9月下旬部署高位結算

港股低開高走, 單日轉向呈陽燭, 先下殺屠牛後上攻屠熊, 好淡通殺, 重上27000/10500

18/9 周二恒指收報27084, 升151點(最多上升224點, 一度下跌284點), 重上10天線

國指收報10557, 升94點(最多上升133點, 一度下跌98點), 重上10天線, 國指大幅跑贏恒指

上証企2700=恒指企27000

跌近熔斷底阿爺再度救市.上証止跌回升.港股同步見底.升勢有望延續.肥熊命危

試完底再沖頂(4/9高位27984), 港股已收復10天線, 有望升穿上周高位27340, 跟住上20天線(約27400), 因為過去幾次大反彈, 收市都上企20及50天線一天至幾天不等, 企唔穩然後就碌落山

今日恒指低見26648, 為本周低位, 如本周做千點波幅就會見27600水平, 不過史哥曾說港股27800/10800阻力非常大, 睇住國指及上証就知港股上升動力如何，收市如能上企阻力位而不是高位一瞬即逝，就喺向好訊號

一般來說, 單日轉向, 拗腰上升, 翌日收升機會好大, 因為淡友回補空倉避險, 就會進一步推高大市, 呢種受政策推動, 低開高收的市況, 好少升一棍就收工, 多數喺連升扯住上

上周沖上27340食左一口肥熊, 但當時27400~27500熊不多, 加上 上証上唔到2700, 恒指就梗係企唔穩27000啦! 所以掉頭回吐兩日落去殺牛, 而家27300樓上有BB肥熊一路排上去, 就係連續兩日震倉插穿26800養熊引淡的成果, 大鱷刻意佈局, 冇理由今日上山食一口熊就收手, 淡友命危, 因為今次上証企2700, 港股上升動力就會增強

現時牛熊分佈嚴重失衡, 熊熊大幅多過牛牛, 上攻誘因大, 大鱷要殺上去開熊掌大餐, 即係要升穿今日高位27156來擴大周波幅, 美元跌穿94.5, 多國央出手下, 新興市場貨幣回穩, 港匯突然轉強, 人民幣亦收升, 利好

今日大鱷先插落去26648屠牛514張, 再彈上27156屠熊112張, 呢兩日港股遁地飛天, 既可擴大周波幅及養肥熊熊, 亦可好淡通殺, 落山屠牛震完倉清左場就彈高, 冇益人, 係百佳大鱷操控大市的慣性手法

我不斷提醒大家2638熔斷底國家隊會護盤, 做好做淡就應作出相應行動, 今日上証低見2644後止跌回升, 收2699.9, 大升48點, 大鱷終於等到上証見底, 有藉口推高港股,

明日熊熊有難, 燈神追貨重倉港股見頂, 走鬼減倉港股見底, 燈神經仔通梁蛇上周見港股暴跌插穿26500大手減倉走鬼, 係見底訊號, 港股有運行,

貼價肥熊清單, 大鱷或會在20天線(27400附近)窒窒步升來引27500樓上熊入局

27188~27500有肥熊1662張(肥熊冇命)
27538~27600有肥熊370張(瘦熊要再養)
27624~27700有肥熊1180張

~~~~~~~~~~~~~~~~~~~~~~~~~~~~~~

中秋節休市安排, 由周四起一連3天(20~24/9)大媽冇得經港股通炒港股

20/9(周四)破日, 根據統計, 升跌冇慣性走勢

21/9 富時指數調動, 成交會急增, 係好淡大鱷角力的大日子

21/9(周五)美股三重期結算, 大戶力托美股

23/9(周日)轉節氣秋分，抽昏

美國在下周一(24/9)將正式向2000億美元中國進口貨物徵收10%關稅

中國宣布下周一(24/9)起將對600億美元進口自美國的商品採取報復性關稅行動

24/9(周一)內地中秋假期休市一天, 港股開市, 冇左內地股市的制肘, 港股自由行

25/9(周二)香港中秋假期休市一天, 內地股市有市

25~26/9聯儲局議息, 要留意匯市變化

27/9(周四)港股期指結算

9月尾基金季結粉飾櫥窗, 有推升誘因

10月港股開局係內地國慶黃金周長假期(1~5/10)

1/10公佈內地PMI經濟數據, 受貿易戰拖累, 數據唔慌好

10月份傳統上是股災高危月

行政長官林鄭月娥星期三(10月10日)發表《施政報告》

19/9 周三收市~港股重上27400/10700.恒指收報27407, 升322點

港股未見頂, 貼價熊命危

上周恒指上到27340打回頭係因為27000附近有肥牛, 所以港股升升下大鱷就掉頭落去偷食牛扒, 但而家牛遠在26637, 熊在27500, 梗係上攻啦! 月尾要追數呀!

今日大鱷刻意推到上27488就詐死扮受制於27500, 就係想震牛養熊, 今早競價壓低開市目的就係想畫大陽燭, 強化向好勢頭吸引買盤進場, 所以低位一瞬即逝, 跟住一路掃番上去,

現時匯市形勢利好港股, 所以港股連日急升扯住上, 要留意匯市變化, 係港股升跌關鍵, 上次港股彈得好地地但當美元一彈高港股即刻反艇

如明日上攻殺27600熊, 即係由低位累計彈千點, 已足夠水位俾大鱷轉身, 如做1100~1200點周波幅可見27750~27850, 如跟上月結算前的走勢, 月尾就會係反覆上升, 推高結算,

只要再伸多一腳上去升埋明日就係第三棍, 獲利沽壓會增加, 後日周五有周末沽壓效應港股回吐壓力會更大, 如未來兩日都喺收升，就打破了慣性走勢，代表好友已奪回主導權，因為8月初一周升4天就推咗大市上28000

國指已收復10及20天線, 看來重上50及60天線冇乜難度, 能否企穩才是關鍵, 史哥說10800係超大阻力, 前頂在10900附近

隨著貿易戰進一步明朗化, 個別基金經理口吻轉趨樂觀, 入市意欲增加, 喺利好訊號，今次港股反彈浪能走多遠就要睇國企收市能否上企10800阻力位, 以及上証能否突破今日高位2746,

中港股市通常係同步見底頂, QQ係升市火車頭, 要留意QQ何時見頂, 只要QQ續升, 就可推動港股向上, QQ由7/9起日日回購, 係港股上攻的動力之源，QQ見底，港股見底, 當回購停止或QQ見頂就要小心港股亦跟隨見頂

近日港股突然走強一則為了屠熊追數, 二則為了部署高位結算, 淡友就要慎防阿爺繼續出招救市例如降準及掃高內地股市, 只要A股升就會扯住H股上，近日美股表現亮麗, 有助穩住市場信心,

美國十年債息上企3%, 今日港股大升但地產及公用等息口敏感股卻見沽壓, 資金轉投跌到殘的中資股, 加上 上証企2700, 所以國指連續3日跑贏恒指, 撐起大市, 美國十年期債息上企3%本來係利淡, 但大鱷要殺上去屠熊就扮睇唔到，港股今日仍能大升

26219底+1150~1350基本反彈幅度 = 27369~27569

26219底+1708大反彈幅度 = 27927

8月由低位26871反彈至28579, 上升1708點, 如果9月的反彈浪升幅遠多過1708點, 就有可能係熊二大反彈, 亦可能26219已見今年大底, 如果再插今年都不應跌穿25000, 否則年波幅就會超標, 災喇!

恒指阻力位27627.27800~28000(前頂及50.60天平均線)

國指阻力位10800~11000(前頂)

大鱷睇住黎食喇喂, 裂口高開食早餐:
27500~27600 1098張肥熊(昨日只得370張, 今日BB熊湧入場就中伏了)
27624~27700 1049張肥熊
27713~27800 640張半肥瘦熊
27838~27900 440張瘦熊

中秋節休市安排, 由明天起一連3天(20~24/9)大媽冇得經港股通炒港股, 港股少左條水喉喇!

太陽底下無新事, 8月港股的升跌模式具啟示作用:

8月上旬大跌+月中見底+觸底急彈+略為回吐+再急升部署高位結算及屠熊+結算後回吐

9月上旬大跌+月中見底+觸底急彈+略為回吐+再急升部署高位結算及屠熊+結算後回吐

今次月9月尾不同之處係有中秋假期, 內地國慶長假期亦會影響北水的部署

假期前後例牌大龍鳳

20/9 周四收市~港股三連升.上企10及20天線.恒指收報27477, 升70點, 繼續尋頂

港股雖然沖高回落收窄升幅呈陰燭, 沽壓增加, 但有換馬味, 美國加息在即, 加上美元下跌, 阿爺救市, 港匯轉強, 市場風險胃納上升, 資金由息口敏感的地產及防守股轉投進攻型股份, 感覺上今日高位27628唔似係頂, 試完底再沖頂, 前頂在27984, 仍有上升空間, 今個月仍有5個交易日, 以大鱷的習性, 往後會上破呢個水平, 本來我估今日會挑戰27800關鍵位, 大鱷今日忍忍手可能係想保持底頂上移的趨勢, 所以將頂部逐步推高, 而不是一步到位, 驚會惹來更大沽壓, 破壞了高位結算的部署

過去幾日提及利好港股的因素繼續發酵, 多隻指標股見掃貨盤，推動港股連升3天, 為今個月最長升勢, 強得不尋常, 其實利淡消息亦有不少, 美國將於下周一起向2000億美元中國輸往美國商品加徵關稅, 中國亦會向600億美元美國貨品徵稅反擊, 市傳中國或會取消原定下周與美國的貿易談判, 大鱷夾硬抽高港股除了部署結算位及屠熊追數外, 亦有可能係預留下周回調水位, 以往恒指慣性走勢係月尾6天係3升3跌, 假期前後例牌大龍鳳, 即係升埋本周, 下周沽壓會加劇, 好友淡友都要死, 遠牛熊就算唔死都會嚇到止蝕

通常消息面向淡, 淡友特別多, 沽空及熊熊進場, 大鱷就會挾淡, 所以向上一破位, 淡友補空倉的話, 大市就會急升, 呢種升勢特別假, 但有效, 會推動大市突然爆升, 係最佳屠熊殺淡絕招, 只要向上突破大位, 跟風短炒買盤就會追入, 助長升勢,

貿易戰明朗化, 稅率由25%大幅降至10%亦利好市場氣氛，阿爺全力救市護盤, 上証好.內銀升.國指強.港股好, 國指已是連續四日跑贏恒指, 強勢畢現，連史哥所說的阻力位都攔唔住，先後收復10.20.50及60天線, 表現亮麗, 應跌不跌需防升, 連今日內地股市回吐都唔跟跌,  國指已率先破位而上，恒指亦有望跟隨上企重要平均線，現時港股仍未有見頂訊號, 亦未挑戰今個月高位27984, 太快做淡是死罪, 

~~~~~~~~~~~~~~~~~~~~~~~~~~~~~~~~~~~~~

美國十年期債息升穿3.05%見4個月高位, 地產股及公用股逆市下跌, 資金正在換馬，加上受9月尾基金季結粉飾櫥窗的推動, 所以仍無礙港股升勢, 大鱷推高大市屠熊之心表露無遺, 月尾好友例牌出場, 中港股市通常係同步見底頂, 只要上証守住2700繼續往上走, 港股就會跟住上

今日大鱷秒殺肥熊後就咬住27400水平養牛熊, 27014牛 VS 27638熊, 熊近牛遠利上攻, 貼價熊愈養愈肥, 雖然冇左大媽條水喉, 但大鱷仍能力撐收升, 真係唔簡單, 可能係預留回調水位, 想守住10天線, 因為明日富時指數調動, 下周變數多(上文所列出的財經日誌), 月尾大市波動性及明日成交都會增加

人民幣及港匯回升, 中港股市買盤增加, 日前曾說今次上升動力較上次見27340時強, 因為上次上証冇力, 今次上証動力十足, 港股多隻指標股走勢佳, 撐起港股, 以大鱷的習性, 既然震完倉落到26648再上攻, 就不會只係升穿上周頂27340少少見27628就收手, 如能上破關鍵位27800, 下一個阻力在31/8下跌裂口27962~28121

一如昨日所說, 月尾好友例牌推高大市部署結算位, 挾淡, 大鱷亦要屠熊追數, 以往月尾殺熊都喺急升，vhsi恒指恐慌指數連續兩日大跌, 唔驚啵! 即係今次反彈浪仍未見頂,

港股通暫停, 冇左大媽沽盤阻頭阻勢, 屠熊大鱷想點玩都得, 大市上企關鍵位正逐一挑戰阻力位, 26800.27000.27300.27500.27800.28000.28300.28500....唔好估頂, 阿爺係淡友的剋星, 耐不耐抽高內地股市真係玩死淡友, 由於國慶將至, 月尾中國有中秋及國慶長假期, 估計阿爺會繼續出招打救幫上証保底, 要股市好, 才能刺激消費,

21/9 周五收市~恒指急升476點收27953

港股四連升後vhsi恒指恐慌指數急升2.63%, 並以全日最高位收, 彈到去28000關口知驚喇! 第一次挑戰28000通常係試水溫, 要試多幾次才會成功, 大鱷多數係等養肥熊熊才上破大位

24/9 周一收市~恒指急跌454點收27499(轉倉活躍), 失守50及60天線

今日港股急跌但成交縮, 只得$693億, 剛好落到20天線就拗腰, 多隻指標股跌幅溫和, 恒指雖然失守50及60天線, 但國指仍能守穩兩條重要平均線, 可能因為周四(27/9)結算, 大鱷只係玩野, 乾跌, 想好淡通殺, 港股升跌由大鱷話事, 呢兩日騰上騰落其實係原地踏步, 仍在27500水平, 未有破壞反彈浪的勢頭, 假期前後例牌大龍鳳, 周三(26/9)復市係結算前夕, 滬港通北水重開一天, 大鱷亦要部署周四(27/9)結算位

今日一插, 遠熊食胡, 近熊進場, 肥熊大幅下移至27900~28200, 今日成交急降, 係大龍鳳先兆, 如果大鱷想落山屠牛, 就要插穿20天線, 如果結算前想守住10及20天線, 就要上27900才有得開餐食熊掌, 向上阻力在31/8下跌裂口27962~28121, 過去幾日恒指即市波幅有300~500點, 代表大鱷有能力單日抽升殺跌500點, 小心企錯邊, 

25/9 周二港股中秋假期休市.內地股市回吐

上証跌16點收2781, 低見2771又拗腰收窄跌幅, 同港股一樣都係乾跌, 國慶將至, 上証死唔去可能係阿爺護盤, adr亦冇跟跌, 港匯強爆, 美元在94附近徘徊, 要密切留意美元表現, 係港股升跌關鍵

市傳A股有望納入富時指數, MSCI 擬進一步調高中國 A 股指數中的權重,

上証 2700 = 恒指 27000

上証 2750 = 恒指 27500