗱、如果以防毒法嘅角度去睇、外妓協會確實違法。之但係、在防毒法尚來確立之前就夾硬話人家犯法、似乎無稽咗啲喎！因為條法例未生效吖嘛！否則、縣府早就以實際行動去阻止呢件事發生啦！係嘛？！

看更李講得啱架、家陣藍營大聲夾惡係冇譜夾野蠻架！鬼叫藍營冇本事請得逳縣太爺將防毒法擺上台咩！罪惡城係法治之地、無論做甚麼事都必須有法可依才行。若無合適法律規管、就應盡快立法才對。否則、就會像今日嘅藍營一樣、作做嘅一切都欠缺法理依據、縱然做對也理虧。從目前情況看來、藍營對港毒一味憑空指控、但又唔去催促縣府履行確立防毒法嘅責任。這又應作如何解釋呢、吓？！難道陰謀論壇所講嘅「一邊係真小人、另一邊係偽君子」係真嘅？咁就難怪罪惡城出現這麼樣的一個巨大嘅法律漏洞、居然可以維持廿年而不變啦！世界上從來沒有任何一個政府好似按緩確立防毒法、而任由「毒犯」為所欲為的。黃營政客口口聲聲指責朝廷做事不按「各製」慣例、但其輸打贏要嘅所為正正就係違反「各製」慣例至係。從上述事件就可以睇得出、罪惡城已經被烏煙瘴氣所籠罩。昨晚在榕樹頭聽三叔公講、家陣有人媚外、有人靠害、管者無能、坊眾無奈、街坊們只能自求多福。在下聽後也有同感。