入行60年首開紅館個唱 薛家燕十字步加強版登場
2018/10/29 04:12:33 網誌分類: 生活
家燕姐於1958年以童星身份入行，曾因照顧家庭而淡出娛樂圈至96年復出。她表示復出後一直有人搵她在紅館開騷，只是一直冇時間，「嗰時拍《真情》，一個禮拜做足7日，一拍拍咗四年幾，而《皆大歡喜》又拍咗四年幾，之後又拍咗好多劇，根本唔可以去紅館做騷；到前年做TVB節目《流行經典50年》，個個上嚟我節目嘅歌手都開演唱會，有人問點解個主持薛家燕唔開，連黎小田都開咗，之後何麗全先生就問我有冇興趣？我同大女珊珊商量，佢話『媽咪你都應該喺紅館開個騷啦』，因為60年真係唔簡單，加上我又咁嘅年紀呢，哈哈！」
家燕姐原來好玩得
提到她為宣傳演唱會扮演「Captain Nancy」，她笑言：「其實係網民睇咗《復仇者聯盟》，佢哋話第七粒寶石喺我額頭度搵，即我粒癦，咁畀我個仔同珊珊睇到咪同啲網民一齊玩，我個仔攞咗佢《美國隊長》個盾畀我，然後佢低角度同我影咗張相，跟住珊珊話要加啲嘢叫Captain Nancy，一擺上網過百萬網民都話正。」到拍攝演唱會海報時，時裝設計師陳華國幫她度身設計了Captain造型，家燕姐笑言：「你會唔會覺得件衫低胸咗少少？陳華國先生話因為係俠女，所以要胸襟廣闊，但我就覺得性感咗啲。」
發揚光大「十字步」
為了演唱會，家燕姐稱會飲湯水和三棗茶，蟲草也唔少得，但要減食肥膩嘢，珊珊時常提媽咪要戒口keep住個身形，家燕姐即笑言：「因為佢話我個人好『中厚』，即中間好厚，所以佢話我好多嘢都唔食得。」而現時她要積極練氣，練習一路唱一路跳，她續說：「今次搵咗Sunny Wong排舞，佢去鑽研我嘅十字步，佢話十字步係中國傳統民間嘅基本步，我一跳全世界華人都知有十字步，佢要將我嘅十字步再發揚光大，會有埋手嘅動作。」她表示會盡力做到最好，希望帶更多歡樂給觀眾。
主持：黃柏高
統籌：林永匡
協力：李佩儀
攝影：袁東亮、謝民光 場地：源品雞煲
黃柏高
■家燕姐將於12月開個唱，長女石祐珊全力支持媽咪。
■薛家燕與黎小田一齊主持的TVB節目《流行經典50年》，經常邀請到很多昔日歌手演出而大受歡迎。
■石祐珊常提媽咪家燕姐要戒口keep fit和休息多啲。
■家燕姐表示常返公司練歌，因在家練得太大聲怕騷擾到鄰居。
■家燕姐的「Captain Nancy」造型吸引，但她覺得性感咗少少。
A very impressive article, I regularly visit your blog to read free time. It has both helped me relax and have more knowledge. super hero fighters 2