遠足指南網羅13條特色路線

2018/11/22 04:12:17 網誌分類: 生活

22 Nov

        　　冬天不太冷，反而幾涼爽，啱晒去行山！旅遊發展局就幫到想去親近郊野嘅朋友啦，局方最近推出咗新一輯《香港登山遠足單車旅遊指南》(圖)，入面有十三條唔同特色嘅遠足同單車路線，一定有一條吸引大家去吸下新鮮嘅空氣㗎！

        　　指南刊登咗每條路線嘅相關實用資料，包括步程、長度、難度，仲會講埋交通方法同補給站嘅位置，就算喺行山「初哥」都冇有怕！指南仲好貼心咁將每條路線分門別類，有觀鳥路線、賞花路線、歷史文化路線，仲有捕捉美景路線。Kelly最鍾意賞花路線入面介紹嘅大帽山路線，因為一年四季都可以睇到唔同嘅靚景！春天可以睇到山櫻盛放，入秋之後會變成一遍金光閃閃嘅芒草，到咗冬天仲可以睇到香港難得一見嘅結霜景象。

        Kelly Chu