又惡化
中美貿易戰又惡化。上週五朝早,杜指表現還不錯,中午前還有65點進賬,但《彭博社》中午傳出特朗普打算對中國加徵關稅的消息,令到杜指在一小時內跳水113點,由升轉跌,午後跌幅逐步收窄,最後微升8點收場。
隨後《華爾街日報》在周日報導,來自中國官員的消息指出,如果美國特朗普政府繼續推進對更多中國進口商品加徵關稅的措施,北京當局可能拒絕參加美國提出的貿易談判。
《華爾街日報》引述消息人士稱,美國總統特朗普最快在今天(17日)宣布向價值2000億美元的中國產品加徵關稅,預計稅率約為10%。華府官員指出,10%只是開端,稅率最後有可能高至25%。
10%的稅率加幅較預期為低,估計係特朗普亦希望減低大加進口關稅對美國消費者的衝擊,尤其係美國傳統的消費旺季臨近,影響到共和黨人在美國中期選舉中的支持度,另一方面,亦有說是特朗普可能要留一手籌碼在與中國談判時向中國施壓。
報導指出,美國政府主動提議重啟談判,但同時又繼續推進對另外約2000億美元中國進口商品加徵關稅,中國對此甚感不滿,一名中國政府高層表示,中國不會在槍指著頭的情況下進行協商。另外,報道指中國高層幕僚則建議政府,對美國企業所需零件和用品的銷售祭出限制,利用出口管制脅逼美國的供應鏈。小心若無談判,此輪股市反彈已經結朿。
另一方面,北京邀請美國主要金融機構負責人參加在北京舉行的「中美金融圓桌會議」,而國家副主席王岐山將於今天與包括黑石集團、花旗集團、高盛、摩根大通、摩根士丹利和美國前財長保爾森等部份美國金融界大佬會晤,預計會遊說他們支持中國的立場。
有分析從美國經濟狀況的角度解釋特朗普為什麼要打貿易戰。美國經濟狀況表現愈來愈強,從聯儲局上週三公開的8月份經濟褐皮書就知道。經濟褐皮書每逢聯儲局召開議息會議前兩週發表,主要是作為聯儲局決定未來的利率政策的參考。
褐皮書顯示,美國8月在整體經濟活動保持溫和擴張,多數地區都對貿易局勢表示擔憂和不確定性。一些地區指出這種擔憂已促使一些企業削減或推遲資本投資。據Zerohedge 的統計,關稅一詞在三月聯儲局經濟褐皮書中提到零次、4月提到36次、5月22次、7月31次,9月份最高41次,但這無礙美國經濟增長;從就業和工資亦見到此狀況,勞動力市場緊張,工人短缺問題嚴重,無論是高技能或低技工人都出現短缺;而物價方面,地區報告都顯示通脹預期上升。事實上8月非農就業報告中就顯示,美國平均時薪增長2.9%係2009年以來最高增速。
美國經濟熱度升溫,通脹預期上升。如便壓制通脹呢,傳統的智慧係加息,拉高資本及信用成本去減慢經濟增長速度,有分析指特朗普不採用這種會令到經濟放慢的方法,而是採用調低美國個人消費和企業投資意欲的方法:打貿易戰。出於對貿易戰的憂慮,每論是消費者和企業,都不敢過度消費和擴張,經濟擴張速度就會慢下來,而無需要太快速加息,減少股市和樓市造成衝擊。
事實上,看美國公佈的8月PPI和CPI報告,特朗普開打貿易戰,的確成功壓住美國的物價的上升勢頭,PPI按月下跌0.1%,差過預期的上升0.2%,更係2017年5月以來首次下滑,按年則升2.8%,低過預期的3.2%和前值的3.3%。
陸羽仁
早晨陸sir,賣樓事宜一問!
因住屋需要,年中購入三房單位。現住的兩房數年前購入,帳面已獲利四百萬,請問應現價賣出,還是持有?若賣出,再作什麼投資更好?
謝謝
廸廸仔
2018-09-17
Dow Jones Industrial Average (^DJI)
26,062.12 -92.55 (-0.35%)
安踏心雄想做成份股
2018年09月18日
山竹威力驚人,香港好彩提早應對,無乜人命傷亡,但特區政府有小小開心得太早,無留意到周初返工,原來又無火車又無巴士,搞到火車站大擠塞,上班族怨聲載道。今次風災造成嘅損失都唔少,好彩香港唔係咁多房產保險公司上市,而且地方始終較細,喺金融上的影響應該唔大。
制裁又到反彈隨時完
股市繼續大吹貿易戰之風,由於美國好矛盾咁又話重開談判,又要繼續向2000億美元中國貨品徵收關稅,雖然稅率由25%調低至10%,但傳聞中國好唔高興,美國媒體話中國可能喺現階段拒絕談判。個市聽到可能傾都唔傾,即時腳軟落嚟,恒指一度下插超過500點,收市跌幅收窄至353點。雖然跌幅唔算好大,但呢個反彈浪可能已玩完,又要開始尋底之旅。
細看美國照樣對中國貨徵稅,可以有兩面解讀,本來美國照樣抽稅,談判亦未必有,睇落幾負面。但換一個角度,加稅幅度由加25%大減至10%,估計主要考慮到美國商界意見,避免徵稅過多,對稍後聖誕消費造成太大影響。對美國入口商而言,算係跌咗個橙執番個桔,股市反應因此相對溫和。現時最擔心係美國公佈徵稅名單後,中國宣佈反制措施,屆時會唔會引起連鎖效應,搞到連談判都唔能夠重開。無論如何,貿易戰開始入肉,始終係一大壞事。
喺貿戰仍有不明朗下,恒指收報26932點,急挫353點;國企指數收報10462點,急跌113點,成交只有644億元。騰訊(700) 連續反彈後急挫3.3%,收報319.2元。打風搞到要停業的銀娛(027) 下滑1.4%,收報49.15元。市場憂處iPhone XS首周末預售情況不似預期,手機股捱沽。蘋果概念股瑞聲(2018) 急瀉6%,收報77.55元,是跌幅最大藍籌股;非蘋果產業鏈的舜宇(2382) 亦挫5.3%,收報90.95元;比亞迪電子(285) 挫2.6%,收報9.52元。
弱勢板塊有醫藥股,主要係市場擔心仿制藥有降價潮。石四藥(2005) 插5%,收報6.64元;石藥(1093) 、康哲藥業(867) 、中生製藥(1177) 挫4%;三生製藥01530)及金斯瑞(1548) 跌逾3%。
昨日跌市中體育用品股受壓較明顯,特步國際(1368) 急插11%,收報4.27元,反映市場對中國內需股看法審慎。喺呢個時候,內地龍頭體育股安踏(2020) 出招,宣佈有意再收購海外運動品牌,芬蘭體育用品商Amer Sports,看來係有意藉此做大做強,為晉身成份股博一鋪。
Amer Sports早前披露,根據安踏提出的無約束力初步意向書,擬以現金代價每股40歐羅,收購該公司全部股權,涉資達47億歐羅(約427億港元)。該公司表示,目前尚未與安踏進行任何談判,但消息刺激該公司股價一度飆升三成,其後升幅收窄。
安踏體育近年發展有超越老大哥李寧(2331) 之勢,目前市值達922億元,較早前更傳有望獲納入恒指成份股。安踏現時手頭銀彈充足,併購能力不弱,加上2009年買入意大利高端運動品牌FILA,在大中華地區的商標使用權和運營權後,生意做得唔錯,形成與本身品牌有互補作用。
現時安踏主品牌門店,主要開設在中國二線及以下城市,外國品牌則主打高檔市場,以FILA為最主要構成的其他品牌,喺2018年第二季度零售表現,同2017年第二季度比,按年錄得90至95%升幅,所以公司心雄再重錘出擊。但消息公佈後安踏股價跌3.5%,收報34.35元。歐洲公司股價一向唔平,加上市場情緒傾向保守,覺得內需股前景不明朗,對進取策略唔係咁欣賞,所以併購消息起唔到刺激作用。
陸羽仁
真‧獸人bro & 仮‧獸人bro & 唔知邊個‧獸人bro
袋鼠自己幫你哋慳番啖氣,寫埋你哋將會有大機率寫出嚟嘅留言:
//袋鼠頭先寫嗰兩段都係戇狗狗//
Totally agreed. SIGH
袋鼠頭先寫嗰兩段都係戇狗狗;唔使睇減稅政策,嗰個分析本身已經好多地方係自相矛盾,邏輯唔通。
最簡單就係,加關稅已經即刻影響到生產成本以及消費物價上升。
頭先嗰段太長… 簡單講,如果特朗普打貿易戰,係要『調低美國個人消費和企業投資意欲』,豈不是同特朗普之前成功通過減稅方案嘅目的,背道而馳,互相矛盾嗎?
其實兩樣都係特朗普大選政綱,唔好諗到佢會有乜經濟知識(有時間就去睇佢上任初期接受經濟學人嘅訪問),簡簡單單話佢為選票、為私利、自戀,已經足夠解釋大多數行為及言論。
(唯一一樣,袋鼠都覺得佢可能仲有少少良心,係佢對施方毒氣嘅叙利亞攻擊報復… 雖然作呢個決定亦不離佢浮燥本質)
Trump says he 'came up' with a phrase that's been around for centuries
減稅政策嘅主要論點,係同列根年代嘅supply side economics經濟政策一模一樣;pump priming嘅係政府直接消費刺激經濟政策(大陸經常用)。佢用錯時眼,好明顯無聽經濟顧問意見… Gary Cohn都係咁講
<刪 strikethrough>邏輯上勉強講得通,但呢啲係走火入魔、過份解讀嘅分析囉。</刪 strikethrough>
『有分析指特朗普不採用這種會令到經濟放慢的方法,而是採用調低美國個人消費和企業投資意欲的方法:打貿易戰』
嗰啲分析,唔係之前又話要政府減稅,去增加企業投資意欲,多啲就業啲人就多啲消費咩?
雖然話聽吓啲另類意見,可以開啟思維,但而家根本太多人,上網睇料多數係不加思考,無乜思維開啟可言,啱聽嘅荒謬嘢都會當係真理,唔啱聽嘅事實就去叫佢做fake news。互聯網所引起嘅資訊爆炸,只係成功將資訊廣傳,卻毫無深道。
所以而家讀者,係十分之需要專欄作者,去過濾一些客觀上嘅垃圾資訊,又或者要加註腳指出矛盾所在。
=============================
雖然袋鼠批評唔少政策制定者及學者,推銷政策時,經常忽略學術及/或預計模型之中,係有好多假設與實際情況有差異;雖然啲結論係有某程度上嘅參考價值,但絕對唔可以一成不變去套用。
不過有一啲基本經濟學嘅教條,袋鼠認為可用性甚高,係如(真正嘅*)自由貿易,兩個國家都會做大個餅,但亦同時各自經濟體系都會有輸家;如果要社會長遠穩定(公平唔係經濟學衡量得好嘅嘢),就唯有經由政府政策經稅收再分配成果(唔一定只係講救濟金,袋鼠國多數係資金支助再培訓失業者)。
*要咁寫,係因為好多所謂自由質易,只不過係減少關稅水份(例如協議可能話由法定最多100%關稅減到最多25%,但簽協議之前同之後都只係實際上抽緊20%關稅),抑係就掛羊頭賣狗肉,係增強非關稅保護主義 。
其實某程度上唔理特朗普狗嗡,係正路去睇,呢次中美貿戰,爭端就係在於非關稅保護主義,當中同知識產權有關;呢一點係因為中美各走極端,美國要收離譜程度嘅版稅(睇吓前幾年TPP十二國談判可見),中國而家就索性立法去搶(外資公司要提供商業秘密及技術),應該係呢次貿易戰嘅原因之一。
忍了幾天有件事情真的不吐不快,本上星期早已留言但之後又撤了,怕有所不妥,但實在是忍不住
陸羽仁在9月11日寫了一篇叫回購大改革的網文,真巧合的跟一個國內某網上財經節目9月6日的內容相近,本來財經內容互相參考或內容相近所在難免,畢竟每天發生的財經事件就這一些,而該節目的數據也都是引用公眾資訊,但是,如果是內容流程跟分析結論都很相近就另當別論了,這邊就涉及該創作團隊的看法跟創意,我本人也是該財經節目的忠實觀眾,這幾天空閒著也有上該網留言,也引來內地網民一些回響,我相信讀者們的眼睛是雪亮的,我在這不說什麼,下面我貼上youtube網址大家有空可看完自己判斷
https://blog.stheadline.com/article/detail/940574
https://m.youtube.com/watch?v=voVoS2kvvnE&t=847s
就如我看過的一位政治學者所說,不論面對一個忽悠人的政權也好,一個人也好,你的第一步就是跟他說:我是知道的
陸羽仁,讀者們都看在眼裡,我們不是傻的
DLLM...
SIGH...
Can anybody tell me 今夕是紅幾 ar?
SIGH...
有無人可以話比我知今夕是紅幾呀?
SIGH...