PACO名人會
PACO名人會
PACO名人會

江嘉敏唔使再演中學生 伍允龍教劉穎鏇砌低十位武師

2018/11/26 04:12:33 網誌分類: 生活
26 Nov
         由王浩信、楊明和伍允龍(Philip)主演的TVB台慶劇《兄弟》,講他們三親兄弟失散多年後重遇,竟發現大家有心靈感應及互取對方專長的能力。今次請來「兄弟」之一的Philip,以及在劇中熱愛打拳的劉穎鏇(Tiffany)和飾演保鏢的江嘉敏(Kaman)談拍劇點滴。身為武打演員的Philip,在劇中固然打得精采,他更教首次拍劇的Tiffany點打低十個武師;Kaman笑言自己終於長大,唔使再演中學生了。

        

        故事以失散多年的親兄弟做背景,講及三兄弟因97年金融風暴而各散東西,長大後重聚卻發現沖散他們一家人的原因,原來埋藏着極大的陰謀。

        除衫戒食最辛苦

          Philip在劇中是個警察,他笑言:「我係何鐵男Iron Man,今次套劇畀到好多位我發揮,觀眾應該最想睇我打擂台嗰場,因為我同浩信都要打,最辛苦係咩?就係要除衫,所以我哋差唔多成兩個月都冇乜點食嘢,拍攝嗰個禮拜仲冇乜點飲水,等啲肌肉乾啲靚啲。」而他與楊明也有很多打鬥場面,Philip大讚:「阿楊唔係武打演員,但係一個非常醒目嘅人,可能因為佢經驗多,所以節奏好好,老飛躍吖嘛,好多時同佢打,出嚟嘅效果都好好。」

        練打搵人肉沙包

          Philip咁好打,但劇中愛打拳的Tiffany卻成為他的技術教練,Tiffany笑言其實是Philip教她先啱:「去菲律賓拍攝嘅場口係好大挑戰,因為我一個人喺條街要打十個武師,係Philip幫我設計晒所有打鬥場面,嗰個moment真係好難忘,因為好緊張,同埋嗰區好難拍,再加上又要記唔同嘅steps,好在返到洒店後我個room-mate Kaman做我個沙包,可能有十個steps,我叫佢配合我,成晚係咁練習,有時Philip會喺酒店條巷仔教我run-through啲steps。」不過Tiffany最多對手戲是楊明,之後兩人更會有感情發展。

        被回禮打 幾拳

          Kaman表示這是她第一套劇脫離中學生角色,但演保鏢都要着制服,她稱:「監製好大膽用一個新人去拍視帝,當我聽到浩信係我拍檔,我話佢好高,然後嗱嗱聲打去服裝部叫佢哋畀啲高踭鞋我着,但可惜我係保鏢唔着得高踭鞋行咇,所以拍時要辛苦浩信擘大隻腳企同幕後用箱墊高我。」劇中她要做王浩信的貼身保鏢,最初是冤家,但相處耐咗產生化學作用,她續說:「有一場好難忘,講浩信暈低入咗醫院,我為咗要令佢醒番,我喊住打佢塊面,其實我好驚用錯力打親佢,而第二日拍佢打番我30幾拳。」究竟他們能否成為情侶,就要觀眾追看了。

        主持:黃柏高 統籌:林永匡

        協力:李佩儀 攝影:袁東亮、謝民光

        場地:目利きの銀次Royal Grill

        黃柏高
■(左起)江嘉敏、劉穎鏇和伍允龍表示拍此劇合作得好愉快。
 ■(左起)江嘉敏、劉穎鏇和伍允龍表示拍此劇合作得好愉快。 
■劉穎鏇在劇中熱愛打拳,最勁一場打低十個武師。
 ■劉穎鏇在劇中熱愛打拳,最勁一場打低十個武師。 
■伍允龍稱拍這場擂台戲要節食騷肌,但效果好好。
 ■伍允龍稱拍這場擂台戲要節食騷肌,但效果好好。 
■劉穎鏇唔識睇中文,所以在劇本寫英文拼音後熟讀。
 ■劉穎鏇唔識睇中文,所以在劇本寫英文拼音後熟讀。 
■江嘉敏性格古靈精怪,有助增加角色的活潑生動。
 ■江嘉敏性格古靈精怪,有助增加角色的活潑生動。 
■(左起)楊明、伍允龍和王浩信在劇中飾演三兄弟。
 ■(左起)楊明、伍允龍和王浩信在劇中飾演三兄弟。 
■江嘉敏為拉近同王浩信的距離而被墊高。
 ■江嘉敏為拉近同王浩信的距離而被墊高。 
回應 (0)
我要發表
user