11月 沖頂試底再沖頂

港股急升暴跌.好淡通殺.點升上黎就點落番去.下試25000島形底的支持力

12/11 收市恒指升31點收25633, 匯市不妙.肥牛命危

成交急降大龍鳳先兆.逼死淡友才插水.逼死好友就彈高

每次調整落到關鍵大位就扮跌唔落, 尾市扮強踢番大市上去, 係大鱷養牛的手法, 大鱷已經連續3日冇開餐, 時辰到了, 當養肥牛牛大鱷就會出手, 阿爺守關, 今日上証結束5日跌市, 收升31點報2630, 利好, 港股低開高收, 單日轉向, 但升幅不大, 皆因大鱷未食25000~25500肥牛唔俾大彈高, 而且聯儲局議息後資金流有變, 美元急升上破97創16個月新高, 歐元跌至去年6月最低位, 人民幣下挫, 係港股近日沖頂回落的元兇,

大鱷容許恒指插穿26000及25800兩個大位, 就代表已轉口味, 食飽熊掌想食牛扒, 會向25500.25000進發, 由於技術上如全數回補1/11上升裂口24979~25190就代表島形底形態已遭破壞, 會再下試前底24540, 相反, 只要守得住25000冇全數回補裂口(目前25000樓下只得瘦牛), 就代表反彈浪未完結, 後市仍會再上26000(該處有肥熊),

以大鱷的習性, 應該會守住25000關鍵位玩野, 只係回補部份裂口然後磨下, 令股民無所適從企錯邊, 當好友淡友牛熊埋晒位, 大鱷就會再出手, 食飽肥牛逼死好友, 等股民止蝕斬倉後再抽番上去屠熊都得, 熊熊已下移至25786, 向上每百點都有熊吃, 貼價牛熊都要死

大鱷唔鍾意玩單邊市, 鍾意好淡通殺, 因為將大市舞高弄低, 跌下彈下大鱷才能獲得最大利潤, 通常恒指累計走1500~2000點夠水位俾大鱷轉身就會轉向, 而恐慌性拋售的下跌裂口多數會回補, 早前由低位24540彈左1990點就轉勢向下, 即係今次插1500~2000點就會掉頭, 只要淡友在25000附近食胡, 港股就會急插急彈

26530(7/11高位) - 1500~2000波幅 = 25030~24530 (回調目標)

納指弱雞拖低QQ, 加上QQ周三(14/11)公布業績, 全世界都沽貨避險, QQ係港股跌市元兇, QQ未見底等如港股未見底, 當QQ止跌回升, 港股就會彈高, 後市要留意QQ業績好壞, QQ會否重啟回購, QQ肥牛死晒未, 係港股升跌關鍵, 大鱷繼續做市, 隊港股落山, 然後尾市出手推高, 由30/10起日日都係收市U盤伸一腳上去,

港股磨左3日, 而家牛牛已經養到肥肥白白, 只要插到落25100就可屠牛近三千張, 低見25000就可多吃約900張, 睇下大鱷會否秒殺肥牛趙完鬆, 要留意人民幣表現, 只要人仔反彈, 就可穩住港股, 通常中港股市係同步見底頂, 只要上証冇創新低, 好友就有藉口守住前底24540或24800(250周線), 彈番上去26000

燈神經仔通梁蛇相反指標非常準確, 上周信心滿滿唱好, 表示強烈看好呢幾日港股表現, 港股隨即急瀉, 今日梁蛇竟然話港股今日倒升係淡友食胡撤退, 唉! 俾我造淡都會等下試25000島形底守得住才食胡啦! 大鱷有乜可能途長路遠由26530隊落黎25500, 空手而回, 唔隊埋落去食肥牛就上番去丫

今日港股倒升成交縮, 成交急降係大龍鳳先兆, 紐約期油連跌11天, 連油價都入熊喇! 明日牛牛死得, 17/11~7/12水星逆行, 代表消息混亂, 金融市場會大幅波動

港股呈光頭光腳大陽燭利好訊號, 牛死熊命危

13/11 周二恒指收報25792, 升159點(最多上升159點~收市U盤, 一度下跌540點~競價開市位)

國指收報10478, 升38點(最多上升38點~收市U盤, 一度下跌239點~競價開市位), 國指小幅跑輸恒指

大鱷利用中美即將展開貿易談判消息, 人民幣升跌以及上証表現來做藉口, 將港股舞高弄低, 乘機殺牛熊, 好友淡友都要死, 每當大鱷食飽就會將大市點穴, 由於大鱷操控指數上落, 圖表走勢可信度下降, 股民無所適從, 往往企錯邊, 慘遭大鱷屠殺, 大鱷真係神級, 今日由低位25092抽高700點上25792收, 港股升跌由大鱷話事

受中美重啟貿易磋商利好消息帶動, 人民幣下破6.97後急速反彈, 全日收漲130點子報6.9531兌一美元, 人仔結束四連跌, 美元沖上97.68的16個月新高後急回, 刺激中港股市單日轉向, 倒升收市, 但vhsi恒指恐慌(波幅)指數彈高, 代表港股仍未回穩

11月港股格局係震住上, 月初沖高屠熊回落殺牛, 肥牛死後, 就變成熊近牛遠, 熊命危, 因為以日波幅計, 港股後市仍會挑戰26000(回補9/11下跌裂口25925-26141), 補完裂口再跌過, 而11月下旬想再下試25000就要有利淡消息做催化劑才能成事,

今日港股雖然死唔去，但以往在跌勢當中出現大陽燭的利好形態後, 都係彈完再跌過, 即係未震完, 港股今日急彈亦有可能係淡友回補空倉及受大媽買QQ所推動, 今日大鱷畫左一幅技術上利好的日線圖, 想吸引買盤入局, 幫手推高大市

美股暴跌超樣衰, 但大鱷又畫圖做市, 守住25000及島形底, 中港股市先低後高, 牛熊雙雙陣亡, 大鱷正一百佳, 今日恒指大裂口低開540點, 跌幅明顯比ADR大, 為了屠牛夾硬來, 分明係做市玩暗殺, 開市位25092已是全日低位, 殺牛2819張, 牛牛死唔眼閉, 因為一開市即彈, 大鱷秒殺肥牛趙完鬆, 再沖上去25792屠熊129張, 名符其實的好淡通殺

近日熊熊大幅下移, 所以港股一插即彈, 大鱷唔想放生熊熊, 尾市沖上去食埋BB熊才收工, 而25000樓下牛大鱷仲想養下先,

~~~~~~~~~~~~~~~~~~~~~~~~~~~~~~~

今日QQ止跌回升, 由低位$260彈上$274.4, 倒升收市, 係升市功臣, QQ死唔去就推動港股拗腰倒升, 但明日(周三14/11)QQ業績揭盅, 禍福難料, 油價入熊11連跌, 代表港股震盪未完, 等油價止跌回升, 港股就有運行

上証連升兩天, 重上熔斷底2638, 收報2654, 升24點, 成交明顯增加, 但過去幾個月上証升兩天就會惹來沽壓，多數升勢斷纜，港股必定會受拖累

燈神經仔通梁蛇於7/11大聲唱好叫粉絲入貨, 當天港股見頂26530, 隨後反覆下挫, 今日低見25092, 插近1500點, 今日梁蛇仍堅持看好(即係港股未跌夠), 其實港股不斷急跌急彈, 梁蛇企硬看好遲早會中, 但隻字不提一叫加倉入貨即插1500點就分明係估中大大聲, 估錯唔出聲, 打茅波, 梁蛇話月初已看好港股, 其實市場普遍分析都看11月會收升, 唔算估中

14/11 周三收25654, 跌138點~港股先高後低, 單日轉向呈陰燭, 貼價熊陣亡

成也QQ.敗也QQ.恒指即騰指

昨日擔心港股仍有一震, 今日就出現了,大鱷繼續做市, 開市位已是全日高位, 又玩暗殺, 開市競價食完290張熊掌早餐即倒跌, 見港股彈散以為港股上升乏力, 熊熊紛紛入局, 但臨收市隊穿埋25500即彈, 尾市大鱷出手推番上25600, 淡友又中伏, 由30/10起十多天都係收市U盤伸一腳上去, 操控得實在太過份, 好友見守得住25500亦紛紛追入, 牛牛大幅上移, 但唔夠肥

全日港股都係急跌急彈, 在25600穿梭, 令股民方向難辨, 結果呢? 貼價牛熊齊齊入局, 300點範圍內都有牛熊, 今日收25654, 25488牛 VS 25895熊, 大鱷奸計得逞, 以即市波幅計, 如果守住25500就要上25900屠熊及補裂口25925-26141, 以往都係補完裂口又跌過

vhsi恒指恐慌(波幅)指數上升, 但沽空卻縮減, 大鱷會繼續玩野, 震到失暈, 今日港股雖然收跌, 但有大鱷睇場, 恒指僅跌138點, 冇嘔突昨日159點升幅, 而且地產股逆市上升, 美元沖高回落, 美國十年期債息持續下跌, 人民幣連升兩天, 都係利好訊號, 反映屠熊大鱷正在作出上攻部署,

從消息面來看, 日前傳出習特通話後, 中美高層繼續接觸商討貿易問題, 為月尾G20峰會做前期準備, 市場對今次習特會有所憧憬, 所以昨日插落25092創即月新低後即彈, 試完底再沖頂, 11月下旬會再挑戰上周高位26530,

~~~~~~~~~~~~~~~~~~~~~~~~~~~~~~~

昨日港股一棍大陽燭, 全城唱好, 但今日大鱷就玩震盪, 唔俾好友搭順風車, 股民跟風買上嚇餐死, 今日屠熊後收陰燭, 大鱷昨日殺熊129張+今日殺熊290張, 昨日殺牛2819張開, 好友淡友都要死, 操控得太離譜了吧!

港股騰上騰落玩左4日, 結果都係收於上周五(9/11)的水平, 係大鱷的精心佈局, 飛天遁地殺牛熊後, 刻意將恒指點穴在25000~26000的中軸繼續養牛熊, 令股民無所適從企錯邊,

一如日前所說, 其實大鱷係用拖字訣, 等50天線下移, 等上証完成調整, 等國指10天線升穿50天線出現黃金交叉, 不要忘記今次反彈浪仍未上破50天線, 大鱷想拖到11月下旬才出手, 到時熊熊就會養到肥肥白白

現時消息面利好，美國於6/11中期選舉塵埃落定定後，狂人對中國態度已有改變，釋出善意，大吹和風，亦利好市場氣氛，令今年下破低位24540機會大減，增強挑戰前頂26540的動力，上證企2600等如恆指企26000

QQ業績略勝預期, 大媽近日暗暗入貨, 想必是收到風, 所以趁低吸納, 大鱷大媽利用QQ來操控港股上落, QQ近日大幅回吐, 跌定來等業績, 消化沽壓, 每日收市都咬住$270, 皆因有大媽撐, 希望能打破今年QQ季績後例跌的魔咒, 因為想殺上25900補裂口屠熊就要靠QQ,

美股跌勢持續, 今日上証亦反艇, 老外走A股, 滬深股通都出現資金凈流出, 權重A股紛紛下挫, 但港股有大鱷睇場, 跌幅卻不大, 咬住25500唔放, 港股升跌由大鱷話事, 只要逼到QQ淡友補空倉, 又或者QQ回購股份, 就能穩住大局,

9/11下跌裂口阻力25925-26141, 按照慣性走勢, 恐慌性拋售的下跌裂口多數會回補, 即係往後會重上26000, 因為上証企2600樓上, 恒指就會企26000