月尾部署高位結算

2018/11/22 21:02:18 網誌分類: 經濟
22 Nov

22/11 周四恒指收報26019, 升48點, 國指收10446, 跌39點, 大幅跑輸恒指

老外沽A股.大媽走港股.成交細操控易.大鱷部署屠牛熊

乜野叫送羊入虎口? 今日恒指收26019, 而家係送牛熊入鱷口, 只要上攻139點可屠熊(50天線在26200), 如果下殺161點可殺牛(20天線支持位), 近日恒指細即市波幅就係250~360點, 大波幅就係超過500點, 恒指受困於20及50天線等爆邊, 磨埋本周, 下星期結算周見真章

暗藏殺機: (近20天線支持位)25858牛 VS 26158熊(升穿50天線阻力位有運行)

到月中為止11月高低位25092~26530, 波幅只得1438點, 勉強達標(今年有5個月波幅係1330~1900點), 仍有上升空間, 以大鱷的胃納, 要爆邊才能食飽飽, 到做夠月波幅才會轉勢向下

今早大鱷伸一腳上去屠熊138張趙完鬆, 於50天線卻步, 托住26000引牛上移, 以及養肥樓上熊熊, 部署日後的殺戮, 午後拗腰高收我擔心係聲東擊西, 殺完熊連牛都想食埋, 因為測市指標利淡, 大媽老外都走貨, 內地股市收跌, 權重A股走弱拖低H股, 拖累國指收跌, 恒指夾硬收升, 但成交並不配合, 指標股QQ雖然收升但成交縮收陰燭, 油價入熊跌勢加劇拖累資源商品股, 美股入熊, 不過今個月港股低位承接力好強, 未試過兩連跌, 往往係跌1天即彈再連升, 又或者係早市跌, 午後買番上去, 反映有買盤趁回吐低吸

大鱷托市咬住26000令全城唱好, 但今期網誌標題係11月下旬繼續好淡通殺, 即係大市唔會走單邊升或跌, 結果由16/11起, 3天屠熊, 2天屠牛, 你估明日輪到食乜呢? 上次奇蹟日翌日收跌, 所以今日國指收跌係正路, 但恒指卻夾硬升, 明日理應補跌, 要拖到下星期結算周才會走出真正方向, 要部署結算位, 即係要爆邊打破20天線及50天線的困局, 睇下月尾能否跟隨慣性走勢上破26530創即月新高

恒指雖然兩連升, 但今個月港股通常升2~3日就斷纜, 而且月尾6天恒指多數3升3跌, 回顧今年1~8月份都係3升3跌, 9月份4升2跌, 10月份月2升4跌, 代表未來6天不會單邊升, 買牛熊不要太貼價, 月尾大鱷要追數, 會好淡通殺, 今晚美股休市, 明日港股自由行

周二係牛多熊少, 所以周三低開秒殺肥牛2265張, 當肥牛死了, 牛熊分布又再度均衡, 所以周四港股窄幅波動, 因為如果大鱷將港股大幅抽升或殺跌都會蝕俾另一方, 係得不償失, 所以大鱷將港股點穴, 係25900附近游走, 想養肥牛熊才開餐,

~~~~~~~~~~~~~~~~~~~~~~~~~~~~~~~~~~~~~~~~~~~~

基金經理看好短線買上

唔少分析(大行/基金)都認為24540是今年低位,但明年會再插, 有分析並指港股估值吸引,短炒具值博率, 美國經濟放緩加息機會下降,港股仍有上升空間, 地產股近日大受資金追捧, 就係博明年春季美國或會暫緩加息步伐, 美國10年期債息回落, 亦利好息口敏感股, 地產股近日走強, 係一直保得住港股20天線的功臣之一, 唔少基金經理認為反彈浪未完, 正部署呢兩個月推高大市獲利, 希望12月埋年結可減輕或追回今年中美股災的損失, 亦增強港股低位的承接力, 恒指30/10創今年新低24540後展開反彈浪, 升穿26000後多左分析認為今次係熊二大反彈, 要彈完才會再尋大底

港股月中再下試25000後已止跌回升, 但仍不斷跌下彈下出現震盪, 皆因大鱷食飽肥熊, 嫌26400樓上熊熊唔夠肥, 仲想養下先, 隨著11月上旬熊熊陸續陣亡,大鱷一路托市引好友入局,貼價牛快高長大,不斷上移,大鱷奸計得逞, 貼價牛中伏了, 月中港股反彈之際, 亦試過突然急挫秒殺肥牛即彈, 震完倉才彈高

恒指通常走1300~2000點就轉向, 恒指由30/10低位24540彈1990點上7/11高位26530, 一達標就反艇, 再度下試25000大關, 守得住彈上26397再挫, 底部上移, 低見25494即彈, 換句話說, 如果又作出大反彈, 今次升浪就會由13/11低位25092加1300~2000點, 即係11月份上望26392~27092, 當大市完成調整, 等熊熊下移大鱷又可以踢番大市上去, 今個月劇本係無論點震, 埋單都會係收升呈陽燭, 震住上格局,

今早恒指高開大鱷秒殺熊熊後一度倒跌, 午後又踢番大市上去, 收市U盤再推升, 大鱷做市實在太過份, 升跌任得佢舞, 牛牛上移至25858, 熊熊就愈養愈肥, 不斷下移, 自從30/11恒指見底24540後展開大反彈, 大鱷為了上攻屠熊, 就日日係尾市或收市U盤踢高大市, 按此推算, 往後如有任何震盪, 只要守得住25000島形底, 代表大鱷仍想再挑戰26000, 只要企穩, 就會上26500

大鱷非常蠱惑, 將大市舞高弄低, 但過去3日最終收市位都在25800~26200之間, 唔上唔落的尷尬位, 收市水平剛好在20天線及50天線兩個關鍵位中, 唔湯唔水, 似升非升.似跌非跌, 令股民無所適從企錯邊, 貼價牛熊紛紛入局, 大鱷就成功殺了牛亦屠了熊(合共殺了牛熊3045張), 食飽就將大市點穴繼續養牛熊, 悶埋今個星期, 靜極思動, 下星期結算周港股冇得再磨, 月尾大鱷就要屠牛熊追數, 股民企錯邊就死得

 

最新回應

美味雞煲
美味雞煲 2018/12/10
@soho*...

我隻萬里 QQ 熊 5 多點郁 🔥 開市 3 分鐘後至有價錢,賤發行商。3 點後食糊,成交量得45 萬 🙄😂 等位再入過

soho*
soho* 2018/12/10

今早國指低見10197就窒一窒,皆因上月低位喺10200

真開心!大家都有熊仔餅食 {#icono0_17}

美味雞煲
美味雞煲 2018/12/10
@排骨仔...

跌下先啦⋯⋯26500 睇怕........ 12 月未見番😂😂😂 

美味雞煲
美味雞煲 2018/12/10
@TC (投知) [信自己]...

😄👍🏼👍🏼👍🏼

指數熊食糊先 😍