島形底 VS 島形頂

2018/12/12 22:16:35 網誌分類: 經濟

12 Dec

升唔喜.跌唔樂.升勿喜.跌莫悲.操控上落炒波幅.部署屠殺牛熊

假期+議息前.成交縮操控易.大鱷借QQ飛天遁地秒殺牛熊趙完鬆

乾升乾跌殺牛熊.大升大跌勿盡信.不做單邊市.做夠波幅即轉向

向上阻力:

回顧11月份有4日升穿26500, 但只得2天收26500樓上, 反映呢個水平沽壓沉重, 13/12收26524, 現時企26000樓上都不要太樂觀, 因為11月恒指收升, 按照熊市不會連升兩個月的慣性走勢, 今個月會收26506之下, 全月計會收跌收陰燭

27260(4/12島形頂高位)回調低見25570後反彈, 向上阻力: 26500.26800

裂口阻力: 6/12的下跌裂口26381~26745 5/12的下跌裂口26914~26981

12月基金經理放聖誕及新年假期, 12月成交細, 操控易, 慎防大鱷失驚無神玩偷襲秒殺牛熊

向下目標:

27260(4/12高位) - 1500~2000 (一般月波幅) = 25260 ~ 25760 (12月下跌目標)

2000點波幅已經夠水位俾大鱷轉身, 如果係災, 波幅才會超過3000點

25800係關鍵大位, 如失, 下一站25570.25500.25300.25000, 回顧11月份只得1天收25500樓下, 反映大鱷力守25500水平, 但呢個亦係死亡陷阱, 因為好友以為守得住, 牛牛就會聚集在25000~25500, 反而會惹來大鱷的殺機, 當牛養肥就命危, 只要一破位而下, 程式沽盤就會湧現, 令大市急瀉, 要留意會否秒殺肥牛即彈, 如果是為屠牛而跌, 食飽肥牛就會彈上去屠熊或震熊, 大方向仍要向下尋底, 明年創新低機會大

短炒好友淡友要睇位炒作, 要緊記無論升跌, 大鱷都鍾意打折扣, 差幾步到目標位就掉頭嚇鬼, 突然裂口轉向殺好友淡友一個措手不及, 好淡通殺, 由於已做夠年波幅, 估計今年不會插穿年度低位24540, 25000附近島底不容有失, 應該留番明年才隊穿做新一年的波動區

QQ指標: 騰訊係大鱷操控港股上落的棋子(QQ冇A股, 不受內地股市影響, 大鱷點玩都得), QQ通常係與港股同步見底頂, 如守$305, $303.6(12月上旬低位), $300三個大位, 代表大鱷暫時唔想港股深潛, 如隊穿就代表大鱷已完成向下部署, 可以開大餐食牛扒, 港股要落地獄,

恒指向下支持位: 25800.25500.25300, 島形底支持大位: 上升裂口24979~25190

國指向下支持位: 10400.10200(11月低位).10000.9900, 如QQ破底, 國指失守10200, 又或者上証失守2600, 恒指就會跌穿26000甚至落得更低

上証綜指: 上証與港股通常係同步見底頂, 上証創新低的話, 港股亦會跟, 因為AH股相關性極高, 港股即市走勢多數跟上証, 美國議息.基金全年結走貨, 以及12月中的中央經濟工作會議亦會影響港股表現

10/12低見25570, 月波幅1690點, 已進入達標範圍(11月波幅有1831點), 如要擴大月波幅跟上月, 就要插穿25570, 或者一插即彈, 因為大鱷亦可在窄幅內炒上落屠殺貼價牛熊, 溫水煮蛙式派貨, 基金經理或會提早收爐放假留番明年再癲過, 如果破底後一沉不起, 就會向25000進發, 月尾創即月新低

由於近來恒指慣性走勢係升跌幾棍後就轉向, 所以逢大升/連升有多隻指標股見頂就造淡, 因為熊市底頂下移, 唔會叻得去邊, 逢大跌/連跌後見多隻指標股出現利好訊號就造好, 當全城看同一方向就要小心大市會突然轉向, 見地產股強, 又或者QQ止跌回升, 冇再創新低就係反彈先兆, 如QQ失守$300關鍵大位或地產股捱沽, 港股就要落地獄

${#icono_72}$ ${#icono_72}$ ${#icono_72}$ ${#icono_72}$ ${#icono_72}$ ${#icono_72}$ ${#icono_72}$ ${#icono_72}$ ${#icono_72}$ ${#icono_72}$ ${#icono_72}$ ${#icono_72}$ ${#icono_72}$ ${#icono_72}$ ${#icono_72}$ ${#icono_72}$ ${#icono_72}$ ${#icono_72}$ ${#icono_72}$ ${#icono_72}$

12/12周三收市~恒指收報26186, 大升415點, 連升兩天重上26000及50天線

昨日指出只要本周守25500就要上26400~26600肥熊區, 因為近來每星期例牌有900~1100點周波幅, 25570(本周低位)+900~1100=26470~26670, 但最吊詭的是每次港股止跌回升呈大陽燭, 股民多數都係唔敢追入買上, 反而係牛食胡熊進場, 做淡居多, 太快做淡是死罪, 因為後市往往都係上攻屠熊, 到港股升多幾棍, 升到水尾, 後知後覺的散戶才跟風買上, 一轉勢向下又中伏, 這就是散戶的宿命, 永遠都係慢幾拍輸俾大鱷,

其實大鱷只係炒波幅, 幾日就轉方向, 股民要跟住大鱷的升跌韻律來操作, 港股已連升兩天, 升埋明日就係三連升, 不過由10月起三連升就斷纜, 而過去半年頂多四連升, 當周波幅達標就要小心港股會掉頭向下屠牛, 淡友見好亦要收, 因為當熊熊下移, 大鱷食完牛扒就會走番上去屠熊, 過夜會變天, 無論當天有幾強/弱, 翌日都可以變臉, 而大鱷有時會偷步跟道期先行升/跌, 如大鱷唔想落山, 就會一插秒殺肥牛即彈

大鱷擅長將港股舞高弄低, 好淡通殺, 三扒兩撥見頂或見底就轉向, 失驚無神急升暴跌, 股民往往走避不及, 所以無論做好抑或做淡都要快閃, 否則就會成為大鱷的點心, QQ.上証與港股通常喺同步見底頂, 股民手痕入市就要睇住呢個指標來炒波幅, 不過明年開新局就會變天, 2019年要插穿今年低位24540才夠年波幅

12月初全球金融市場受美國國債孳息率曲線出現倒掛衝擊出現震盪, 皆因美債孳息曲線2007年後第一次出現倒掛, 是美國經濟衰退的先兆, 市場憂慮美國經濟增長放緩, 貿易戰後遺症會逐步浮現, 加上華為副董事長兼首席財務官孟晚舟(創辦人女兒)在加拿大被捕, 可能引渡去美國, 市場擔心中美關係難以修復, 對中美雙方90日內達成貿易協議的信心亦動搖

~~~~~~~~~~~~~~~~~~~~~~~~~~~~~~

慣性走勢裂口開出後窄幅波動

港股後市通常係兩個劇本, 如果熊二反彈已結束, 後市就要插穿25500向25000進發(月線先高後低), 如果熊二未彈完, 就不應深潛, 完成調整再彈番上去(月線V彈, 全月呈高低高格局)

股民輸到死心, 連基金經理都心灰意冷, 輸到嘔白泡, 一彈就走貨, 寧願提早收爐埋年結, 今個月恒指即市波幅明顯收窄, 成交亦萎縮, 過去8天有6天開市後騰上騰落波幅通常只得220~280點, 有聖誕假期因素, 即市波幅正不斷收窄, 估計基金經理會趁反彈沽貨鎖定利潤埋年結, 所以港股好難一路殺上去, 向上阻力重重, 26500.26800.27000都係阻力大位

人民幣周一下挫337點子, 當天恒指大跌311點, 周二及周三(今天)人民幣連升兩天, 恒指亦連升兩天, 人仔止跌回升, 加上有貿易戰好消息, 大鱷就借勢推高港股挾淡, 窒窒步係大鱷操控大市的手法, 今日大鱷特登唔上26400係養熊引淡, 亦想趕走牛牛才殺上去, 貼價有近3000隻肥熊待屠, 試想想, 途長路遠由25570走左近700里路到26238, 怎可能空手而回不衝埋上26400吃熊掌補身呢? 亦可順道回補6/12下跌裂口

周一創低位25570後急彈除了部署屠熊殺淡外, 亦係為了推高大市來擴大周波幅, 由於今年隊到落24540已做夠年波幅, 大鱷想預留明年的波動空間, 唔想今年再創新低, 推高大市就係想拋離24540, 只要推上26500, 每周約千點周波幅的話, 只要撐多兩個星期今年就收爐了, 留番明年做新的年波幅才破大底吧!

~~~~~~~~~~~~~~~~~~~~~~~~~~~~~~

上証2600是關鍵

上証收2602, 升8點, 連升2天, 企2600樓上, 恒指果然又企番上26000, 天生一對噢! 中港股市都係乾升, 大鱷玩晒, 燈神梁蛇今早叫不要追入買上, 相反指標代表港股升勢未完, 明日會升穿今日高位26238, 每周例牌900~1100點周波幅的話, 就要見26470~26670, 早已說過恐慌性拋售的下跌裂口多數會回補, 就算市弱都會回補一些, 三個下跌裂口補一兩個都好合理, 按照慣性走勢, 多數係補完裂口又插過

本來一直見無形之手托住國指10400, 但華為事件令國指沽壓大增, 內銀內險資源商品A股疲弱壓住H股, 國指支持位已下移至10200(11月低位), 上周港股跌至26000/10400附近中資股回購明顯增加, 近日繼續回購, 有護盤托市味, AH股相關性極高, A股無啦啦急升暴跌就影響了相關H股的走勢, 亦係港股大幅波動的罪魁禍首

中央經濟工作會議傳下周三至五(19~21/12)召開, 市場預期會推出穩增長及寬鬆信貸措施, 加上預期美國加息步伐放緩, 地產板塊急升, 推動港股向上

特朗普指與中國進行了非常富有成效的對話，亦有報道指中國有意把美國進口汽車關稅由40%降至15%(市傳狂人嫌減得少, 得吋進呎正一趴街), 國務院副總理劉鶴明年初或會訪美, 特朗普更表明只要對美國有好處，就會介入孟晚舟案件，而加拿大法院昨天已批准孟晚舟的保釋要求, 文翠珊留任明朗化, 中美緊張氣氛略為紓緩, 不過臨近聖誕及新年假期, 買盤並不積極, 近日的升勢似係淡友回補空倉以及短炒買盤, 大市交投仍淡靜, 只係靠挾淡推升, 好難企穩高位, 當升穿26500做夠周波幅就要小心

${#icono_71}$ ${#icono_71}$ ${#icono_71}$ ${#icono_71}$ ${#icono_71}$ ${#icono_71}$ ${#icono_71}$ ${#icono_71}$ ${#icono_71}$ ${#icono_71}$ ${#icono_71}$ ${#icono_71}$ ${#icono_71}$ ${#icono_71}$ ${#icono_71}$ ${#icono_71}$ ${#icono_71}$ ${#icono_71}$ ${#icono_71}$ ${#icono_71}$

周波幅已達標.肥熊陣亡牛上移.獲利沽壓增.港股急升暴跌是常態.下殺誘因大

13/12周四收市~恒指收報26524, 大升337點, 收復10.20.60天線,

大鱷操控港股如入無人之境, 港元拆息連日上升, 樓價指數連跌11周, 創2008年海嘯以來最長跌浪, 令人心寒, 受加息及避險氣氛推動, 美元上企97, 美國10年期債息止跌回升, 道指連續兩日沖高回落唔靚仔, 但恒指仍能夾硬大升3棍陽燭累計升逾千點, 餓左兩日做部署後, 今日大鱷按劇本屠熊2399張, 飽到上心口, 跟住大鱷就將港股點穴, 俾時間貼價BB牛入局以及高位派貨, 人民幣連升3日, 恒指亦三連升, 小心當人仔回落, 港股就要回

日前已指出只要殺上26400就達到每周例牌900~1100點周波幅, 本周上望26470~26670, 結果今日高見26581，周波幅1011點，已進入達標範圍，足夠水位俾好友大鱷轉身, 做好食胡喇! 早已說過以大鱷的能力, 1~3棍就可升跌千點, 今次果然係升3天就到目標位, 點升上黎就點落番去, 出得黎行, 遲早要還

升埋今日周波幅剛好達標, 今日熊死牛上移, 非常貼價, 加上樓上阻力重重, 你係大鱷會點做? 近來港股多數係裂口抽升殺跌, 過夜變天, 企錯邊根本冇得走, 小心大鱷好淡通殺, 食完熊掌轉口味落山食牛扒, 其實港股只係在10.20.50.60天線穿梭, 跌穿就彈番上去, 升穿亦會碌番落黎, 只係俾大鱷借消息抽升殺跌來搵食

恒指三連升後肥熊陣亡牛入局, 唉! 都話左升左幾棍到水尾慢三拍的股民才會買上, 散戶見升千點才看好買牛及高追, 見跌千點才追沽及止蝕, 真係輸死未天光, 一定會俾大鱷玩死, 貼價牛已大幅上移, 淡友燈神轉口風唱好, QQ好友重倉買上, 測市指標釋出利淡訊號, 做好今日應獲利呀! 因為明日會有周末沽壓效應, 下周聯儲局議息亦會有避險獲利盤出籠, 大鱷唔鍾意一直炒單邊, 會頻頻轉向, 才能好淡通殺, 大鱷就可獲得最大利潤

~~~~~~~~~~~~~~~~~~~~~~~~~~~~~~

三連升後例跌

今日高見26582, 繼續回補月初的第二個下跌裂口26381~26745, 上周五收26063/10369, 如收於其上本周就收升, 如失守, 今個星期周線收跌, 絕子絕孫的大鱷真係好鬼賤格, 頻頻玩裂口升跌後點穴, 近來港股無論升跌都係裂口開出後即市波幅只得220~280點, 唔會俾企錯邊的股民逃生, 現時有約700隻BB牛在26000~26350, 要買定官才, 但以今日收市計25600~26000只得49隻瘦牛, 以大鱷的風格, 係唔會為了小牛連環插穿25800及26000兩個大位, 按此推算, 明日大鱷會咬住26000扮跌唔落, 目的係俾時間牛牛入局, 部署日後的殺戮, 亦可引熊下移, 留番下星期才插穿26000做新一周的波動區

今日港股成交略為增加至$793億(昨日$695億), 為本周最大成交, 升到水尾成交增加唔係好現象, 斷估不會升左千點在現水平才入貨吧! 估計是獲利沽盤, 以目前的金融形勢, 港股好難企穩多條平均線, 大鱷亦不會花子彈一直托住高位, 小心吻別又跌過, 要留意上証通常都企唔穩2600, 如失守, 港股26000/10400就危危乎

午後指數雖然高企，但多隻指標股卻沖高回落，收窄升幅, 似係托沽出貨, 上証及恒指齊齊連升3天, 過去幾個月港股多數連升3日就回吐, 試過幾次係大跌, 好少4連升, 上証都係多數三連升就回吐, 反映任可好消息3.4日已消化, 唔少股份都上到阻力位, 獲利盤湧現, 股份已率先見頂, 代表港股已升到水尾

~~~~~~~~~~~~~~~~~~~~~~~~~~~~~~

大鱷炒波幅.跌夠就彈.升夠就插.好淡通殺.熊死牛命危

試想想, 4/12見頂27260後, 翌日(5/12)大裂口插水低見26745, 持貨的股民/基金經理當日走唔切的話, 如果現時仍有貨或好倉未走晒, 由低位25570彈千點上到今日高位26582, 打開逃生門走唔走? 唔通仲傻下傻下等上去27000才逃命咩!

明知金融市場立立亂, 港股只係虛火上升, 大鱷製造波幅來搵食, 今年輸到嘔白泡的基金經理梗係趁反彈鎖定利潤或止蝕沽貨鬆人啦! 提早埋年結放假喇! 唔通仲係低位24540反彈二千幾點的水平高位追貨咩! 呢兩日恒指爆上26000大媽就沽貨鬆人, 港股通(滬)出現資金凈流出,

好明顯大鱷抽升殺跌只係為了殺倉屠牛熊, 今次恒指3連升都不能盡信, 而且成交並不配合升勢, 要企穩平均線或大位起碼3天, 仲要睇埋指標股表現才能確認, 不要忘記50天線係魔咒位, 好邪咖! 餐餐上去都發豬瘟企唔穩, 中美的90日談判肯定會係利好利淡消息滿天飛, 金融市場必定會大幅波動, 加拿大拘捕華為太子女, 而阿爺亦以牙還牙逮捕兩名加拿大人, 連蘋果都受阿爺到打壓, 以這種形勢, 股市怎可能單邊向上呢?

周一低見25570屠牛後拗腰彈高上26581殺熊, 係因為26400~26600有肥熊, 大鱷唔想益左熊熊獲利, 而且唔少股民開了個股淡倉及熊熊, 所以大鱷就失驚無神沖上去挾淡, 而家大鱷炒上落市, 上去屠熊後再落山殺牛都得, 港股連日上升, 引左牛牛大幅上移至26300水平, 係今日新發行的BB牛, 通常有貼價牛新登場, 就係港股升到水尾的先兆, 港股急升暴跌是常態, 今日大鱷食飽肥牛, 即係跌得喇!

~~~~~~~~~~~~~~~~~~~~~~~~~~~~~~

暗湧處處

港股今日表面上係升市, 但其實有暗湧, 除了股份沖高回落收窄升幅走勢欠佳外, VHSI恒指波幅(恐慌)指數雖然收跌2.53%, 但睇真D, 原來恐慌指數午後拗腰走高, 近全日高位收, 代表升穿26500驚後市會反艇呀! 你睇下俾沽空機構唱淡的基金股恒安都反艇, 藥股受政策打壓持續捱沽, 閱文平安好醫生雷蛇等半新股洗倉跌到走樣, 唔少股份都係急升急跌, 試問股民又點敢持貨, 見反彈就紛紛沽貨鬆人, 如此一來, 港股每次彈到去關鍵大位就俾沽盤拉番落山, 人人都炒波幅,

美股及油價已入熊, 頻頻彈散, 港股係大鱷提款機, 唔會叻得去邊, 美股基金出現創記錄贖回潮, 有數據顯示截至12/12的一周, 美股共同基金和ETF基金凈流出資金超過460億美元, 創歷史記錄, 而個人投資者對美股前景看法是五年多以來最悲觀, 看來今次狂人掀起貿易戰玩出火了, 自作自受, 就等我放長雙眼睇佢幾時折墮, 不得善終

趴街大鱷大媽賤到冇朋友, 無論升跌, 三扒兩撥就到位, 當慢三拍的股民跟風追入, 大市就會失驚無神轉向, 股民根本走唔切, 例如淡友買跌本來有得執, 但大市急插後突然拗腰急升, 淡友就嘔番晒盈利出來, 又例如好友買上本來有利可圖, 但大市急升後突然急挫(高位一瞬即逝, 可能係大裂口低開低走), 好友就嘔番晒盈利出來, 到頭來股民係一場歡喜一場空,

經仔通梁蛇係技術派及衍生工具分析的高手, 點解會成為燈神? 梁蛇的測市系統在大鱷推升幾日或殺跌幾天之後就會出現利好/利淡訊號, 梁蛇就會按本子辦事(唱好或唱淡), 而恰好大鱷就最鍾意升或跌幾棍就玩轉向, 梁蛇梗係中伏啦! 內地政策陰晴不定, 消息+政策日日變臉, 一度是基金及大媽愛股的醫藥板塊頻頻成為洗倉對象, 阿爺神經刀政策亦嚇退投資者, 令人對大市失去信心, 入市寧願做快閃黨, 人人炒波幅, 正好成為大鱷炒上落的助力,

我大鱷唔鍾意玩單邊市, 通常逼死好友就大升, 逼死淡友就插水, 不斷玩急升暴跌, 短線細波幅就千點, 大波幅就約1800點就突然轉向, 股民頻頻企錯邊, 就算買中方向都走唔切, 血汗錢不斷被大鱷蠶食, 如此一來, 無論港股升或跌, 大鱷就賺到笑, 散戶就輸多贏少,

人行行長易綱表示, 目前中國經濟處於下行周期, 股市和經濟相關系數極高, 明日周五(14/12)內地將公布11月固投及零售銷售等經濟數據, 又係大龍鳳的日子, 今次貿易戰阿爺作出大讓步, 但狂人仍得勢不饒人, 不斷步步進逼, 中國經濟不容樂觀, 股市又點會真好呢? 熊市未完, 彈完仍然要落山

${#icono_64}$ ${#icono_64}$ ${#icono_64}$ ${#icono_64}$ ${#icono_64}$ ${#icono_64}$ ${#icono_64}$ ${#icono_64}$ ${#icono_64}$ ${#icono_64}$ ${#icono_64}$ ${#icono_64}$ ${#icono_64}$ ${#icono_64}$ ${#icono_64}$ ${#icono_64}$ ${#icono_64}$ ${#icono_64}$ ${#icono_64}$ ${#icono_64}$ ${#icono_64}$

美股油價熊霸天下.港股沖頂回落.底頂下移尋底格.部署屠牛

14/12周五收市~恒指收報26094, 大跌429點, 失守10.20.60天線, 26000危危乎

大鱷昨日沖上26582殺了2399張相對期指對沖張數熊證, 今日碌落26061, 轉口味殺牛535張, 牛熊都要死, 今日特登扮守得住26000大位來養牛, 因為大鱷想養肥才開餐, 結果26000邊聚集了大量肥牛, 快高長大, 反而25600~25999牛唔算肥, 大鱷通常會窒窒步跌扮強來引牛牛入局, 再落養多一陣就殺得, 最肥牛在25400~25600, 要破底才有得吃, 大鱷頭痕, 大鱷在11月一直力守25500咖!

今日大插亦吸引熊熊下移, 唔想深潛的話, 落山秒殺肥牛, 做夠二千點月波幅彈番上去屠熊都得, 向下關鍵位25800.25570, 向上多條平均線阻力大位26200~26300, 9月試過大插落山屠牛, 係25~26/9議息前夕死貓彈(可能因為當時係月尾結算, 或者係好友推高來預留回調水位, 亦可能係淡友於議息揭盅前獲利避險), 不過議息後都係要繼續落山尋底,

12月上旬大鱷殺了牛10151張, 熊5487張, 好淡通殺, 半月合共吃了15638張, 已食夠半月數(11月上旬殺15058張), 大鱷數口好準, 睇住黎食, 港股死貓彈完再尋底, 如果玩例牌約千點波幅就要再下試前底25570, 如上証失守2600, 恒指亦好難保得住26000, 大鱷只係等養肥25800牛牛才隊, 燈神梁蛇看好, 認為農曆年前港股不會大跌, 相反指標即係死得

大鱷已經飽到上心口, 現時牛熊分布均衡, 8524熊 VS 9877牛, 牛只係略為多過熊, 大鱷等養肥牛熊再擇肥而噬, 太貼價牛熊都命危, 以未來一周波幅來看, 就要插穿26000落去下試25800甚至更深, 如果唔想深潛就要再上26500阻力大位, 不過向上阻力重重, 26200~26300攔路, 有議息魔咒壓頂, 現時牛牛較具吸引力, 美股急升暴跌, 而家走勢似年初的港股, 不斷急跌急彈, 但最終要落地獄, 會拖累港股,

${#icono_71}$ ${#icono_72}$ ${#icono_71}$ ${#icono_72}$ ${#icono_71}$ ${#icono_72}$ ${#icono_71}$ ${#icono_72}$ ${#icono_71}$ ${#icono_72}$ ${#icono_71}$ ${#icono_72}$ ${#icono_71}$ ${#icono_72}$ ${#icono_71}$ ${#icono_72}$ ${#icono_71}$ ${#icono_72}$ ${#icono_71}$ ${#icono_72}$

港股低開後急挫創即月新低, QQ倒升推動港股V彈, 單日轉向呈陽燭, 25500失而復得, 惟受制於25800

21/12 周五恒指收報25753, 升129點(最多上升182點, 一度下跌310點)

國指收報10101, 升10點(最多上升21點, 一度下跌168點), 結束5連跌, 國指大幅跑輸恒指

今日大鱷先插落去25313殺好友後彈上25805挾淡, 好淡通殺, 收升只係表面風光, 只係靠QQ夾硬推高大市, 其實整體大市下跌股份比例好高, QQ獨力撐市, 今日港股遁地, 恒指做夠周波幅即彈, 月波幅亦差不多達標(今個月下跌目標25260), 大鱷真係陰毒, 只要熊熊下移, 大鱷隨時可殺埋熊熊, 月尾6天例牌跌下彈下, 不會一面倒下跌, 12月尾係基金全年結

港股低開後狂隊創即月新低, 跟住借QQ消息玩拗腰V彈倒升, 秒殺肥牛就彈高, 牛熊都嚇死, 大媽大手掃QQ及內銀等權重股, 大鱷大媽雙劍合璧, 扭曲了今日原有的跌勢, 冬至護盤, 但富時指數調動令尾市及U盤成交急增, 大市升幅於收市U盤明顯收窄, 沽壓大增,

內地股市弱到冇朋友, 2600.2550關鍵位逐一失守, 跌市元兇係近來老外經滬深股通密密沽出A股, 希望下周一起因聖誕滬深股通暫停, 可減輕上証的壓力, 只要國家隊守得住2500大位, 大鱷就有藉口咬住港股25500/10000水平上落埋年結, 留番明年再癲過

美股跌到阿媽都唔認得, 亦係要等央行打救, 否則屎無全C, 今晚美期結算, 亦令港股避險沽壓加劇, 一粒老鼠屎.壞了一鍋粥, 自特朗普上任以來, 就搞到全球立立亂, 掀起貿易戰拖跨了全球經濟, 炒過籠的科技行業沽壓沉重, 經濟轉差, 金融業首當其衝, 權重金融股亦相繼倒下來, 拖累股市, 災味愈來愈濃, 現金為王, 避險情緒高漲, 美元高企不下, 港匯人民幣走弱, 資金撤出高風險資產, 基金贖回潮加劇, 不過亞太區股市及港股都係跟唔足美股跌幅

2018中國遊戲產業年會召開，中宣部出版局副局長馮士新會上表示，首批送審遊戲已經完成審核, 正抓緊核發版號。騰訊先挫失守$300後揚升, 於10時20分起動急升, 收$315.2，倒升$13.6(+4.51%)，較今早低位$297一度急彈$21.6(+7.27%)見$318.6, , 剛好去到$320阻力大位, QQ好友淡友齊陣亡

港股於臨收市創全日高位唔係好事, 因為股民來不及沽貨, 預示下周一開局沽壓會大增, 平安夜半日市人人都趕住沽貨放假

港股通（滬）2018-12-21
賣出中國財險.中國平安.石藥集團.新華保險
買入騰訊控股.建設銀行.融創中國.工商銀行.農業銀行

港股通（深）2018-12-21
賣出農業銀行.東陽光藥.中芯國際.中海油田服務.中興通訊
買入騰訊控股.招商銀行.吉利汽車

2018年12月21日 13:24 (筆者：鼎展金融集團研究部高級分析師劉宇亮評論美股)

美國聯儲局決定加息0.25厘，主席鮑威爾在議息會議會後的發言，沒有預期中那麼鴿派，在預期經濟放緩的情況下，明年仍很大機會再加息兩次，而且繼續縮減資產負債表。加上白宮與國會就避免美國政府停擺的談判陷於僵局，美股持續弱勢。高通在德國對Apple的專利訴訟獲勝，禁止蘋果德國銷售部分型號的iPhone，FAANG全線下跌，三大指數同樣出現死亡交叉。道指大跌464點，收報22859點，創14個月以低位；標指跌39點，報2467點，創15個月以來收市新低，約300隻成分股已回落超過兩成；納指跌108點，報6528點，創14個月以來收市新低，4個月內歷史高位回落19.5%，準備步入20%的牛熊分界點。

${#icono_61}$ ${#icono_61}$ ${#icono_61}$ ${#icono_61}$ ${#icono_61}$ ${#icono_61}$ ${#icono_61}$ ${#icono_61}$ ${#icono_61}$ ${#icono_61}$ ${#icono_61}$ ${#icono_61}$ ${#icono_61}$ ${#icono_61}$ ${#icono_61}$ ${#icono_61}$ ${#icono_61}$