新債王話未跌完
各個投資市場都好似食咗瀉藥一樣,美股止唔到血,昨日再大插,杜指再插551點,收24465點,跌幅2.2%;標普500指數跌1.8%;納指跌,美股連插幾日,除了納指今年仲有0.1%輕微進賬,杜指及標普500指數已經把今年的升幅嘔凸,倒跌1%,美國開始嚐到香港捱跌市的味道了。
美股大插,除了繼續被科技股續跌拖累之外,油價昨日大跌,令到能源股成為跌市的更大拉力。
雖然OPEC及一眾產油國將於下月6日開會討論減產頂挺油價的問題,沙特更揚言OPEC計劃每日減產140萬桶去頂住油價下滑的勢頭,但無奈美股近日狂瀉,市場避險意識大升,除了連帶石油期貨這類更高風險的資產同時挨沽之外,由於股市係經濟的的反映(股市一般跑前經濟約6個月),投資者多了一重經濟增長將會放慢、能源需求會受壓的憂慮,油價及能源股就只有挨沽的份兒啦。
原本,油價昨日未至於會跌得這樣急,又是美國總統特朗普惹的禍,在美國中情局發報告指此前《華盛頓郵報》的沙特裔記者卡舒吉懷疑被沙特特工殺害,是沙特皇儲穆罕默德(Mohammed bin Salman)在背後策劃的同時,特朗普卻發表聲明支持沙特,又話「可能是沙特皇儲做的,也可能不是。太多事情我們都搞不清楚!」特朗普又話沙特講好話,指沙特已幫美國壓低油價,但此言一出,油價馬上再下一城!紐約期油昨日大插6.6%至53.43美元的去年10月以來新低。標普500指數能源板塊勁挫33%,係表現最差的板塊,美國「兩桶油」艾克森美孚及雪佛龍齊插2.8%。
另外美國科技股週一爆出小股災,但週二仍然止不到血,標普500指數科技板塊再跌2.1%,係表現第二差的板塊。5大科技巨頭中,只有Facebook及Google母公司有輕微反彈,微升0.6%左右,而Netflix及亞馬遜再跌超過1%,蘋果最弱,上日跌完4%,不但無反彈,昨日再插4.8%,收176.98美元,蘋果跌入熊市之後,越跌越深。
美股昨日再跌,也和有「新債王」之稱的DoubleLine Capital 行政總裁岡拉克的言論有關。他昨日接受路透社電話訪問時表示,雖然美股近日急跌,但基於兩個現象,相信美股現時不但不是「恐慌性低位」(panic low),而且仍然很貴,意味著美股還會再跌。第一個現象係大市雖然大跌,但恐慌指數(VIX指數)卻沒有升得很高,VIX指數昨日升雖然升11%至22.48,但美股已跌回去4月底的水平,但與10月初VIX的高位28.8和10月底的26,以及4月底的26比較,仍相差很遠。這意味著投資者並非太恐慌,只認為美股已經很貴,回落是合理的。岡拉克建議投資者沽空Facebook,因為Facebook(以及其他社交媒體)此前升得實在太高,而且近日監管的聲音不斷增多,他認為監管的加強,往往會督爆資產泡沫。
第二個現象是雖然股市大跌,但投資者似乎對風險較低的國債沒有太大興趣,債價沒有大升,美國10年期國債收益率昨日仍企穩3厘上方,與10月時差不多,意味著股市仍未跌完。岡拉克的講話發表後,令到杜指跌幅加深,一度跌超過600點。我此前都提過,標普500指數好大可能要跌至2580點水平,造出一個三底才有望有較大的反彈回升,現價2641點,即是還有2.3%的再跌空間,先至睇睇見底未。
另外,岡拉克提醒投資者不要因為股市跌就走向買高收益公司債(或投資級別債券或BBB評級,只比俗稱垃圾級別債券高一個評級的債券),要遠離這類債券。因為這類債券已經升得過高,由2008年至今,所有的投資級別債券已升了20%至50%不等。隨著利息上升,經濟有下行風險,這類債券就會被下調評級,到時價格就會大瀉,隨時渣都無剩。
現在股市投資者唯有寄望月底G20開會中美領導人會面,中美貿易戰有好消息救救市啦。
陸羽仁
2018-11-21
Dow Jones Industrial Average (^DJI)
24,464.69 -0.95 (-0.00%)
金融High Tea——兩個左右股市的男人
金融High Tea - 陸羽仁 2018-11-22 列印 文字大小
股市永遠有驚喜,美股杜指隔晚大跌551點,中港股市則上演單日轉向,港股開市已跌唔多,下半場更轉升,最後逆外圍之勢升131點,如此表現實在令人出人意表。
華爾街呢排風起雲湧,最強嘅科技股同傳統股輪流失守,前晚又到零售股被插。昨日晨早未開市,中環茶友話點睇?陸羽仁回應要救美國個市就要睇兩個男人。呢兩個都係美國人,一個係特朗普,另一個係鮑威爾。特別之處係兩個美國人愈有信心時,對中港股市愈不利,相反佢哋無信心,對股市就好啲啦。
美股下跌利吹鴿風
特朗普對港股嘅影響,最直接係來自貿易談判。中國立場好清楚,北京想達成協議,讓步方案已經擺咗喺枱面,中國可以一年買多幾百億美國貨,只要特朗普肯攞就水到渠成。前日傳出消息,美國航空母艦列根號會嚟香港訪問,特區政府視之為利好港美關係。實際上美國軍艦訪港,話事權喺中國,今年9月阿爺曾經拒絕過美方艦艇來港,現時批准美國航母來港,任由佢喺香港威威,雖然美國指揮官話唔代表乜嘢,但點都令人感覺到中美吹起一點暖風。
特朗普喺選舉之後,同北韓談判僵持,美國股市又持續下滑,對成日想搵好消息沖喜嘅特朗普而言,與中國達成協議,向國民表示「成功爭取」誘因不斷增加,所以美股愈插,反而市場愈會炒中美有貿易協議。
同樣地,聯儲局主席鮑威爾擺出鷹派姿態,若然美國經濟強勁,聯儲局下月加息機會就係百分百,而且可能加完再加。高盛預測美息要加五次,美股即時下插,但對香港而言,美股急跌造成負財富效應,有牽制聯儲局再加息作用。
咁即係話,華爾街吹淡風,對特朗普同鮑威爾呢兩個美國男人而言,都有「下馬威」效果,增加他們行一行鴿派路線機會。呢個理解唔係斷估,事實上當美股下跌,美國總統特朗普就已經急不及待,呼籲聯儲局減息,以紓緩市場對加快加息憂慮,美國債息同時稍為下降,亦減低港股跟跌力度。
受外圍影響,前日已經大跌嘅恒指裂口低開343點,相對美股而言算係跌得唔多,不久後更買盤增加,拗腰「V彈」,到下午三點A股回升收市,提振港股衝高,收漲131點,報25971點;國指稍為跑輸,收升19點,報10486點,成交稍為增至783億元。
今年搶閘大跌嘅科技股叻番次,騰訊(700)先低後高,收市彈高2.8%,報289.6元。本港蘋果概念股回穩,高偉(1415)收升2%,報0.98元;瑞聲(2018)收升1.85%,報54.95元;舜宇(2382)收升近2%,報77.2元。多隻科技股跑贏大市,美團(3690)今日公佈業績,績前升4.7%,報59.7元;IGG(799)收升2.4%,報9.6元;中軟國際(354)收漲1.77%,報4.6元;小米(1810)股價三連升,收升0.7%,報14.84元。
港股能夠逆流而上,股民有點執身彩巳感覺。要留意嘅係,雖然美股下跌,有利中美貿易談判同埋為加息降溫,但都要提防美股會唔會瀉出個股災,若然係咁,港股就鐵打都未必頂得住。另一方面,如果指數繼續反彈,等如係不斷消化中美達成協議消息,所以O依家買賣,都仲係要打穩陣波。
寶寶樹同程傳下限定價
正值市況波動之際,阿里巴巴及騰訊兩大電商巨頭分任股東嘅兩隻新股——寶寶樹(1761)及同程藝龍(780)前後腳招股。外電引述消息報道,兩隻新股均以下限或接近下限定價,同程藝龍發售價將定於每股9.8港元,接近招股價範圍9.75至12.65元的下限,集資約14億元,股份將於下周一(26日)掛牌,聯席保薦人為摩根士丹利、摩根大通及招銀國際。
兩隻新股大股東本來都係金漆招牌,可惜現在都失去光環,以下限價招股,頗有點海鮮價之感。有茶友覺得寶寶樹都有啲概念,正等緊兩間公司掛牌,到時有無平價買海鮮機會。
陸羽仁
慾來 ,硬得起嗎?
SIGH...
唔唔~
佢老美,山雨欲來~
// 好友已大難臨頭 //
救我 .....
將軍:擸多400點可以買多間飛鵝兼食多只鵝脾,抵搏
將軍,淡友大戶會係期結前送好友上路?
林之兄: 噢....多算勝, 少算不勝, 況乎不算. 現在市況很波動, 吃了再算呢.
kaka: 不是, 好友已大難臨頭. 救得一個得一個......
將軍,重上258,好友有救?
將軍有400點在👋可搏另外400呀
林之兄:噢.....不好嗎???
將軍諗住即日鮮?
林之兄: 噢....收市前是.....
將軍是好倉嗎?
666兄: 勿慌, 留意今日收市位......
升穿易唔發…我有壓力
將軍救我
SIGH...
易唔發,有壓力
SIGH...
林之兄: 未知....尚未示意......
將軍:大戶會否嚟支大陽收市?通殺
林之兄: 留意今日的收市位.....
kaka: 草船借箭......
258有阻力
將軍,沽到落24樓半做雙底?
666兄,扯紅軍,港女硬唔起
將軍好明顯係扯紅軍啦!
SIGH...
將軍唔做紅軍啦?
大戶兄: 先后抽上258, 如受制, 必大插.....
??? ???
子龍大軍進場.......
各位早