PACO名人會
PACO名人會
PACO名人會

實力演員用心演出 入醫院梁靖琪拍到跣落山

2018/10/22 04:12:28 網誌分類: 生活
22 Oct
            耗資近2億港元拍攝的警匪網劇《蝕日風暴》,由金牌電視製作人梁家樹領軍,集張智霖、王陽明和薛凱琪擔綱,還有不少實力演員也用心演出,今次邀請了飾演督察的郭政鴻及做壞份子的「麥包」麥長青和艾威暢談拍劇點滴,還有瞓身演出的梁靖琪(Toby),演僱傭兵的她有連場打鬥追逐戲,又上演生葬戲碼,不過她笑言拍打戲冇受傷,反而有次論盡跣落山整親尾龍骨要入醫院,以後拍嘢都要小心啲。

        主持:黃柏高 統籌:林永匡 協力:李佩儀

        攝影:袁東亮、謝民光

        化妝:Stephen Lau(梁靖琪)

        髮型:Michael Lam @ Beijing Hair Culture(梁靖琪)

        場地:小牡丹

          《蝕日風暴》講述緝毒科督察張智霖和下屬王陽明是好兄弟,兩人奉命押送販毒集團首腦回馬來西亞受審時遭伏擊,張智霖負傷,王陽明下落不明。結果張智霖被控串通毒販,為洗清冤屈而潛渡馬來西亞,並遇到神秘的梁靖琪。任督察的薛凱琪為了幫男友王陽明報仇而追捕張智霖,卻發覺他是被陷害的,於是三人合作調查。有次在山洞竟發現被囚禁的王陽明,張智霖因而被證實無罪,但他卻意識到兄弟已有變化。

        好講義氣

          此劇穿梭香港、匈牙利和馬來西亞等地拍攝,相當揼本,Toby稱:「我係僱傭兵,為咗錢乜都肯做,但唔會出賣朋友,係一個好有義氣嘅女仔。」劇中Toby有多場打鬥追逐戲,對身為健身教練的她來說,算冇難度,不過她笑言:「我拍咁耐打戲都冇事,反而有日唔小心受傷,因為喺山區拍攝時,劇組租咗啲流動廁所畀我哋,但嗰日環境太惡劣,落大雨,條路又斜,去完行出嚟跣咗落山,結果整親條尾龍骨,佢哋要即刻送我入醫院。」Toby雖表示這次純屬意外,但拍攝期間真的好拼搏,並坦言郭政鴻、麥包和艾威給予很多意見,好開心他們讚她演技有進步,她直言:「我唔係要一步登天,演戲要慢慢令自己有進步。」

        拍劇敍舊

          郭政鴻今次做督察,是張智霖和薛凱琪的上司,他透露:「對於張智霖牽涉兇殺案我當然係秉公辦理,但查查吓發覺有問題想救佢,但每次警局有消息流傳出去都唔成功先知有黑警,要搵佢出嚟。」飾演黑社會大佬的艾威笑言:「我有啲文化修養,會睇書嘅,一路營運毒品生意,有次收到風有個人可以帶挈我發達。」這個人就是麥包,他與梁漢文讀大學時是頂尖的藥劑師,豈料最後要製毒品,他說:「我嘅悲劇係娶到個唔好嘅老婆戴咗綠帽,結果錯手殺咗老婆要坐監,之後為咗個仔仲要喺監倉製毒,畀郭政鴻派人嚟查我。」三人坦言是師兄弟,趁今次拍劇可乘機聚一聚。

        黃柏高

        
■梁靖琪(右二)與艾威(右一)、麥包(左一)和郭政鴻(左二)暢談拍劇點滴。
 ■梁靖琪(右二)與艾威(右一)、麥包(左一)和郭政鴻(左二)暢談拍劇點滴。 
■張智霖在監獄服刑時認識黑社會大佬艾威(右﹚。
 ■張智霖在監獄服刑時認識黑社會大佬艾威(右﹚。 
■張智霖為救梁靖琪,即時幫她急救和做人工呼吸。
 ■張智霖為救梁靖琪,即時幫她急救和做人工呼吸。 
■郭政鴻在劇中演督察,是張智霖和薛凱琪的上司。
 ■郭政鴻在劇中演督察,是張智霖和薛凱琪的上司。 
回應 (1)
我要發表
2020/07/22 15:40:23 回覆

This is a great article, I read and enjoyed it fnaf fanart

user

最新回應

Brian Chui
Brian Chui 2020/11/09

做得呢行,其實要食得好,先可以以更好嘅面貌示人,真係好admire你地成日有得係九龍城美食及餐廳指南入面揾到食啊

srinivas
srinivas 2020/10/19

Thanks for the best and i love it.

ghd sports

2020/10/11
islamicnuskhe
islamicnuskhe 2020/09/29

We Are Best Islamic Astrologer in The World with  35 Years of Experience. Solve Your All Life Problem With Us. Contact Our Molana Asif Ali Khan.