晚飯
2018/10/29 11:52:46 網誌分類: 生活
通常星期日都是外出吃晚飯,菜式都沒固定,有西式、越南、北京菜、火鍋、路邊攤
即興而已。昨晚到元朗稻坊,貪有免費泊車優惠。點知坐下點了菜快35分鐘都未有得食,客人愈來愈多,以一家成員親戚的為數不少,我那個性急兒子已說我為什麼不吃火鍋,點都比粵菜快。然後跑出外面傾電話,回來見桌上空空如也,我話相熟阿姐已去廚房為我們親自取湯,忍一下吧!果然說完湯來了,冬瓜水鴨薏米瘦肉湯,火喉夠,豬肉都好霖,即刻送上白飯,暫且醫肚,第二樣士多卑梨京都骨又到,食完又得等候另一個南瓜芋頭臘鴨煲,餘下的白飯到菜上時已冷卻,阿姐頂識做,幫我換新鮮的另一碗砵仔飯。兒子就說不用了。從而發覺服務行業對客人的體貼關心好重要,化解客人久等出菜的不滿,也幫食肆老闆挽留客人下次幫襯。
同時印證識人好過識字的道理。因我們都來過幾次,最重要月餅、年糕、糉卷都幫阿姐買。你幫人人幫你,求方便唧!
To 花姐:做服務業既真係嘗受過太多人唔好既態度,所以客人對佢地好禮D,佢地都真係會開心好多同埋肯俾多少少方便既.始終大家都係客,咁梗係對個對自己有禮D既好D啦.
2018/11/1 2325 炎
早晨萬兄,下次兒子話比一百給阿姐.
私人醒少少贴士,大家開心
有運行,真嚴重到如此。
大家識做..減小衝突..先有運行..
明白的,下次補給她,朝廷不用餓兵.
如果經常到某些酒樓用膳又想阿姐記住妳好容易,每次光顧之時私人醒小小貼士包保以後記住妳!