PACO名人會
PACO名人會
PACO名人會

《跳躍》救護三劍俠彈出 張彥博何廣沛郭子豪拍出兄弟情

2018/11/05 04:12:52 網誌分類: 生活
05 Nov
          無線台慶劇《跳躍生命線》收視報捷,除恭喜馬德鐘成功領軍,劇中的「救護三劍俠」張彥博(阿博)、何廣沛(Matthew)和郭子豪(Arnold)亦帶來話題。其中阿博飾演暖男救護員雄姐在上周不幸殉職,搞喊唔少觀眾。本周熱播劇進入結局篇,但三位男神拍劇後已變成好友,不時相約做Gym、相聚等,表面上互窒互鬧,笑聲中卻夾雜深厚兄弟情。

        好多觀眾欣賞《跳躍》劇情夠快、夠現實,「救護三劍俠」演出迫真,原來拍攝前認真上過堂,難怪手勢純熟。飾演六號的Arnold說:「呢套劇放咗好多資源畀我哋訓練,拍前兩星期我哋要上堂,讀學術上嘅嘢、學急救、學打針等,而戲裏嘅case係根據真實個案改編。」阿博續說:「係呀!學咗好多正統救護知識外,仲接受咗正式嘅紀錄部隊訓練,有真正嘅阿Sir(教官)同我哋步操。拍攝時,有真正嘅救護員睇住我哋有冇做錯。」三人努力付出,還有「意外收穫」。飾演傑仔的Matthew開心說:「播出後,阿Sir讚我哋做得好好,仲將我哋拍《跳躍》嘅片段畀番啲學員做reference(參考),好有滿足感。」

         互補不足

          劇中傑仔、雄姐和六號的兄弟情都是觀眾另一個話題。阿博說:「現實中,我哋三個性格好唔同,我轉數比較慢、比較鈍;Matthew開朗又好吹得;月前贏得健美賽冠軍嘅Arnold係我哋兩個嘅『野獸導師』,train我哋成為肌男。O依家我哋一得閒就出嚟見,早排播出Matthew喺雨中受罰嘅跑步戲,我真係喊咗出嚟。」劇集受歡迎,三人挾人氣開新戲。阿博和Arnold在新劇《法證先鋒IV》再度合作,前者首次做大反派,好興奮。至於Matthew早前拍咗部《白色強人》做天才醫生,現拍緊懷舊懸疑劇《黃金有罪》飾演黑警。

        主持 ︰ 黃柏高 統籌 ︰ 林永匡

        攝影 ︰ 謝民光 協力 ︰ 袁東亮、林書鉉 場地 ︰ 辣吧 (電話:2363 0313)

        黃柏高
■(左起︰)何廣沛、張彥博和郭子豪條件討好,憑《跳躍》人氣急升。
 ■(左起︰)何廣沛、張彥博和郭子豪條件討好,憑《跳躍》人氣急升。 
■昨日,馬德鐘(中)率領《跳躍》的主要演員何廣沛和張彥博(右二)等谷宣傳,馬神希望結局篇有35點收視。
 ■昨日,馬德鐘(中)率領《跳躍》的主要演員何廣沛和張彥博(右二)等谷宣傳,馬神希望結局篇有35點收視。 
■Matthew和Arnold不時取笑阿博(中),互窒中充滿笑聲。
 ■Matthew和Arnold不時取笑阿博(中),互窒中充滿笑聲。 
■戲裏戲外,三人感情好好。
 ■戲裏戲外,三人感情好好。 
■阿博和Arnold依家在新劇《法證先鋒IV》再度合作。
 ■阿博和Arnold依家在新劇《法證先鋒IV》再度合作。 
回應 (0)
我要發表
user