11月下旬繼續好淡通殺

2018/11/16 18:05:40 網誌分類: 經濟
16 Nov

大鱷借消息興風作浪.舞高弄低.操控大市.港股急升暴跌.好淡通殺

11月初上攻屠熊+落山吃一口肥牛+彈高屠熊+部署殺牛+引熊下移+引牛上移

11月上旬: 大鱷用拖字訣養牛熊, 開局先屠熊, 然後落山吃一口肥牛即彈, 等50天線由1/11的26705下移至16/11的26252, 等上証完成調整, 以及消化港股由24540急升近二千點的沽壓,

11月上旬恒指埋單雖然收升, 但當中有兩天暴跌五六百點(5/11及9/11), 大鱷冇益人, 特登唔走單邊, 1300~2000波幅就轉向屠牛熊, 因為玩好淡通殺大鱷才能獲得最大利潤, 今次重上26000成交一路縮, 並不配合升勢, 只係挾淡推升, 為屠熊殺淡及養牛而爆上, 15~16/11連日攻上26000已全數回補9/11下跌裂口25925-26141, 補裂口任務完成通常會再跌過, 港股波幅大, 已進入大型上落市

13/11低見25092後急彈, 守住島形底目的係營造向好氣氛, 一路殺熊一路引好友入局, 部署日後的殺戮, 大鱷大媽亦想係高位派貨, 低位撈貨, 炒波幅

13/11低見25092單日轉向倒升展開大反彈, 14/11回吐低見25489即彈, 守住25500, 皆因當時大鱷未食夠肥熊, 大市仍未吻別50天線, 任務未完, 所以大鱷唔俾插住

~~~~~~~~~~~~~~~~~~~~~~~~~~~~~~~~~

11月下旬: 中港股市繼續消化急升後的獲利沽壓, 大媽大鱷炒波幅亦係高位走貨, 特朗普表示可能不再徵收額外關稅, 美聯儲局提及經濟隱憂, 暗示或減慢加息步伐, 可能最早在明年春季停止加息周期, 美元及10年債息雙雙回落, 有消息指陸續有內銀下調房貸利率, 地產版塊見買盤, 撐起大市, QQ業績及美國國會中期選舉皆塵埃落定, 熊熊及50天線大幅下移, 想吻別亦較容易, 過去幾個月恒指大反彈浪多數會升穿50天線魔咒位(目前約在26250), 不過都係企唔穩碌番落黎

上証表現除了受國家隊影響外, 每當老外經滬深股通大舉走貨亦會拖低A股, 港股升跌步伐就會受上証影響, 唔少分析都指美股及油價已入熊, 大鱷大媽趁反彈在高位派貨, 利淡內銀政策浪接浪, 壓住港股

港股今次彈上26000並不獲國指支持, 由9/11起國指一直跑輸恒指, 皆因內銀內險石化雙雄A股走勢欠佳壓住H股, 拉住港股後腿, 如國指弱勢持續, 未能上企10650關鍵位, 恒指就難以殺上26500, 如沖頂回落就要再試底, 向下大鱷一直力守20天線(約25600), 整數關口25500以及短期升軌25350, 如果反彈浪未完, 收市就不應跌穿幾個大位, 後市仍會再上攻前頂26530

大鱷往往係沖高秒殺BB熊後就縮手, 俾時間熊熊及淡友入局, 以及養牛, 尾市及收市U盤就會再踢高做市, 夾硬來, 升得好假, 所以翌日多數會見沽壓, 有溫水煮蛙的味道, 當大鱷唔托市, 港股一跌到尾就要小心市況已逆轉

內銀及QQ表現係港股升跌關鍵, 由13/11起大鱷日日屠熊, 不過當BB牛大幅上移就要小心大市回吐壓力會增加, 會再度下試25600(20天線水平), 13/11奇蹟日那天暴跌後單日轉向倒升, 20天線失而復得, 反映大鱷非常重視20天線, 現時25000~25400只得瘦牛, 並不吸引, 如港股回吐時見地產板塊走強, 大市就不會深潛

除了大媽走貨利淡外, 另一個隱憂係燈神經仔通梁蛇做了大好友, 竟然話港股對壞消息有免疫力, 口吻非常樂觀, 根據往績, 燈神看好, 港股就危, 代表港股仲未震完, 不要忘記17/11起係水星逆行

到目前為止11月高低位25092~26530, 波幅只得1438點, 勉強達標, 以大鱷的胃納, 要爆邊才能食飽飽, 撇除今年特大月波幅, 恒指一般月波幅係1300~2200點

星期三(21/11)破日, 小心會有大波幅

美國感恩節假期,美股星期四(22/11轉節氣小雪)休市,星期五(23/11)美股只有半日市

2018年水星逆行 : 17/11 ~ 7/12 代表消息混亂, 金融市場會大幅波動

聯儲局議息: 18~19/12

11月30日至12月1日G-20峰會及「習特會」

MSCI明晟季檢,23間企業被納入中國小型股指數,57間股份被剔除, 11月30日生效

{#icono_71}{#icono_71}{#icono_71}{#icono_71}{#icono_71}{#icono_71}{#icono_71}{#icono_71}{#icono_71}{#icono_71}{#icono_71}{#icono_71}{#icono_71}{#icono_71}{#icono_71}{#icono_71}{#icono_71}{#icono_71}{#icono_71}{#icono_71}{#icono_71}

步入水星逆行時期, 港股出現利淡訊號

19/11 收市恒指連升3日, 收26372, 升188點, 大舉屠熊, 惟高位沽壓加劇, 肥牛命危

大鱷繼續係尾市及收市U盤做手腳, 夾硬推高港股, 臨危托沽格, 好友以為港股跌唔落, 牛牛大幅上移, 港股今日雖然近高位收, 但唔少股份即市走勢係向下走, 測市指標出現多個利淡訊號, 大鱷大媽走緊貨, 上証連升3天, 高收2703, 港股卻未能借勢上破26500/10700關鍵位, 極為反常, 代表港股有暗湧, 權重內銀內險上升乏力, 沽壓沉重, 到今日為止11月恒指高低位25092~26530, 月波幅只係勉強達標, 大鱷上攻爆頂抑或下殺破底就要睇牛熊分布, 大鱷係追住牛熊來殺, 貼價牛愈來愈肥, 具吸引力, 有下殺誘因, 大鱷好鬼陰毒, 就算想爆頂都要落山殺牛清左場才推升

港股繼續乾升, 成交並不配合升勢, 挾淡格, 連續5日合共屠熊3291張, 大鱷食到飽飽喇! 恒指今日終於重上50天線魔咒位, 慣性走勢係吻別50天線又跌過

明日繼續有新貼價牛上市, 上次港股彈到新牛登場就掉頭向下, 如果明日插落25700有肥牛1129張, 如果沖上26500只得熊437張, 你係大鱷會點揀? 通常大市回吐熊熊就會湧入, 愈養愈肥

港股已進入17/11起的水星逆行金融市場動盪期, 貼價牛命危, 因為燈神經仔通梁蛇繼續大大聲唱好, 梁蛇話港股低位承接力及回升動力增強, 對利淡消息免疫, 口吻非常樂觀, 燈神相反效應不容忽視, 好友小心, 當大市一跌到尾, 尾市及收市U盤冇踢高就係見頂訊號, QQ於公布業績後連升3天, 但疲態已漸現, 升勢放緩, 一路升成交一路縮, 如QQ反艇就會推港股落山

{#icono_71}{#icono_71}{#icono_71}{#icono_71}{#icono_71}{#icono_71}{#icono_71}{#icono_71}{#icono_71}{#icono_71}{#icono_71}{#icono_71}{#icono_71}{#icono_71}{#icono_71}{#icono_71}{#icono_71}{#icono_71}{#icono_71}{#icono_71}{#icono_71}

水星逆行港股急挫一舉失守10及50天線, 下試20天線的支持力, 向25500肥牛區進發

美股反艇+上証急挫失守2700結束三連升, 拖累港股低開低收呈陰燭

20/11 收市恒指結束3連升, 收25840, 急挫531點, 大舉屠牛

納指再度急挫, 美國主要科技股由高位累計下挫超過20%, 處於熊市, 走勢差劣, 拖累上証及港股同步結束3日升勢, 齊齊碌落山, 雖然今日港股反艇, 但今個月港股通常係一插翌日即彈, 未試過連跌兩天, 自從30/11低見24540展開反彈以來, 13/11曾隊落25489秒殺一大口肥牛即彈, 震完倉再升過, 今日插水殺牛642張, 今次調整大鱷會食幾多牛牛才彈呢?

港股插水皆因大鱷已食飽肥熊, 亦嫌目前樓上熊熊唔夠肥, 隨著11月上旬熊熊陸續陣亡,大鱷一路托市引好友入局,貼價牛快高長大,不斷上移,中伏了, 月中港股反彈之際, 亦試過突然急挫秒殺肥牛即彈, 睇下明日插水屠牛後能否拗腰彈高, 國家隊會否出場護盤 (港股今日收市後燈神梁蛇轉口風唱淡, 相反指標明日港股可能死唔去)

早已說過恒指通常走1300~2000點就轉向, 恒指由30/10低位24540彈1990點上7/11高位26530, 由13/11低位25092彈1305點上19/11高位26397, 即係無論點計, 都符合慣性走勢, 今日插水只係大鱷的一貫作風, 按此推算, 即係未跌夠, 往後會隊穿今日低位25776, 今日插穿25800即彈, 扮守得住目的係養貼價牛引好友入局, 以目前的牛熊分布, 只要明日跌300點見25500就可屠牛約2200張, 而25000~25400只得瘦牛, 並不吸引, 等熊熊下移大鱷又可以踢番大市上去, 符合今個月震住上的模式

正一百佳大鱷,操控港股上落如入無人之境, 簡直係冇皇管, 自從30/11恒指見底24540後展開大反彈, 大鱷為了上攻屠熊, 就日日係收市U盤踢高大市, 已是連續15日黑箱作業, 升得好假, 分明明係做市, 今日尾市及收市U盤恒指續瀉冇彈高, 打破了慣性走勢,代表大鱷已轉口味, 想落山食肥牛, 不過今次調整浪只要守得住25000島形底以及25350升軌, 代表大鱷仍想再挑戰26000, 只要企穩, 就會上26500

亞太經濟合作會議中美雙方互不相讓, 更罕有地未有發表共同宣言, 憧憬月尾「習特會」有好消息隨即急降溫, 市場轉為憂慮中美貿易戰未必能輕易達成協議, 加上美股熊味愈來愈濃, 蘋果削新唉瘋訂單, QQ業績後挾淡完結, 觸發獲利沽盤湧現, 老外經滬深股通大舉沽出A股, 中美股市急瀉,燈神梁蛇看好相反效應再度發揮威力

最新回應

門徒
門徒 2024/03/28

166對後市有一定指向性 {#iconb_22}

門徒
門徒 2024/03/28

嘩...乜挾到咁高既 {#iconb_61}

美味雞煲
美味雞煲 2024/03/28
@soho*...

元帥,咁我避開桂林先😄 冇諗過去貴州丫,但可以考慮嘅之前我就係三月去桂林,天氣一般亦都去睇過苗族表演,所以貴州可去可不去 ☺️ 可能有啲地方好靚我要深入了解吓先 🤭 想去嘅地方有四川、西安、西藏、新疆、雲南同北京,分兩次去😅🤣 

門師兄,快啲玩熟CFD等你帶隊🤭😚🙏

史哥
史哥 2024/03/27
@門徒...

門徒~

保證資金~咪即係你户口要確保要有嘅金額囉~

如果低過的話~會被迫強行斬倉 跟現實期期一樣~

因為有桿杆~

至於~手什麼美元手續費係咩~就唔知喇~可能係美股買賣交易手續費? {#icono0_33}

你有咁多問題~自己問客服啦~或者入群啦⋯⋯ {#iconb_23}