身材索爆如模特兒 德女車手自爆單身 網站報平安
2018/11/21 04:12:19 網誌分類: 生活
喺澳門嘅三級方程式賽事中，德國女車手佛羅絲喺葡京彎前直路失控撞欄，意外有五個人受傷。佛羅絲噚日做完手術之後，喺社交網站報平安，話醫療團隊為咗降低手術風險，故意放慢手術進度，仲話手術過程好順利，冇出現併發症。
佛羅絲o依家得十七歲，五歲就開始接觸賽車，參加過好多歐洲嘅賽車比賽，同男仔鬥車，仲喺三個賽事系列入面最年輕嘅女車手！除低賽車頭盔嘅佛羅絲係個超級美女，同好多女仔一樣，平時最鍾意行街買嘢同去旅行，仲好鍾意冒險活動，賽車、滑雪、衝浪，樣樣都識！簡直係Kelly嘅偶像呀！聽講佛羅絲好專注喺賽車界發展，話目標係成為第一位女性F1世界冠軍，所以佢仲未有男朋友㗎！各位男士們快啲去馬喇！
Kelly Chu
■佛羅絲除低頭盔，係一個有着模特兒身材嘅超級美女。
■佛羅絲專注賽車界發展，目標喺成為第一位女性F1世界冠軍。
回應 (0)
我要發表