賭馬
2018/11/25 19:20:18 網誌分類: 生活
三個半月在家養傷，不知為何竟然會去賭馬。
我睇波但唔賭波，這最可取，因為我識人一晚賭$3000幾，可以贏亦可以一晚輸晒。我以前一年去幾次澳門，亦唔算爛賭。
今次在家養傷，竟然經常賭馬，不過我賭馬係只睇馬名和馬房，不看負磅不理檔位，絲毫不需要用腦，也不會睇馬報。
比如有次約了班兄弟食飯，我就買電訊兄弟place，中；C朗幫祖雲入靚波贏波，我就買都靈紅星Win Place，又中；見到陳展鵬結婚話同太太係0.5+0.5=1，我就買五十五十，中place；某天早上睇報紙見到藝員喬寶寶娶新抱，就買阿馬寶寶 Win Place，竟然扑中34倍大冷Win。告東尼馬房一場出3隻，千萬不要買最熱的一隻，買最冷的，就跑出。
家母認識一位馬主的姐姐，雖然好friend，但他們永遠不會俾貼士我媽咪。某兩次賽馬日在電視見到他們盛裝出席，我買WP，第一次中很冷的place，第二次中13.5倍的Win。今天睇馬，剛收到朋友傳給我的旅遊照片，佢名字有個旺字，我就買永旺喜喜，中了5倍Place；澳洲朋友星期五同我食飯，她名字有個鳳字，我就買「珍珠鳳凰」，中place $18.50，雖然好熱但都保本。另外有一對俊男美女叫司機帶給我一個食飯邀請咭，內附他們的浪漫照片，我就買了「浪漫鐵人」和「帶榮來」，竟然都中一條$68的位置Q！
今早在茶餐廳食早餐，見到隔離檯一位阿哥好認真研究馬報，還用highlight pen 不停在畫，其實真係唔需要太認真研究。賭馬本來就係一個大騙局。
大家唔賭馬，大概唔知我講緊咩，我自己就覺得相當有趣。不過這些有趣的事情，只會發生在我的舊居，那兒總係有一種獨特的氣場，充滿不可思議的力量。
不過我賭埋今次就算，因為成為習慣就好麻煩。
係啊，就係佢。
係咪蟬聯兩屆嗰個？我都有同感。
又一位名人許世勳先生逝世。
除了誰是喜寶，我還會想誰不可能是喜寶。
有位做了香港兩屆影后之後狂妄自大的女明星，曾是香港某富人的喜寶，我就最不喜歡她，不明白佢為何可以嫁到咁好的老公。按：我認識佢老公的好朋友。
真可惜阿仙奴未能一舉拿下曼聯！
這場波阿仙奴應該可以贏的！
今晚真係好容易，「歐洲巨星」+「皇家魅力」（皇家馬德里摩迪贏Ballon D’or），連贏和位置Q$20派$500！
聯廣，這是很殘酷的事實。
我現在見到曼玉都好心疼。
Persie, Google Search方珍妮圖片，發覺真係「美人自古如名將，不許人間見白頭」，SIGH !
馬仔，做警察嗰個應該係妹妹方安妮，職至警司，已於2010年辭職。
馬仔，費玉清剛宣布退休了。佢聲好靚，但我從來唔覺佢係靚仔，失覺晒！
方珍妮，做咗督察了。
好精彩的北倫敦打比！
被甸恩激勵，阿仙奴打出一場爭氣波，yes！
我認我鐘意靚仔架，有邊個吾鍾意靚野！
我近1年非常沉迷費玉清，過去3o年，只知名字，不知樣貌。
現在才知他歌唱得那麼好，及幾靚仔架……
現在常在YouTube 看回他以前的歌曲及電視節目。
老布殊逝世，又走一位名人。
星期三夜馬當日我睇報紙見到家長為小朋友找師父改名叫「靁龘」（好彩我家長冇咁老套），咁我見到某場有兩隻馬叫「有驫」和「驫驫」，我就知道會有一隻得，我個在電訊公司任職的朋友又找我，咁我當然又買愛駒「電訊兄弟」，串埋鐵角每$30派$301，我又中了幾百蚊。
今日有人整左冰糖燉梨俾我食；而我又同聯廣講起「喜寶」，所以有靈感買「冰糖葫蘆」和「恆駿寶駒」這條Q，我買了Q和位置Q，每$20派$224，咁又有幾百蚊啦。
希望各位女網友不要介意我們這段對話。我們對女性絕無貶意，反而係帶著一份欣賞去看。
聯廣，我記得方珍妮，說起係好多年前的事啦。我同意「驚艷」好難得，係可以記一世的。
38年前我有位同學，真係令我驚艷。佢好靚女，個樣好似曾華倩，38年前已經穿off shoulder裙子返學，樣子出塵脫俗；我們有時坐同一班巴士上學或放學。
「靚絕五台山」帶點傲氣，確實似喜寶。我覺得喜寶雖然被人包養但應該有一份傲氣。
我心中的喜寶一定要有傲氣與長腿。
我心中的「喜寶」如你一樣，隨著年月改變。多年前是那個今年11月剛在家中走了有“靚絕五台山”嗰位。
其實之前仲有一個叫方珍妮的(唔知你有沒有印象)，係烹飪名家方太個女，應該係80年代在麗的電視出現過，當時我都冇乜特別留意。有一次我行去金鐘站搭地鐵，係天橋上我上樓梯，而佢就落樓梯，大家迎面而來只有幾呎距離，當時真係非常「驚艷」，覺得她的五官和輪廓都非常精緻，真人比螢幕上更上鏡更靚，而這個「倩影」多年來都在我腦海形影不散。當然這只是當年一剎那間的感覺，不過就令我非常難忘。
聯廣，你心中的喜寶是誰？
馬仔、Persie, 世事無常，有得自然便有失。以下是在網上找到小說《喜寶》的簡介，有興趣的可以在網上閱讀，不過只是簡體字版本。
富家女勖聰慧熱情地邀請剛認識的劍橋高材生——姜喜寶，參加自己的訂婚家宴，是有意製造機會以撮合她和哥哥勖聰恕。在家宴上，聰慧的父親勖存姿，為喜寶的才智、談吐以及美貌所征服，於是也向喜寶展開追求。喜寶在其父親、兒子的雙雙夾擊下，非常現實地選擇了父親，於是她得到了想得到的一切，甚至更多。喜寶做了勖存姿的女人後，雖然得到了金錢與物質上的滿足，但卻耐不住感情與生理上的寂寞和空虛，她需要更為實在的愛情和屬於自己的生活。勖存姿發現喜寶另有所愛，竟冷酷地當著喜寶的面，槍殺了她的男友。喜寶絕望了，但她怎麼也逃不脫勖存姿的牢籠。幾年後，勖存姿去世，喜寶變成最富有的女人，但她明白，她得到了金錢，卻失去了一切，青春、愛情、生命力……。
馬仔，我成日覺得人鬼殊途，基於文化差異，未必咁容易發展一段長遠感情。
妳的回覆勾起了我一段回憶。
廿多年前認識一個女孩子鍾小姐，少年無醜婦。佢有一次問我，你看過喜寶嗎？我問甚麼是喜寶？原來係一本亦舒小說，20歲的喜寶被60幾歲的富人包養，在英國接受高深教育(喜寶自己係高材生）最後繼承富人遺產發左達的故事。鍾小姐話佢都好想做喜寶。我笑她，邊有咁容易，妳唔好發夢。她一直想找她的sugar daddy，終於夢醒了，她靠自己捱得，做了專業人士，嫁了位幾好樣的教師，沒生小孩子。都10年沒見她了，也不知她過得如何。甚麼供養去外國讀書，應該只係小說情節，不要相信。
我自己就在想，若我是那位老富人，誰會是我的喜寶？這些年來都想過唔少。張曼玉就曾經係其一。今天來說我的喜寶係J’adore dior 廣告裡的Charlize Theron，真係拍得佢好靚好有型。
現實世界中自然係一位二十來歲的電視藝人成功嫁了66歲的富人。現實世界中從來都是喜寶找富翁，不是富翁找喜寶。
也許當時年紀少，見識未深，不知他咁叻及搵咁多錢。
我有自知之名，我只是用來kill time.
又有一次我與富貴擦身而過？？
時約1997/8左右，我個客見過我一次，之後約我見面，心想在delifrance,可能只想問問意見，
点知佢話，他住陽明山莊，美國回流，他想娶老婆，我喜歡讀書的話，可供我到美國。
當時只覺他大我十多歲，又吾靚仔，咪攪。都吾知係咪賣我豬仔……
哈哈，派檸檬俾高雅志！
冇後悔就得。
好多，好多年前
高雅志約我去街，我冇去，去與不去，我不覺有什麼分別……hehe
KING，戰果如何？有冇斬獲？
我唔賭㗎喇，長賭必輸。
可以玩下扶乩選馬, 歡迎到本人網誌了解。
原來有澳洲來港客串的騎師墮馬嚴重受傷，頸椎受傷下半身癱瘓，希望佢手術成功，可以行得返。行船跑馬三分險，唉。
浪子，熱刺強勢殺敗車仔，勁！
hohohoho 有趣~~~~