「任何仁」變身暖男　教市民安全用暖爐

2018/12/10 04:12:15 網誌分類: 生活

10 Dec

        　　任何仁最近真係好盡責，前日喺消防處同大家見面，返到屋企見天氣轉凍，仲出post提醒大家要注意暖爐使用安全，認真暖男啊！任何仁都係着緊佢件標誌性藍色連身衣，今次post出嚟嘅相仲睇到原來佢有戴手錶㗎。佢首先提提大家，天氣凍用暖爐前要檢查有無損壞，佢仲認真到攞個放大鏡去check啊，真係好仔細。

        　　跟住就係用之前要先清潔，畢竟咁耐無用，點都會鋪咗塵，避免火燭都係抹乾淨啲好。然後提提大家一樣嘢，呢樣好多時都會忽略，就係要預留獨立插蘇位，如果同其他電器一齊用拖板，超出電力負荷就唔好啦。

        　　最後最後，記得使用時，要同電爐保持適當距離啊。記得之前網上一度流傳啲貓主子，因為太近暖爐而烤焦啲毛，見到真係好心痛。有養寵物嘅，記得要幫主子們保持距離啊。

        Kelly Chu