PACO名人會
PACO名人會
PACO名人會

個唱以舊歌講故事 鍾鎮濤給機會新人圓紅館夢

2018/10/15 04:12:59 網誌分類: 生活
15 Oct
         鍾鎮濤(B哥哥)將於11月24至25日在紅館舉行《故事繼續演唱會2018》,相隔十年再開個唱,他會以舊歌去講自己的故事,難得隊Band有兩位猛人助陣,屆時女兒鍾懿及他的好兄弟「溫拿」都會上台做嘉賓。而B哥哥有感近年新人輩出,即使在街頭唱歌的人都好有水準,他決定在演唱會中搞個「要是有緣、紅館見」環節,他想公開召集未踏上過紅館舞台的唱得之人,「只要你嘅歌聲打動到我,就可以同我喺紅館合唱。」

        過去幾年,B哥哥曾與溫拿開過演唱會,但自己已十年冇開,「《故事繼續》係講我身邊嘅朋友陪我沿途走過嘅故事,有音樂,亦關於生活上。」今次B哥哥的個唱音樂班底搵到兩位猛人助陣,他開心說:「音樂領班係Tony A(盧東尼),佢喺加拿大返嚟,其實我以前百分之七十嘅hit歌都係佢編,今次個唱嘅歌我希望原汁原味,但我又請咗恭碩良做音樂指導、顧問,因為想加啲新元素落去原本嘅歌。」

        有猛人助陣

          Tony A已移民加拿大,要他回港工作有難度;而恭碩良更加是選擇性。B哥哥稱:「其實呢幾年去美加登台都係搵Tony A,佢做過溫拿嘅Musical Director,早排又做咗Sam & Tam演唱會,其實佢唔係好想返嚟,但嗰次我問佢你冇理由幫阿Sam(許冠傑)同阿倫(譚詠麟)唔幫我㗎?後尾佢回覆話好喇。至於恭碩良,我以前同佢玩音樂玩過好多次,但未正式做過嘢,今次我一早問佢,佢話OK,仲話一定要做到呢件事為止,我開心到不得了。」

        獲女兒答應

          去年B哥哥曾與女兒鍾懿合唱《閃閃星晨》,今年就有另一首新歌《不忘初心》,所以B哥哥透露演唱會有一個環節與鍾懿合唱,他表示:「會唱一啲比較family嘅歌。」問他與女兒有在家練歌嗎?他笑言:「喺屋企冇乜特別練,因為佢唔聽我講,細個時佢求我畀佢上台,我話你要聽話、畀心機讀書,嗰時佢乜都應承,都唔知點解佢咁鍾意上台,佢都有表演慾,但O依家大個咗佢淨係鍾意表演自己嘅嘢,又唔鍾意唱我嘅歌,但我話今次唔得喎,紅館成萬幾人聽,你唔可以唱一隻人哋唔識嘅歌,佢就話咁好啦。」

        為新人圓夢

          今次演唱會還有一個賣點,B哥哥說:「我想召集一啲新人,畀佢一個紅館夢,我會畀三首歌包括《讓我坦蕩蕩》、《要是有緣》同《愛情組曲》,佢可以揀一首唱,然後寄隻碟畀我,如果我覺得佢唱得好,就畀機會佢同我喺紅館一齊唱。」這個招募是公開的,不分年齡界限,就算職業歌手都可以參加,唯一的條件是未踏上過紅館舞台,B哥哥續稱:「有時喺街聽到人唱歌,佢哋真係唱得好有水準,但缺乏舞台經驗,上紅館更加係夢想,今次希望畀個機會人哋,因為香港比較少呢啲機會。」

        主持:黃柏高 統籌:林永匡 協力:李佩儀 攝影:袁東亮、謝民光

        黃柏高

        
■B哥哥一向有練體能,任何時候都保持在最佳狀態,今次他希望為演唱會做到最fit。
 ■B哥哥一向有練體能,任何時候都保持在最佳狀態,今次他希望為演唱會做到最fit。 
■今次B哥哥都有為演唱會練習樂器。
 ■今次B哥哥都有為演唱會練習樂器。 
■B哥哥與女兒鍾懿將在演唱會唱出新歌《不忘初心》。
 ■B哥哥與女兒鍾懿將在演唱會唱出新歌《不忘初心》。 
■B哥哥稱溫拿將擔任個唱嘉賓。p/  
 ■B哥哥稱溫拿將擔任個唱嘉賓。

   

回應 (1)
我要發表
user

最新回應

Brian Chui
Brian Chui 2020/11/09

做得呢行,其實要食得好,先可以以更好嘅面貌示人,真係好admire你地成日有得係九龍城美食及餐廳指南入面揾到食啊

srinivas
srinivas 2020/10/19

Thanks for the best and i love it.

ghd sports

2020/10/11
islamicnuskhe
islamicnuskhe 2020/09/29

We Are Best Islamic Astrologer in The World with  35 Years of Experience. Solve Your All Life Problem With Us. Contact Our Molana Asif Ali Khan.