域 流亦詩
域 流亦詩
域 流亦詩

掉以輕心就賴嘢

2018/08/16 14:34:18 網誌分類: 講府
16 Aug

 

真弱定假弱

算來必有着

此局叫天仙

專捉黃腫腳

 

尋晚夜、榕樹頭講壇請來芝士陳做主講嘉賓、講解何以縣府至今仍然拒絕將防毒法擺上台。芝士陳講、確立防毒法必須爭取到中間派支持才可以。芝士陳強調、除非本城出現目前法例規管不着嘅情況、否則縣府在未來兩三年內都不會把防毒法擺上台的。嗱、恕在下腦根遲鈍想唔明白芝士陳嘅邏輯。我真係想問問、今次嚎癲陳所做嘅嘢、不就是現行法例規管不到嘅咩?如果管得到的話、何以外妓協會喊縣府證明佢哋違反咗那一條法例時、而縣府卻鴉雀無聲嘅?還有、縣府能否保證在不立防毒法情況下、有能力去制止同類事情發生?如果有嘅話、點解今次冇晒符?依我睇、無謂再呃鬼食豆腐、多做點實事好啲!

 

呢嗱、芝士陳曾經在不同場合講過、不要理會那些蚊型港毒組織做啥、免得替他們做免費宣傳。他又說、今次嚎癲陳嘅事情鬧大就是縣府不智、把一件本來不為人留意之事擴大到街知巷聞。但凡唔係盲嘅人都睇到、今次首先挑起蚊族社問題嘅係紅家喉舌、負責狙擊嘅係藍營愛字堆、以及人委和政委兩會具代表性人物、而縣府只係一味表示遺憾之嘛!點解芝士陳又會指着縣府來罵 … … 嘅呢?其實、嚎癲陳並不一定要把罪惡城鬧個天翻地覆、只要佢親自在國際傳媒面前盡期對天朝抹黑和詆毀之能事便足夠、其它的事交由各大傳媒在國際社會上大肆喧染就可以了!現在正是花大叔以貿易戰大棒拷打天朝嘅時候、任何對天朝形象不利的事情、不論真假、只要有龍的傳人企出來現身說法就可以。花大叔在南海搞嘅「呀泰再橫行」已經被天朝跟東盟簽署嘅南海行為守則化解。下一步就會簽署共同開發南海資源嘅協約、這吓才使得花大叔夢斷南海。花家特工在辛薑策動東凸作亂被朝廷及時搗破、並以快速經濟發展穩定咗大形勢。現在搞寶島又到喉唔到肺、正所謂咬阿爺個頭又硬、咬其羅友又臭、所以罪惡城內嘅狗屎垃圾都啱用、只要能毀天朝形象的都買。不過怪就怪在、雖然阿爺下令「落實憲法和歸本法確定嘅憲法秩序、完善歸本法相關制度和機制」、但縣太爺居然膽敢以「尚未係立法時機」來回應。呢台戲越睇越剌激。相信唔使幾耐就會刀光劍影現眼前。等着瞧吧!

 

 

回應 (0)
我要發表
user

最新回應

123331
123331 2018/08/22

亞域哥,「來者應,去者靜。法住無常,止心一處。」謝謝。

開心van仔
開心van仔 2018/08/22

很喜歡看你的文章,為何不寫?你今日的話令我有共鳴!我進入古稀之年,剛做了第二次通波仔手術,對世事已不再熱衷了。只希望可開心過每一天。回望過去幾十年人生,很多事都淡忘,只記開心的事,不開心的由它去!現在對很多事都淡然處之,只爭取多些時間與孫兒們相聚。

祝君身體健康,生活愉快,開心每一天!真希望可再見你的文章!

萬大有商量
萬大有商量 2018/08/21

請君多多保重 ,健康快樂年年。

花姐
花姐 2018/08/21

為何離開,每天看你的文章,有共鳴的,也有是不懂的,不過在這裡交的博友,都使我有得著,也許離去是你覺得最好的選擇,亦希望很

快又在頭條網看你寫的文章,多多保重。

花姐