9月中創新低後拗腰向上

13/9周四收市恒指升669點報27014

美元回落.人幣上升.中港股市同步止跌回升.升勢有望延續

QQ未見頂.港股未升完, 27300(1224張肥熊)-->27500(1454張肥熊)

昨日以陰謀論來分析, 大鱷係刻意壓住大市營造六連跌的弱勢, 目的係養熊引淡, 今日港股爆升, 證明元帥的估算正確, 按照大鱷的習性, 上企27000就會向27300.27500進發, 因為今日港股急升大鱷仍未吃熊, 熊在27000樓上, 所以明日大鱷必定會殺上去開餐, 今日港股飛天, 大鱷逼淡友補空倉就成為大市上升的動力

QQ強力反彈領軍, 恒指創2016年6月以來最大單日升幅, 港股重上27000/10500, 今次反彈浪有望挑戰兩個阻力位27300及27500, 大鱷即市又玩窒窒步詐死, 一度沖高回落, 低見26648, 淡友以為港股上升乏力就中伏了,

大鱷每次推到去關鍵位就詐死目的係引熊入局, 來抵消放生樓下肥牛的損失, 呢個係大鱷一貫操控大市的手法, 明日係9月上旬最後一個交易日, 大鱷必定會殺上去屠熊追數, 今日唔少淡友盲中中湧入場, 太快做淡是死罪,

27000~27500有肥熊1454張, 通常由低位彈超過千點, 大鱷才會開始食胡, 即係今日高位27014不會是頂, 26219短底+1150~1350=27369~27569, 上兩次小彈都有1150~1350點, 大彈就有約1700點, 今次低位係26219, 即係會突破27300向上推進, 大家睇住來做野, 連跌斷纜反彈不會一棍見頂, 即係明日會升穿今日高位27014, 下一站27300，收市如能上企，就會以500點一級向上推進, 26800.27300.27800.28300....

恒指現水平非常接近10及20天線, 以往插完都會彈番上去, 港股已經俾大鱷完全操控, 大鱷隊港股落地獄就係為了屠牛及殺好倉, 推高港股亦係為了殺熊及淡倉, 每次都係趙完鬆, 大市急升暴跌都不好盡信, 通常係幾日就轉方向, 不過今日才是第一棍陽燭, 仲有得上, 日前曾估計淡友會在26500附近開始食胡, 看來這個估算是正確, 否則大市不會在26219轉勢向上，只要淡友收手，港股就有運行，

今日恒指以全日最高位27014收, 報復式反彈669點, 一日升幅就收復了過去5日的跌幅, 大鱷玩晒, 大鱷正在部署明天收26973樓上, 那麼本周就收陽收升, 即係明日係畫周線的大日子, 27200有肥熊, 屠熊後能否企穩就要睇上証表現,

如果彈上去大鱷趙完鬆, 再度跌穿關鍵位26800就可能要回補今日遺留的上升裂口26469~26648，只要守得住裂口支持，反彈浪就可持續，因為以年波幅計插到落26219已達標，早前我話有基金經理表示26000附近會入貨，我就話趁跌穿26300就可出手，結果低見26219就見底, 其實過去幾年恒指的年波幅通常大約係4300~8300點, 今年已做了約7300點, 即係今年已跌到水尾, 就算再插都會守得住25000, 否則2018的年波幅就超標, 港股如果想破底再深潛就要等2019新的年波幅

14/9周五收市恒指升272點報27286

美元止跌回升.守住94作出反彈.港股連升兩日.吻別10天線.死貓彈完下周危

早前港股大插, 牛牛死得七七八八, 貼價熊突然出世, 港股就急速轉向, 彈上去27000屠熊

同樣地, 呢兩日港股急升, 最肥的貼價熊27200已陣亡, 26500~27000貼價牛突然出世, 按此推算, 港股會急速轉向落去屠牛, 27000邊有裂口未回補, 有下殺誘因

今日係周五畫圖日, 大鱷想本周收陽收升, 即係高過上周五的收市位26973, 所以今日就伸多一腳上去屠熊兼畫周線陽燭, 最終恒指收報27286, 升272點, 全周升313點, 但過去6個月恒指只係試過一次連升兩周, 除非有突發利好消息, 否則下周又要再落山, 下一站26800, 如失守, 就要向26500進發, 呢個係大位, 好友不會輕易放手, 只要守得住, 以月波幅計, 後市仍有望重上28000

如下周收升, 即係下周五(21/9)收高過27286, 連升兩周，按照慣性走勢(24~28/9)全周埋單會收跌, 因為過去幾個月未見過連升3周

今日港股續升但成交縮, 並不配合升勢, 而且上証連2700都上唔到, 滬深兩市雖然僅跌5點, 但下跌股份比例非常高, 有點危, 大鱷想係颶風山竹.中美圓桌會議.狂人宣佈2000億美元關稅前, 拿拿臨推高大市食胡避險,

連基金經理都話趁反彈減磅, 對港股已心淡, 加上全民皆艇, 搵鬼入市, 但港股仍能大彈高, 好明顯上升動力係來自大市超賣反彈, 淡友回補空倉, 以及企業回購, 但今日國指跑輸恒指, 已率先腳軟, 唔係好現象, 過夜會變天, 過周末更會有大變, 港股後市仍會有震盪

有數據顯示本周全球股票錄得53億美元凈外流, 創11個星期以來最多

17/9周一收市恒指大跌353點報26932, 失守10天線, 秒殺肥牛即彈

5~12/9六連跌斷纜利好, 13~14/9連續兩日急升, 港股每次反彈浪閒閒地都有5棍上企10及20天線才見頂, 但今次升兩棍就掉頭, 即係大鱷想用拖字訣，暫時唔想上20天線, 想落去消化沽壓, 再儲力上沖,

從消息面以及上証反艇的表現來看, 皆屬全面利淡, 港股仍有下跌空間, 即係會下破今日低位26763, 今日港股跌幅算克制, 26800關鍵大位失而復得, 似係特登托住大市, 企尷尬位令人無所適從, 引貼價牛熊入局, 每次去到關鍵位就窒窒步, 就可引貼價牛入局, 熊亦會下移, 大鱷就可好淡通殺

26800係關鍵大位, 今日一插穿即彈, 現時26200~26500只得約1100張牛, 大鱷嫌少, 所以未穿得, 史哥曾說26500係多空位, 可能喺好友的底線，要樓下有重倉牛大鱷才會捨得插穿

貼價牛熊都要死, 今日已回補27000附近的裂口, 26800樓下有BB牛(上升裂口支持位26469~26648), 初生BB熊亦大幅下移至27000附近(上周27000~27340老熊已被屠), 當大鱷落山食夠牛牛, 等上証完成調整, 又可以踢番上去食貼價熊, 好淡通殺, 只要明日飛天遁地, 今日高低位26763~27037兩邊都爆就可擴大周波幅

過去幾個月恒指周波幅通常有800~1300點, 今日波幅只得274點, 遠遠未達標, 如果向上27400~27600攔路, 向下800點周波幅就要見26600~26800

由於本周恒指波幅遠遠未達標, 即係往後一係上破今日高位27037, 一係插穿今日低位26763, 一係兩邊都爆, 不過想上27000就要上証收復2700或者止跌回升才能成事, 否則就要落山來擴大周波幅, 但短線不會跌穿26500, 因為牛太瘦了, 以往起碼要有4000張牛熊大鱷才會心動

~~~~~~~~~~~~~~~~~~~~~~~~~~~~~~

《王者榮耀》連入公安平台進行實名監控, 騰訊下挫失$320, 但QQ繼續回購撐股價, 內銀弱雞及QQ拖低大市,

上証跌至4年低位, 收2651, 跌29點, 連跌兩天, 成交為四年來最少, 踏入9月的11個交易日僅升3天, 上証再次跌近2638熔斷底, 拖累港股, 又到了阿爺出手護盤的水平

港股上周五沖上10天線, 今日大跌係利淡訊號, vhsi恒指恐慌指數雖然大幅上升, 但卻是接近全日低位收, vhsi升幅大為收窄，冇早市咁驚，可能喺觀望明日上証表現, 通常阿爺觸底反彈, 港股就會跟住彈, 今日港股成交急降, 係大龍鳳先兆, 明日有好戲上演

今日大鱷玩秒殺, 插穿26800屠牛趙完鬆, 彈上26932收, 往後當插穿26700, 就要睇下是否又係秒殺肥牛即彈, 只要收26800附近, 就代表大鱷仍想再上27000, 大鱷最陰毒係大跌前先屠熊/震熊, 彈高前就殺牛/震牛, 冇益人

上周五港股彈上去吻別10天線(仍未吻別20天線), 今日失守10天線, 回氣, 消化沽壓, 按照慣性走勢, 如果未見反彈浪頂，通常落山食一或兩口牛牛, 等10及20天線下移, 又會再上沖, 正好配合部署月尾高位轉倉/結算

正一百佳, 狂人侵侵吋爆鏡: 關稅措施使美國在談判上佔上風, 侵侵宣布向額外2,000億美元中國貨品開徵10%關稅(年底前稅率會升至25%), 更警告中國若採取報復，將對額外2,670億美元中國貨品開徵關稅, 新關稅將於下周一(24/9)生效, 今次大禍臨頭, 要等阿爺打救

宣佈加關稅雖然喺利淡消息，但稅率只喺10%利好，亦可以話消息明朗化，當好消息炒，任得大鱷點玩，關鍵在上証有何反應，只要上證反應正面港股例牌跟升

美國10年債息重上3%, 升至近四個月高位, 怪不得息口敏感股反艇

港股低開高走, 單日轉向呈陽燭, 先下殺屠牛後上攻屠熊, 好淡通殺, 重上27000/10500

18/9 周二恒指收報27084, 升151點(最多上升224點, 一度下跌284點), 重上10天線

國指收報10557, 升94點(最多上升133點, 一度下跌98點), 重上10天線, 國指大幅跑贏恒指

上証企2700=恒指企27000

跌近熔斷底阿爺再度救市.上証止跌回升.港股同步見底.升勢有望延續.肥熊命危