12月份港股 ~財經留言版

2018年水星逆行 : 17/11 ~ 7/12 代表消息混亂, 金融市場會大幅波動

大摩:「我們正在走向徹頭徹尾的熊市。」「這是一個危險的市場。」

大摩斷言美股已步入「熊市」

本港拆息: 年尾水緊, 本港一個月同業拆息連日上升,

聯儲局議息: 18~19/12議息會議, 市場預期加息機會大, 亦估計本港會跟隨美國加息, 如果唔加息, 反而會引發市場恐慌, 利率期貨顯示聯儲局明年加息不多於一次

債息危機: 美國國債孳息率曲線趨向平坦，部分年期孳息率曲線出現倒掛，美債孳息曲線2007年後第一次出現倒掛，是美國經濟衰退的先兆, 市場憂慮美國經濟增長放緩，貿易戰後遺症會逐步浮現，全球經濟增長放緩, 經濟.樓市.股市相關性高, 股市死貓彈完又會再插過

「習特會」: 2/11 習特通話後市場憧憬貿易戰降溫, 港股急升, 當天恒指暴漲1070點, 創近十年最大單日升幅, 普遍分析都認為24540已是今年低位(年波幅已超標), 要待明年新一局再尋底，有分析指今年第四季股市彈高，才能擴大明年的波動空間，上升是為了下跌鋪路

30/11~1/12月G-20峰會後「習特會」, 兩巨頭協議暫時休戰, 由1/12起雙方經貿團隊將會開展90天的貿易談判, 特朗普表明若不能達成貿易協議，便會恢復加徵關稅, 特朗普在Twitter中語帶威脅地要求中國加大進口

阿爺不斷讓步係中美破冰的主因, 中國表示將立即履行改善與美國貿易關係的新承諾，有關貿易承諾遠超過一萬億美元, 受好消息刺激, 大行紛上調港股目標價, 大鱷低位收夠貨, 唱好高位派貨, 但有分析指阿爺讓步其實係利淡中國經濟, 消息只能刺激短線反彈, 後市仍不樂觀

內地四中全會

12月基金全年結, 有誘因推高大市沽貨食胡鬆人埋年結

7/12 轉節氣大雪

大鱷賤招: 當全城看好就掉頭插水, 當全城看淡就拗腰彈高, 好淡通殺, 逼死淡友就插水, 逼死好友就彈高

島形底: 1/11大鱷玩跳空高開補裂口做島形底(上升裂口24979~25190), 穩住大局, 島形底的威力推動恒指彈上27000, 11月港股埋單雖然收升, 但恒指係震住上, 好淡通殺, 不斷急跌急彈, 當中試過3次急瀉超過500點, 最終全月累計大升1527點, 結束六個月的連跌勢頭

20天線: 13/11奇蹟日那天暴跌後單日轉向倒升, 20天線失而復得, 11月份好友一直力守20天線, 收市未失過, 反映大鱷非常重視20天線, 12月份如收市失守20天線代表升浪告一段落, 如回吐見地產板塊走強, 大市就不會深潛, 當地產板塊大跌, 就會拖低大市,

50天線魔咒: 過去幾個月恒指大反彈都會重上50天線, 當食飽肥熊就會再碌落山, 但26/11收復50天線後就一直咬住唔放, 一路向上推進, 基金埋年結及習特會的威力係港股上升的原動力, 通常大鱷/基金都係一路升一路暗暗出貨, 貨多驚走唔切, 所以唔會等見頂才沽貨, 大成交沖頂多數冇好下場

收市U盤畫圖: 由30/10起大鱷三番四次在收市U盤踢高大市來畫圖, 大鱷愛在午後或尾市做手腳, 就算當天反艇, 創即市新低後大鱷就會推番大市上去, 收窄跌幅或收升, 熊熊淡友信港股走弱一入市就中伏, 大鱷造市, 尾市及收市U盤例彈，市強多數係即市調整或小幅下跌, 當收市大跌超過300點就係見頂訊號

回顧11月有兩次收市競價U盤最高位收, 翌日都係跌市, 睇遠些, 過去3個月就試過5次以收市競價U盤最高位收, 但往後港股表現都麻麻, 就算翌日再升, 隨後都會補跌, 總結呢個現象, 臨收市踢高大市收市競價U盤最高位, 可能係大鱷/基金散水鬆人, 係利淡訊號, 回顧今年港股見底頂, 都試過好多次係開市或收市出現, 然後轉向

周波幅: 港股好少全周日日升或日日跌, 港股走勢緊貼上証, 而上証通常係急升就急跌, 升勢好少一去回冇回頭, 當上証掉頭回落, 就係港股見頂之時, 當上証觸底回升, 就係港股見底之時, 因為兩地股市係同步見底頂

恒指每月慣性走勢: 自從失守30000大關, 恒指試過兩個月係開局見高位, 然後一路碌落山, 反彈乏力, 月尾才見底, 但其他月份多數係玩V彈, 月初開局見高位後大幅回吐, 今年有5個月都係9~20號創該月低位(13/11見底25092) 然後掉頭向上, 反覆走高, 月尾再挑戰月初的高位, 目的係推高結算及擴大月波幅, 如此一來, 大鱷每個月都可以好淡通殺, 大鱷唔鍾意單邊市, 牛熊都要死, 通常累計升跌約1000~1200點就歇一歇, 最多1800點就轉向

月高位: 今年有5個月恒指的即月高位是在26~29號出現, 11月高位26923/10784, 12月港股會更上一層樓,

恒指連跌6個月, 創36年來最長跌浪後11月終於收升, 報26506, 結束六連跌, 不過有財演話熊市好難連升兩個月，如果喺真，即喺31/12會收26506樓下

恒指月尾升跌模式: 月尾6天恒指多數3升3跌, 回顧今年1~8月份及11月份都係3升3跌, 9月份4升2跌, 10月份月2升4跌,

向下大位: 3/12 上升裂口 26683~27006, 10674~10845, 如升勢未完就不會補晒裂口，如全數回補裂口不妙, 代表大市已見短頂, 港股每月走勢多數係高低高, 即係月初見第一個高位後就回吐, 消化沽壓, 在該月下旬再上, 不過今年6及10月係月初見頂跟住一路碌落山, 月尾見底

25000係超級超級大位, 亦做夠今年波幅, 10月本應守得住, 但中美股暴跌大鱷就借勢玩插水, 夾硬插穿25000隊落去24540屠牛殺好倉, 逼好友止蝕斬倉後就轉勢向上, 彈近3000點係修正跌過籠的幅度, 超賣反彈, 港股正處於大型反彈浪當中, 不要忘記今年恒指由33484碌到落24540, 已經嘔左8943點, 已跌至不合理的水平, 因為熊市往往出現恐慌性拋售, 跌到阿媽都唔認得, 急跌就會急彈, 重返合理水平

恒指月波幅: 撇除今年特細月波幅, 有6個月的月波幅係1570~2160點, 有4個大龍鳳月份的波幅就係2670~3460點, 當月波幅進入達標範圍, 又或者上証見頂/底或有突發消息, 港股就會失驚無神以極速轉向, 一開市就急升或暴跌, 股民企錯邊冇得走, 即死

恒指即市波幅: 以恒指當天的高低位計, 即市細波幅通常係250~500點, 大龍鳳就係500~700點, 11月恒指慣性走勢係只跌一天即彈, 不會連跌兩天, 係因為有基金水喉支持, 基金經理要部署埋年結, 亦係因為大鱷要部署11月高位結算, 但如今結算完開新局, 如12月出現連日大跌, 就係見頂訊號

人民幣: 受中美貿易糾紛降溫所刺激, 人仔急升, 人民幣表現對港股舉足輕重, 當人仔反彈, 港股上升動力就會增強, 當人仔回落, 亦會利淡港股

震倉/托市: 11月炒港股班大鱷操控手法非常高明, 擅長震倉及托市, 係關鍵阻力位前窒窒步係大鱷一貫養熊引淡的手法, 趕走好友引淡友入局就爆上, 一挾淡港股就會爆升, 當大市沖頂打回頭, 落到關鍵位就托住扮跌唔落, 當好友入局即插

恒指等如騰指: 成也QQ.敗也QQ, 去年港股牛市由QQ領軍, 今年熊市就係由QQ做領跌火車頭, QQ見頂等如港股見頂($320樓上係蟹貨區), QQ未見底等如港股未見底, 當QQ止跌回升, 港股就會彈高, QQ與港股通常係同步見底頂

上証綜指: 內地股市走勢極度飄忽, 頻頻飛天遁地, AH差價效應下, 導致港股大幅波動, 大鱷就乘機將港股舞高弄低, 好淡通殺, 阿爺力守熔斷底2638, 就算插穿都識得走番上去, 通常中港股市係同步見底頂

北水: 內地股市跌到殘, 具吸引力, 今個月老外經港股通(滬深)密密趁低吸納A股收貨, 港股通(滬深)出現資金凈流入居多, 相反, 自從13/11恒指創11月新低25092大媽掃貨後, 其後港股一路彈, 大媽就一路走港股, 滬港通出現資金凈流出居多,

內地水緊, 大媽要班資回朝, 好明顯今次反彈浪並不獲北水支持, 只係踢高派貨, 而基金經理及大鱷就以習特會做藉口短線炒上獲利, 大鱷亦要屠熊追數, 所以形成11月下旬的大反彈浪, 當牛牛上移並養肥, 又或者係全城看好買上, 就係港股掉頭向下之時

燈神指標: 燈神經仔通梁蛇看淡減倉大市就向好, 看好追貨加倉就利淡,當梁蛇對後市非常樂觀或追貨加倉, 就要小心港股升到水尾, 會反艇, 4/12(周二)恒指高見27260, 梁蛇唱好叫加倉至五六成持倉, 係利淡訊號,

好淡通殺: 11月下旬港股上破26000一路殺上去屠熊追數, 重上27000樓上貼價肥熊已死得七七八八, 樓下牛牛快高長大, 26300有肥牛, 26500附近的貼價牛未來幾日會陸續新登場, 當養肥牛牛就殺得

大鱷11月力守26000以及跌1天即彈係因為要屠熊及部署高位結算, 12月開局冇左結算因素, 肥熊亦已陣亡, 唔使再托市喇! 牛肥熊瘦, 有下殺屠牛誘因, 

~~~~~~~~~~~~~~~~~~~~~~~~~~~~~~

向上走==>向下走

11月港股大反彈穩住了港股, 加上習特會冇反檯, 大行/財演/基金經理齊齊向上望, 究竟今次反彈浪的頂部在哪裡? 根據今年第三季恒指的慣性走勢, 一般短線技術性大反彈約1800點就收工,

25092(11月低位) +1800 = 26892 (升抵反彈目標就係水尾)

4/12升抵27260(累計升2268點)超過一般反彈幅度的目標26892(升1800點), 用另一個計算方法, 分析師話如果係熊二大反彈就會升約3000點, 大底24540+3000=27540, 亦配合反彈今年跌幅8943點之三份一, 所以當大市升穿27000就要有小心再上高位會一瞬即逝, 因為獲利盤或蟹貨會出籠, 大鱷有足夠水位轉身反手造淡

向上首個阻力大位: 100天線及27000, 企穩5天才能確認, 否則只係為了屠熊殺淡倉的假突破

向下首個關鍵位: 26800 (3/12 上升裂口 26683~27006), 如失守, 下一站26500, 當大市沖頂回落, 插至關鍵位26800.26500.26300.26000.25800.....通常會扮跌唔落來養牛引好友入局, 如見頂回落, 閒閒地嘔1000~1200點

以一般約2000點月波幅計(大波月2670~3460點), 如受制於28000, 就要下試26000, 受制於27500, 就要下試25500, 如此類推

有幾位基金經理以及技術派12月上望目標: 27700~28000(9及10月頂)

早前港股大跌, 當時基金界高手英蛇博反彈買上博見28000, 但4/12上到27260見頂(收市U盤見頂, 大鱷真係陰毒), 翌日裂口插水, 5~10/12連隊4棍落山, 連英蛇都走唔切(佢話好彩分注已食左部份, 否則屎無全C), 連基金經理都死心, 下調目標價, 認為27260已見12月頂

4/12高見27260打回頭, 多位基金經理已轉口風, 下調反彈目標

習特會前石石係淡友, 會後石石變超級大好友: 上望目標 28500

反彈今年跌幅8943點之三份一, 上望27521
反彈跌幅8943點之二份一, 上望29012(太樂觀), 熊市不應彈這麼多

悲觀派目標上望26500及26800, 下望25800, 如有利淡消息, 就會落去回補1/11上升裂口島形底(24979~25190), 11月低位25092, 如失, 或會再下試今年低位24540的支持力

11月份港股~財經留言版

https://blog.stheadline.com/article/detail/946929

島形底支持 VS 島形頂壓力.好淡通殺.大鱷借華為黑天鵝事件蓄意謀殺肥牛

6/12周四收市~恒指收報26156, 大跌663點, 水星逆行威力強大

老外大舉沽出A股拖低內地股市, 內銀內險資源商品A股全面下跌禍及H股, 拖累恒指大裂口低開470點後跌幅擴大至803點低見26016, 一舉失守10.20.60.100天線

7/12周五收市~恒指收報26063, 跌92點, 先高後低.單日轉向呈陰燭

26000好友第一度防線未必守得住, 25800才是關鍵支持大位, 如失, 下一站25500, 如果大鱷唔想嚇親股民, 仍想派貨, 可能會係一插即彈, 當大鱷食飽肥牛又或者熊熊下移, 一有好消息, 大鱷就會踢番大市上去, 見燈神極度悲觀就係大市反彈之時, 港股已經連跌3日, 如果隊落去25800屠牛, 下一站25500不容有失, 落到大位隨時會有反彈,

港股連升兩天, 挑戰26500

12/12周三收市~恒指收報26186, 大升415點, 連升兩天重上26000及50天線

部署上攻屠熊(6/12下跌裂口26381—26745, 關鍵大位26500.26800)

港股已連升兩天, 升埋明日就係三連升, 不過由10月起三連升就斷纜, 而過去半年頂多四連升, 通常做夠周波幅就轉向, 燈神梁蛇今早叫不要追入買上, 相反指標代表港股升勢未完, 明日會升穿今日高位26238, 每周例牌900~1100點周波幅的話, 就要見26470~26670

周波幅已達標.熊死貼價牛入局, 高位獲利沽壓大增.有下殺誘因

13/12周四收市~恒指收報26524, 大 升337點, 收復10.20.60天線

大鱷操控港股如入無人之境, 港元拆息連日上升, 美元上企97, 美國10年期債息止跌回升, 道指連續兩日沖高回落唔靚仔, 但恒指仍能夾硬大升3棍陽燭, 今日大鱷按劇本屠熊2399張, 日前已指出只要殺上26400就達到每周例牌900~1100點周波幅, 升埋今日周波幅剛好達標, 貼價牛已大幅上移, 淡友燈神唱好, QQ好友重倉, 測市指標釋出利淡訊號, 做好今日應獲利呀! 因為明日會有周末沽壓效應, 下周聯儲局議息, 以目前的金融形勢, 港股好難企穩多條平均線, 上証及恒指齊齊連升3天, 過去幾個月港股多數連升3日就回吐, 試過幾次係大跌, 好少4連升, 上証都係多數三連升就回吐, 反映任可好消息3.4日已消化, 準備落山喇!

美股油價熊霸天下.港股沖頂回落.底頂下移尋底格.部署屠牛

14/12周五收市~恒指收報26094, 大跌429點, 失守10.20.60天線, 26000危危乎

今日特登扮守得住26000大位來養牛, 因為大鱷想養肥才開餐, 大鱷通常會窒窒步跌扮強來引牛牛入局, 再落養多一陣就殺得, 今日大插亦吸引熊熊下移, 唔想深潛的話, 落山秒殺肥牛做夠二千點月波幅(27260-2000=25260)再彈番上去屠熊都得, 向下關鍵位25800.25570, 多條平均線阻力大位26200~26300,

內地大除夕休市, 港股半日市高開高收呈陽燭, 重上25800/10000, 屠熊祭天埋年結

31/12 周一恒指收報25845, 升341點(最多上升412點), 吻別50天線

國指收報10124, 升132點(最多上升183點), 國指小幅跑輸恒指

等1月爆邊: 25300 ~ 26000-26200(阻力大位)

基金12月粉飾櫥窗任務已完成, 托市誘因消失, 以月波幅來看, 1月再隊穿25500機會大, 否則唔夠水位波動, 大鱷可能想留番1月才隊穿25300來擴大1月的波幅, 燈神梁蛇竟然說目前投資氣氛有利向上突破, 相反指標係好友要小心會向下破位了, 油價及內地股市熊霸天下, 上証連2500大位都失守, 疲態盡露, 港股吻別關鍵位又要繼續尋底, 如失25300, 向下25000.24800.24540.... 以貼價牛熊分布來看, 牛肥熊瘦, 25000~25600有約3800張肥牛, 有下殺誘因