PACO名人會
PACO名人會
PACO名人會

爆古惑佬Gay味濃 曾志偉讚錢嘉樂報導有Heart

2018/09/17 04:12:28 網誌分類: 生活
17 Sep
         由曾志偉、錢嘉樂、鄭伊健、陳小春、謝天華和林曉鋒主演的新戲《黃金兄弟》將於本周四上映。今次兼任導演的錢嘉樂坦言,多得監製曾志偉拉攏,四位古惑佬先拍得成呢部電影。當大家最想睇做開武術指導的嘉樂怎樣拍打鬥、槍戰和飛車戲時,嘉樂卻花了很多時間在文戲方面,拍得感人至深,連志偉都讚他拍得有Heart,他還大爆五位古惑佬拍攝時Gay味濃,瞓埋一間房不特止,為了維繫兄弟情更希望改寫結局。

        主持:黃柏高 統籌:林永匡

        協力:李佩儀 攝影:袁東亮、謝民光

        場地:泰皇閣(九龍城衙前塱道15號地舖)

         由鄭伊健、陳小春、謝天華、錢嘉樂和林曉峰主演的《古惑仔》系列是港產片經典,6年前嘉樂已想搵埋幾位兄弟一齊拍套戲,但只是齋講沒有實行。15年他們合體舉行《歲月友情》演唱會,沒想到大受歡迎,嘉樂說:「原來觀眾都幾受落我哋。」同年志偉向他提出:「你係時候做番導演。」嘉樂憶述:「佢講咗一大堆偷嘢跟住畀人陷害嘅故事大綱,講到最尾,佢話你哋五位古惑佬拍番,突然間我有晒畫面。」不過嘉樂要拉攏埋其餘四位古惑佬拍戲有難度,結果要志偉出馬約食飯先搞得掂。

        揼本製作

          電影以兄弟決裂為題材,還遠赴匈牙利、日本、台灣及內蒙古等地拍攝,當中最特別是黑山,嘉樂稱:「一路想搵個景拍攝ending,要有孤注一擲嘅感覺,嗰度有個島由古蹟改建成resort,得一條路出入,嗰刻覺得係天註定。」而有場戲他仲特登用兩架改裝賽車在公路拍飛車戲,最初一路都改裝唔到,到改裝好單是運送到內地的封橋費用就要每日一百萬人民幣。志偉再回想有次去布達佩斯拍戲,現場有武師和飛車劇組人員共60多人,他即刻問製片:「咁多人要幾多錢?佢話我講過嘉樂要咩都畀佢。」所以他笑言拍完後要送嘉樂四個字「死得眼閉」,套戲收得與否讓他冇得抵賴。

        兄弟情深

          志偉還大爆拍攝過程感受到五位古惑佬的兄弟情,「套戲講佢哋由細玩到大,大家一齊沖涼,我知道佢哋係好兄弟,拍完套戲先感覺到嗰種恐怖,嗰浸Gay味重到不得了,有自己房唔瞓,係要逼埋一間房一齊瞓。」由於片中講述五位好兄弟其中有一個變壞,故事結局已決定了,但志偉表示他們臨尾還要求情,「可唔可以將佢變番好,我哋覺得可以救得番。」可見他們戲內戲外都感情深厚。問志偉和嘉樂點樣揀變壞嗰個時?志偉笑言:「其實得兩個揀。」嘉樂則補充:「要諗吓邊個可以handle到,其實個角色都有得發揮,到時大家睇吓就知道。」

        黃柏高
■由曾志偉監製及錢嘉樂執導的《黃金兄弟》,本周四有得睇!
 ■由曾志偉監製及錢嘉樂執導的《黃金兄弟》,本周四有得睇! 
■志偉在戲中飾演五兄弟的爸爸,各人都很孝順他。
 ■志偉在戲中飾演五兄弟的爸爸,各人都很孝順他。 
■(左起)林曉峰、陳小春、鄭伊健、謝天華和錢嘉樂再合體拍戲好開心。
 ■(左起)林曉峰、陳小春、鄭伊健、謝天華和錢嘉樂再合體拍戲好開心。 
■戲中飾演情報專員的謝天華,因愛吃喝玩樂而不介意走偏門賺快錢,最後出賣兄弟導致眾叛親離。
 ■戲中飾演情報專員的謝天華,因愛吃喝玩樂而不介意走偏門賺快錢,最後出賣兄弟導致眾叛親離。 
■錢嘉樂表示文戲方面,獎門人給他很多意見,兩人為此長期在車上開會。
 ■錢嘉樂表示文戲方面,獎門人給他很多意見,兩人為此長期在車上開會。 
■今次在黑山除了有爆炸戲,錢嘉樂還將酒店改裝成監獄拍攝。
 ■今次在黑山除了有爆炸戲,錢嘉樂還將酒店改裝成監獄拍攝。 
■片中陳小春(左)和鄭伊健合力對付敵人。
 ■片中陳小春(左)和鄭伊健合力對付敵人。 
回應 (0)
我要發表
user