又談判
美國對2000億美元的中國貨品加徵25%關稅的公眾諮詢期結束，正當市場預期美國最快可能在本週落實第二輪關稅之際，杜瓊斯公司昨日報道，美國正在預備與中國進行新一輪的貿易會談，搞到美股即時彈一彈，杜指上午一度升175點，但後來逐步回落，收市微升28點；標普500指數靠穩，而納指跌0.2%。港股在美國的ADR 亦升255點。
上週，中美貿易關係進一步惡化，中方表示將尋求世界貿易組織的批准，對美國採取制裁措施，而上週五，美國總統特朗普在空軍一號上對傳媒說，不排除把對中國的關稅制裁再加碼2670億美元，即對所有中國輸美貨品開徵關稅。消息對美股的影響依然不大，但已經弱得交關的中港股市，尤其係港股，就再下一城，苦不堪言。
特朗普上週五在北達科他州的聯合籌款委員會的招待會上，繼續使出那種「你是我的老友，不過我要整死你」的套路，他說他是習近平的「fans」，但不能讓中國每年從美國拿走5000億美元，然後重建自己。要留意啦，特朗普要對中國開打貿易戰，除了討好美國選民呃選票之外，名義上是減少美國對華的貿易差額，實際上是不能讓中國「重建」。換句話說，一日中國不放棄「進步」，美國不會罷手，中國會讓步嗎？中美貿易戰將是一場長久的戰爭。
但美國對2000億美元中國貨的制裁遲遲未出多，突然又爆出美國正在籌備新一輪的中美貿易談判，但有過去談判不成的前車之鑑，看美股彈一彈便打回原形，已反映了投資者不太期望談判會有什麼效果。正如保誠金融的首席市場策略師Quincy Krosby所講的，市場需要見到一些可以減低貿易風險的跟進行動，才會有些睇頭。中美可能有偈傾，在中國有比較多生意的美企如波音飛機和Caterpillar即時有進賬，分別彈升2.4%和1.6%。係表現最好的兩隻杜指成份股。
同樣有很大的中國市場的蘋果公司卻表現麻麻，跌1.2%，係拖累納指的主力。蘋果發布新品，一如市場預期發表 3 款 iPhone 手機及 Apple Watch Series 4，因並沒有太多驚喜，蘋果股價下跌，可能會進一步衝擊香港的蘋概股。
陸羽仁
2018-09-13
Dow Jones Industrial Average (^DJI)
26,145.99 +147.07 (+0.57%)
會唔會係有人人有三急，拎個痰罐出來用？跟住要睇下點處理啲排泄物，會唔會hits the fan...
油股打亂章有胡食
2018年09月14日
美國一聲話重開貿易談判，港股喺連跌六日後，出現報復式反彈，大市全日急升669點。前一日美國總統特朗普仲係態度強硬，又傳話會制裁中國官員，突然間轉態，認真係估佢唔到，特朗普如果炒股，肯定佢會成為專殺散戶的大贏家。
喺大升市之中，石油股表現尤其突出，油價升破80美元關，中國海洋石油(883)
爆上一年高位，尾市再升高，結果全日收市報14.72元，再升4%，中石油(857) 
昨日除息，收升5%，報5.94元，跑贏一眾藍籌；中石化(386) 
升2%，報7.68元。石油板塊係陸羽仁今年少數看好的板塊，中午飲茶時有茶友問，油股係咪可以揸，又話點解呢次油股炒上，石油設備股明顯落後呢？
油服股炒落後
對於油市前景，陸羽仁算係溫和樂觀派。O依家全球睇油有兩個相反方向，一個係悲觀派，主要係全球視使用化石燃料如畏途，各國定出使用電動車時間表，所以連沙特阿拉伯，都想將國有石油公司上市。
樂觀派就覺得新能源要取代石化能源，仲有一條相當長嘅路要走，石油需求唔會咁快大跌，中短期而言，美國11月開始制裁伊朗，沙特又想推動油組減產為沙特阿美公司上市鋪路，令油價有支持。
市場對油價睇法分歧，當中都包含特朗普因素，佢一方面係舊經濟人，對新能源唔支持，做法同上任總統奧巴馬相反，所以佢一上任，新能源股就無運行。
同一時間，特朗普又覺得高油價不利選民支持佢，打開口牌唱低油價；加上特朗普發動貿易戰，影響經濟和石油需求，呢啲矛盾言行猶如打亂章，令參與牌局的油公司同投資者眼花繚亂。不過，如果撥開這些表象，油價喺現水平應該有相當好的支持，若然唔係有特朗普因素，甚至可能仲會高番10元8塊美元。
講到石油設備股追唔上油股，一來係油市被不同因素纏繞，睇得唔係咁清，特別係貿易戰困擾，連油公司對加大鑽油投資，都可能受全球經濟不明朗影響。
就市場因素來說，石油設備服務股唔係大板塊，相關公司規模同耐震能力都不及石油股。
喺大市風險胃納下降，資金流入大股的大氣候下，石油設備股自然炒味欠奉，之前好多隻都跌近一年低位。
但睇番飲完茶下午開市，內地上證指數終止三連跌，收市升超過1%，創半個月來最大單日升幅。天然氣、油氣板塊爆上，帶動股指再度轉強，香港的石油服務股升幅都開始擴大，巨濤(3303)
升13%，報1.07元；華油能源(1251) 
報0.58元，升11.5%；中石化油服(1033) 
升4%，收1元，甚有跟炒落後味道。
貿戰難測買要等沽未急
美國邀請中國進行新一輪貿易談判，港股連跌六日後反彈。恒指升幅略為收窄；下午升幅擴大，恒指收報27014點，飆669點。
中美貿易談判重新啟動，是否傾得成難以預料，但就拖住2000億美元制裁暫不執行。
今次係美國主動作出邀請兼爆料，理論上氣氛應該好啲，只不過美國中期選舉要等到11月，距離O依家仲有一段時間，如果指數彈番千零點，咁O依家可能已經行咗一半。如果無買貨可能就要等下個機會，低位撈咗貨者，就未需要咁心急食胡住。
陸羽仁
痰罐功能廣泛，唔單可以用嚟裝水、測試吐功準繩度、用作攻擊性武器，更加係人有三急嘅隨身之寶！
而家班友隨時有理無理無理，隨手拿起痰罐動武，啲池中物四處橫飛，類似鬼佬俚語形容『when the sh*t hits the fan』情況…
厠長工作量將大幅增加… 將軍，可以考慮一吓增加聘請，跟住可以攪埋上市…
(仮)獸人bro.，係老友先至會睇吓邊個吐痰吐得遠、吐得準；但係講數講咁耐，即係相方應該已經係兜口兜面吐緊痰。至於個痰罐，傾得掂嗰陣時就係用嚟載水洗口洗面，但係再傾唔掂數時候就會成為攻擊性武器…
追揸前食左個豐富晚餐，3張大期 揸@26779 沽@27255 +476點 +21.6% +$71,400
Mo Lun Yung...
DLLM...
SIGH...
兩大國領袖都唔輸得，係咪即係好似萬有引力理論咁，呢篤痰(估屎)好難飛得高，點都會比兩大領袖引翻落嚟，睇下大家係用囗定係用痰罐去接……又痰罐
SIGH...
彈上三萬買唉瘋 ...
特朗普係唔可以落面，因為佢係自戀狂，更加唔可以令佢啲『憤怒白男人』（angry white male）擁躉失望，加上中期選舉，無論係實質定抑或係表面，同中國貿易談判一定要贏。
習近平係唔可以落面，因為佢係強勢領導，更加唔可以令啲而家仲係覺得緊自己係屈辱於西方列強嘅中國人失望，雖然無選舉前題，但無論係實質定抑或係表面，同美國貿易談判一定要贏。
本來貿易談判係可以達至雙贏，但係套在而家呢個政治層面，被定格為一個零和遊戲（甚至係負和）；談判本身已經演變成鬥無膽雞跳崖/誰先眨眼，傾都傾咗咁多輪，可以講掂數機會甚微。
呢個觀點同個零兩個月之前嘅袋鼠留言一樣
TC主席大人要大市升就升, 跌就跌. 可惜好倉止損, 睇得唔吃得, 苦呀......
將軍，說好的26,2xx反彈做到了～
kaka:富察皇后來了, 大市即刻反彈.......
又痰罐
現時股票如痰…受制於地深吸力，即使你向上吐，但痰，始終都會往下…趁市況淡，用痰罐低吸跌下來的痰，短暫未必可帶來驚喜，長遠可能會進－步推高痰罐價格，況且國家宴會總少不了痰罐，有國策扶持，大家可留意相關行業股票…
SIGH...
將軍，受教了。
富察皇后黎左香港 
kaka: 投機者最痛---->止損完就彈. 不過. 265這個底部仍然發揮作用呢......
將軍、可以追入市嗎？
5舊
夾L死人咩
SIGH...
又會咁啱跌到落計算目標就彈😁😁😁