陸羽仁
陸羽仁
陸羽仁

潑冷水

2018/09/14 07:48:13 網誌分類: 經濟
14 Sep

中美重開貿易談判,刺激歐美股市反彈,德國股市造好,微升0.2%,美股跟隨外圍高開,加上蘋果顯著反彈,杜指朝早一度升近200點,午後升幅收窄,收市仍升147點,重上26000點關口,收26145點,升幅0.6%;標普500指數升,納指升0.8%

蘋果公司除了推出平價版iPhone X,並宣布年底推出的新一代的Apple 手表加入可以提示心律不正常狀況的EKG 感應器,又宣布聘請了醫學專家帶領蘋果手表有關人體健康方面的研究。蘋果股價昨日顯著反彈,升2.4%,係表現最好的杜指成份股,亦帶標普500指數科技板塊升1.2%,領漲大市。

另外,美加貿易談判昨日出現突破,加拿大終於向美國跪低,據報已準備就奶類產品問題,向美方適度讓步,降低美國奶類產品准入加拿大的門檻,有望為美加以及墨西哥三國敲定新版北美自由貿易協議(NAFTA)鋪路。

美國在對加貿易戰上有望贏得一仗,亦縮短了戰線,投資者對全球性貿易戰的恐懼緩減,對股市有利。不過,在中美貿易戰方面,日前美方要求中方重啟貿易談判,令中港股市大反彈,但特朗普昨日就向還未開波的新一輪中美談判撥冷水,他說「華爾街日報搞錯了,美國沒有要與中國達成協議的壓力,是中國在壓力之下要與美國達成協議。我們的市場正在上升,而她們的(股市)卻正在崩潰,我們將在關稅及在美國生產中拿回以億元計的美元,要會面就會面吧。」

特朗普總在與對方談判時撥冷水,擺出一副愛理不理、不想談判的樣子。這是他的談判技巧。面對北韓如是,加拿大如是,大家已經見怪不怪了。

不過,也不要以為特朗普只是出口術這麼簡單,最近出版、由「水門事件」爆料人伍德沃德的新書《恐懼:白宮裡的特朗普》,內容大爆特朗普在白宮言行是如何的低能和白癡,又說他對經濟一無所知,其中一節是大爆前美國經濟顧問科恩,偷了特朗普《北美自由貿易協定》和《美韓自貿協定》的通知書草稿,「發現」美國「早有」退出的打算。分析指出,就是這本書,令到加拿大馬上向美國讓步,中了特朗普的圈套。其實,只要想一想,一個經過幾次破產而不倒,最終還成為美國總統的古惑商人,怎可能會是一個低能和白痴嗎?這本書代表了美國精英升特朗普的心態,將他的低能一面誇大,而沒有表露他精於利用恫嚇術談判的一面。

無論如何,不能期望中美貿易談判一帆風順,股市還是炒上炒落居多。

陸羽仁

回應 (32)
我要發表
animal666
animal666 2018/09/17 06:43:07 回覆

弱雞市炒上落
2018年09月17日

  颱風山竹襲港,打到10號風球,個風在星期日吹正香港,吹得好勁,好多高樓搖到人頭暈,最緊要係平安。

  香港股市亦受貿易談判颶風吹襲,美國方面傳出來的信息矛盾和混亂,令到投資者無所適從。

  上周初美國主動要求與中方重啟部長級貿易談判,令到股市大幅反彈。到了上周三,美國總統特朗普對尚未召開的貿易談判大潑冷水,他在Twitter上說,「華爾街日報搞錯了,美國沒有要與中國達成協議的壓力,是中國在壓力之下要與美國達成協議。我們的市場正在上升,她們的卻正在崩潰,我們將在關稅及在美國生產中拿回以億元計的美元,要會面就會面吧。」特朗普這番話當時被理解成慣用的談判伎倆,在談判前向中國施壓。

  到上周五,美股初段仍然向好,但下午彭博社引述兩名熟悉美中貿易談判人士說,特朗普會繼續向中國2000億美元的輸美貨品加徵關稅,雖然實施時間未明,有可能會延後,但現時正在擬定徵稅產品清單。知情人士說,特朗普這次主要針對對於社會影響不大的商品徵稅,以避免美國消費者的反對。

  2000億制裁快上馬

  目前情況似乎是,美國財長努欽試圖重啟與北京的貿易談判,解決貿易戰問題,但總統特朗普大潑冷水,所以才會出現如此矛盾的信息:既要重開貿易談判,但又不打算讓步,繼續推進對2000億美元的中國貨品加徵關稅。特朗普打算繼續加徵關稅的消息一出,上周五下午美股由升轉跌,杜指最多跌過77點,收市雖然回升8點,但已打斷了當日原本比較良好的交易氣氛。在美國上市的港股ADR港比指數較香港收市跌184點,顯示市場對貿易戰的憂慮。

  美國券商Strategas的策略部主管Dan Clifton認為,特朗普嘗試在貿易上與加拿大及歐盟達成協議,但同時孤立中國。雖然中美雙方會重啟貿易談判,由於貿易戰造成的痛苦,仍未足以令雙方同意達成結構性的改革。所以,直至美國中期選舉結束之前,他不相信中美真正的商討可以開始。他估計美國對2000億中國貨品的制裁可能會在本月底開始實施。

  港股還處於一個反覆下跌的趨勢中,在眾多的好壞貿易消息攙雜,跌得多的時候,遇到有關貿易戰的好消息,可能會大幅反彈過千點;遇到壞消息,又會繼續向下尋底,現時仍未能確定已尋到真正的底部。

  到起步位 跌勢轉急

  有朋友問,股已經跌了不少,例如騰訊(700) 股價及相關新聞 ,高位476.6元,現價330元,已較高位回調了30.8%,如果回調20%是熊市的定義,騰訊已明顯踏入了熊市。騰訊就算跌了這麼多,市盈率還有36.2倍,仍不算便宜。科技股就是這樣,在好市時被搶購,會升突;在壞市時被力沽,也會跌突。由於騰訊是一隻巨股,所以回落時會比較緩慢。而很多熱炒的科技股或者生化股和藥物股等等,近期都出現崩跌,這不一定是公司本身有問題,更多是反映了投資者比較脆弱的心態。

  以中國生物製藥(1177) 股價及相關新聞 為例,最近就出現崩跌。猶記得今年3月,我與一位做投資銀行的中環茶友吃飯,當時大市已開始從高位回吐,但很多人都看好中國藥業前景,我問有甚麼藥股的基本因素比較好,他提到中國生物製藥,說生意做得不錯,整體前景不俗。當時這股份已經由高位回落至9元左右,他說雖然P/E略貴,但仍可以入貨。其後中國生物製藥節節向上,5月底時最高升上13.9元高位。之後大市受到中美貿易戰影響回落,中國生物製藥亦跟着大市回吐。在8月初還處10元以上水平,但到8月底開始急插,上周五收7.43元。中國生物製藥的一年低位大約是5元,是最近一個大升浪的起步點。你問我隻股會否再跌?我真的不知道。跌得多,或許會反彈一下,但貿戰持續,為甚麼不可以跌回去5元的水平,甚至更低呢?這不是預測,而是在說風險。股份跌得多會反彈,但風險正在累積當中。

  散戶在跌市時會把股票放在一邊無眼睇,機構投資者不會這樣做,因為任由持貨跌價,到年底埋數的時候,投資的股票蒙受大幅損失,隨時有被踢出局的可能。當大市跌到某一地步的時候,基金經理就會變得比較保守。像中國生物製藥這些股份,如果基金經理在年初以8元、9元買入,股份創出高位後回落,到8月,股價跌近他們的買入價的水平,他們都會大手沽貨,以封蝕本門,所以就在近期跌勢轉急了。這都是弱雞市的典型狀況。

  房託公用 跌市寵兒

  那麼,沽出這些過去的熱炒股套回的資金,又用來做甚麼呢?多數會泊入在跌市時比較穩陣的股份,例如公用股,或者巨型的房託股。你看中電(002) 股價及相關新聞 ,上周五創出97元高位,雖然最後轉向回落1.8%,仍收95.2元。又或者領展(823) 股價及相關新聞 ,上周五收76.9元,跌0.3%,離與高位78.65元,只有一步之遙。雖然領展走勢不如中電咁靚,領展多次上試高位然後橫行,始終在高位附近徘徊,升唔穿,又跌唔落。原因無他,在這種市況,基金經理不能持有太多現金,沽了風險較高的股票,就買入收息股責倉,這兩隻股派3厘息,在跌市中很受歡迎。

  短期上落 千點波幅

  之前的熱炒股,包括科技股和藥股崩跌的現狀,主要不關乎公司業績,業績差的,固然會被「狂隊」,即使業績較好的,也會無厘頭下跌,主要還是關乎投資者的心態比較弱。要扭轉這個心態,最主要的還是中美貿易戰要出現真正的轉機,但照目前情況看,即使談判到來,氣氛好一些,也只會令到大市反彈,不會出現全面向好的狀況。

  因此,在大市反彈1000點至1500點、氣氛比較好的時候,適量減磅,待大市再跌的時候,在低位撈回,走走上落,是未來中短期的基本買股策略。如果手上錢多貨少,想買股長揸,亦要忍得,等跌深啲才好出手,否則好易一買即輸,例如中國生物製藥現價7.43元,如果跌到5元左右,PE回到21倍,以一隻優質藥業股而言,屬比較合理的價錢,可以酌情吸納長揸。

  有朋友問我,恒指已落咁多跌夠未?恒指年頭高位33484點,之前跌到低位26219點,跌了7265點,從高位回落21.6%,偏離正常一年大約5000、6000點的波幅,本來早應跌夠。這個跌市源於極不尋常的中美貿易戰,關鍵因素又取決於特朗普一個人,可測性好低,無人敢話26219點已見左底,彈完再插一啲唔奇。到特朗普一聲話停戰,馬上彈上去亦唔奇。

  跌左咁多,長揸倉你叫我沽我就唔會沽,但要買只能逐步來,炒吓上落方為上算。

  陸羽仁

 animal666
animal666 2018/09/16 23:29:40 回覆

明日有山竹肥牛食了 {#iconb_212}

SIGH...

大笨袋鼠
大笨袋鼠 2018/09/16 23:08:57 回覆

潑冷 Fake Water

大戶終結者 ( 等人齊 )
大戶終結者 ( 等人齊 ) 2018/09/16 22:54:37 回覆

氣候潑海水  {#iconb_284}

大笨袋鼠
大笨袋鼠 2018/09/16 21:16:13 回覆

『係海水、係鹹嘅』

如果方東昇呢一刻退休,張家灝絕對可以勝任 {#iconb_276}

TVB主播張家灝重現潘蔚林時刻 爭啲被沖走繼續報道

PS 香港人… 起碼杏花邨啲香港人,好明顯係唔識啲沙包用嚟做乜
 animal666
animal666 2018/09/16 17:47:08 回覆
@ animal666...

DLLMCFH is for sure...

SIGH...

大戶終結者 ( 等人齊 )
大戶終結者 ( 等人齊 ) 2018/09/16 16:49:02 回覆

肥牛做山竹牛肉  {#iconb_262}

FAKE SIGH...

 animal666
animal666 2018/09/16 14:59:52 回覆

今日山竹發威,明日正常開市,大家又有山竹和牛肉食 {#iconb_219}

SIGH...

大戶終結者 ( 等人齊 )
大戶終結者 ( 等人齊 ) 2018/09/16 09:42:26 回覆

十號

animal666
animal666 2018/09/16 08:04:58 回覆

大家聽過狼來了的故事嗎???
SIGH...

大笨袋鼠
大笨袋鼠 2018/09/15 21:03:12 回覆

終結者,you are in good form {#icons_dog10}

FAKE WEATHER

大笨袋鼠
大笨袋鼠 2018/09/15 21:06:48 回覆

Brooking Institute 整個GFC十周年口水會,都幾多新料聽

當然,中國當時主要持有國庫債卷,唔似而家啲國企買咁多『扭攪嘢』,越災難越升值,但嗰個都係一個重要情報。

不過十年之後嘅今日,兩邊都已經換咗領導層

…While neither Paulson, Geithner nor Bernanke are willing to go there, the elephant in the Brookings conference room this week was whether any of those things are possible now under President Donald Trump.

The relationship between Beijing and Washington is under enormous stress and conflict; Congress is deeply divided; and the current President's "America first" approach raises serious doubts about whether international cooperation on the scale witnessed a decade ago would happen today.

"The Chinese were quite responsible during the financial crisis," says Paulson. He recalled a meeting in Beijing in the months leading up to Lehman's collapse, before it was at all clear how deeply corrosive the subprime mortgage rot had affected the financial system. The Treasury and Fed still didn't know how bad it was "under the hood".

Paulson says a "very senior" Chinese official took him aside and told him the Russians were urging them to jointly begin selling US financial assets – in effect, join in with predatory short-sellers to bring down the entire American financial system at its most vulnerable moment in 75 years.

"You talk about scary moments; that was another one." Paulson says. Making matters worse, he couldn't pick up the phone and relay the message to Washington because he feared it was bugged.

"My phone call [back] would be all positive things … and I couldn't talk about the things from the Russians. When I got back, wow, that really gave me an incentive to get moving."

kathleen
kathleen 2018/09/15 08:34:08 回覆

袋鼠you have a good weekend, too! {#iconb_524}

kathleen
kathleen 2018/09/15 08:30:37 回覆

2018-09-14

Dow Jones Industrial Average (^DJI) 

26,154.67 +8.68 (+0.03%)

前收市價 26,145.99
開市 26,169.56
成交量 228,639,745
今日波幅 26,068.29 - 26,211.11
52 週波幅 22,214.52 - 26,616.71
平均成交量 277,786,562
大戶終結者 ( 等人齊 )
大戶終結者 ( 等人齊 ) 2018/09/15 01:31:22 回覆
@大笨袋鼠...

FAKE NEWS! {#iconb_251}

大戶終結者 ( 等人齊 )
大戶終結者 ( 等人齊 ) 2018/09/15 01:28:41 回覆

騰訊低撈等食糊

2018年09月14日 (09:35 上午)

陸羽仁

大笨袋鼠
大笨袋鼠 2018/09/14 22:27:17 回覆

This takes the White House off the front pages of newspaper for this week

Florence 2018-09-13 1550Z.jpg
but any screw up in relief effort in aftermath may put the White House back on front pages (see Puerto Rico 3000+)
大笨袋鼠
大笨袋鼠 2018/09/14 21:45:08 回覆

Kathleen,have a good weekend! {#iconb_524}

大笨袋鼠
大笨袋鼠 2018/09/15 21:12:35 回覆

陸sir,真係要同你寫個服字,人哋出書串爆特朗普*,都可以講成為談判技巧?即係話加拿大就中伏,暗指中國就睇穿呢啲技倆,咁都俾你睇得出?

*仲有唔好忘記上星期紐約時報,配合出書時間,刊登一篇無署名嘅內幕文章,原意係去增加強白宮嘅殺傷力,但以陸sir講法,莫非都只係美國貿易談判一部份?

假如美國白宮真係攪咁多風雨嚟設個咁嘅圈套,要知道成個策略嘅變數同可以出錯嘅地方太多(murphy's law),係政治白痴嘅先至會咁做囉(但係都要解釋埋點解會有政治老手、資深傳媒工作者,痴埋一份陪佢咁玩)!

老實講,係咪真係成段文章中,全部都只有純屬你陸sir個人意見?一個對政治有長期觀察同正路分析嘅傳媒工作者,唔似係會寫出啲咁樣嘅嘢。袋鼠以前都出賣唔少陰謀論,有講笑為主,但都有啲對合情理嘅要求啊… 假如你話開玩笑,咁袋鼠就笑一聲啦: 呵。

袋鼠而家都仲記得兩年前你一篇點評,睇到有兩句絕對係後加,同成篇文話氣格格不入(而且嗰兩句事實上係錯),睇落去唔似係出自你手筆。

無論如何,留意吓特朗普兩個常見嘅身體語言啦… 一個係坐低响度緊緊撓埋雙手,一副好唔自然、好唔聚財嘅表現,通常係開會前嘅記者對話;另一個係經常响群眾演講,聲高氣揚,但字詞重覆,用隻OK手勢逐個字去篤。你估呢啲係反映緊佢講嘅嘢係有乜真正意思?

呢個世界大把suckers,細傻揾大傻都可以揾好多笨賊啊 {#icons_boy2}(有好多更有料嘅人一樣識得做揾笨賊嘢,但係唔會做出手…做得出手嘅已經去咗華爾街)香港都見過唔少越破產越有錢嘅人,照陸sir呢個特朗普談判理論,或者香港一眾傳媒應該支持佢哋去選特首、加入政府管治團隊,Make Hong Kong Great Again!

PS. 似乎加拿大睇咗本書先至知道條友,係真係可以不顧後果簽名去毀約,先至落搭,白宮班友唔偷走份通知書,等如宣戰,唔會而家相對咁易傾架嘞。而家埋欄係同出書日期機緣巧合而已,咁講會合理啲。

animal666
animal666 2018/09/14 21:10:22 回覆

中原城市領先指數 CCL


日期 Date 中原城市領先指數 CCL
(所有成份屋苑)
2018/09/03 - 2018/09/09 187.03
2018/08/27 - 2018/09/02 188.44

2018...

SIGH...

 animal666
animal666 2018/09/14 20:27:32 回覆

侵侵成日笠阿維尼高帽,睇真啲,原來係痰罐… {#iconb_36}

SIGH...

大戶終結者 ( 等人齊 )
大戶終結者 ( 等人齊 ) 2018/09/14 15:04:07 回覆

之前幾次蛋完就散  {#icons_dog3}

 animal666
animal666 2018/09/14 10:51:24 回覆

呢篤痰頂多支持到4至5日, 就會比冷水沖走…

SIGH...

kaka422617
kaka422617 2018/09/14 10:24:36 回覆
@子龍 (kaka就是大叔的契哥)...

將軍,受教了,痕者常痕,靜者常靜。 {#icons_dog1}

 animal666
animal666 2018/09/14 10:23:19 回覆

{#iconb_36}

子龍 (kaka就是大叔的契哥)
子龍 (kaka就是大叔的契哥) 2018/09/14 10:17:23 回覆

kaka: 根據鐘擺理論, 大市從一極端走向另一極端, 其間受消息不斷反射. 但仍然會沿著最少阻力線前行呢. 而根據牛頓定律, 痕者愈痕. 反彈必須受到阻力才會停止呢. 問題是這個阻力出現未呢??? {#iconb_62}

kaka422617
kaka422617 2018/09/14 10:12:03 回覆

將軍,今次反彈浪彈完未? {#icons_dog1}

kaka422617
kaka422617 2018/09/14 10:06:45 回覆

各位早

幪面馬仔
幪面馬仔 2018/09/14 09:52:06 回覆

{#iconb_210}

大戶終結者 ( 等人齊 )
大戶終結者 ( 等人齊 ) 2018/09/14 09:48:30 回覆

{#iconb_62}

kathleen
kathleen 2018/09/14 09:35:56 回覆

{#iconb_25}

子龍 (kaka就是大叔的契哥)
子龍 (kaka就是大叔的契哥) 2018/09/14 09:30:05 回覆

{#icono0_2}

user

最新回應

animal666
animal666 2019/04/19

RE

//

大戶終結者 ( 等人齊 )

大戶終結者 ( 等人齊 ) 2019/04/19 13:26:47 回覆

失望股只能炒波幅

2019年04月19日 (12:35 下午)

陸羽仁
//
How about 3800...
SIGH...
大戶終結者 ( 等人齊 )

失望股只能炒波幅

2019年04月19日 (12:35 下午)

陸羽仁
animal666
animal666 2019/04/19

RE

//

唔買貴嘢

2017/07/25 09:28:51 網誌分類: 經濟

25Jul

          外圍股市變化不大,杜指跌66點,趁住市靜少少,我又無咁忙,答一答問題。

      近日經常有人貼我在2012年的舊文,質疑我在當年話樓貴,他們問我兩個問題,1. 點解「股平樓貴難永續」(當日文章的題)?  2. 2012年樓市是高還是低?

        簡答如下: 1. 仍然覺得股平樓貴難永續。2. 2012年樓市是高。我當日講樓升地產股唔升,兩者不會出現這麼大的差價,差價終將拉近。邏輯上之後會出現三種可能,第一樓價跌向下收窄和不高的地產股價的差距。第二地產股上升追趕樓價。第三樓價大跌樓價股價皆跌。

        如今暫時接近第二種情況,2012年樓價,以中原城市領先指數計,當年年中上升到110,比97年高位還要高。但當日恒生地產分類指數只有25000點左右。到今天中原指數升到159,地產分類指數升到36326點,中原指數升咗44.5%,地產指數升了45.3%,兩者升幅相當接近。

        唔買樓買地產股一樣升。你可以駁我買樓有槓桿,買股唔借錢無槓桿,呢樣確實係。你又可以駁我細價樓升幅比大價樓多,中原指數不完全反映現實。呢樣亦係,不過若你咁唔好彩走去買豪宅,或者新樓貴貴單位,而家比2012年跌了要蝕讓的大有樓在。

        我當日想講兩個觀點,第一是2012年樓價是高(這是第二個問題的答案,今天仍然覺得如此,不是今天更高,當日便不是高,樓價高低從租金收益率可以看到)。第二是有其他替代投資。

        第一點針對「自住的我」,第二點針對「投資的我」。先講第二點「投資的我」,這個世界有很多投資目標,不買本地港島樓去投資其他東西,可以買股票,也可以買其他地方的樓,如大陸樓,這就是所謂替代投資。最笨的如買我經常講的越秀房地產(405),每年派7厘息,2012年中3.6元,如今5元,賺價39%,加埋每年7%息,夾埋5年有70%以上回報,唔係好失禮。

        其餘如2008年、2009年我都幾經常講在大陸買樓,在2008年廣州市區天河樓1000元人仔一呎,即使到2012年也是1200、1300元人仔一呎,如今是5000元一呎,當然亦唔係咁多人買咗,我唔好講咁多,費事俾人媽我。不過對唔住,我自己過去幾年無在香港買樓,不過在大陸在倫敦買了樓,回報也不俗。所以覺得香港呢度樓貴,唔買有乜咁出奇。

        講番第一點針對「自住的我」,雖然我當日主要針對投資者,無叫人自住唔好買,我對自住用家買樓的問題都通常答案是「量力而為」,但如果你當日追問我,我會認為自住其實亦都唔太建議買。原因好簡單,我當日已覺得樓價貴,若財力唔夠夾硬去買,咁就咪制啦。

        我的心只想叫大家「控制風險」,自住樓也是長線投資,咁貴買風險幾高(今天係好高,明天可以係極高)。我見過1997年、2003年樓價大跌,好多人買了樓輸身家的慘況,有人被銀行斬倉,有人收入高頂得順,也供了20年貴樓,到今天才剛剛供完,20年收入主要拿了去供樓,特別是下跌之初頭5年,供貴樓搞到自怨自艾,搞到家嘈屋閉。所以我就扮晒巴菲特,叫大家不一定要買貴嘢。我年紀大啲,乜都見過,難免保守。

        講多兩句巴菲特,佢投資的基本點是不買貴嘢。但不冒風險不買貴嘢,貴嘢繼續升,提建議者會俾人鬧。巴菲特係芬佬,佢話試過唔買貴嘢,佢的巴郡表現跑輸大市,俾客戶日日鬧,又要沽佢隻股贖回投資,佢壓力好大,搞到電話都唔敢聽,捱幾年先至捱得過。

       都係唔好扮晒股神,我同巴菲特唔同,佢叻啲,我蠢啲。但佢搞基金怕客戶沽貨,我只係在免費網站吹吓水,無咁大壓力。我呢啲投資建議,你覺得啱睇可以睇,覺得唔啱睇可以咪睇,兩不相欠,相當自由

//

2012年樓市是高還是低?

2028...

SIGH...

animal666
animal666 2019/04/19

股平樓貴難永續(大結局)

2028年xx月xx日 (xx:xx AM)

 

陸羽仁

 

 

 

 

 

 

 

 

 

金融High Tea——
股平樓貴難永續(下集)
2012-07-16
      
上周五是「黑色星期五」,但股市並不黑色,內地公佈第二季經濟增長只有7.6%,市場相當冷靜,內地上證綜指微微升鰦一點都唔夠,等如無上落,收2185點。港股亦撐住19000點大關,收19092點,升67點。

        不過呢個黑色星期五去到美國仲精采,早前摩根大通深受「倫敦鯨」交易員投資失利影響,但上周五佢公佈上季業績較市場預期佳,股價勁升6%,帶動整片美國金融股抽上,再加上歐美投資者認為中國7.6%經濟增長,不是硬覑陸,杜指爆升203點,大升1.6%,終止連跌六日的頹勢,港股應有反彈,特別係跌得好殘的內銀股,應有像樣一點的反彈。

        大戶操控詮釋權

        股市就係咁,上上落落,壞消息面世時,又話「好過預期」、「其實唔係咁壞鎹」,股市升彈。股壇老雀極短炒時鍾意炒相反,認為如何詮釋市場資訊的權利在大戶手上,佢地鍾意同散戶做對手,所以要極短期炒作,只能在市場評價好差時買,在評價好好時賣。

        上星期寫了篇文「股平樓貴難永續」,講起網友「硬道理」在09年中因錯判市況,將05年入市的自住樓賣掉,然後將所有資金分段投放在A50(2823) 及工行(1398) 上,如今樓價升了,投資的股票跌了兩成多。文章見報後,迴響不少,有不少甚為專業的老友都有評價,可以寫寫他們的寶貴意見畀大家參考。

        第一,順大潮流炒作。有一個擅作價值投資的老手,睇完「硬道理」棄樓買股的手法,有此感歎,「買股票要年年有表現,其實近乎炒作,不是投資,炒作要順勢,唔講你個網友『硬道理』把自住樓賣掉,要冒上替代使用成本高升的風險(租金上升),單就炒作而言,佢鱓做法都是逆勢施為。」

        投資老手話,股神巴菲特咁成功,除鰦佢善睇公司價值,低價入市之外,佢都有「順勢投資」的味道,才不止長線有表現,而且中短期都有表現。例如佢在2002年、2003年以2元多的低價大手買入中石油(857)
,除了因為中石油股價低迷外,還睇到2002年911事件後,美國大幅降息,美元將持續走弱,石油等商品價格將長線走強的大趨勢,當時美國石油股唔便宜,就買纒中國石油股,結果食正油價連年大升的潮流,多年後就在10元以上沽出中石油獲利。

        股神都要順勢買

        又例如巴菲特在2011年1月以440億美元收購美國第二大鐵路營運商伯林頓鐵路公司(BNSF)。巴菲特雖然聲稱這次收購是對美國經濟前景的一次豪賭,但如果真係咁睇好美國經濟前景,點解係買鐵路公司而唔係買銀行?巴菲特係睇住美國正發生可能長達10年的非槓桿化過程,靠借貸賺錢的銀行唔係咁掂,投資進入低回報年代,加上油價高企,所以就買入鐵路這種回報較穩定的傳統公用事業,這種行為和李超人去英國買電廠、水廠有異曲同工之妙。當然,巴菲特偶有睇錯大潮流出事的投資,例如油價高睇好電動車,過份放大呢個行業的發展,入股比亞迪(1211)
,結果概念掂生意唔掂,股神勝在以8元入股比亞迪作價夠平,所以佢未死只是跟風者死晒。

        投資老手話「硬道理」在09年買入工行和A50基金長獱,事後睇係逆勢投資,因為阿爺在08年驚得滯大力投放4萬億救市,令股市和樓市當年升得太勁,再加上基建泡沫,觸發巨大通脹,2010年開始要收水救亡,這種收水潮,對投資內銀的氣氛不利,「硬道理」投資失利,係睇唔飱呢個收水大勢。反而好多人中短線炒纒內銀,跌得多買鱓,升一兩成走人,仲搵到食。

        第二,買樓有利長獱。我有另一個老友是極資深投資銀行前輩,佢20年前係巨型銀行的投資銀行部獱fit人,一直鍾情股票長線投資,唔喜歡買樓,當然佢亦有兩三間樓畀自己和屋企人自用,但他和香港人大多數發達方式不同,主要投資放在股票之上,而且係20、30年咁長獱。

        這位投行前輩舉鰦個例,佢話當年佢在包銷上市的公司中,揀鱓好鱓公司,用好少錢例如一、兩萬去買它們的股票(呢鱓錢在他而言只是零錢),買鰦十家八家公司股票,夾埋只是用鰦十幾萬,到而家無計歷年收的利息都值400幾萬,當中仲扣埋有一家公司執鰦笠股票變廢紙。佢話我可能唔覺得400幾萬係乜№錢,但佢只想試纒證明,長獱優質股票,獱得夠長有好回報。

        散戶買股難長獱

        當然,佢當年係投行大佬,睇住呢鱓公司上市,知道晒佢地盤數真假,佢長獱的股票有質素。佢承認呢個係事實,普通股民唔識揀,好多時會揀鰦鱓垃圾股,佢以內銀為例,雖然好多人怕內銀有壞帳黑洞,佢就唔係咁驚。呢個前投行大佬係中國好友,話中國第二季經濟仲有7.6%增長,仲話已經見鰦底,咁有乜№大問題,你睇纒歐美日的經濟有幾多增長?點解覺得美國好似安全過中國?美國最好的年代也只月3點幾巴仙增長,美國今年第1季增長只有1.9%,有幾好?所以拉長十年睇,佢唔覺得股票投資有乜問題,但你要日日問股價,日日去比較,咁就大問題囉,心理好易不平衡。

        前投行大佬話,一般人買樓好過買股,除了因為買樓有槓桿外,還因為買樓焗你長獱,但買股好易出出入入,但完全唔贊成投資者買股「游水」(將長線投資的股份高位沽出低位獱番),因為覺得大部份股民沒有合適的心理質素,所謂高沽,可能升少少沽鰦,結果只有輸錢股會長獱,賺錢股一早就沽走。內銀現價息率4厘、5厘,點解唔可以長獱?佢認為若有心理質素長獱,買樓買股都得,只要選擇低位入市獱佢十年廿年就得啦。

        第三,最怕係樓價追股價。聽完呢兩個朋友的意見,雖然好似一個話內銀唔得,一個話內銀得,其實只是中短線和長線的分別,內銀價殘,卻是大家都同意的事實。

        有一個靚女朋友上周問我,好買唔好買一個西半山樓盤投資,16000元一呎,佢想買一個500呎細單位租畀人,話利息咁平,隨時供平過租,有租金淨收入。我計一計,500呎單位盛惠800萬大元,呢鱓單幢樓實用率好低,500呎樓有300幾呎都偷笑,呎價真係貴得好緊要。但我見靚女貌美如花,好怕叫佢唔買一年後升到20000元一呎佢鈬找我晦氣,只能咁同佢講,樓價咁貴,但利息續低,升3成變20800元一呎當然有可能,但跌4成變9600元一呎也有機會,好似跌的機會大過升少少,就算升鰦上20000元一呎,兩年內賣要畀特別印花稅,利潤無鰦一大截,叫三思才好後行。

        靚女又問睇完我話「股平樓貴」,係唔係股價會大升?我見靚女一面「炒相」,好似唔炒樓想炒股咁,就提佢小心係「樓價追股價喎」,在這種百年不遇的金融海嘯中,投資唔好太冒進啦。

        陸羽仁

 

 

 

 

 

 

 

 

 

 

金融High Tea——股平樓貴難永續

      

2012-07-09

 

       中國減息沒有為上周五的市況帶來太多刺激,主要因為外圍唔好,內地股市上周五早段一度唔升仲要跌,搞到港股早段都要插,尚幸上證綜指當日午後都炒番上去,最後升1%收場,造2223點,港股都算收復失地,恒指只微跌8點。不過美股上周五又因為新增職位不理想,杜指跌124點,港股今日都要捱一捱。

      股市唔好景,炒股的人愈來愈少,傳統智慧話無人買才是投資股市最佳時機,不過在歐美大崩圍兼大放水時代,傳統智慧係唔係咁啱用,都令人存疑。股票買唔買都得,但買樓有實際使用需要,就必須處理,令人有好大煩惱。網友「硬道理」早前在頭條網留言提問,我覺得問題有普遍性,所以不妨引述一吓。

      網友「硬道理」咁講:「自問是紀律良好但不善投機的長線投資者,在09年中因錯判市況,將05年入市的自住樓賣掉,然後定下長遠投資目標,當時看好中國的長遠投資前景,將所有資金分段投放在A50(2823) 及工行(1398) 的股票之上,期間看着樓價不斷上升,雖然十分痛苦及無奈,但依然嚴守紀律,分段吸納,但3年過後,租金已將賣樓的利潤耗盡,自己的投資卻原地踏步,後期更是反覆向下調整,其中持貨較高的A50已比我入貨的平均價下跌28%,工行也下跌了22%,在後期將買貨目標轉至民行(1988) 及中銀香港(2388) 才止血,但倉位已滿,分配大概為A50 50%,工行30%,民行10%,中銀香港10%,由於A50及工行佔去總投資額的80%,令總投資虧損嚴重,本來看錯市受教訓是應該的,唯有處變不驚,靜待市況逆轉……工行、民行及中銀香港的投資,暫時偏向以不變應萬變,除非歐盟真的出現架構溶解的危機才考慮減持,這策略在這時勢還可取嗎?」

      沽樓買股受重創

      「硬道理」又問:「尤幸內子沒有給予太大壓力,亦從未有因為經濟緊逼而爭辯,但總會有片言隻語流露出對自置物業的渴求,但現在似乎在2014年利息回升之前,也看不到有再上車的時機,要說置業的好時機,可能還要再等2016年,因樓市縱然下調,開始時也會比較反覆,大量的剛性需求,會促使樓市在下跌初期不斷有小幅反彈,直至積壓已久的購買力完全釋放後,樓價便會正式受到考驗,陸老師同意這觀點嗎?」

      他又說:「由於對自己的長期投資策略開始抱有懷疑,我在銀行跟我推銷3個月超低息借貸時,借了一些額外資本,總利息成本為0.3%,我以這些額外資本嘗試以5%止蝕及高位回5%止賺的硬道理進行短炒操作,最低目標是保本,幸運地由於市況好轉,暫時的成果比預期更成功,由於要控制風險的關係,所以不打算加大短炒的資金,但的確對自己的投資紀律挽回不少信心。」

      「硬道理」的提問很長,佔了不少篇幅,希望《頭條日報》老總不要以為我在騙稿費,我覺得「硬道理」講了不少等買樓的市民的心聲,所以不妨長篇引述,我以點列回應。

      第一,賣自住樓要小心。我一直在講,如果是投資的樓,覺得樓價好高,賣咗出街,即使樓價再升,也只是賺少了,只要平常心對待即可,但賣自住樓要小心好多,這是一個百年不遇的金融海嘯,各國中央銀行也以百年不遇的手法去應對問題,結果難料。聯儲局主席伯南克的博士論文,就係議論美國1929年的大蕭條,主要觀點是若當時央行大力放鬆銀根,就不會蕭條10年咁長。伯南克如今正試驗他的理論,係唔係咁簡單放啲水就得,無人知,正因為咁,美國的利息政策係點,亦好難估。利息影響樓市,所以樓市的中短期後向無人摸得準,人人都知到加息時香港樓市好可能唔掂,但到底幾時加息呢?

      若伯南克成功救番美國經濟,可能在2014年,甚至更早就加息,樓市壓力就來。萬一相反救極都唔掂,而且再步向衰退,美國有通縮而唔係通脹問題時,只能令利息超乎想像長期低企,咁樓價又唔係咁易碌番落去。賣咗自住樓要長期租樓,好似「硬道理」老婆咁唔嘈已經好好,若一方賣樓,另一方老婆老公唔同意,鬧得一兩年,離婚都有可能,最悲哀係離咗婚樓市先至跌,證明當初賣樓的決定係啱,但一切都太遲,所以賣自住樓,除了睇市之外,還有一個感情因素要考慮。

      第二,做咗不要後悔。好似「硬道理」咁,睇落有清晰思路,有自己邏輯,就不要動搖。他的理論是樓貴股平,所以賣樓買股,而家睇落唔啱,因為樓升股唔升,佢有少少動搖,仲借錢炒股,我建議佢唔好借錢炒股,因為咁樣就開始偏離長線投資的基本策略,好易一錯再錯。堅持買股長線投資,可能5年後發現係啱。

      長揸平貨是正道

      第三,股樓背馳難永續。由於央行的行為「反常」,長期低息,大量放水,谷高通脹,推升實物資產,令房產和商品等供應好難短期增加的實物資產大幅炒起,但供應相對彈性的股市炒唔郁,結果出現內地十年股市原地踏步,樓價升咗10倍的畸型現象,雖然內地早幾年因為股改將原本不能買賣的公司大股東持股投入市場,令股票供應大增,但兩者背馳成咁,都有股票太便宜、樓價太貴之歎,恐怕差距會慢慢修正。貴嘢會跌,睇商品已睇到,反映商品價格的商品研究局指數(CRB CCI Index)去年4月上到691的高位,現已大幅回落至545,技術上跌20%已入熊市,佢已從高位跌21%,熊味不輕,再大幅下滑就確認大趨勢。CRB指數在2002年美元大跌之前,長期只是在200至250中間浮沉,未來若全球經濟再走弱,對商品需求再減,商品價格下行空間極大,其他貴價資產亦然,內地房產價格已回吐,香港樓價又能否長升不跌?當然,我講的是長線走勢,短期一年半載內樓價唔回甚至再升都唔出奇,對無樓者仍然係好大煎熬。

      第四,長揸收息唔失禮。我自己愛做長線投資者,本來好唔鍾意將長揸的股票出出入入,認為散戶點解買樓易搵大錢,買股無乜進帳,皆因持股坐唔定,升少少就走,所以一直建議「投資的我」買股要長揸。有人話而家啲股票係「呢世唔會再見到咁平」,所以你忍得住長揸,或許可以發達。不過好似「硬道理」咁,長揸A50基金和工行,而家仲要輸20、30%,心理上的確好惡頂,本來長揸A50基金有1.7厘息,好過放銀行,揸工行有5.8厘息,簡直吸引,唔睇股價就得,我的建議係揸落去,唔好低價出貨。若真係頂唔順,又估大市可能都係波動上落,可以等大市從低位升3000點時沽部份股票(只沽部份,不要清倉),博佢回吐跌番2000點時揸番,也是降低成本的方法,但要好有紀律去做,唔好太受市場影響,唔係沽咗唔去買番,就變成低位出貨,這種「游水」動作,要有定力才好做。

      最後總結,一般人覺得買樓容易炒股難,主要係揸股票無定力,買樓迫住你長揸而已。長線投資一定要買平貨,才是正道,如今樓貴股平,要長線投資,選擇清楚不過。

      陸羽仁