詭異
2018/10/14 13:01:28 網誌分類: 生活
我受傷以來，我只讓兩位朋友來我家探望（因家母不喜見外人）。佢地會買好嘢俾我食。
一個月之後，其中一位女士在街上摔倒，右手「撕脫性骨折」，不用做手術，打了石膏。幾個星期內我們兩個人相繼骨折，有點巧合。
另一班朋友話想見下我，相約了見面。其中一位說來pick up 我，豈料佢在下大雨那天在街上摔倒，手腕骨折，wrist fracture，打石膏。我話咁不如去我樓下酒店的飯店食飯，比較方便。
昨晚我和家人去那間飯店食飯。甫坐下，家母因為張座椅離檯比較遠，想拉近一點，沒想到椅子陳舊，有一條好粗的木刺倒刺插了入她手指公的指甲底，可以見到指甲下一條粗黑色的異物。馬上帶她去對面的診所，醫生拔不出，叫我們去急症室。去養和醫院，當值醫生話如果佢拔不出刺，要call骨科醫生回來。結果要簽紙，入手術室，打了三支麻醉針後醫生終於拔除了木刺。媽咪要食止痛藥和5天抗生素。
身邊的人，一個又一個，是否有點詭異？
馬仔，國泰通知我四項資料被洩漏，亦俾左條link我check係咩情形下被洩漏，但我冇check，因為那間公司係第三方，而他們以前亦有洩漏客戶個人資料的前科。我何必再risk自己的資料再一次被洩漏的危機？成件事根本就係nonsense。
如果妳仍用緊妳在國泰database的email而妳收唔到email，妳的資料應該OK，當然妳亦可以去問國泰，叫佢地confirm。如果妳改過email，咁國泰亦不能通知妳。
我多數用積分換機票。我發現凡換過機票的都中招。
原來珠光寶氣套劇都幾詭異。2007年拍攝劇集時黎姿弟弟差D死；林保宜一位parent病逝；陳鴻烈心臟病發猝死；就算重播都到岳華病逝。
我冇收到國泰EmaIl.
是否冇將我資料外洩？？
國泰在準時度及停機位位置都沒有以前般好。
但我有個客是國泰機師，他說若可能都是國泰好，因為機師在對意外處理上，有高水準訓練
……大吉利是。
可能佢賣花讚花香。
佢揸開747，現在747全退役，我問是否轉機種，点知佢話，747吾載人啫，現改為貨機，載得最多是馬，因去出賽。
國泰呢兩年的管理真係好似越來越差.機票又貴. 我都有3.4年無搭國泰了.
我咁少出門國泰都將我四項個人資料外洩，真激氣。
轉數快賣廣告賣到行又衰埋。
我暫時只keep住PayMe希望平安無事。
RIP Vichai.
他祖籍福建，和我一樣。
咁球隊以後如何營運下去？
定係會賣盤？
RIP Vichai & the other people on the heli...
咁樣冇左兩分，輸兩個12碼，實在太過份。第二球完全係插水。
已經證實班主與女兒在直升機上，好慘。
此情此景，我又會想起維蘭路華（帶領巴塞奪冠，然後癌症逝世）。
當你的人生出現一個奇蹟，開心之餘都要小心。
利記演出如流水行雲，相當悅目，唔通真係有機？
李斯特城球會有恐怖大意外。完場後佢地班主架直升機直墜地面，昨晚到現在都唔肯公布死傷情況。龍門舒米高見到意外馬上痛哭，睇黎班主一定在機上。最新謠言係領隊夫婦都登上左直升機😔
李斯特城曾締造英超神話，估唔到係如此結局。
好傷感。
完場前佢地中場艾馬迪恐怖斷腳，足踝斷裂變形。
就連昨日61歲生日的Glenn Hoddle，原本要評述這場賽事，亦於早上在 BT Studio 突然collapsed 送院急救。幸好電視台有位同事懂得用心臟除顫器唔係即刻冇命。
這場比賽真邪門。
我對雲加早已失去耐心，對一般非廠迷來說更遑論懷念，但可能對你這些熱血鐵粉始終有不同感受吧！
Emery應較雲加實際，槍手似乎已漸入佳境。不過利記與曼城今季非常強勢，稍稍跌watt便已反彈；車仔與熱刺亦仍具威力，爭前4都不易。
聯廣，我有觀戰。對Sporting的入球都係源於對方一個失誤（好得意，奧巴美揚的後抽原本乏力但就係咁樣呃到對方後衛甩腳益左韋碧克）阿仙奴又可以把握，但我覺得贏得都算合理（但連續兩場賀定都有禁區犯手球，兩場球證都唔吹佢真係唔知走甚麼運）。
Emery覺得藍斯不合用，原本放在檯上的合約也撤回，但上場又俾藍斯做隊長，真係不知葫蘆裏到底賣什麼藥。
相信你都有觀戰？是否不再懷念雲加？
Persie, 槍手11連勝能重獲你的關注和歡心嗎？還有否深夜觀戰？
有些伴侶是很好的，會照顧另一半，也有一些，甚至會大難臨頭各自飛，看個人的彩數。
今次輪到美斯斷手，係radial bone 骨裂，要休息最少三星期。
他將會錯過對國米的歐聯比賽和對皇馬的國家打比。
所以婚姻有亦好，沒結婚看來損失不大，子女只是晚年有病不致沒人去醫院望下。任何事物，久看生厭，美貌如是。自己看得多都厭。自己適應自己都未能稱心。
剛剛在看「珠光寶氣」，10年前的老劇。當年睇，係見到黎姿就睇，其他冇理會，所以只記得佢和陳豪的部份。今次重看，反而被邵美琪Sylvia的部份吸引住。佢在劇中已呈老態，說難聽點身形有點大媽，但佢演得好好，佢為愛一個人而去到盡的橋段也很厲害，男人可能都想會一會這樣的女人。反而今次看黎姿，覺得佢冇乜演技，常把眼鏡瞪得太大成四白眼，反而不好看。劇中Constance這樣性格的女友/太太，可能可以sweet一兩年，但之後難免有點膩，有點厭煩。陳啟發本來有個報攤，有個好愛他照顧周到的女友，但為了Constance，最後招來殺身之禍，更令人唏噓。蔡少芬/Jessica繼續演活一個自私自利的女人，但佢把聲線太沙啞，一激動就狂嗌，好鬼難頂，見到佢我就會mute（深夜也不適宜開太高音量）。
經過10年閱歷，我對女性的看法已經有不同。難怪男女拍拖關係是很難維持的。有子女的婚姻反而不同，係一個家庭一起去維持。
花姐好，只是太巧合，就有點奇怪。
早晨,有點巧合,不用影響心情.
如果我的朋友知道這些事，或者暫時都不想見我了，呵呵。
都好"平常"啊－－對我黎講～
我遇太多呢類事了－－Ｄ＂蠱靈精怪＂事～
２０１８／１０／１４ １５５５ 炎字