20181219「唔識賭馬的河馬仔賽馬專欄」

 
上年累積賺蝕 : - $177350

(以下分析只是河馬仔個人觀點，注數只是河馬仔自己會買的，僅屬參考而已，賽馬沒有必勝，絕不可以孤注一擲或投注過度。)

今次就吹下第四場4班千二米，今場泥地拆組，眾矢之的的熱門穩膽通常都係丁廄之【勇冠多】，當然唔排除此駒跑法最有利而且穩定，不過有樣問題就係此駒贏完後幾場實力感覺好似都係差唔多，上場個第三其實都幾明顯，今次分數及讓磅並唔係變好多，除非一隻馬都唔放，否則如要鬥後勁未必好值大熱。

【友盈有款】有潘頓操過當然有人注意，但有樣怕就係此駒入圍個場其實賺到盡都只是僅僅捱到，再加上泥地此駒是否夠快夠實成疑，而此駒出閘是否飛快也是一個大問題，而要強行頂住【勇冠多】可能就更大問題。

【紫雲星】強配當然厲害，但此駒近兩場之漏閘確實令人擔心，而此駒之前跑泥地有表現時必定要走到埋欄，今場要做到這點真係算難。

【深愛】計積就掃哂對手，十二檔唔係問題，之前跑同程都差一步可以贏【軍力勁】，問題在於今次上場表現用力唔少，而突然從跑得不差之1650草地即縮落千二再跌十幾磅，而此駒今季確實試過好一場轉程後變差之狀況，再加上星期日DOUBLE報名確實令人奇怪。

最後如果揀Q/QP，我還是揀回以下三隻，博上面四隻可能走減分路，博亂算數。

20181219「河馬仔賽馬專欄」真金白銀投注紀錄