11月初屠熊後部署屠牛. 好淡通殺

港股高開高走呈大陽燭, 恒指結束5周跌勢, 急升挾淡.大舉屠熊

2/11 憧憬貿易戰降溫港股急升, 恒指大升1070點, 收26486, 創近十年最大單日升幅

大成交沖頂冇好下場

港股頻頻急升暴跌，好淡通殺玩死股民，趁上証飛天爆升70點收2676(連升兩周), 港股大鱷就借勢玩挾淡，連續3日急升大舉屠熊, 又玩升過籠，恒指今日爆升1070點，到了元帥短線目標26300，再上就係26600~26800多條平均線阻力位, 昨日曾說過去幾個月恒指每次觸底都閒閒地都彈1300~1800點, 短線反彈目標先看26300, 今日就一步到位, 由低位24540沖上26486, 大幅反彈1946點, 第一浸升浪達標, 又要回氣再養牛熊喇!

今日內地股市爆升推動港股向上, 港股後市除了睇美國下周二的中期選舉外, 主要睇上証及權重A股表現, 以周波幅計, 下周26000~26500就要爆邊，睇消息面要先向下爆，待養肥熊熊再上, 因為資金流又變, 美國10年期債息急升至3.2121％，創2011年5月以來新高，利淡

恒指於30/10低見24540反彈以來, vhsi恒指恐慌(波幅)指數就連日下跌, 但今日卻急升3.14%, 港股升勢過急市場驚嘔呀! 大鱷今日逼淡友埋牆角, 夾硬升逾千點, 主要係靠淡友回補空倉進一步推高大市,

由於近日港股升勢過急, 貼價牛來不及出世, 所以11月初要先屠熊, 當貼價BB牛登場, 港股回吐壓力才會增加, 以月波幅計, 恒指要擴大月波幅就要升穿26500, 如向上受阻, 就要落山尋底, 樓下25500及25000附近有上升裂口未回補, 按照慣性走勢, 收升月不會在月初頭幾天見頂, 而收跌月就不會開局頭幾天見底, 根據過往走勢模式, 每次大型反彈浪都會升穿50天線來屠熊(目前在26660), 待養肥牛牛就會轉勢向下, 今次能否吻別50天線就要睇美元.人民弊及A股表現

恒指連日彈高累計升近二千點，無論大鱷.大媽抑或散戶都夠晒水位食胡, 今日港股成交逾$1700億，大成交沖頂冇好下場，係見頂訊號, 可能已升到水尾, 大鱷玩緊好淡通殺，今日殺完淡友就部署殺好友, 近來港股都係急挫急彈, 補完下跌裂口又插過,

今次有島形底守住25000, 如恒指回吐只要守得住25800及25500, 或上証守住2600, 就代表大鱷仍想上攻屠熊, 如碌落去25000全數回補上升裂口就代表港股彈完, 大鱷通常會等熊熊養肥及下移才會上攻, 等牛牛養肥才會下殺, 要留意匯債變化, 人民幣強弱, 係港股升跌關鍵

過去幾日唱淡走鬼近乎清倉的燈神梁蛇見港股連日急升，轉口風大聲唱好，叫淡友轉投好友陣營，嘩))) 弊傢伙! 好友多得佢唔少

蘋果在收市後公布季度業績, 對於下一個季度營業收入預測保守, 蘋果股價在盤後交易中急瀉約7%, 但港股卻愈升愈有, 大鱷可能驚今晚美股反艇, 怕夜長夢多, 今日拿拿臨殺埋上去挾爆淡友殺熊5402張趙完鬆, 再養過第二批熊熊

下星期立立亂, 下周係超級星期, 下周二(6/11)美國 國會中期選舉, 下周三(7/11)港交所公布業績+中國公布10月外匯儲備+平保投資者日, 7~8/11美國聯儲局議息, 下周四(8/11)宏利金融.瑞聲科技.聯想公布業績+中國公布10月出入口貿易數據, 下周五(9/11)中國公布10月CPI.PPI數據

5/11 港股回吐險守25800關鍵位, 恒指大跌552點收25934

特朗普表示中國已準備好與美國達成貿易協議, 若協議公平他將會接受, 今次阿爺派重量級人馬王岐山與美國進行討論, 怪不得過去幾日港股大成交急升, 今日港股插水但成交縮, 而且只係嘔番昨日下午夾硬升的一浸出來, 冇跌入肉, 睇盤路市場似乎相信今次會談有料到, 大鱷就乘機托市派貨養牛, 普遍分析都認為月尾G20會議前狂人打壓中國會略為收斂,

今日上証開市位2665, 收市位亦是2665, 收市僅跌11點, 2638係熔斷底, 今日低見2639就拗腰上番黎, 絕不會是巧合, 港股後市能否升穿26486就要睇上証能否守得住2600, AH股價互相牽動, 權重A股升跌係港股升跌關鍵,

港股急升暴跌, 震到失暈, 係大鱷操控大市的慣常手法, 牛在老遠, 仲要養多幾日, 大鱷未食飽, 仍要屠熊, 大鱷通常係尾市畫圖, 踢一腳上去, 過去幾日大鱷都係收市U盤推高, 連續5日黑箱作業收市U盤時段恒指合共升左210點, 做市做得好過份

6/11 港股反彈, 力守25800關鍵大位, 恒指收26121, 升186點, 國指收復50及60天線

昨日港股大跌, 消化急升後的沽壓, 今日成交進一步縮減, 即市完成調整, 沽壓放緩, 底頂上移, 尾市大鱷又出手推高大市, 連內地股市下跌都唔跟, 部署屠熊之心表露無遺, 26500熊命危, 過去幾日大鱷都係收市U盤伸一腳上去, 今日再出招, 已是連續6日黑箱作業, 收市U盤時段恒指合共升左245點,

貼價BB牛仍未出世, 但貼價BB熊卻下移至26400附近, 大鱷已經兩日冇開餐, 餓到不得了, 只要明日升超過300點就可屠熊約1300張, 試完底再沖頂, 向前頂26486進發, vhsi恒指恐慌(波幅)指數急跌3.25%,

11月上旬港股走勢.急跌急彈.震到失暈

港股自11月開局以來都係震住上, 去到關鍵大位就窒窒步回一回(26500/QQ$300), 一路推升一路養貼價牛熊, 肥熊陣亡後, 貼價BB牛亦快將出世, 11月短短5個交易日已屠熊10292張, 大鱷飽到上心口,

大鱷非常奸險, 每次借好消息做藉口, 推高屠熊就趙完鬆, 沖高急回營造見頂形態, 淡友入場後, 尾市及收市U盤就伸一腳上去, 淡友熊熊又中伏, 但每次沖高屠熊後又回落, 如此一來, 好友淡友都要死, 中港股市通常係同步見底頂, 上証於2/11高見2676後就無以為繼, 恒指於7/11夾硬推上26530都企唔穩, 就係俾上証拉住後腿, 內地股市疲弱, 港股亦難以獨善其身, 當托市大鱷一縮手, 港股就會插水,

港股11月初急彈重上25500後在26000穿梭養牛熊, 25500附近的貼價BB牛將會在8/11登場, 會拉住港股後腿, 如有利淡消息, 大鱷就可借勢落山屠牛, 以周波幅計, 想守住26000殊不容易

近日內銀等權重A股表現不濟拖低上証, 但大鱷就博阿爺會力守熔斷底2638, 所以連上証5~7/11連跌3日港股收市都咬住26000, 而家最擔心係14/11 QQ公布業績或會引起震盪, 禍福難料, 大鱷亦不會花子彈托足全個月, 月初創高位屠熊後或會落山, 殺牛後再上, 不要忘記17/11起係水星逆行, 如果11月收升, 11月下旬會有新高, 不過如果11月收跌, 月初沖頂後就會落去尋底, 試完底再沖頂, 上下兩頭飆來擴大月波幅, 港股及QQ通常係同步見底頂, 當QQ見頂會落, 就代表港股升浪完結, 當QQ止跌回升, 港股就會沖頂

~~~~~~~~~~~~~~~~~~~~~~~~~~~~~~~~~~~~

根據慣性走勢, 恒指每次大型反彈浪都會上去吻別50天線, 踏入11月, 50天線就一路下移, 目前在26550附近, 大鱷用拖字訣窒窒步推升, 除了養牛熊及派貨外, 亦有可能係等50天線降低些, 等貼價牛登場,大鱷最愛玩好淡通殺

近來日大鱷都係收市U盤伸一腳上去, 7/11(周三)再出招, 已是連續7日黑箱作業, 收市U盤時段恒指合共升左314點, 所以當收市U盤冇彈上去就要小心形勢有變, 聯儲局議息亦會影響資金流, 如美元彈高, 人民幣走低, 就會拖累港股

燈神經仔通梁蛇近來一入貨跟住就俾大鱷嚇到沽貨走鬼, 正正反映港股震到失暈, 令股民無所適從, 好淡通殺, 牛熊不是陣亡就係震到止蝕, 股民俾大鱷左打一巴, 右打一巴

燈神經仔通梁蛇進退失據, 俾大鱷牽住鼻子走, 出入市亂晒大龍, 上周五(2/11)見港股大彈高就唱好叫入貨, 但周二(6/11)見港股下試25800水平, 嚇到叫粉絲不要入貨, 但見周二晚美股反彈, 周三(7/11)上午又叫入貨, 但下午見港股沖高回落驚到大叫走鬼減倉, 周三晚美股又爆升, 周四港股跟隨高開, 燈神周四(8/11)竟然認叻話周三上午叫大家入貨辦對了, 周四上午又唱好, 燈神看好就弊傢伙喇! [哈)))燈神明明係周三下午叫沽貨走鬼, 但就當冇講過]

立立亂: 美聯儲議息、騰訊(14/11)第三季業績、G20峰會11月底將會在阿根廷舉行及「習特會」、內地四中全會

8/11 港股連升3天, 惟沖高回落, 收窄升幅呈陰燭, 高位沽壓加劇

大鱷近日一直咬住高位唔放, 扮跌唔落營造利好氣氛引牛入局, 終於等到今日貼價牛出世, 即喺跌得喇！

今早燈神梁蛇話充滿信心看好未來幾日港股表現(相反指標係好友危喇!), 連財演及基金經理都話買上, 而家全城看好, 反而要小心大市會回吐,上証連跌4天, 失守熔斷底2638, 收2635, 午後大媽加速沽貨鬆人, 港股通(滬)出現資金凈流出, 為11月開局以來首度出現, 唔係好現象, 港股今日出現多個利淡訊號，26000危危乎！恒指由低位彈左1990點, 島形底的藥效力已消退, 25000及25500附近都有上升裂口未回補, 是後患,

元帥放假外遊, 要月中才回歸, 偷雞寫完文, 又要閃了

港股急升暴跌.好淡通殺.點升上黎就點落番去.下試25000島形底的支持力

12/11 收市恒指升31點收25633, 匯市不妙.肥牛命危

成交急降大龍鳳先兆.逼死淡友才插水.逼死好友就彈高