袁和平用心設計武打動作 張晉笑稱 Tony Jaa嚟報仇
2018/12/17 04:12:29 網誌分類: 生活
電影講述由張晉飾演的張天志，被葉問打敗之後放棄詠春，與兒子過着平凡人生活。怎料遇上酒吧街不公義事件和兒子性命受威脅，他才決心為正義重拾詠春，對抗惡勢力。八爺坦言今次環繞着張晉的人物性格去設計動作，仲安排強勁對手同佢打，一諗就諗到Tony Jaa、打摔角的Dave Bautista和楊紫瓊，其中楊紫瓊跟張晉對打更是精采，「有場講佢哋用酒敬嚟敬去，但啲酒冇漏到出嚟；跟住有場勁打，由拳腳打到出刀，跟住楊紫瓊踢到佢滿場飛，再用棍對打。」八爺笑言：「識打係易設計啲，唔識打就頭痕啲。」
完全唔留力對打
問張晉第二次跟Tony Jaa對打怎樣時，他笑言：「佢係嚟報仇嘅，因為《殺破狼2》佢畀我打多啲，今次就勢均力敵，變咗打時大家放得開，效果會好啲，最難忘係打到撞玻璃飛埋塊面度。」戲中張晉還要對抗大反派鬼佬Dave，「佢高我好多，咁大隻體能一定係佢贏，但我照用詠春打佢，（正式拍時對方有留力嗎？）如果佢留力就好假，用真力就好勁，我都擋得好辛苦。」他希望觀眾鍾意套戲及入場支持，並說：「拍時我已經盡咗力，所以我對得住『演員』呢兩個字。」
主持：黃柏高 統籌：林永匡
協力：李佩儀 攝影：袁東亮、謝民光 場地：北京樓
黃柏高
■袁和平（中）在新戲中安排超勁對手同張晉（右）對打。
■張晉事前要操練詠春，其他動作都交給袁和平去設計。
■張晉在戲中與Tony Jaa勢均力敵有得鬥。
■張晉對住高大的Dave Bautista，都撐得幾辛苦。
■身為導演的袁和平，有不少鏡頭都親身上陣示範。
回應 (0)
我要發表
