21/11 曙光初現

2018/11/21 21:30:11 網誌分類: 經濟
21 Nov

25500失而復得倒升重上25800, 再度挑戰26000及50天線

中港股市同步先低後高, 單日轉向呈大陽燭, 秒殺肥牛即彈, 牛死熊命危

21/11 周三恒指收報25971, 升131點(最多上升158點, 一度下跌346點), 收復10天線

國指收報10486, 升20點(最多上升29點, 一度下跌153點), 收復50天線, 國指大幅跑輸恒指

恒指 = 騰指, 騰訊先低後高倒升 = 港股低開高收倒升

大鱷正趴街.蓄意謀殺.為屠牛而插.為屠熊而彈.升唔喜.跌唔樂

今日港股點解倒升,唔跟道指跌500點,既然大鱷想托市,點解開市競價大跌插穿25500?

由於港股昨日暴跌收大陰燭, 今日要收大陽燭才能抗衡昨日的大陰燭, 今日大鱷就成功畫幅靚靚走勢圖騙股民入局, 現時利好利淡消息同時充斥市場, 正好俾藉口大鱷玩抽升殺跌秒殺牛熊, 大鱷大媽都係炒波幅, 高沽低吸, 股民轉身慢就會成為大鱷的點心

昨晚美股暴跌, 如果今早港股夾硬高開大鱷不但冇牛扒吃, 而且外圍大瀉會觸發港股避險沽壓, 今日高開或平開係好難收大陽燭, 大鱷就玩大幅低開秒殺肥牛後拗腰, 收市雖然只係升131點, 收復失地小幅倒升一樣畫到大陽燭, 而且仲畫埋低開高收, 單日轉向的利好圖表走勢, 開市下挫插穿25500後急彈轉跌為升, 目的係吸引股民入場, 結果牛熊齊齊進場, 都係非常貼價

今日破日果然有超過500點大波幅,炒牛熊全買中,大市一如慣性走勢一插即彈高收, 真喺13/11奇蹟日大插倒升高收的翻版,看來大鱷仍想上易幻綠食熊掌, 下移的貼價熊命危了, 震左兩日, 熊熊已經養到肥肥白白, 牛牛亦上移, 大鱷流晒口水, 秒殺牛熊趙完鬆係大鱷操控大市的手法

QQ低開高走皆因大媽見QQ插穿$280就掃貨, 大鱷大媽推高QQ代表想守住25500, 過去3日恒指即市波幅250~360點, 大波市就係515~700點波幅, 最終今日恒指即市波幅係504點, 大鱷做市做得好鬼揚, 輸死股民

近來國指呆下呆下, 今日港股大插後倒升全靠QQ, 並不獲國指支持, 內地股市走勢疲弱, 內銀內險石化雙熊AH走弱繼續壓住國指, 中港股市通常係同步見底頂, 上証今日低見2617後急彈重上2650, 港股低見25494/10312亦拗腰倒升, 港股後市就要睇上証及大媽老外, 如上証再度失守2650/2638(熔斷底), 又或者老外又經滬深股通走A股, 亦會拖低港股, 大鱷係26000玩穿梭引貼價牛熊入局, 再擇肥而噬, 貼價牛熊都要死,

~~~~~~~~~~~~~~~~~~~~~~~~~~~~~~~~~~

明日港股表現就要睇大鱷大媽老外的指揮棒, 呢班賤鱷日日變臉, 走鬼就插水, 掃貨就飛天, 今日港股拗腰彈高, 倒升收市就係老外及大媽的傑作, 昨日老外及大媽齊齊沽貨走鬼, 滬深股通及港股通(滬)都出現資金凈流出, 所以港股暴跌, 但今日老外及大媽隊穿25500齊齊於低位掃貨, 而且大媽掃權重QQ, 所以港股拗腰彈高,

大鱷大媽老外將港股舞高弄低, 真係賤到冇朋友, 大鱷做市變本加厲, 離晒大譜, 冇皇管, 呢兩個月港股試過好多次高/低位係開市位或收市位, 係大鱷操控大市的手法

昨日港股已偷步急挫,加上 上證低開高走,所以今早大鱷秒殺約二千張肥牛即彈,又趙完鬆,今早低位25494,守住14/11低位25489, 連續兩日港股地震, 殺牛及養牛熊, 熊熊不斷下移至26028, 要買定官才喇!

大好友燈神梁蛇轉口風話港股已見頂, 今早唱淡, 港股果然死唔去拗腰高收, 明日轉節氣小雪, 睇下會否又玩秒殺即縮手, 因為13/11奇蹟日後翌日係跌市, 即係就算明日夾硬收升都要先消化沽壓才能再上, 今日尾市大鱷又踢高大市, 睇下明日會否再表演伸一腳上去絕技, 美股明晚休市, 港股自由行, 大鱷想點玩都得

狂人出口又出手推油價落地獄, 無論油價抑或美股, 暴跌後技術上都會有死貓彈, 只要油價反彈, 美股就有喘息的機會, 當美股反彈, 大鱷又有藉口閃上去秒殺BB熊, 大鱷最鍾意係關鍵位將大市點穴來養牛熊, 今日高見25998, 特登唔上26000, 吸引熊熊大幅下移至26000~26200的貼價水平, 中伏了, 恒指技術上呈曙光初現的利好形態

圍繞特朗普的貿易政策的糾紛進入裁決階段, 中美兩國在世界貿易組織(WTO)會議上針鋒相對, 互相指責, 現時係水星逆行時期, 金融市場會大幅波動, 港股已是連續6日成交金額不足$900億, 投資者入市態度審慎, 正觀望30/11~1/12的G-20峰會,以及緊隨其後的「習特會」,

狂人表示如中國條件可以接受, 願意結束貿易戰, 雖然係官腔, 但淡友攻勢明顯收斂, 買盤亦暗暗低吸, 「習特會」正好為大鱷提供了抽升殺跌的藉口, 今年股災唔少基金都輸到入肉, 有基金經理表示雖然看反彈未完, 大方向會上27000, 但對大鱷大媽操控港股的手法以及中國政策感到無奈, 有基金經理已縮減港股持倉, 亦有加倉買上博破頂而上, 希望可追回今年中美股災的損失

最新回應

美味雞煲
美味雞煲 2019/04/20

祝大家復活節快樂 😄

{#iconb_351} 

沒市 好悶啊 😅 元帥岀左最新網誌啦⋯⋯快 d 去 like 😘

(友仁) 程長浪子

2019.4.18 長假期前金曹期權攻防線©30100﹐牛指數高於70偏強。即係低於30100超過150至200點,好友應會力托回到攻防線。結果星期四期指收29940但夜期真係反彈上30093接近攻防線,其實好多次都係咁跌穿之後又反彈,係唔係好神奇呢?

2019年牛市的三個預設係中美貿易停戰,中國經濟數據在第二季見底回升,資金繼續流入中國。

金曹期權攻防線©是不經人手全電腦自動量化評期權倉位變化的人工智能程式。每天開市前計算好友大戶即市需要防守的重要期指價位。

試試下載免費股票社交 APP 秒投,裡面有七成用戶的成績跑贏大市,真心好用! 安裝秒投App之後請輸入金曹Sir的邀請碼 waXxT2 ﹐可賺銀幣換領咖啡贈券。

https://stockviva.com/invite/waXxT2

(友仁) 程長浪子

呢啲市真係令仁無鎖色蟲啊!😫