10月傳統股災月

2018/10/04 20:29:32 網誌分類: 經濟
04 Oct

4/10周四收市~匯市郁.好友縮.好淡通殺.殺完淡友殺好友.股災勿估底

美元彈上96.美債息急升.港匯進一步轉弱.人民幣下挫.恒指續瀉467點.大舉屠牛

大摩:「我們正在走向徹頭徹尾的熊市。」「這是一個危險的市場。」

沒有阿爺.大媽的日子港股真係苦不堪言, 孤兒仔被金冇犬欺凌, 港股繼續做大鱷提款機, 道期大跌, 港股一沉不起, 恒指收26623, 為2003年以來首次低於道指的收市位(道指昨晚收26828), 高下立見, 阿爺真係令人失望, 俾狂人踩到上心口, 毫無還擊之力, 美股牛市, 中港股市卻是熊市, 逢七必災, 2017年理應出現股災, 卻被美股特朗普牛市以及大媽牛市扭曲了慣性走勢, 延後至今年才出現股災, 要來的始終要來

美元強.人仔弱, 離岸人民幣午後曾一度跌穿6.91見6.9173, 其後跌幅略為收窄, 匯市波動港股沽壓特別大, 睇成交縮就知股災陰霾下冇乜人敢入市接火棒, 要等淡友食胡補空倉才會有死貓彈, 淡友唔肯走的話, 港股仲有排捱, 關鍵位在26000~26200, 如失守不妙, 破位就會引發程式沽盤令大市暴跌, 以大鱷的習性來推算, 10月低位會在24600~25800之間, 低位會係一瞬即逝, 待反彈完又會再創下一個新低,

聯儲局主席表示可能加息至超過中性水平, 債息上升推高美元, 美元急升見逾1個月高位, 高見96.121, 拖累新興市場貨幣續挫, 市場憂慮中美貿易戰升級, 以及內地經濟增長放緩, 港股今日再挫467點收26623, 淡友主導大市, 好友於9月結算後已撤退, 通常會在月中才反擊

傳統股災月開局三日恒指累計大跌1165點, 距離保力加通道底部26300僅一步之遙, 前底在26219, 就係上月買盤湧現以及淡友食胡的區間, 剛好大媽下周一(寒露)回歸, 大鱷計得好準, 為免阿爺出招救市有變數, 三扒兩撥就係內地復市前隊港股落地獄, 過去3個月港股都係每月開局就連環暴跌, 不會在月初見底, 有分析指熊二彈完就會急挫, 如果9月低見26219彈上28031係熊二大反彈, 死貓彈完再尋底, 那麼下一輪走勢就會係急瀉, 破位而下

上周曾說美債息上企3%港股必死, 本周應驗了, 美國10年期國債愈升愈有, 升穿3.2厘見3.223厘, 創逾7年高位, 印尼盾及印度盧比跌勢未止, 續創歷史新低, 市傳印度央行曾入市干預

騰訊牛證重街貨區位於$295~300, 大鱷流晒口水, QQ通常與港股同步見底頂, 係港股溫度計, 如QQ破底跌穿上次低位$305.2, 拖累港股跌穿26500的話, 前底26219就危危乎, QQ繼續日日回購, 但仍然要再試底, 可想而知沽壓有多沉重, 要保住QQ, 才可穩住港股, QQ未見底的話, 就會推港股落地獄

今日恒指低見26551,插到落裂口區26469~26648,只喺補咗少少,特登扮守得住, 補唔晒裂口來養牛引好友, 亦可震走淡友, 以月波幅計港股未見底,亦必定會全數回補裂口, 因為大市高低位不會3天內見晒, 下一站26500.26300.26219, 本周(2~5/10)不應破底插穿26219, 否則周波幅就超標, 要留番多些波動空間俾下周(8~12/10)跌,

~~~~~~~~~~~~~~~~~~~~~~~~~~~~~~~~~~~~

向下擴大周.月.年波幅

事實證明昨日國指走強只喺迴光反照死貓彈,今日連強勢的國指亦跟隨恒指失守所有平均線, 本周大媽不在, 大鱷乘機搞事, 不是飛天就是遁地, 今個星期係非生即死格, 早前上企27500有太多人做好所以大鱷就反手殺好友, 每次落地大位就窒一窒扮跌唔落, 目的係養牛引好友, 大鱷亦要派貨

近年恒指最大年波幅約8300點, 今年高位在33484, 如果真係出現股災跟足年波幅8300點, 今年就會下試25200, 所以今日見有股民穩陣D買23500回收的遠牛, 不過本周出手博反彈未免太急進, 因為大市仍未有見底跡象, 如果今年插穿25200, 年波幅就會超標, 有多位財演都不約而同估計今次熊市會見22000~24000, 明年新的年波幅就會見

大鱷最鍾意好淡通殺, 過去兩次恒指大插插, 由高位插2200~2400點食完肥牛就會作出大反彈, 上去屠熊, 食飽肥熊又會再插過, 由於前底在26219, 估計短炒淡友會在26300附近才開始食胡, 短線下望26000.25800.25500.25000, 過去幾次大跌浪, 港股閒閒地殺五六棍才會有反彈, 而家才是起步, 即係未跌完

28031浪頂 - 2200~2400慣性跌幅 = 25600~25800

27716月頂 - 1500~2700月波幅 = 26216~25016(10月下跌目標)

撇除今年恒指特大及特細的月波幅, 其他月份通常有1500~2700點月波幅, 假設2/10高位27716是10月頂, 所以推算10月下跌目標在26216~25016, 即係要插穿前底26219, 向25800.25500關鍵位進發, 假設最惡劣情況出現, 10月又股災, 今年最大的月波幅係3456點(一月), 如果照跟, 以2/10高位27716計, 27716-3456=24260, 如10月跌穿24260月波幅就超標, 而且25000係超級超級大位, 應該會有淡友食胡, 因而窒礙了跌勢, 可能會先彈一彈, 殺上去挾淡屠熊, 清左場再插過

睇今日牛熊分佈如果明日插到落26200就可屠2516張牛牛, 當中26300~26551有牛1881張, 具吸引力, 不過26200~26299關鍵大位只得牛635張, 唔夠肥, 仲要養多一陣, 前底在26219, 按照大鱷的習性, 唔會貿貿然插穿超級大位, 等股民估估下以為守得住就會企錯邊, 當肥牛入局就會再插, 9月中最低收市位喺26422及26345, 如收低過呢兩個水平不妙

{#icono_71}{#icono_71}{#icono_71}{#icono_71}{#icono_71}{#icono_71}{#icono_71}{#icono_71}{#icono_71}{#icono_71}{#icono_71}{#icono_71}{#icono_71}{#icono_71}{#icono_71}{#icono_71}{#icono_71}{#icono_71}{#icono_71}{#icono_71}{#icono_71}{#icono_71}

5/10周五收市~秒殺肥牛.收報26572, 僅跌51點, 下周一寒露, 港股非生即死

中美貿易關係惡化 + 內地經濟增長放緩 + 意大利債務危機 + 新興市場貨幣危機 + 美元及債息急升 + 人民幣貶值 ==> 港股反艇

今日已全數回補13/9的上升裂口26469~26648, 已經嘔番晒9月彈上去28031的升幅出來, 亦確認失守所有平均線, 敗象已呈, 美股高處不勝寒, 連日下跌, 美墨加達成貿易協議, 狂人得勢不饒人, 形勢不利中國, 賤美狂人聯合多國圍堵中國, 貿易戰狂人絕不會手軟, 中港股市冇運行, 過去兩周有三天恒指都係競價開市位已是全日高位, 大鱷/大戶/基金洗倉走鬼, 沽壓龐大才會一開市即插, 按此推算, 驚嚇的一棍仍未出現, 後市不妙

今日恒指低見26373, 殺牛1512張, 10月開局首周合共屠牛10036張, 短短4日已經食夠半個月交數額, 跌勢急勁, 災味甚濃, 收26572, 刻意企26500關鍵位之上, 繼續養牛, 往後如上証失守2700, 港股就會潛行空間, 26000就危, 而家肥牛在26000~26358(前底在26219), 有下殺誘因, 但26000樓下只得瘦牛, 仲要再養下先, 今日港股彈唔起仍收跌, 代表大鱷唔想放生前底26219附近3475張肥牛

由於恒指短短4日插1415點, 跌勢過急, 貼價熊證來不及上市, 現時最貼價熊距離現貨有千點差距, 處於27500水平, 大鱷今日壓住大市係26700樓下亦係想俾時間貼價BB熊出世, 要BB熊大幅下移才有誘因推升, 貼價熊未出世, 所以近日港股一沉不起, 大鱷操控港股的能力係超高, 通常恒指即市細波幅係250~500點, 大龍鳳就係500~650點, 短炒可以用來推算當天高低位炒波幅

~~~~~~~~~~~~~~~~~~~~~~~~~~~~~~~~~~

月波幅未達標.向26219.26000進發

今次由9月尾高位28031插到落今日低位26373, 累計下跌1658點, 回顧9月初由高位27984插到落今年新低26219, 累計下跌1765點, 代表淡友食約1700點跌幅才夠皮, 但熊市大方向要落地獄, 而且10月波幅仍未達標, 仍有下跌空間, 下一站26300.26219.26000.25800.25500...

今日港股又V彈收窄跌幅, 走勢好似周三, 扮跌唔落收窄跌幅養牛引好友, 看來跟住又會再插過, 今日港股一插即彈可能係淡友驚阿爺回歸又出招救市, 所以趁阿爺本周休市拿拿臨隊港股落山, 今日再下一城殺好友屠牛, 重倉牛在26000~26358待屠, 以往當肥牛死得七七八八, 港股就會急彈, 近來沽空日日都有閒閒地14~18%, 係非常高的水平, 按照大鱷的習性, 當食飽肥牛會失驚無神抽升挾淡殺熊, 睇下破底出現驚嚇的一棍後會否有死貓彈

今日港股收市跌幅雖然不大, 但下跌股份比例非常高, 唔少股份都破位而下, 連強勢的油股都反艇, 大鱷托住指數來洗倉, 亦可養牛熊, 以月波幅計恒指仍未達標, 目前10月高低位係26373~27716, 月波幅只得1343點, 上月唔係股災都有約1800點月波幅啦!

今年未試過月內的高低位在首周出現(上月低位在12/9出現), 所以下周仍會爆邊, 26373不會是10月低位, 滬港通本周關閉, 大市成交細操控就更容易, 所以大鱷就乘機隊港股落山, 營造利淡的氣氛, 嚇到冇人敢入市接貨, 下殺壓力就會加劇, 逼股民止蝕斬倉, 大鱷低位收夠平貨又會推番大市上去屠熊

由於近來恒指閒閒地都有千點的周波幅, 下周一內地復市轉節氣寒露, 代表下周(8~12/10)會有大波幅, 不進則退, 如無法重上26800就要破底26219向26000.25800進發

~~~~~~~~~~~~~~~~~~~~~~~~~~~~~~~~~~

溫水煮蛙式窒窒步跌+派貨+養牛引好友+震熊趕淡友

今個星期阿爺休市, 港股自由行, 過去幾年黃金周港股的慣性走勢係開局彈高, 全周埋單都係收升, 但今年卻打破慣性走勢低開低收, 全周大跌收場, 因為今年不同過去幾年, 如今係熊市, 而且美國持續加息, 香港12年以來首度加息, 正式展開加息週期, 變天喇! 貿易戰亦愈演愈烈, 狂人日日發癲, 新興市場股匯債危機, 全面利淡

國家隊於國慶長假期前預先推高上証, 可能係驚黃金周休市期間外圍股市大跌, 上証復市會補跌, 28/9上証收2821, 由於拋離前底2644及熔斷底2638有足夠水位, 就可降低一復市即破底的風險, 本周內地休市但A50本周卻大跌近4%, 代表市場認為內地復市會大跌, 追回外圍股市本周的跌幅, 因為本周內地休市, 老外冇得經滬深股通沽出A股, 積壓龐大沽壓, 所以下周一內地復市下行壓力就會加劇, 或會進一步拖低港股, 關鍵位在26000~26200, 下周破底插穿前底26219後留意會否扮假雙底觸發技術性反彈,

下周港股將會受內地復市所牽動.下周三(10/10)行政長官林鄭月娥發表《施政報告》, 要特別留意本地地產股表現, 對港股升跌舉足輕重

有報道指內地多家券商暫停股票抵押業務, 反映對股市呈悲觀態度, 內房缺水大大鑊, 國慶黃金周內房大幅減價促銷, 引發早前新購房業主不滿, 出現暴亂, 利淡內房股

周三(10/10)內地公佈新增人民幣貸款

期指低水部份原因係滙控11/10除凈, 恒生15/10除凈

{#icono_71}{#icono_71}{#icono_71}{#icono_71}{#icono_71}{#icono_71}{#icono_71}{#icono_71}{#icono_71}{#icono_71}{#icono_71}{#icono_71}{#icono_71}{#icono_71}{#icono_71}{#icono_71}{#icono_71}{#icono_71}{#icono_71}{#icono_71}{#icono_71}{#icono_71}

8/10周一收市~寒露恒指創新低大舉屠牛.繼續尋底.靜候死貓彈

今日恒指高低位26187~26717, 周波幅只得530點未達標, 未來幾日一係升穿26717, 一係插穿26187來擴大周波幅, 不過就算要彈, 都要先下殺肥牛, 由於遠牛肥常瘦, 大鱷就扮跌唔落, 托住大市在26300附近游走, 目的係引貼價牛入局, 部署明日開大餐

上周大媽不在, 港股日日跌, 但今個星期未必會日日跌, 因為有內地股市影響港股的下跌步伐, 如跌穿26000或25800兩個超級關鍵位或會作出死貓彈, 因為明日27100附近的BB熊終於誕生, 亦會影響港股的下跌韻律, 唔會單邊向下, 大鱷多數會玩跌下彈下, 令股民無所適從企錯邊, 震熊養牛, 當25500~26100牛牛養肥, 大鱷就會出手下殺

港股一向好少跌足全個星期, 上周日日跌係大鱷趁阿爺休市玩偷襲, 回顧近年恒指的連跌走勢, 如該周係日日跌, 隨後一周多數都會有2日升市, 急跌就會急彈, 未見過連續兩個星期都係日日跌, 就算股災點都會彈1日啦!

本來上証2700=恒指27000, 但經過國慶黃金周降呢就變成上証2700=恒指26000

  • 一穿齊齊穿, 如上証失守2700, 港股就會插穿26000, 今年恒指通常係4~6連跌就反彈, 如今已是5連跌, 即係反彈在望, 老外今日狂沽內地股市, 國家隊唔想浪費子彈硬食沽盤, 結果上証大插105點收2716, 阿爺降準即係有誠意救市, 國家隊一定會出手護盤, 而且放水點都算係利好, 有股份會受惠, 15/10降準就生效喇! 不過要留意的是國家隊係守熔斷底2638而不是2700

恒指關鍵位在26000~26200, 破底失26219後或會扮假雙底觸發技術性反彈, 扮跌唔落引貼價牛入局, 向上阻力26500, 上周五收26572, 如本周收跌就不應上企呢個水平, 死貓彈完就會再尋底, 向25800.25500.25000進發

 {#icono_71}{#icono_71}{#icono_71}{#icono_71}{#icono_71}{#icono_71}{#icono_71}{#icono_71}{#icono_71}{#icono_71}{#icono_71}{#icono_71}{#icono_71}{#icono_71}{#icono_71}{#icono_71}{#icono_71}{#icono_71}{#icono_71}{#icono_71}{#icono_71}{#icono_71}

9~10/10收市~ 港股死貓彈完.繼續尋底冇眼睇.熊市切勿估底

港股作出死貓彈, 吻別26500, 高位一瞬即逝, 代表沽壓沉重, 好友逃生門已關上, 冇趁反彈走貨或做淡就走寶喇! 驚嚇的一棍仍未出現呢!

由於早前25500~26000牛唔夠肥, 港股磨左幾日扮守得住26000, 結果25500~26100牛牛愈養愈肥, 有5387張, 要買定官才喇! 大鱷一向要超過4000張牛牛才捨得插穿超級大位, 如今時辰到了, 阿爺自身難保, 上証雖然連升兩日, 但卻反彈乏力, 自從黃金周復市以來, 老外就日日經滬深股通走貨, 日日都出現資金凈流出, 係洗倉撤退, 怪不得國家隊係A股高位冇大力護盤, 以免浪費救市子彈, 通常國家隊會等適當時機才進場

恒指月波幅遠遠未達標, 26067必破, QQ領跌, 失守$300大關向下無險可守, 已是連續9日下跌, 洗倉式下挫, 弱到冇朋友, 恒指以收市U盤全日最低位收, 該時段成交突然急增, 比昨日同一時段大幅增加$20億, 將港股壓到落低位收, 走鬼味濃, 多個版塊都係全日低位收, 恒指恐慌指數近全日高位收, 市場好驚呀! 投資者拋售高風險資產, 轉向債券避險, 蘇大師合指一算, 港股死期到了, 今次要落地獄喇!

 {#icono_71}{#icono_71}{#icono_71}{#icono_71}{#icono_71}{#icono_71}{#icono_71}{#icono_71}{#icono_71}{#icono_71}{#icono_71}{#icono_71}{#icono_71}{#icono_71}{#icono_71}{#icono_71}{#icono_71}{#icono_71}{#icono_71}{#icono_71}{#icono_71}{#icono_71}

11/10收市~恒指收報25226, 暴跌926點

港股出現驚嚇的一棍, 已跌至上文所說10月的下跌目標範圍, 反彈在望

恒指今日跌到25125已平了去年約8300點的年波幅, 足夠水位俾淡友大鱷轉身, 現水平回補空倉已大賺, 淡友熊熊已贏到開巷, 雖然熊市大底未見, 後市仍會創新低, 不過跌至26219已到了淡友短線食胡目標, 如果今日仍做淡短線就要承受技術性反彈的風險,

以往股災大插都會有央行干預護盤救市, 近日亦多左企業回購撐股價, 連新地都回購, 只要阿爺出手推高內地股市, 又或者出招托市, 港股就會借勢反彈, 時間上亦吻合恒指通常20號前見月内低位, 推高部署結算位

日前曾說按照慣性走勢恒指本周應該升2日, 如今只係升左1日, 本周尚欠一日升市, 去年恒指的年波幅8316點, 好明顯係升過籠, 結果見頂回落, 同樣地, 如今恒指年波幅有8359點, 好明顯亦係跌過籠, 代表快將會作出反彈, 不過任何技術性反彈或有救市措施觸發反彈, 都只能窒礙下跌步伐, 不能改變下跌的大趨勢, 熊市仲有排捱,

有基金經理表示港股連日急挫, 持貨已跌到殘, 現水平不會賤價而沽, 彈反彈才換馬或走貨, 而家會趁低吸納優質股及換馬, 有基金經理認為呢浸跌幅已到水尾, 隨時會有大反彈, 不過普遍分析對後市仍不樂觀, 有幾位分析師估計熊市大底明年初會出現, 下望22000~24500,

港股連日急跌, 累積龐大跌幅, 淡友短炒要睇位收割, 因為未來幾日變數極多, 市況會好拋, 通常恐慌性拋售的大型下跌裂口都會回補, 就算市弱都會補少少, 後市有望彈上25500, 如內地股市觸底回升, 恒指或會挑戰25800關鍵阻力位, 收市如能上企, 上望26000及裂口頂26193, 呢兩個水平阻力較大, QQ連跌10日累積龐大跌幅, 超賣, 牛牛及好倉已死得七七八八, 係時候殺QQ淡友, 日前急升的美元及美債息雙雙回落, 或會刺激港股作出反彈

下周一(15/10)破日, 通常會特別波動, 禍福難料, 大升或大跌都見過, 假期前後例牌大龍鳳, 周三有重陽假期, 港股超賣, 但賤美下周公布的貨幣報告, 考慮將中國列為匯率操縱國, 上証跌穿熔斷底以及人民幣已跌至阿爺通常會護盤的水平, 但老外近來日日都經滬深股通沽出A股, 拖低內地股市, 亦增加國家隊護盤的難度

~~~~~~~~~~~~~~~~~~~~~~~~~~~~~~~~~~~~~~

牛死熊命危

一如我早市所說, 大鱷鍾意玩窒窒步升跌來養牛熊, 一路殺一路養, 以目前牛熊分佈來看, 牛少熊多, 應該會磨一陣, 俾時間牛入局後才插, 如熊肥就會上攻先屠熊, 大鱷根本唔想這麼早就插穿25500, 要不是美股股災式暴跌, 港股不會一棍就落到25000邊, 只係食到6187張牛牛, 月初隊穿27000落26000殺了13556張牛牛呀! 按此推算, 估計大鱷會修正恐慌性拋售的跌幅, 推番大市上25500樓上來養牛熊, 港股短線會否潛行凶間關鍵在上証能否重上2600並企穩, 不過原油價格強勢及人民幣貶值削弱中資企業盈利前景,

上周我唱淡做淡, 但插埋今日驚嚇的一棍食胡後暫時唔會做淡, 睇彈到上邊個水平才決定, 今年有4個月都係9~20號見月內低位, 回顧9月係12日見底, 今日係10月11日亦創新低, 絕不會是巧合, 即係港股有可能已見短底, 彈完才再創新低, 下周會係關鍵時期, 只要守得住前底25125就會上攻26000, 通常會彈上去屠熊然後再插過

牛熊分佈嚴重失衡, 牛少熊多, 但24800~25100四串貼價肥牛亦會拉住港股後腿, 所以大鱷要用拖字訣, 引多些熊進場來抵消放生牛牛的損失, 當熊熊養肥就會殺上去開大餐, 好淡通殺

另一個測市指標係燈神經仔通梁蛇, 今日見港股暴跌又嚇到走鬼減倉(餐餐慢幾拍, 跌到水尾沽貨, 升到水尾入貨), 根據往績, 每次燈神大大聲唱淡, 走貨減倉, 又或者叫粉絲唔好博反彈, 隨後港股都會大彈高, 而當燈神大大聲唱好及追貨, 代表港股短線升到水尾, 就來會大插

~ 大鱷操控港股的手法有特定的模式, 可重溫10月留言版網誌列出港股的慣性走勢, 就不會被大鱷牽住鼻子走, 每月下旬有結算因素, 玩法會唔同左, 大鱷想推升通常會示人以弱來養熊引淡, 當利好因素出現就會爆上去挾淡, 不斷急跌急彈, 令股民無所適從企錯邊

~ 10月初到今日為止, 呢班絕子絕孫百佳大鱷已經殺左19743張相對期指對沖張數牛證, 短短幾日就差不多食夠今個月交數, 飽到上心口, 按照大鱷的習性, 未來幾日大鱷不急於開餐, 會磨下先, 養貼價牛熊部署10月下旬的殺戮, 震走遠牛熊大鱷亦能獲利, 不要相信支持位及阻力位, 幾時破底或上破阻力/補裂口, 大鱷有晒劇本, 當時辰一到就會爆邊, 攔唔住咖! 以大鱷操控港股的能力, 單日升跌500點係易如反掌

~ 港股每次連環下瀉後都會急彈, 過去幾次反彈浪閒閒地都會有1300~1800點, 大彈高目的係想營造跌唔落及見底的錯覺, 引股民入局企錯邊及接火棒, 大鱷就可好淡通殺, 熊市月月創新低, 每次彈完都要繼續尋底, 但每次見短底大反彈升勢都係急勁,

早前內地公佈降準將於下周一(15/1)實施

由下周起QQ進入業績期前不能回購時期,

10月中美企公佈業績

元帥封筆, 10月中外遊探大長今.阿豬媽

{#icono_72}{#icono_72}{#icono_72}{#icono_72}{#icono_72}{#icono_72}{#icono_72}{#icono_72}{#icono_72}{#icono_72}{#icono_72}

2018年10月12日 筆者:鼎展金融集團研究部高級分析師劉宇亮:

A股昨日急跌,人行行長易綱發表講話提到「多年來,一直在說去槓桿,現在槓桿穩住了,是個重大的變化。」有暗示未來政策有條件寬鬆之意。另外據內地財經雜誌報道,有權威人事正與監管部門再次考慮設立「萬億級股市平準基金」,對證券市場進行逆向操作,減低非理性的劇烈波動,以穩定證券市場,建議還包括放寬保險資金和養老金的股市投資比例。官員、雜誌放風救市的消息不絕。


2018年10月12日 08:33 特朗普聲稱尚有更多辦法打擊中國經濟

<匯港通訊> 美國總統特朗普接受《霍士新聞》訪問時表示,他的經濟和貿易政策,已經打擊了中國經濟,而他還可以使出更多辦法,讓中國經濟受到進一步傷害。

特朗普指出,中國人過得太多好日子,誤以為美國人愚蠢,但事實上美國人並不是笨蛋。他又再次批評前任美國總統,允許中國從事不公平的貿易行為,並表示他不得不告中國,一切都已經結束。

特朗普稱,只要他想做,他尚可以使出更多打擊中國的辦法。但他並不希望這樣做,強調中國必須坐上談判桌。不過,他表示,中國人雖然想談判,但他不認為中國已經準備好。

最新回應

111
111 2018/12/15
@美味雞煲...

雞煲多謝哂好會温多D,不過我資質有限盡力 {#iconb_59}

111
111 2018/12/14
@*KK*...

係今年個市好難,由期2個月吓吓一來1,2千點上落。由贏变輸 {#iconb_53}。早12月頭英sir睇上到28000依家睇個市上落最多上到27000。 {#iconb_215}連D基金老都玩唔-掂。我哋真係要元帥打救

美味雞煲
美味雞煲 2018/12/14
@*KK*...

111 加油多溫習元帥新舊文。我重溫又重溫。托元帥同 TC 鴻福,今年係盈 😂👍🏼 元帥股感巧強 👍🏼 精彩絕倫嘅分析,我尼條草民跟隨元帥搵到兩餐 😄👏🏼 以前 5 多明週波有幾多,而家明白日,周月波。越大波越 ❤️.......好多野學,頭都大哂 😂謝謝元帥 😍😘😘😘

大光燈方向已岀 ,哦........尼緊尼 3 個月 5 會大跌,KK 兄收到 😂 我知點做啦。

*KK*
*KK* 2018/12/14
@美味雞煲...

最新, 半小時前左右, 大光燈又話佢個獨創指標出現 "異象", 後巿唔樂觀喎.

睇佢轉到頭都暈... 哎咕... 係, 理由嘛, "大巿變幻莫測" 嘛, 咁又係既.

好似 m18 周時出文講 "異象", 又係睇到暈啦...

哎咕, 真係難賭啦, 難搵食矣.