儲局唔夠鴿
一如市場所料,聯儲局宣布把聯邦利率增加0.25厘至2.25-2.5厘,但叫人跌眼鏡的是聯儲局對未來的貨幣政策態度,沒有太多鴿派的表示,只把明年加息預期由3次減為2次。美股昨日午後變臉,由天堂跌入地獄。聯儲局發表議息聲明發表,杜指由盤中高位的上升382點,急瀉至全日最低的23162點,倒跌513點,一個小時內來回不見了895點,尾市跌幅收窄,收市仍跌352點,報23323點,跌幅1.5%;標普500指數亦跌1.5%。
科技股,特別係美國幾家科技龍頭股,繼續係拖累大市的元兇,其中Facebook更插7.5%,蘋果和亞馬遜分別跌3.2%和3.6%,Netflix跌1.5%,Intel大跌4.6%。很多分析已經指出,要美股轉勢,上面幾家科技股巨頭一定要止跌回升,擺脫目前的熊樣。
標普500指數現價與一年高位2940點回落了14.8%,已跌到深度調整區域,從走勢看,可能要跌20%見熊穩得住腳,隨著美國2019年仍會加息兩次的預期升溫,沒有出現叫人意外驚喜的利好消息,例如中美達成真正的貿易協議,美股見熊並不為奇。
美股昨日大跌,全是聯儲局惹的禍,正如紐約分析師的警告,最怕的是聯儲局主席鮑威爾在今年最後一次的議息會議中不扮演聖誕老人,不派禮物給大家開心開心過聖誕,而是扮演聖誕鬼靈精(Grinch)把聖誕節偷走了。
由於近期全球經濟放緩,歐洲及中國日前公布的經濟數據都不理想,再加上鮑威爾在11月時改口話美國利率離中性利率已很接近,令到市場覺得聯儲局明年最多可能只加一次息,甚至不會再加息。市場預期聯儲局的議息聲明和鮑威爾會表示當局會「睇住數據做人」,在貿易戰和經濟放慢的情況下,未來將放慢收緊貨幣政策。
聯儲局在議息聲明中的確認為美國經濟增長已經放緩,並把2019年美國GDP增長下調0.2個百份點至2.3%,不過,明年加息次數方面只是由原來的三次減少至兩次,沒有市場預期的那麼「鴿」。
更令市場腳軟的是在議息會議之後,鮑威爾表示,他見不到繼續收縮資產負債表有什麼問題,佢認為現時收縮資產負債表的過程非常順暢,也達到預期的目標,他看不到需要有什麼改變。目前,聯儲局仍按計劃,每月減少資產負債表規模500億美元。這原來是另一個可以表露「鴿派」訊息的位置,聯儲局只要停止或放慢縮慢資產負債表,市場就有良好反應,可惜他没有這樣做。
保誠金融的首席市場策略師Quincy Krosby認為,最攞命的是,近期的經濟數據已反映到美國經濟疲弱的狀況,但聯儲局依然表示明年可能還會加兩次息。要證明聯儲局的想法是對的,就需要見到一些不用置疑的強勁數據經濟數據以證明聯儲局看法,但事實上又見不到。
有分析認為,鮑威爾沒有做應做的決定,主要是美國總統特朗普直接做成的,特朗普近期不斷向鮑威爾施壓,指他不應該加息,就在週二,聯儲局開會的時候,特朗普又在Twitter上發文,說聯儲局今次一定要小心行事,以免「再次出錯」,他在貼文說,「我希望聯儲局的人在做出另一個錯誤之前,先睇華爾街日報的評論,不要減少市場的流動性,停止每月收水500億美元的行動,要感受一下市場,不要只是根據沒有意義的數字。祝你好運!」特朗普的施壓,把事情搞得更加複雜。鮑威爾昨日被問及對特朗普的批評的看法,他說「在我們討論或者決定貨幣政策的時候,政治考慮不會扮演任何角色。我們通常只會集中焦點於國會給予我們的任務。」特朗普的做法似乎適得其反,即使現實有需要,鮑威爾為顯示自己獨立,也不會在貨幣政策上表現得太「鴿」,以免受人口實。
陸羽仁
炒美聯博有大蚺蛇
2018年12月21日
聯儲局開會後加息四分一厘,同時將來年預計加息次數,由三次減到兩次。雖然利率調升幅度比之前慢,但主席鮑威爾轉軚唔係咁明顯,會後聲明繼續針對特朗普打開口牌作回應,揚言政治不能影響聯儲局決定。杜指由原先升逾300點,一度急插超過500點,收市都跌352點。
儲局扭擰難掃陰影
中環茶友講起點睇儲局聲明,普遍認為鮑威爾雖然話不受政治影響,但態度已經無10月時咁鷹,不過亦唔夠鴿。
外界可以話全球增長有放緩跡象,儲局減少明年一次加息估計,都回應經濟格局調整政策,好難話係受特朗普壓力。
外界呢個講法,或者係鮑威爾希望取得嘅效果,猶抱琵琶半遮面,既唔會太得罪總統,又唔會太冇面,畀人話喪失央行獨立性。
反正如果經濟繼續放緩,儲局都會押後加息,特朗普到時就會話自己做咗嘢。
美聯集團(1200) 集團主席黃建業趁呢個時間宣佈增持股份計劃,令股價升4.5%,收報1.63元。
雞肋方案被迫要回應
根據黃主席建議,佢會按每股2元,向合資格股東收購5744萬股股份,相當於公司已發行股份約8%,成功後佢同相關人士持股,會由27.1%增至35.1%。黃主席出價2元收購,美聯收報1.63元。有中環茶友過去見代理生意好,喺2元以上入貨,O依家見咁嘅情況應該點做?係咪應該入多啲貨?
先要講講昨日收市價1.63元,同收購價2元有咁大差距,原因係黃主席只增持8%,超額唔收,唔係全面收購,若然所有街外股東投降賣畀黃主席,咁你想賣9股畀他,他只係買1股,正因如此先會出現收購價同市價仍然有咁大折讓。
至於入唔入貨,之前陸羽仁一直潑茶友冷水,話新盤好賣唔代表地產代理股美聯買得過,皆因呢類盈利波動咁大嘅股份估值唔高,茶友唔信邪O依家坐咗艇。現時主要股東增持有無甩貨機會,主要唔係2元嘅增購建議,而係呢個方案會唔會引出想將公司成間吞落肚的大蚺蛇。
黃主席現時持股27.1%,即係話街外流通股份比佢多兩倍以上。
喺呢個情況下,過去都無人成功挑戰佢嘅控制權,現時樓市同外圍經濟唔明朗,咁點解佢唔等股價再低殘啲先郁手呢?答案有兩個可能,一係佢估計來年初中美可能達成協議,提出呢類方案要一段時間去做,所以無謂計到咁盡,O依家郁手先。
另一個可能性就係佢感覺到個市再落,股價再低,有可能吸引其他人挑戰佢嘅控制權,咁不如先下手為強增持。
黃主席拋出的方案有啲雞肋,客觀效果係黃主席成功就可以有35%股權,遠遠超過全面收購觸發點,其他人日後要挑戰佢嘅難度大增,所以若然有大戶要覬覦公司,就要作出回應,包括出價爭奪或者炒高散貨,否則日後就可能被綁要做順民。
按照呢個思維,若然現在入貨,目的就唔係接受黃主席嘅部份增持方案,而係博持有美聯主要股份的大蚺蛇出現搶食。
以昨日收市價計,假設有人爭購出價2.1元,咁現價仲有28%水位,以回落一成斬纜計,沽出價係1.46元,賠率有1賠2.8,似乎好過聖誕假去澳門買大細。
陸羽仁
股平樓貴難永續(大結局)
2018年xx月xx日 (xx:xx AM)
陸羽仁
金融High Tea——
股平樓貴難永續(下集)
2012-07-16
上周五是「黑色星期五」,但股市並不黑色,內地公佈第二季經濟增長只有7.6%,市場相當冷靜,內地上證綜指微微升鰦一點都唔夠,等如無上落,收2185點。港股亦撐住19000點大關,收19092點,升67點。
不過呢個黑色星期五去到美國仲精采,早前摩根大通深受「倫敦鯨」交易員投資失利影響,但上周五佢公佈上季業績較市場預期佳,股價勁升6%,帶動整片美國金融股抽上,再加上歐美投資者認為中國7.6%經濟增長,不是硬覑陸,杜指爆升203點,大升1.6%,終止連跌六日的頹勢,港股應有反彈,特別係跌得好殘的內銀股,應有像樣一點的反彈。
大戶操控詮釋權
股市就係咁,上上落落,壞消息面世時,又話「好過預期」、「其實唔係咁壞鎹」,股市升彈。股壇老雀極短炒時鍾意炒相反,認為如何詮釋市場資訊的權利在大戶手上,佢地鍾意同散戶做對手,所以要極短期炒作,只能在市場評價好差時買,在評價好好時賣。
上星期寫了篇文「股平樓貴難永續」,講起網友「硬道理」在09年中因錯判市況,將05年入市的自住樓賣掉,然後將所有資金分段投放在A50(2823) 及工行(1398) 上,如今樓價升了,投資的股票跌了兩成多。文章見報後,迴響不少,有不少甚為專業的老友都有評價,可以寫寫他們的寶貴意見畀大家參考。
第一,順大潮流炒作。有一個擅作價值投資的老手,睇完「硬道理」棄樓買股的手法,有此感歎,「買股票要年年有表現,其實近乎炒作,不是投資,炒作要順勢,唔講你個網友『硬道理』把自住樓賣掉,要冒上替代使用成本高升的風險(租金上升),單就炒作而言,佢鱓做法都是逆勢施為。」
投資老手話,股神巴菲特咁成功,除鰦佢善睇公司價值,低價入市之外,佢都有「順勢投資」的味道,才不止長線有表現,而且中短期都有表現。例如佢在2002年、2003年以2元多的低價大手買入中石油(857) ,除了因為中石油股價低迷外,還睇到2002年911事件後,美國大幅降息,美元將持續走弱,石油等商品價格將長線走強的大趨勢,當時美國石油股唔便宜,就買纒中國石油股,結果食正油價連年大升的潮流,多年後就在10元以上沽出中石油獲利。
股神都要順勢買
又例如巴菲特在2011年1月以440億美元收購美國第二大鐵路營運商伯林頓鐵路公司(BNSF)。巴菲特雖然聲稱這次收購是對美國經濟前景的一次豪賭,但如果真係咁睇好美國經濟前景,點解係買鐵路公司而唔係買銀行?巴菲特係睇住美國正發生可能長達10年的非槓桿化過程,靠借貸賺錢的銀行唔係咁掂,投資進入低回報年代,加上油價高企,所以就買入鐵路這種回報較穩定的傳統公用事業,這種行為和李超人去英國買電廠、水廠有異曲同工之妙。當然,巴菲特偶有睇錯大潮流出事的投資,例如油價高睇好電動車,過份放大呢個行業的發展,入股比亞迪(1211) ,結果概念掂生意唔掂,股神勝在以8元入股比亞迪作價夠平,所以佢未死只是跟風者死晒。
投資老手話「硬道理」在09年買入工行和A50基金長獱,事後睇係逆勢投資,因為阿爺在08年驚得滯大力投放4萬億救市,令股市和樓市當年升得太勁,再加上基建泡沫,觸發巨大通脹,2010年開始要收水救亡,這種收水潮,對投資內銀的氣氛不利,「硬道理」投資失利,係睇唔飱呢個收水大勢。反而好多人中短線炒纒內銀,跌得多買鱓,升一兩成走人,仲搵到食。
第二,買樓有利長獱。我有另一個老友是極資深投資銀行前輩,佢20年前係巨型銀行的投資銀行部獱fit人,一直鍾情股票長線投資,唔喜歡買樓,當然佢亦有兩三間樓畀自己和屋企人自用,但他和香港人大多數發達方式不同,主要投資放在股票之上,而且係20、30年咁長獱。
這位投行前輩舉鰦個例,佢話當年佢在包銷上市的公司中,揀鱓好鱓公司,用好少錢例如一、兩萬去買它們的股票(呢鱓錢在他而言只是零錢),買鰦十家八家公司股票,夾埋只是用鰦十幾萬,到而家無計歷年收的利息都值400幾萬,當中仲扣埋有一家公司執鰦笠股票變廢紙。佢話我可能唔覺得400幾萬係乜№錢,但佢只想試纒證明,長獱優質股票,獱得夠長有好回報。
散戶買股難長獱
當然,佢當年係投行大佬,睇住呢鱓公司上市,知道晒佢地盤數真假,佢長獱的股票有質素。佢承認呢個係事實,普通股民唔識揀,好多時會揀鰦鱓垃圾股,佢以內銀為例,雖然好多人怕內銀有壞帳黑洞,佢就唔係咁驚。呢個前投行大佬係中國好友,話中國第二季經濟仲有7.6%增長,仲話已經見鰦底,咁有乜№大問題,你睇纒歐美日的經濟有幾多增長?點解覺得美國好似安全過中國?美國最好的年代也只月3點幾巴仙增長,美國今年第1季增長只有1.9%,有幾好?所以拉長十年睇,佢唔覺得股票投資有乜問題,但你要日日問股價,日日去比較,咁就大問題囉,心理好易不平衡。
前投行大佬話,一般人買樓好過買股,除了因為買樓有槓桿外,還因為買樓焗你長獱,但買股好易出出入入,但完全唔贊成投資者買股「游水」(將長線投資的股份高位沽出低位獱番),因為覺得大部份股民沒有合適的心理質素,所謂高沽,可能升少少沽鰦,結果只有輸錢股會長獱,賺錢股一早就沽走。內銀現價息率4厘、5厘,點解唔可以長獱?佢認為若有心理質素長獱,買樓買股都得,只要選擇低位入市獱佢十年廿年就得啦。
第三,最怕係樓價追股價。聽完呢兩個朋友的意見,雖然好似一個話內銀唔得,一個話內銀得,其實只是中短線和長線的分別,內銀價殘,卻是大家都同意的事實。
有一個靚女朋友上周問我,好買唔好買一個西半山樓盤投資,16000元一呎,佢想買一個500呎細單位租畀人,話利息咁平,隨時供平過租,有租金淨收入。我計一計,500呎單位盛惠800萬大元,呢鱓單幢樓實用率好低,500呎樓有300幾呎都偷笑,呎價真係貴得好緊要。但我見靚女貌美如花,好怕叫佢唔買一年後升到20000元一呎佢鈬找我晦氣,只能咁同佢講,樓價咁貴,但利息續低,升3成變20800元一呎當然有可能,但跌4成變9600元一呎也有機會,好似跌的機會大過升少少,就算升鰦上20000元一呎,兩年內賣要畀特別印花稅,利潤無鰦一大截,叫三思才好後行。
靚女又問睇完我話「股平樓貴」,係唔係股價會大升?我見靚女一面「炒相」,好似唔炒樓想炒股咁,就提佢小心係「樓價追股價喎」,在這種百年不遇的金融海嘯中,投資唔好太冒進啦。
陸羽仁
金融High Tea——股平樓貴難永續
2012-07-09
中國減息沒有為上周五的市況帶來太多刺激,主要因為外圍唔好,內地股市上周五早段一度唔升仲要跌,搞到港股早段都要插,尚幸上證綜指當日午後都炒番上去,最後升1%收場,造2223點,港股都算收復失地,恒指只微跌8點。不過美股上周五又因為新增職位不理想,杜指跌124點,港股今日都要捱一捱。
股市唔好景,炒股的人愈來愈少,傳統智慧話無人買才是投資股市最佳時機,不過在歐美大崩圍兼大放水時代,傳統智慧係唔係咁啱用,都令人存疑。股票買唔買都得,但買樓有實際使用需要,就必須處理,令人有好大煩惱。網友「硬道理」早前在頭條網留言提問,我覺得問題有普遍性,所以不妨引述一吓。
網友「硬道理」咁講:「自問是紀律良好但不善投機的長線投資者,在09年中因錯判市況,將05年入市的自住樓賣掉,然後定下長遠投資目標,當時看好中國的長遠投資前景,將所有資金分段投放在A50(2823) 及工行(1398) 的股票之上,期間看着樓價不斷上升,雖然十分痛苦及無奈,但依然嚴守紀律,分段吸納,但3年過後,租金已將賣樓的利潤耗盡,自己的投資卻原地踏步,後期更是反覆向下調整,其中持貨較高的A50已比我入貨的平均價下跌28%,工行也下跌了22%,在後期將買貨目標轉至民行(1988) 及中銀香港(2388) 才止血,但倉位已滿,分配大概為A50 50%,工行30%,民行10%,中銀香港10%,由於A50及工行佔去總投資額的80%,令總投資虧損嚴重,本來看錯市受教訓是應該的,唯有處變不驚,靜待市況逆轉……工行、民行及中銀香港的投資,暫時偏向以不變應萬變,除非歐盟真的出現架構溶解的危機才考慮減持,這策略在這時勢還可取嗎?」
沽樓買股受重創
「硬道理」又問:「尤幸內子沒有給予太大壓力,亦從未有因為經濟緊逼而爭辯,但總會有片言隻語流露出對自置物業的渴求,但現在似乎在2014年利息回升之前,也看不到有再上車的時機,要說置業的好時機,可能還要再等2016年,因樓市縱然下調,開始時也會比較反覆,大量的剛性需求,會促使樓市在下跌初期不斷有小幅反彈,直至積壓已久的購買力完全釋放後,樓價便會正式受到考驗,陸老師同意這觀點嗎?」
他又說:「由於對自己的長期投資策略開始抱有懷疑,我在銀行跟我推銷3個月超低息借貸時,借了一些額外資本,總利息成本為0.3%,我以這些額外資本嘗試以5%止蝕及高位回5%止賺的硬道理進行短炒操作,最低目標是保本,幸運地由於市況好轉,暫時的成果比預期更成功,由於要控制風險的關係,所以不打算加大短炒的資金,但的確對自己的投資紀律挽回不少信心。」
「硬道理」的提問很長,佔了不少篇幅,希望《頭條日報》老總不要以為我在騙稿費,我覺得「硬道理」講了不少等買樓的市民的心聲,所以不妨長篇引述,我以點列回應。
第一,賣自住樓要小心。我一直在講,如果是投資的樓,覺得樓價好高,賣咗出街,即使樓價再升,也只是賺少了,只要平常心對待即可,但賣自住樓要小心好多,這是一個百年不遇的金融海嘯,各國中央銀行也以百年不遇的手法去應對問題,結果難料。聯儲局主席伯南克的博士論文,就係議論美國1929年的大蕭條,主要觀點是若當時央行大力放鬆銀根,就不會蕭條10年咁長。伯南克如今正試驗他的理論,係唔係咁簡單放啲水就得,無人知,正因為咁,美國的利息政策係點,亦好難估。利息影響樓市,所以樓市的中短期後向無人摸得準,人人都知到加息時香港樓市好可能唔掂,但到底幾時加息呢?
若伯南克成功救番美國經濟,可能在2014年,甚至更早就加息,樓市壓力就來。萬一相反救極都唔掂,而且再步向衰退,美國有通縮而唔係通脹問題時,只能令利息超乎想像長期低企,咁樓價又唔係咁易碌番落去。賣咗自住樓要長期租樓,好似「硬道理」老婆咁唔嘈已經好好,若一方賣樓,另一方老婆老公唔同意,鬧得一兩年,離婚都有可能,最悲哀係離咗婚樓市先至跌,證明當初賣樓的決定係啱,但一切都太遲,所以賣自住樓,除了睇市之外,還有一個感情因素要考慮。
第二,做咗不要後悔。好似「硬道理」咁,睇落有清晰思路,有自己邏輯,就不要動搖。他的理論是樓貴股平,所以賣樓買股,而家睇落唔啱,因為樓升股唔升,佢有少少動搖,仲借錢炒股,我建議佢唔好借錢炒股,因為咁樣就開始偏離長線投資的基本策略,好易一錯再錯。堅持買股長線投資,可能5年後發現係啱。
長揸平貨是正道
第三,股樓背馳難永續。由於央行的行為「反常」,長期低息,大量放水,谷高通脹,推升實物資產,令房產和商品等供應好難短期增加的實物資產大幅炒起,但供應相對彈性的股市炒唔郁,結果出現內地十年股市原地踏步,樓價升咗10倍的畸型現象,雖然內地早幾年因為股改將原本不能買賣的公司大股東持股投入市場,令股票供應大增,但兩者背馳成咁,都有股票太便宜、樓價太貴之歎,恐怕差距會慢慢修正。貴嘢會跌,睇商品已睇到,反映商品價格的商品研究局指數(CRB CCI Index)去年4月上到691的高位,現已大幅回落至545,技術上跌20%已入熊市,佢已從高位跌21%,熊味不輕,再大幅下滑就確認大趨勢。CRB指數在2002年美元大跌之前,長期只是在200至250中間浮沉,未來若全球經濟再走弱,對商品需求再減,商品價格下行空間極大,其他貴價資產亦然,內地房產價格已回吐,香港樓價又能否長升不跌?當然,我講的是長線走勢,短期一年半載內樓價唔回甚至再升都唔出奇,對無樓者仍然係好大煎熬。
第四,長揸收息唔失禮。我自己愛做長線投資者,本來好唔鍾意將長揸的股票出出入入,認為散戶點解買樓易搵大錢,買股無乜進帳,皆因持股坐唔定,升少少就走,所以一直建議「投資的我」買股要長揸。有人話而家啲股票係「呢世唔會再見到咁平」,所以你忍得住長揸,或許可以發達。不過好似「硬道理」咁,長揸A50基金和工行,而家仲要輸20、30%,心理上的確好惡頂,本來長揸A50基金有1.7厘息,好過放銀行,揸工行有5.8厘息,簡直吸引,唔睇股價就得,我的建議係揸落去,唔好低價出貨。若真係頂唔順,又估大市可能都係波動上落,可以等大市從低位升3000點時沽部份股票(只沽部份,不要清倉),博佢回吐跌番2000點時揸番,也是降低成本的方法,但要好有紀律去做,唔好太受市場影響,唔係沽咗唔去買番,就變成低位出貨,這種「游水」動作,要有定力才好做。
最後總結,一般人覺得買樓容易炒股難,主要係揸股票無定力,買樓迫住你長揸而已。長線投資一定要買平貨,才是正道,如今樓貴股平,要長線投資,選擇清楚不過。
陸羽仁
將軍講嘢好玄,同中央銀行會議紀錄差多,其實已經睇通睇透,
不過要有悟根先至聽得到 池水如明鏡 嘅道理
將軍:仲有5日市以依家257計,跌3700點就到,平均每日跌700零點就可以了,機會率是存在的
林之兄: 噢....世事無絕對. 股災要發生, 一天就夠了.
將軍嘅220目標睇怕要等出年先得了,12月只剰番幾日市。
林之兄: 噢...重點是大市要跌夠才會彈呢. 老美加息是乎合預期呢.....
全部都是傻瓜,已經跌253xx,只有追沽,買升買牛盞輸死!
p.s.. 已追沽了
將軍到底是揸定沽?
幾點跌完呀?
SIGH...
似乎已經連彈嘅藉口都冇乜,
陪跌嘅原因就一籮籮⋯
牛人多少仲有影響?
性旦快落,救禾
林之兄: 勿慌. 跌完就會彈呢.....
上午沽熊入牛 ,做錯了嗎?
SIGH...
港女唔夠牛
將軍已加注買升?
但我剛進場
SIGH...
666兄: 只要大部份牛人離場就可以了......
將軍,要插幾深先有救呀?
SIGH...
Good.
真的嗎??
插吧.....大市有救了......
早