10月肥牛歸西.11月開局熊命危

2018/10/26 21:27:47 網誌分類: 經濟
26 Oct

置諸死地而後生.全城看淡.燈神沽貨走鬼.港股跌到水尾

26/10收市報24717, 跌276點

恒指月尾6天例牌3升3跌, 而家已經跌左3日, 就算打破慣性走勢跌多升少,但技術上都會有死貓彈, 今年最長跌市係連跌6日, 而家已經係4連跌, 加上多個結算在即, 代表10月最後3天(29~31/10)不會日日跌, 會有反彈, 燈神梁蛇日前本來話低位建倉, 但一入完貨即遇上大跌市, 嚇到拿拿臨減倉走鬼, 相反指標係港股將會作出反彈

大市及唔少股份都超賣, 技術上都要彈一彈, 時間上亦配合先插後走高, 因為下周一(29/10)係結算前夕, 下周二(30/10)期指結算, 下周三(31/10)基金月結, 好友能否作出大反擊就睇下阿爺會否出手救市, 要守住人民幣七算, 上証回升, 好友才有藉口推升

由於老肥牛已死得七七八八,大鱷如果想再插都要再養下牛牛, 熊熊正不斷下移, 愈養愈肥, 大鱷或會玩好淡通殺, 貼價牛熊都要死, 10月係牛牛的災難月, 11月大鱷或會轉下口味走上去食埋熊掌, 輪到肥熊有難

市場普遍睇短線如守得住24500就會彈上25000(重上25200繼續回補下跌裂口),如插穿24500就會下試24000(以月波幅計10月不會隊穿24250), 老外近來密密經滬深股通丟A股, 亦打殘內地股市, 見沽壓龐大, 國家隊亦不敢浪費子彈硬碰, 靜候良機才反擊, 內地股災北水班資回祖國, 大媽走QQ利淡港股, QQ未見底, 港股仍要潛行凶間, 當QQ止跌回升, 港股就會有彈高吃, 港股及QQ通常係同步見底頂

港股已步入業績期前的股東禁止買賣期, 所以股份捱沽但股東都冇得護盤, 趁真空期淡友大鱷狂隊, 導致股份一沉不起, 拖低大市, 匯控.中行.中銀香港.中國電信.平保.工行.神華.中國人民保險.中海油田服務.招行.中國海外發展.農行.中石油.港交所及QQ(14/11)將會陸續公布業績, 如見光死又會有震盪, 但淡友亦要留神, 中美企業公布業績後就可回購股份, 對大市起支持作用, 狂人亦要推高美股, 為6/11的中期選舉做勢

~~~~~~~~~~~~~~~~~~~~~~~~~~~~~~~~~~

29~30/10 收市: 跌到水尾

10月期指結算價為24723
10月H股指數期貨結算價為10028

恒指上周只係升了1天, 今個星期一亦升了1天, 估計本周不會升1天這麼少, 近日落到24500關鍵水平附近, 大鱷或會玩好淡通殺, 推番大市上去, 阿爺撐市誠意十足, 出口又出手救市, 上証結束兩連跌, 反彈26點報2568, 燈神梁蛇唱淡繼續沽貨走鬼, 代表港股將會作出反彈, 近來港股頻頻彈散, 皆因升前要詐死養熊, 跌前要扮強養牛,

近日我落盤時, 經紀話靜到不得了, 全日只做一兩單買賣, 相反指標係港股暴跌令人人死心, 就係跌到水尾, 近日港股彈散亦有可能係引貼價熊入局, 部署上攻, 來抵消放生牛牛的損失,

6/11(下周二)美國中期選舉, 但10月美股卻出現股災, 以老美賤種桶侵侵的性格必定會係選舉前做勢推番美股上去, 只要美股做好, 港股就會乘機彈番上去, 修正跌過籠的現象, 以大鱷的習性, 只要內地股市重上2600, 恒指上26000不是夢

{#icono_72}{#icono_72}{#icono_72}{#icono_72}{#icono_72}{#icono_72}{#icono_72}{#icono_72}{#icono_72}{#icono_72}{#icono_72}{#icono_72}{#icono_72}{#icono_72}{#icono_72}{#icono_72}{#icono_72}{#icono_72}{#icono_72}{#icono_72}{#icono_72}{#icono_72}

31/10 收市恒指報24979, 升394點~牛死熊命危.部署殺淡

港股一如日前所說本周不會只升1天這麼少, 今日作出報復性反彈, 本周已經升左2天, 看來升勢未完, 大鱷目標係上企開倉水平24779之上, 部署畫島形底彈上25000樓上, 吸引買盤進場幫手推升, 逼淡友回補空倉進一步推高大市

大鱷一直想畫島形見底的圖表, 由於熊一直唔夠肥, 所以大鱷壓住大市在低位養熊, 係24500~25000磨左幾日, 如今熊熊已經養到肥肥白白, 有阿爺救市上証重上2600做後盾, 重上25000冇乜難度, 熊熊淡友有難, 如果明日落24500只殺牛996張, 但上攻25500就可殺熊3251張, 梗係爆上啦! QQ.匯控見底, 港股有運行

25000係超級超級大位, 亦做夠年波幅, 10月本應守得住, 但中美股暴跌大鱷就借勢玩插水, 夾硬插穿25000隊落去24540屠牛殺好倉, 逼好友止蝕斬倉, 分明係跌過籠, 淡友夠晒水位食胡, 呢個水平亦會有買盤進場

今個月恐慌性拋售裂口例牌分幾次就全數回補, 結算後大鱷任務就係推大市上去25200樓上回補下跌裂口, 最好係跳空高開補裂口做島形底, 就可穩住大局, 殺上去屠肥熊, 今日以全日最高位收, 買盤進場, 成交急增, 只要明早消化急升後的沽壓仍大幅收升, 利好後市, 大媽對港股舉足輕重, 掃匯控就爆升(原來係平保增持匯控), 一走績差股就插水

燈神梁蛇唱淡連日沽貨走鬼, 將倉位減到只得單位數, 近乎清倉, 更吹雞催促粉絲今日要再走貨, 相反指標係港股將會彈高, 港股沽空雖然略為收斂(上周普遍超過16%), 今日仍高達13.79%(沽空金額$146.37億), 其中騰訊及中國平安沽空金額企榜首兩位, 你係大鱷會點做? 今次淡友死得

31/10內地公布10月製造業採購經理人指數PMI, 基金月結粉飾櫥窗

{#icono0_51}{#icono0_51}{#icono0_51}{#icono0_51}{#icono0_51}{#icono0_51}{#icono0_51}{#icono0_51}{#icono0_51}{#icono0_51}{#icono0_51}{#icono0_51}{#icono0_51}{#icono0_51}{#icono0_51}{#icono0_51}{#icono0_51}{#icono0_51}{#icono0_51}{#icono0_51}

中港股市止跌回升.繼續尋頂屠熊之旅.升勢未完.太快做淡是死罪

1/11 收市恒指報25416, 爆升436點, 收復10天線, 強勢向25800.26000進發

島形底的威力

大鱷當港股係提款機, 根本係追住牛熊來殺, 10月股災月牛牛早已死得七七八八, 但爆升時辰未到(要留番水位做11月波幅)就用拖字訣, 示人以弱來養牛熊, 10月尾大鱷食埋幾口貼價牛就部署上攻, 日前已預告當熊熊養肥就係港股反彈之時, 今日大鱷跟足元帥指示畫島形底的見底圖表, 吸引了技術派蜂湧入市, 淡友逃命回補空倉, 助長了港股的升勢, 去到大位25500窒窒步詐死, 今次反彈動力好強, 尾市港股升幅收窄係震牛養熊, 明日係周五, 畫周線的日子, 上周收大陰燭, 本周就要收大陽燭喇! 好淡通殺, 大鱷大媽正一百佳

以大鱷的習性, 破大位閒閒地要吃超過4000張, 今日大鱷殺到上25535, 屠熊3601張, 即係未食飽, 未見頂, 會向25800.26000.26300....推進來擴大月波幅, 燈神經仔通梁蛇叫埋粉絲近日密密走貨, 近乎清倉, 今日港股繼續大彈高, 但梁蛇口吻並不看好今次反彈力度, 相反指標係港股升勢未完,

唔好以為後市彈上26000係不可思議, 其實係修正跌過籠的幅度, 阿爺近日不斷出口出手救市, 港股正醞釀大型反彈浪, 不要忘記今年恒指由33484碌到落24540, 已經嘔左8943點, 已跌至不合理的水平, 技術上都係時候食大彈高喇!

一般來說, 大鱷玩轉向都係連日急勁狂升或狂插, 逼企錯邊的股民斬倉逃命, 過去幾個月恒指每次觸底都閒閒地都彈1300~1800點, 即係短線會挑戰26340, 如內地股市見大底, 港股升幅就會更大, 如今只係彈左千點, 遠遠未達標, 港股連升兩天有大成交配合升勢, 當中除了有跟風的追貨買盤外, 亦有唔少淡友補空倉逃命的掃貨盤, 今日老外大手經滬深股通掃A股, 利好, 只要上証續升, 港股有運行

港股爆升係有理據支持, 美元沖上97後急回, 人民幣彈238點子, 創兩個月以來最大單日升幅, 熊市全城看淡做淡, 大鱷食飽肥牛就梗係乘機變臉挾淡啦! 而家牛熊分布嚴重失衡, 熊多牛少利上攻, 趁侵侵推高美股為下周二選舉做勢, 港股隨即收復10天線, 好友奪回主導權皆因狂人為了下周選舉釋出善意, 30/11舉行的G20會議習特會面, 扮有計傾, 谷番中美股市上山, 唔少股份仍未上10及20天線, 仍有上升空間, 只要追落後就有望推動大市向上, 上企26000就會向26500進發, VHSI恒指恐慌指數連跌4日, 代表港股未見頂

點跌落黎就點上番去, 昨日公布的內地10月製造業採購經理人指數PMI差, 今日上証沖高回落, 抹去升幅近低位收, 明明係利淡, 但港股升跌由大鱷話事, 要升就乜野利淡因素都睇唔到, 要跌就唔理好消息, 要逼死企錯邊的股民, 淡友周二冇跟我地食胡反手買上就命危, 10月初已預告好友10月命危, 10月尾見大鱷一直咬住24500唔放, 亦預告11月開局淡友冇命, 唔使日日睇市, 只要了解大鱷的心意就可以搵食, 不會被大鱷的假手影震出局

資金流有變, 弱勢的港匯及人民幣突然走強, 預示港股現水平仍有上升空間, 後市只要升穿並企穩26300, 就會挑戰26600~26800關鍵大位, 係50及60天線所在, 以月波幅計, 11月要插穿前底24540或上破26600來擴大月波幅, 但以往反彈上去50或60天線都企唔穩,而且目前該水平只得瘦熊, 仲要養下先, 因為大鱷通常要殺超過四千張才捨得破關

大鱷大媽亂港, 有得賺都炒得唔開心, 港股已經俾大鱷大媽操控, 升跌都係癲咖! 根本冇得估, 唔好再搵元帥浪費精神做分析喇! 睇見大鱷大媽的手法真係心淡, 將港股舞高弄低, 急升暴跌, 不斷蠶食股民的血汗錢,

{#icono_71}{#icono0_51}{#icono_71}{#icono0_51}{#icono_71}{#icono0_51}{#icono_71}{#icono0_51}{#icono_71}{#icono0_51}{#icono_71}{#icono0_51}{#icono_71}{#icono0_51}{#icono_71}{#icono0_51}{#icono_71}{#icono0_51}{#icono_71}{#icono0_51}

港股高開高走呈大陽燭, 恒指結束5周跌勢, 大舉屠熊

2/11 憧憬貿易戰降溫港股急升, 恒指大升1070點, 收26486, 創近十年最大單日升幅

大成交沖頂冇好下場

港股頻頻急升暴跌,好淡通殺玩死股民,趁上証飛天爆升70點收2676(連升兩周), 港股大鱷就借勢玩挾淡,連續3日急升大舉屠熊, 又玩升過籠,恒指今日爆升1070點,到了元帥短線目標26300,再上就係26600~26800多條平均線阻力位, 昨日曾說過去幾個月恒指每次觸底都閒閒地都彈1300~1800點, 短線反彈目標先看26300, 今日就一步到位, 由低位24540沖上26486, 大幅反彈1946點, 第一浸升浪達標, 又要回氣再養牛熊喇!

今日內地股市爆升推動港股向上, 港股後市除了睇美國下周二的中期選舉外, 主要睇上証及權重A股表現,

最新回應

c6
c6 2018/11/17
@美味雞煲...

晚上再賭?

你真的勤勞👍

你陪伴母親大人🈶️🈚️時常被人訓

近日個市場好似熱鬧點了

前輩同事都買貨

美味雞煲
美味雞煲 2018/11/16
@soho*...

伸多 50 點左右 !祝大家有個愉快週末 ❤️

美味雞煲
美味雞煲 2018/11/16

我無迷路,上錯車 😂 你地轉左車無人講聲既🔥 得元帥好心叫我落車再轉 😂

元帥尼期少左行山,多左陪母親大人北上吃喝玩樂 😂

尼期密密執多得元帥,TC 同各路猛人放料同提點 😄👍🏼👍🏼👍🏼

聖誕我都返國內短線遊 😊 桂林,蘇杭已去過😄

大家再聯手 🔪🔪🔪🐊🐊🐊

美味雞煲
美味雞煲 2018/11/16
@soho*...

山橋元帥 😂👍🏼