選舉先嚟大跌市
還有一個月不夠就到11月6日的美國中期選舉,美股爆出個小股災,杜指大跌831點,收報25598點,跌幅3.2%;標普500指數跌3.3%至2786點;杜指及標普500指數係今年2月以來最大的單日跌幅。納指跌得更慘烈,收報7422點,勁跌超過4.1%。
美股昨日基本上全軍覆沒,當中只有公用股算係企得較穩,微跌0.5%,而科技股跌得最勁,係拖冧大市的元兇,標普500指數的科技板塊大跌4.8%!其中的FAANG,更係跌幅顯著,Facebook及蘋果跌幅比較細,也跌超過4%,Google母公司Alphabet跌5.1%,亞馬遜跌6.2%,Netflix更大跌8.4%!
美國昨日公布9月的生產物價指數出現反彈,按月升0.2%,按年升2.8%,由於這個指數普遍視為追蹤通脹的參數,推升了加息預期,亦刺激了美國長短期國債息繼續攀升,10年期國債息昨日升上高位3.26厘,至尾市10年債息才回順至3.19厘;30年期國債息則在高位徘徊,收3.37厘;而2年期國債息更升上2008年以來最高。市場憂慮高企的利息,推升消費和商業借貸成本,會令到經濟放緩。加上貿易戰令到市場前景況不明朗,亦令市場擔憂。
The Opportunistic Trader 的行政總裁Larry Benedict所講的,「人們現時都急著逃離高增長科技股。這些人在對沖風險方面做得不足,會有更多痛苦在等著他們。」
一直把美股上升當做自己功勞的美國總統特朗普見到股市大跌,中期選舉又快到,一落機就開口,將責任放在聯儲局身上,指聯儲局過度加息的做法有錯,已經變得瘋狂。他又認為,今次股市大跌,是市場一直以來期待的調整。
中期選舉咁近,美國好多退休人士靠退休基金過活,好關心股市走勢,美股忽然大跌,對特朗普很不利,這個跌市,可以話華爾街送俾特朗普的大禮。選舉快到先嚟一個大跌市,難道連個天都唔幫特朗普?
在美國上市的港股預託證券都大跌,ADR港比指數跌534點,跌幅2.1%。講到美股下跌空間,美國科技股近期的確升得很多,雖然納指昨日大跌,但今年以來,納指仍有7.5%進賬,如果同一年前比較,累積升幅更係12.7%!對比起香港的科技股王騰訊(0700),美國科技股可以講係仍然身處天堂。騰訊在美國預托證券市場收277.42港元,較香港上日收市再跌3.1%,按年大跌了近21%。
不過,有分析師指出,今次市況有點反常,通常美股大跌,資金會流到較安全的國債市場避險,令到債價上升、債息下跌。但今次卻是股債齊跌。Bleakley Advisory Group的首席投資分析師Peter Boockvar表示,這是一個「巨量的轉變」(sea change)。ACG Analytics的宏觀策略部門主管Larry McDonald則認為,這預視了未來大市將會繼續有沽壓,投資者不宜過早撈底。
至於從政治角度睇,未來一個月在中期選舉前夕,政治風波不斷,對美股都不是很有利。
陸羽仁
2018-10-11
Dow Jones Industrial Average (^DJI)
25,052.83 -545.91 (-2.13%)
息魔打散科技股
2018年10月12日
美國科技股急跌,杜指急插831點,變成踩多港股一腳。恒指終止六連跌微彈一日,昨日一度大插過千點,去到25000點邊緣。尾市人仔匯價回穩,大市跌幅稍為收窄。
美國科技股呢次掀起跌浪,同聯邦儲備局主席鮑威爾提到加息步伐未定,其實有看不到的關係。息口向上,資金成本增加,同時產生壓抑經濟效果,對於增長型的科技股估值不利。所以科技股喺鮑威爾放鷹後,開始周身唔聚財,終於喺昨日納指跌得慘烈,收報7422點,勁跌超過4%。五大科技股FAANG跌幅都超過4%,Google母公司Alphabet跌逾5%,亞馬遜跌逾16%,Netflix亦大跌8.4%。
利率攀升不利增長股
同美國科技股相比,股王騰訊(700) 單睇昨日,或者有人覺得唔算太慘烈,但再創一年半低位,收報267元,挫6.8%,收報269.6元。如果以高位476元計,足足跌咗200大元,幅度達43%。以一隻萬億市值大股嚟講,如此表現實在非常驚人。呢一浸佢由300元破關而下,下插速度同幅度都極快,好似昨日單日插16.8元,近排入貨者好多都已經成手血。
息魔威脅下,科技股喺跌市中特別傷,皆因市場風險胃納大減,避險意識增加。喺利息上升下,部份資金逃離股市,部份就轉入有護城河防守的收息股,科技股同高估值股份因而被拋售。騰訊就再多咗業務前景不明朗因素。本來騰訊大力投資其他科網公司,部份準備分拆,製造帳面增值之餘,同時減輕公司燒錢壓力,但O依家個別公司好似鬥魚話上市計劃可能押後,投資者視線就落咗喺公司財政負擔,股價下跌變成滾雪球效應,令佢傷上加傷。
由科技股觸發美股大跌、美股大跌觸發包括中港的亞洲股市大跌。受隔晚杜指急瀉逾800點拖累,上證指數午後跌幅擴大至逾5%,失守2600點關,創2016年1月來新低。上證指數收報2583點,急瀉142點或5.22%;創逾31個月最大單日跌幅,過千隻股份跌停板。深成指數收報7524點,重挫486點或6.07%。其他股市表現較佳,日經平均指數收報23590點,挫915點或3.9%,澳洲標普ASX 200指數收報5883點,跌166點或2.7%。
港交所傷 新股更傷
恒指受外圍影響,裂口低開800點後,早段收窄跌幅至755點,半日高位曾見25438點,其後A股跌穿2016年初熔斷低位,跌幅擴大逾千點,低見25159點,創近17個月低位。恒指收報25266點,下瀉926點或3.54%;國指曾跌穿10000點大關,收報10092點,急跌350點或3.35%,成交金額1397億。科技股唔掂,美團點評(3690) 喺大成交下急瀉10%,收報62元。金蝶(268) 瀉8.6%,收報6.81元;金山軟件(3888) 挫7%,收報12.08元;美圖(1357) 收挫9%,報4.67元。手機股捱沽,瑞聲(2018) 挫7.3%,收報69.95元,為表現最差藍籌股。
港交所(388) 急挫5.8%,跌穿200元大關,收報196.7元。喺大跌市下,新股贛鋒鋰業(1772) 首掛,股價收報11.76元,較上市價16.5元,跌4.74元或28.73%,高低位曾見15.3元及11.06元,成交4078.31萬股,涉資5.4億元。中籤者一下就損晒手,由入紙到掛牌幾日間市況插咗二、三千點,呢啲就係市況不明朗下抽新股嘅風險,所以唔單止新股跌得勁,連靠新股食胡的港交所都插得勁過大市。
喺股市風起雲湧下,人仔一度受壓,中間價連續第八日下跌,續創逾年半低,其後離岸人民幣兌美元抹去跌幅,短線漲200點,而即期收市跌74點子,報6.9268兌1美元。美國中期選舉在下月6號舉行,美股此時急跌,令人擔心除了經濟因素外,還有政治因素,係呢種市況,都係小心為上。
陸羽仁
股平樓平常永在…
SIGH...
假嘅死全家...
SIGH...
—日扯扯插插幾鑊就月執幾十皮,真係鴨王都無你咁好揾呢~!
SIGH...
有錢齊齊搵
TC師傅...
今個月跟你搵食...
已賺六位數...
低調DD...
SIGH...
嘩異街咁唔比面侵侵? 聞煮黨做野?
kaka: 問題是老美今晚的表現呢.
將軍,受教了。如果是大量斬倉盤出現,咁大市聽日應有一彈? 睇多日先 先
陸Sir早就提咗大家
股民中選前要帶鋼盔
kaka: 噢...子龍以為不是好淡角力, 而是好友落荒而逃. 相信有很多是斬倉盤.
將軍,受教了。雖然波幅細,但成交有成$1400億,是否反映好淡角力好激烈?
咁大個裂口,要玩抽插真係唔易。
kaka: 今日大市波幅只有312點, 但跌了926點, 形成很闊的下跌裂口呢.
林之兄: 要留意今晚老美的情況, 如繼續大跌, 港股只能陪跌呢.
陸Sir一早已叫大家戴頭盔啦!
將軍:真正嘅戰事? 唔使玩咁大啩。唔通要南海中美戰艦撞一撞先得?
將軍,受教了,謝謝。
裂口不補,晚節不保。
kaka: 后抽之餘, 還有要留意下跌裂口, 這個裂口令后市存在很重大的變數呢.
將軍,受教了。您講過,要睇下跌形態既后抽。
如果唔比您抽,就只好繼續大大大插。
kaka: 未知, 要睇多日呢.
林知兄: 噢...不是. 問題是再大跌多7千點, 必須要有些實質, 重大影響大市盈利前景的因素呢.
單靠貿易戰未夠力. 除非是真正的戰事發生. 才會產生更重大的風險溢價呢.
將軍:淡友籌碼唔夠?即係場內散戶未夠多?
將軍,勢還在嗎? 您講過,勢在倉在,勢亡倉轉。
林之兄: 以勢論勢, 今年180是不可能的, 因為淡友的籌碼不夠.
kaka: 十字星........
今日食左好多轉,好飽呀
將軍,恆仔睇黎今日想收十字星
將軍:180還原起點有機嗎?
666兄: 噢...相信到易幻易, 好友可能頂唔順了.......
好友幾時全面投降?
SIGH...
大戶兄: 噢....要等好友全面投降呢.
將軍,
插到幾點?
林之兄:不知道了。 當日應該都唔少基金大戶接左貨,唔知d貨派哂比老散未。
Kaka兄:原來係咁,咁如果之前405接手嘅大水魚依家先開始掟出街咪有排跌
將軍:只要mpf唔買港股就唔使坐
將軍,mpf 生不來,亦帶不走,食之無味 棄之可惜是也。
話時話,老美佈局數月,會唔會告阿爺係貨幣操縱國,意在迫人仔大幅升值,學廣場協議咁,一劍封日本喉。
林之兄,因唔係新股發行/供股,$405 接貨的股無禁售期的。但減持左2% 股份出街,貨分散入弱手後,貨源打散,難再炒起。
我記得將軍都講左,可能要預股鵝重回$1xx,係估唔到跌得咁快。
同埋,大股東Naspers承諾左未來3年唔會再減持股鵝。
kaka: 噢...全港市民的mpf都有700呢. 即是全港人一齊坐......
林知兄: 噢.......相信仍有人搏反彈, 要睇下今日收市情況才有定論呢.
Kaka兄:果個405接貨嘅大水魚幾時禁售期完畢?咁嘅跌速好快就腰斬啦噃
將軍:大戶今朝殺曬🐂都繼續跌,唔通🐂人仍繼續入場?
將軍,大戶會唔會後悔跟沽得太少 大戶405沽完,股鵝係$380-420 區間行左兩三個月,苦了老散接到一手貨
kaka: 大戶405沽700, 真是靚價.
666兄: 噢....要留意今日的收市位呢
666兄:受教了。英法德三傻 救禾
將軍,係唔係250附近要抽抽呢?
即係差唔多要收兵/出兵了?
SIGH...
Kaka兄,我唔識睇架…但而家有老尾相伴,中港唔使再斯人獨憔悴,下午如果三傻加入,會唔會插到樂而忙抽呢?
SIGH...
將軍,股鵝脾大平賣,老散真的受傷了
666兄: 市場會行自己的路, 但250是大位, 一早話今月會見呢.
666兄,您覺得插得夠深未?
將軍,插完未呀?使唔使抽-抽先再插過呀?
SIGH...
將軍,插完未? 係咪等埋歐洲佬反應,留意今日既收市位先再盤算