林利想拍戲談情 朱紫嬈蔡潔練武揸槍做打女
2018/12/24 04:12:36 網誌分類: 生活
曾是「小虎隊」成員的林利,89年過了台灣發展,一去28年,「嗰時參加咗第一屆新秀,『小虎隊』之後,我孭個袋去台灣闖,逐間唱片公司敲門。」早前回流香港,他坦言:「我太細個出去搵食,啱啱過咗50歲想安定啲,同埋返香港照顧阿媽。」早前他拍完劇集《鐵探》,之後去台灣拍另一套劇,恰巧兩套劇都是做殺手,他苦笑說:「全部都係動作戲都幾辛苦,其實我都想拍啲愛情片輕鬆啲。」
練打功夫
而Khloe早前推出的Hi-Fi碟,全是翻唱陳百強的歌,她解釋:「因為今年係佢60歲冥壽,亦係佢離開25年,所以想向佢致敬。」陳百強有很多經典,她特別喜歡《有了你》和《煙雨淒迷》,而最愛是《一生不可自決》,「係講佢覺得自己一生都不可自決嘅感覺,我錄時都好touching。」她笑言聽他的歌好舒服,沒想到好難唱,「原來佢嘅低音好低、高音好高,個range好大。」除了唱歌,Khloe開始接觸電影,早前她拍戲做醜女,還透露現正學習打功夫,但只是BB班,有待進步。
拍古裝劇
Jackie早前則拍了兩部懸疑片,一套與林家棟合作,另一部是與古天樂有對手戲的《犯罪現場》。問她還想演甚麼角色時,她坦言:「其實冇話邊樣嘢想試,反而樣樣嘢都想試,即係我仲有好多可以發掘嘅地方。嚟緊我有個揸槍嘅角色,以前覺得揸槍好易,原來唔係O架,會有好多台型同姿勢要練。」她的目標是嘗試更多之前未做過的角色,即將有機會拍古裝劇,她表示都好期待。
主持:黃柏高
統籌:林永匡 協力:李佩儀 攝影:李維隆、謝民光 場地:營致會館
黃柏高
■左起:林利、朱紫嬈和蔡潔早前簽約邵氏,期待新發展。
■蔡潔(左)和朱紫嬈(右)望在電影上有更多新嘗試。
■林利回流香港除了拍劇,都想再唱歌。
■朱紫嬈推出Hi-Fi碟,翻唱陳百強的歌向他致敬。
■經過數度合作,蔡潔經常請教古天樂的演戲心得。
■早前林利病瘉復工,與惠英紅等拍TVB新劇《鐵探》。
回應 (0)
我要發表