街頭騙案
2018/12/11 21:53:37 網誌分類: 生活
近年好多街頭騙案，令我想起一件幾年前的舊事。
話說當時我有位朋友，佢有間公司，有位非常能幹的得力助手，幫佢做好多嘢。但這位助手突然牽涉一單官司（同公司無關），如果有事甚至可能要坐監，我朋友公司就會受好大影響。
「虛無求列仙」，我朋友就去求神拜佛，直到碰上一位師父。師父話試下轉運。佢用一張$500作了法，話送出這張鈔票就可以將厄運送走。當時我們想，還不容易，捐了它，或給了乞丐，不就可以嗎？但師父話，「不可心存惡念」的隨意將它轉交。我話去馬會買馬買波可以嗎？師父話這樣好勉強，不會成功。
朋友拿住這鈔票幾天都送不出，他說「不如你試試。」說也不信，我晚上放工的時候有位拖喼講普通話的男人走來對我說他來了香港但朋友出門未返，要住一晚賓館，問我可否借錢給他，他明天來還錢。我心中想，怎會有這樣巧合的事情，但我仍不動聲色，假裝猶豫。他給了我一張名片，說是他的，有他的流動電話號碼。然後佢問我電話，我講了個假的。佢問我借$300，我話點夠，不如借$500啦，佢笑住話好。當然佢沒有出現還錢。
我當時想，你這個騙子，最好你惡運纏身，係你自招的。
我告訴朋友我辦妥了事情，佢安樂晒，而佢位同事亦逃過法律責任，無罪釋放。
這事好玄妙，但我從來覺得自己沒錯，直到我意外斷腳。
我反覆思量，是否因為我當初交出$500時「心存惡念」，所以最後係我自己「惡運纏身」，得到報應？
或者係，或者唔係，無從稽考。
從今天起，我要記住，做人不要心存惡念。不要用自己的呎去量度人，因為我也不是甚麼善人，沒有資格去批判別人。從今天起，我記住了。
熱刺命不該絕，2-1 反勝屈福特。
利物浦市好冷落住雪。2分幾鐘文尼已經入球，但上半場補時麥佳亞攀平了。李城的破壞戰術相當成功，門將舒米高有高水準演出，佢地甚至有反勝的機會但無法把握。反過來話利物浦亦應該有個12碼機會，有VAR重睇的話應該會判罰李斯特城。
車仔4-0輸俾般尼茅夫😱
其實借希古恩係冇意思嘅！
唯有專注聯賽！
睇來今年又四大皆空
浪子，不要太傷心。
浪子，我仲慘過你。
人傷晒 輸埋
可以維持到基本活動自理能力的話, 就真係要好感恩,
非常同意.
下意識地我每天都害怕有壞消息降臨，好似等待審判結果，生活過得不易。加拿大的好朋友話 #咩都唔好諗 好好活下去。
也只有如此。
當晚目睹比爾連受傷已知道大件事，果然係ACL要休息6-9個月，佢才剛傷癒復出，真係叫人搖頭嘆息。
然而更差的消息在後頭，卡迪夫城新簽的伊美利安奴沙拿可能已在墜機意外中罹難。當然希望佢能奇蹟生還，但機會渺茫。
這一年，好邪好邪。
Persie, 馬仔, 主席, 聯廣,及各位網友,
經過呢兩年家人身體出問題之後, 真正深刻感受到: 當自己如果去到70歲後, 仍可以維持到基本活動自理能力的話, 就真係要好感恩, 反而擁有幾多金錢財物, 相對便變得微小了.
馬仔，一開始一定會傷心，大哭，不明白為何要係自己；但我說的兩位人士已經完全走過了大哭的階段，已經接受了，知道自己會離開，亦在著手準備有甚麼要在走之前做好。靚仔朋友同媽媽住，到今日仍然係佢陪媽媽覆診，將來就要作其他安排因為佢細佬在內地工作，身居要職。
我個同學仔現在就係傷心痛哭的階段。
開心也不一定健康，都要睇彩數。有個blogger不斷教人食有機食品，但後來佢都兩次cancer。
但開心做人好過唔開心，至少不會或少D機會情緒病。
做人開心D是否一定健康？？
但吾開心會屈病就一定！
當知道自己的大限，會怎樣面對？？
其實應該吾會開心！
身體有事的靚仔朋友告訴我佢醫生話佢嘅情形大概還有兩年壽命。佢份人好爽，冇怨天怨地，淨係約我食飯。我問佢咁點解還要繼續返工。佢話每個月3萬蚊標靶藥係公司保險唔包的，要做工賺錢食藥保命。我回公司查一查，原來我公司的醫療亦唔包口服標靶藥。我朋友話我，你份私人保險都唔包㗎，AIA CEO就包啦。2016年初我地排排坐在Starbucks 研究醫療保險，結果兩人都因為不同原因冇投保。如果有，今天結局好可能好唔同。佢2016年9月做第一次手術，年初的時候未知有事。
另一位朋友的家人癌症擴散到全身，眼看是不行，但醫生換了一隻五萬元一個月的標靶藥，彷如仙丹，令病者身上腫瘤縮細晒，佢可以去日本旅遊和郵輪旅遊。不過醫生話病者以前多隻藥物已有抗藥性，這是最後一隻，應該一年後產生抗藥性，之後會藥石無靈，要做甚麼事情就趁這一年去做。
聯廣，我希望啦。祝福大家都身體健康。
同學仔的老公化驗報告出左，係第三期。我不敢問她下一步會如何（我估係化療），等佢話我聽。
Persie, 你這個願望，只要生活健康些、心情放鬆些，加點運動，不難實現。有時謀事在人，成事在天，不用想得太多。
聯廣，我在想如果我可以60歲退休，跟住俾我健康地過10年，我已非常滿足。
別人問我退休後是否要去南美巴西嘉年華，或去看北極光，甚至去南極 ... 說實在我真係唔想去。現在連吃好東西的慾望也失去。
看完了義不容情，有點失落。我發現29年後看人性善惡有很大反差。29年前電視迷好憎丁有康，29年後電視迷埋怨丁有健縱容丁有康所以佢壯大到遇神殺神遇佛殺佛，而丁有健見佢殺咁多人都仍相信佢，要到自己個仔都被殺才醒悟。29年後的惡人變左係丁有健！
丁有健失去楚君是他自找的，但「君已死，請忘記」一幕，仍然叫人非常神傷。我看討論區的年輕人解說這場戲真係非常精彩。韋家輝自己已經開估，但網友唔理繼續自說自話，好搞笑，但亦說明此劇多年仍備受關注，算是一套經典之作。
@馬仔：
有些人等待兩元乘車優惠，但一步之遙，最終等唔到：能享受優惠就是福氣。
@蕃茄
相信伯母走得安然，你應該可以釋懷。 我說每個人一出生便開始倒數，有些人倒數得快點，有些慢一點，呱呱墮地，哭著來這個世界，最重要是笑住走！
舅父仔：
傷患復原要時間，治療師好固然重要，自己也要事事小心，做不到不要勉強，欲速不達。
四月底是我在這公司九週年了，2010 年如不是舊同事相邀，以為此生不會再踏職場，更沒想到一做九年；如不提前解僱就做到法定退休年齡，否則就隨時起身，寵辱不驚，去留無意。 真的有很多事想做，希望有機會完成。
蕃茄
心情平伏就好了！
但感情是不會變的！
我常相信今生相遇的人，來生一定可重聚！
我個人覺得$2乘車，是繼公屋及廉記之後的香港德政。
今日見到住同一楝樓的93歲婆婆。舊年開始出入要坐輪椅了，始終年紀大，有D機器壞。她有幾個仔女，大女幾年前過身後，身體開始变差，有時相遇，都覺她眼神有些落寞。
我冇野望，只望長命過父母！
她老公95，身高應縮了有3吋！幸好仍聲如洪鐘。
Persie, 馬仔，2017年度全球平均壽命報告，香港再次成為全球男女最長壽的地區，其中女性平均壽命87.66歲，男性平均則為81.7歲，力壓日本女性及瑞士男性，並列全球之首。注意這只是平均壽命，如果你生活健康，有均衡飲食，有適量運動，加點運氣，非常有可能超越這個平均數。65歲用 $2乘車，隨時有機會使用二、三十年，麼該是項相當好的福利。
人有悲歡離合，月有陰晴圓缺，此事古難全。2019新的一年，但願人長久！
馬仔，我媽咪好喜歡$2搭車。
我們已準備好她將來長眠的地方，同我外公外婆一齊。本來媽咪很忌諱，但我說如果她不說清楚，我將來可能辦得不好，她就放下了。安排好了她很開心。我跟兩個舅父很親厚，我叫他們肥舅父瘦舅父。大舅父長居美國。但我三位舅父都有重病，肥舅父50幾歲就走左，瘦舅父兩次癌症，加上外婆的事情，我都驚媽咪猝走。
到我告訴她如果她不做平安紙，無遺囑者的財產會有一半歸合法丈夫，佢連平安紙都做埋。
不是我不孝，我幻想過媽咪走，我幫她佈置美麗的白玫瑰靈堂。人終於一走，只要我現在對她好，讓她開心就好。我不想看到她逐漸乾枯而走，我寧願她很快的離去。
去年應承她今年帶她去澳門過大壽，但遺憾我做不到，公司也有事，一月對我的工作前途生死攸關（雖然我已經不很在意）。家姊姊夫和表妹nice爆，幫我帶媽咪去，還有他們其他朋友。
聚散有時…………
心裡明白，但要放得下，談何容易！
我媽有時會說不想要$2乘車，即表示自己步入老年……
我真不知怎樣回應她……
人生聚散有時。對!不用受病魔折磨而離去何等恩賜,
願自己有此福氣.
好多年前，我外婆在我身旁逝去。那天剛拜祭完公公，回到家，婆婆坐在我身邊，樣子很累，突然她身子滑下，閉上眼睛。母親急著找藥油，其他親人call白車，我拖住婆婆的手呼喚她，她突然張開眼睛，眼神盡是戀戀不捨之情。可惜，她只多看了這世界幾秒鐘，又閉上眼，從此沒再張開眼睛。她是在我們大宅離世的，但家母不許我這樣說，她說婆婆是在救護車上去世的。婆婆係捨不得，但現在想來佢走得沒有痛苦，我永遠記住充滿幽默感的婆婆。
好遺憾聽見伯母離去的消息，但這道你接受和節哀也很安心。我都希望老人家不要受苦，我不會因為掛念他們而想他們苟延殘喘，實在係一種不必要的痛苦。人生聚散有時。
人們常說、希望離開塵世、合上眼的那一刻可以無牽無掛就最好、但有時我會諗、如果一個人在世上有關愛的人、在離別時總會有不捨之情吧，如果無牽掛 是代表他/她於世上没有值得留戀之人, 那麽、我會寧願當我走時、我是有所牽掛和留戀。
2018年、真係有 好多好多 各個範疇的知名人士離去的一年。
媽媽也在幾個月前走了、辦妥後事、我的心情現巳平復下來、畢竟她已病了多年、年事亦高、見她年中起身體狀况漸差、我們家人心理上巳作準備。
願各離去者安息。
主席，身體健康就好。工作方面就隨遇而安，就算不工作，我相信妳也有很多有意義的事情可做的。
我換了幾個物理治療師，最後這個每節30分鐘，都係聽佢講多過做。佢話我要相信自己隻腳已經同以前一樣，但實在我知道唔係，唔係話相信就得。但我相信我會慢慢再進步的。我今年逛工展會，行左兩個鐘，後腰好痛無法再堅持。我買左個精萃機，打算將新鮮蔬果打碎來飲，不用食咁多舊嘢咁麻煩。我以前好愛食嘢，但現在冇咩胃口冇咩心機食嘢，我瘦左十幾磅。人會變，月會圓，大概就是這個意思。工作方面有D似妳，過了一月就知是否留低或會改變，現在看似有得留低。
馬仔，人生有得有失，希望妳活得開心。
聯廣，花姐，蕃茄，浪子，各位網友，祝你們生活愉快，身體健康。
祝大家新年進步，新體健康！每天都安安樂樂過生活。
2019大家繼續開心健康！
2018我失去了最重要的，希望2019揾得番。
舅父仔：
恢復上班一段日子，習慣嗎？ 腳傷康復進度如何？
十月底前要提交來年預算，一如既往要節約，要按今年開支削減若干百份比，真係減無可減！ 最後講到要裁員，我是我部門首選，預期做到今日。 經部門主管提醒，利用醫療福利，上月安排入院做內窺鏡和一連串體檢，慶幸一切正常。 深圳總部做預算時話要裁員，預算完成後沒有下文，我又順利過渡 2018！ 但看到公司由盛轉衰，不無感慨，亦意興闌珊，既來之則安之。
開心或不快都隨著 2018 過去，自在放心裡，往事留背後，希望大家 2019 年平安、康健，心想事成！
2019將至，祝大家新年快樂，萬事如意。
林嶺東的電影咁勁，63歲就走。
2018年未到最後一日都未知仲有邊個要走！
優勝劣敗係冇問題，但兩個12碼好有問題。足球先生贏梗都插水，球證又陪佢癲。
這個情形我係希望曼城贏冠軍的，有攬炒味道。
快樂呀, 不過快上更好!!! hahahaha
利記勁!!!!
人生無常，有時無可奈何時只能隨遇而安。隨遇而安，不是說要得過且過地混日子過活，而是在各種環境中保持平和的心態，即順境不喜、逆境不悲、不爭不棄、不憂不怨，以平和的心態坦然面對成敗。隨遇而安絕不是自暴自棄的隨便，也不是無原則的隨意，而是遇事要想開些，見利欲望要少一些，心情要舒緩一些，從而讓自己安靜處世，捨棄自如。
命運弄人,煮到埋黎只有面對,我都估唔到六十多歲就有聽覺問題,
有方法就去尋求,不能掩耳盜鈴.生命好脆弱,但你不想太長壽,
偏又死唔去,做人好無奈!
幸福非必然。同學仔的丈夫先係有初期腦退化，現在又發現胰臟有個腫瘤，幾天後要做手術割除。佢當年話要嫁一個比自己年長很多的丈夫，應該都會預左這一天。還好佢係教徒，佢話胰臟出事係好難發現，但今次係驗血報告出現問題要跟進令醫生無意中發現胰臟的問題，所以佢覺得係不幸中之大幸。佢抱著這思想也是好事。之前見佢地屋企掛好多大頭照片，我心諗你地仲細咩，咁鬼肉麻，後來同學仔同我講，如果有天老公一覺醒來忘記了她，她就會指住一屋照片告訴他我們係男女主人，我係妳太太；我這才明白她的苦心。
另外一位朋友兩年內cancer relapse第二次，我已經不懂如何安慰他，只能默默支持。佢明天開始用口服標靶藥，每月$30000，公司醫療保險唔包，要自己俾。這位朋友比我年輕十年，仍然單身（現在說來這是好事），佢外表好得，鬼仔樣，有D似林文龍但佢對眼靚過林文龍。以前大家出來玩都見佢深受女仔歡迎，都有D朋友會好羨慕佢，但有時命運真係好難講。
義不容情 1989，珠光寶氣 2008，保險調查 2018，見證邵美琪由美貌女孩成為 ... 不知點形容。
時光無情，但相信自己都一樣。
還有劉嘉玲都係，無論注射甚麼除皺，樣子係沒辦法留住青春，有D似一個婆婆，反而周海媚最能保持美態。
黃日華都老左好多好多，佢唸對白的語氣係30年不變，一句台詞每個字的快慢係一樣，沒有分輕聲重音，不客氣D講係唔識做戲。但原來佢年輕幾靚仔，有D似霍建華。我知道華哥係利迷，相信佢今屆會係個開心球迷。
重睇利物浦對紐卡素，利記已具王者風範。睇曼聯對哈特，確實有D起色。阿仙奴對BHA，Emery換人進退失據，球隊演出差劣，無須太多無謂寄望。
當年如果唔係謝拉特跣一跣腳，利物浦都應該贏左聯賽冠軍。今屆機會都大，且看哥帥有冇能力阻止佢地。
Persie, 各位網友，聖誕快樂，闔家平安。
各位朋友, 祝大家聖誕快樂!
Persie, 你估今年英超, 利物浦可以一嘗多年心願, 奪得英超冠軍嗎 ?
希望佢地成功啦.
主席，馬仔，蕃茄，聯廣，chanreborn，浪子，花姐，塵客，炎，KING，各位在此瀏覽留言的網友，祝聖誕快樂，跟家人朋友歡樂相聚，聯絡感情吃大餐。
馬仔，冬至快樂！
祝大家闔家團圓平安。
冬大過年
大家人月两團圓！
估唔到李佳芯去年演的有型法官Never Wong失落視后，今年會憑一個媽媽角色贏返。我沒有欣賞佢今年的作品，但相信也是演得好而贏的。太平公主我有睇少少，印象中佢每次對眼都起晒紅筋，令人看的很不舒服。