【返工返學食咩好】出街食都健康？5大常見早餐健康推介

雖然好多學生、打工仔都唔會「空肚食早餐」，但早餐為每日的能量來源，能提起大家的精神。不過，平時各位朝早起身後都趕急地梳洗出門，哪有時間整早餐？雖然出面買的早餐大多都「三高」－高油高脂高糖－但其實只要小心選擇，亦可以出街食健康早餐。阿睥今次就為大家推薦幾個常見健康的早餐款式，等你朝早醒神咁返工返學！

1 小食店

• 推薦早餐：芝士火腿麥包三文治、腸粉走醬、茶葉蛋、少糖豆漿
• 最好避免：燒賣、中式蒸包、炒麵、腸粉連醬

燒賣是港人的小食首選，肚餓時食5粒都不為過。但其實燒賣高脂高鈉，膳食纖維亦少，不太飽肚。

中式蒸包和腸粉看似健康，但油份多糖份多，而且所含膳食纖維少，升糖指數亦高，血糖易升易跌，令人快飽又快餓，隨時一兩個小時後便開始肚餓。腸粉加入麻醬、甜醬等調味更會增加糖、鹽含量，肥上加肥！

想食得健康，可以將腸粉走醬，又或者食2隻茶葉蛋，雞蛋的蛋白質豐富又低卡，茶葉蛋亦免去了炒蛋或煎蛋的油份，更加健康。喜歡食三文治的可選擇芝士火腿三文治（有麥包揀就更好！），芝士火腿聽上去有點邪惡，但芝士和火腿的蛋白質都高，而且脂肪含量正常，比吞拿魚沙律更有益。

小食店常見早餐卡路里

2 麥當勞

• 最好避免： 熱香餅、薯餅、魚柳包、芝蛋脆雞包
• 推薦早餐：麥芝蛋包、豬柳蛋漢堡、早晨全餐走薯餅

麥當勞周圍都有，買早餐最方便。不過熱門的早餐例如熱香餅、薯餅等的卡路里可能超出你預期的高，如3塊熱香餅連牛油糖漿共有580卡。經油炸過的薯餅、魚柳和脆雞等都最好避免，皆因油份和脂肪都會超標。

較健康的選擇有麥芝蛋包、豬柳蛋漢堡和早晨全餐走薯餅。麥芝蛋包內餡只有芝士和雞蛋，兩者的蛋白質含量豐富，配合麵包，則可一次過吸收碳水化合物、蛋白質及健康的脂肪。豬柳蛋漢堡的豬柳雖然脂肪較高，但蛋白質相對較多，亦較飽肚，不失為有營的選擇。

麥當勞常見早餐卡路里

3 吉野家

• 最好避免：香脆魚柳、牛肉飯/米/烏冬
• 推薦早餐：野菜煎雞米粉、煎雞昆布烏冬

吉野家早餐有飯有烏冬，不少想「食飽啲」的人都會選擇到吉野家買早餐。同樣地，盡量避免油炸食物如香脆魚柳，牛肉飯或米粉選用肥牛，肥膏多，所含脂肪因此都算高，牛汁的糖份多，多食同樣易爆每日糖份攝取量。

去吉野家唔食肥牛可以選擇煎雞，蛋白質的含量與牛肉接近，不過卡路里和脂肪低不少。想食得更健康的話，可以走雞皮，脂肪含量就更加低。

吉野家常見早餐卡路里

4 茶餐廳

• 推薦早餐：火腿奄列、火腿通粉、雪菜肉絲米粉、煎蛋、煎雞扒/牛扒/豬扒
• 最好避免：沙嗲牛肉麵、吉烈魚柳、午餐肉蛋公仔麵

有時間去茶餐廳嘆個早餐的各位，茶餐廳的陷阱多，不過健康選擇亦不少。最重要的是避開所有炸物、加工食物或含豐富醬汁類食物，譬如炸魚柳、午餐肉和沙嗲牛肉。經典的港式早餐如沙嗲牛肉公仔麵一碗已高達688卡路里，公仔麵經油炸，沙嗲牛肉的醬汁高鹽高鈉，食完一碗都可能會爆鈉，個人好易水腫！

相對沙嗲牛肉麵，雪菜肉絲米或火腿通粉的吸引力可能較低，但則健康得多，所含的脂肪和鹽量還有卡路里都比沙嗲牛肉麵近一半。火腿奄列主要食材為雞蛋和火腿，同樣蛋白質豐富且脂肪含量適中，算是茶餐廳的健康早餐之選！

茶餐廳常見早餐卡路里

5 麵包店/ Cafe

• 推薦早餐: 全麥包、提子麥包、合桃提子裸麥包
• 最好避免: 美式鬆餅、菠蘿包、牛角包

相信幾乎每個學生哥打工仔都試過食麵包做早餐，方便價錢又平，可以一路咬住個包一路返工返學。不過，一般麵包採用小麥白麵粉的升糖指數高，食完好快會肚餓。而美式鬆餅、菠蘿包和牛角包所含的牛油及糖較普通包多，總脂肪和糖份亦很高，想食得健康就要避免！

雖然大部分的麵包都較高糖高油，但不少麵包店都會有出售全麥麵包或果仁麥包，全麥麵包少糖少油，屬有益健康的天然酵母麵包，對身體有益之餘，有咬口且容易消化，飽肚感亦比一般的白麵包高，可以捱多兩三個鐘！

麵包店熱門早餐卡路里

正所謂「一日之計在於晨」，朝早食完早餐先有動力，亦是減肥的關鍵，皆因中大研究表示有食早餐習慣的生產力和專注力會較好，成績和工作表現都會比不食早餐的高，所以食得豐富有營養很重要！不過，健康早餐只是維持身體健康的第一步，想更有效保障健康，應選擇合適的醫療保險，確保自己得到全面保障，就可安心享受各種美食。

比較全港醫療保險

原文：GoBear  -  【返工返學食咩好】出街食都健康？5大常見早餐健康推介

伸延閱讀

• 【返工返學食咩好】5分鐘搞掂！5個簡易健康早餐懶人食譜
• 【香港行山攻略】麥理浩徑行山＋減肥全攻略
• 【香港行山攻略】初哥要注意！香港16個行山黑點
• 【香港行山攻略】10條西貢精選行山路線
• 食完Lunch就想瞓覺？】4招防止飯氣攻心
• 【保險claim唔足？】醫保理賠範圍五大注意事項！
• 睇中醫claim保險 四大注意事項