2~11/1 先低後高.牛死熊命危

2019年開新局, 大鱷牛熊通殺, 置諸死地而後生, 先低後高向上推進

2/1周三收市~恒指收25130, 暴跌715點, 失守10天線

細成交乾跌, 大鱷夾硬推低大市落25055屠殺肥牛2830張

3/1周四收市~恒指收25064, 跌66點

繼續細成交乾跌, 大鱷夾硬推低大市創兩個月新低24896屠殺肥牛2824張後即彈, 重上25000

大鱷於12月一直力守25500, 2019年開新局為了屠牛夾硬接連隊穿25500及25000兩個大位, 按照大鱷的習性, 如果係為了殺牛而插就會趙完鬆, 不會在低位徘徊, 重返25500樓上, 轉口味上攻屠熊, 好友淡友都要死

4/1周五收市~部署屠熊

中港股市同步結束兩連跌.港股重上10天線, 恒指收25626, 暴漲561點

星期五港股不但冇跌穿星期四低位24896, 仲大彈高，因為:

~ 油價暴跌喺拖低大市的元兇之一，油價止跌回升，推高股市

~ 上証接連失守多個大位，逐一跌穿2600.2500.2450，觸動阿爺神經，要出招救市, 周五上証大成交急升, 港股亦同步跟隨, 成交亦明顯增加至$805億(周三四每日只得約$680億)

~ 阿爺下令降準放水救市(收市後人行宣布1月分兩次降準1個百分點 )，港股低開一插即彈分明係春江鴨入市，加上賤美代表團周一二(7~8/1)訪京作出貿易談判，淡友避風頭食胡，掃貨補空倉推高大市

~ 市場認為美國上月製造業指數跌至逾兩年低, 遠遜預期, 貿易戰玩火惹的禍, 經濟轉差, 美股災難式急挫或會促使狂人總統讓步，貿易談判可能會有好消息，刺激買盤星期五撈底博反彈, 狂人近日亦不斷出口術話談判會有好事發生, 想刺激美股反彈

~ 2~3/1港股急挫創新低, 回購明顯增加, 亦係25000/10000失而復得的其中一個推手

~ 周三四(2~3/1)大媽走貨, 港股通(滬深)出現資金凈流出, 港股下跌, 周五(4/1)大媽掃貨, 港股通(滬深)出現資金凈流入, 港股隨即上升, 恒指以收市U盤全日最高位收

~ 日圓日前爆升後回軟，冇再進一步走強，美元由97關口回落至96邊，股市壓力紓緩

~ 美國加息機會降溫，美國十年期債息大幅回落，息口敏感的地產股大受追捧，推高大市

第一個反彈目標:

24896+1000~1200點=25896~26096 (50天線魔咒位約在25900)

恒指向上關鍵阻力大位26200.26400/26500~約100天線,

4/1牛熊分布: 25600~26100有大肥熊, 26100~26600只得半肥瘦熊, 要養多一陣

國指向上關鍵阻力大位在10300~10500, 為多條平均線所在

第二個反彈目標: 24896+2000點=26896

第三個反彈目標: 11月高位26923, 12月高位27260

第四個反彈目標: 一般來說, 恒指通常有約2000點月波幅, 如果跟去年一月資金市, 月波幅就高達3456點, 假如今年照跟, 企26800就會挑戰27000.27300.27500.27800.....希望不要太快上第四個目標, 因為去年一月下旬爆升見頂後就暴跌

恒指正營造雙底回升, 短線不會再跌穿25000, 港股正處於反彈浪, 何時見頂多數跟上証, 因為兩地股市通常係同步見底頂, 3/1低位24896已見短底, 不過長線來看2019年仍會有新低, 當然亦要再上28000, 否則唔夠全年波動區間, 短線來說, 如果1月已見底24896, 一般1800~2000點月波幅就要上攻26800~27000, 1月恒指期貨大户加權平均開倉水平為25616, 1月國指期貨大户加權平均開倉水平為10100, 是好淡分水嶺

要留意地產板塊及國指強弱, QQ $320關鍵阻力位能否突破, 近來恒指50天線多數係升穿都企唔穩, 100天線阻力就更大, 上証壓力比港股大, 內地降準的推升效力通常都不能持久, 後市如能上企26500超過5天就係大突破(傳統分析睇3天, 慎防有詐, 要睇5天才可信), 有基金經理看好短線, 認為會有一月效應, 基金冇左埋年結的制肘, 入市會較進取, 只要有好消息就會借勢炒上, 向上超級關鍵位係11及12月高位26923~27260, 去年牛轉熊, 今年熊轉牛, 要留意會否打破一浪低於一浪的魔咒

7/1周一收市~恒指收25835, 升209點, 收復20天線,

港股沖高秒殺肥熊即回, 收窄升幅呈陰燭

大鱷玩秒殺, 閃上26000屠殺肥熊3496張趙完鬆, 一如上面所說的牛熊分布, 今日高見26043即回, 冇突破26100皆因樓上熊熊唔夠肥, 縮番落黎收陰燭就會吸引多些熊熊入局, 今日26000試完水溫, 睇下磨幾耐才上26200, 大鱷已部署本周收25600/10000樓上, 國指能否突破10300阻力大位是關鍵, 上証及權重A股升跌是港股溫度計, 地產股強.港股好,

今日高見26043只係試水溫, 通常高點在整數關口邊都不會是頂, 去到呢個水平回頭目的係令後市較易破頂, 只要下次再突破26000就好容易創新高, 月波幅仍未達標, 點都要上26200向難度挑戰

好消息出貨, 滬大媽趁反彈走貨, 港股通(滬)出現資金凈流出, 不過大媽亦掃QQ及中移托市, 阿爺降準但內銀內險A股下跌, H股卻夾硬升, 不過上升乏力, 如內銀內險腳軟亦會壓住大市, 貿易戰下, 中國汽車業開放市場, 車股破位而下

連耶倫都加把口唱唔加息, 美國加息機會進一步降溫, 本港銀行同業拆息下跌, 地產股繼續強勢撐市, 加上長實大股東連日增持股份, 亦推高了地產板塊, 港股連升兩日, 企25800關鍵位樓上收, 貼價熊肥牛瘦, 熊在26048, 牛亦上移至25500附近

溫馨提示:

~ 踏入2019年的4個交易日, 每日收市U盤都係踢高, 夜期亦係日日高收, 大鱷推升屠熊殺淡之心表露無遺, 當夜期轉收低水好友就要小心

~ 小米於9/1(周三)半年禁售解除, 部分投資者及員工認購權可沽貨(後記: 小米(01810)解禁後, 俄羅斯基金減持約6億股)

8/1周二收市~恒指升39點收25875, 收復60天線, 連升3天

牛在25658 vs 熊在26048, 26000~26500熊已經養到肥肥白白, 要買定官才

每升多一百點, 熊就肥一些:

26300(1940隻熊), 26400(2532隻熊), 26500(2885隻熊)

恒指已是連續兩日收市企關鍵大位25800樓上, 高企於25800係爆上26000的跳板, 大鱷炒緊中美貿易談判會好消息, 正部署再殺上26000, 呢兩日係關鍵位前窒窒步, 詐死係大鱷養熊震牛的手法, 好友當道, 恒指已先後收復10.20及60天線, 周及月波幅都未達標, 點都要再上, 下一站挑戰26200, 如能上破, 再上阻力在26400~26600, 磨左幾日養熊震牛及消化沽壓, 結果日日都有熊熊入局, 貼價BB熊大增, 牛牛減少(震走了), 熊肥牛瘦, 時辰到了, 餓左成日, 大鱷準備明日開大餐了

港股俾大媽大鱷操控, 升跌由佢地話事, 見港股突然急升或急跌, 多數係受上証帶動, 當大行下調股份目標價, 一唱淡股份就插水, 根本冇得分析, 早前恒安遭洗倉, 今日就輪到吉利, 散戶入市中伏易過中獎,

美元下跌, 失守96後跌勢持續, 上周強勢的日圓回軟, 市場風險胃納上升, 油價止跌回升, 愈升愈有, 油股翻生亦利好股市, 長和.油股等落後成份股見買盤, 息口敏感股繼續受追捧, 好友得勢, 上証結束兩連升, 但港股唔跟跌, 只要上証重上2550, 港股就會上26200/10300,

vhsi恒指恐慌指數連日下跌, 今日港股出現震盪, 但vhsi仍收跌, 係向好訊號, 加上沽空增加, 都有挾淡誘因, 連老外都連續兩日大手掃A股, 都係利好訊號, 中美都出手又出口術撐市, 牌面利好友, 反彈頂部仍未出現, 造淡係逆勢操作, 太快造淡是死罪, 拖出午門斬首

權重內銀內險A股續跌拖累相關H股, 國指小幅跑輸恒指, 恒指收市U盤前跌8點, 最終收市升39點, 就係收市U盤夾硬踢高QQ推高大市, 港股連升3天, 過去6個月慣性走勢係恒指通常3連升就斷纜, 頂多4連升, 未試過5連升, 睇下能否打破宿命,

今日大媽掃中國移動.比亞迪.新鴻基地產, 股價彈高高

大媽丟吉利汽車.中國平安.招商銀行, 股價逆市下跌

淡友命危, 港股2019開年後一插即彈, 愈升愈有, 如今已彈逾千點, 仍未有見頂跡象, 一月效應下, 去年一月恒指升到彭彭聲(9連升+7連升)見大頂, 該月強勢, 全月只得4天收跌, 月尾見頂即瀉, 二月跌勢轉急,

去年二月起恒指連升記錄:

三連升8次

四連升6次

五連升0次

六連升2次(5及6月)

未試過七連升或以上

9/1周三收市~恒指連升4日, 收26462, 急升586點, 先後收復10.20.50.60.100天線

昨晚見牛熊分布: 7868牛 vs 10049熊, 大鱷餓左成日, 就知今日大鱷會出手屠熊, 結果吃了3464張肥熊

回顧4/1牛熊分布: 7154牛 vs 11336熊, 結果5/1大鱷就出手殺熊, 通常見牛熊一方突然有過萬張就係大龍鳳先兆

今日老外繼續掃A股, 推高了內銀內險A股, 疲弱的內銀內險A股急升刺激相關H股彈高, 係今日破位而上的動力之源

今日港股超大成交沖頂, 睇下明日沽壓會否進一步增加, 石石早前話短線上望26200, 今日已超標完成, 如果俾多500點, 即係26800阻力大, 當燈神梁蛇大人入市就要小心喇!

上証升跌會影響港股, 好難估上証走勢, 令港股升跌更難測, 中港股市齊齊大成交急升 ，睇股份表現及股份升幅，似係基金入市

大鱷真係賤到冇朋友, 趁中美發表談判結果前拿拿臨推上去26597屠熊, 懶理上証午後掉頭向下

10/1周四收市~港股低開高收, 單日轉向呈陽燭, 恒指連升5日, 收26521, 升59點, 26600肥熊命危

美元走弱, 失守96後跌到落95邊, 刺激人民幣大幅反彈505點子，創5個月高位, 利好港股, 連道期及上証下跌港股都唔跟跌, 應跌不跌需防升, 港股大跌250點低見26212即彈, 守住日前的上升裂口, 繼人行宣布降準後, 發改委有意推出促進汽車及家電產品消費措施, 中美貿易談判似乎有進展, 刺激候低買上的掃貨盤入市, 港股即市完成調整拗腰倒升,

好友當道, 今年開局以來, 日日都係收市U盤踢高, 而夜期亦係日日收高水, 即市一插即彈, 反映港股由好友屠熊大鱷主導, 同周三(8/1)一樣, 今日又係U盤掃高QQ推動大市向上, 大鱷最陰毒係即市玩沖高急回, 示人以弱, 引淡友入局, 尾市及收市U盤就推升, 翌日又升過, 淡友中伏走唔切, 港股升浪能走多遠就要睇QQ能否突破並企穩$330阻力位,

恒指雙底回升(高低腳24896/24540), 試完底再沖頂(前頂26923/27260), 大市技術指標呈向好訊號, 大鱷畫左幅靚靚走勢圖, 近日成交明顯增加, 反映買盤進場, 今次升浪如彈2000點, 就要挑戰26800~27000, 日前網誌曾提及去年一月港股飛左出外太空, 日日升, 如果係去年一月的翻版淡友就大大鑊, 淡友造反, 逆勢操作亦要小心

一月向好效應持續發酵, 加上中美出口又出手救市, 油價愈升愈有, 彈高重上50美元水平, 市場風險胃納上升, 美股由早前的資金凈流出變為流入掃貨, 美股翻生, 港股短炒及基金買盤亦轉趨積極, 而26600~26800肥熊亦令大市跌唔落, 由於周及月波幅仍未達標, 港股仍有上升空間, 未見頂, 後市將會升穿今日高位26588, 以周波幅計, 本周要留力, 待下周才升穿26800來擴大周波幅

今年開局以來, VHSI恒指恐慌指數日日收跌, 但今日終於收升喇! 驚驚地, 不過只係小幅上升, 唔算好驚, 港股升到現水平人人都有戒心, 獲利沽壓增加亦好正常, 道期明明跌百幾點，但大鱷仍能玩低開高收，單日轉向，淡友不得不防, 因為26600~26800有肥熊3437隻, 最肥一串熊在26600附近, 有約2000隻, 可能秒殺肥熊才回吐, 牛牛亦上移, 不過好瘦, 25800牛正在成長中, 要貼價肥牛上移才有誘因下殺

~~~~~~~~~~~~~~~~~~~~~~~~~~~~~~~~~~~~~

燈神經仔通梁蛇上周見港股大插叫走鬼減倉, 今早卻叫掃貨買上, 大舉掃貨加倉兩成, 燈神時常低沽高吸, 往往升跌到水尾才出手, 要留意夜期何時出現今年的首個低水, 如繼續收高水, 就代表大市未見頂, 大鱷仍想上攻屠熊, 當收低水就要小心大市已見短頂,

上証連續兩日沖上2550都打回頭, 疲弱的內銀內險A股昨日威左一天, 今日又跌過, 拖累相關H股, 大媽趁反彈走貨, 沽出內銀.中移.比亞迪, 不過大媽亦掃QQ及友邦來掩護出貨, 中港股市通常係同步見底頂, 今日上証高見2551, 未能突破昨日頂2574, 今日港股亦冇升穿昨日高位, 夾硬收升可能係大鱷仍想屠熊, 雖然市場上有唔少利好消息, 但其實呢兩日市場上多左利淡消息, 不過補空倉盤掃貨抵消了獲利沽壓, 加上市場氣氛好, 吸引唔少買盤博上27000, 所以今日一回到落26200附近就見掃貨盤入場

今日上証回吐, 但港股都唔跟跌, 大鱷惡晒, 今日高收可能係預留回調水位, 因為明日有周末沽壓效應, 今日多隻成份股沽壓明顯增加, 貿易展談判亦冇放出好消息, 加上道指已連升4天, 道期下跌百多點, 而家只係月初, 好少會做埋即月大頂, 等升勢斷纜啦! 可能伸多一腳上去然後才調整, 磨多一陣等1月下旬再創即月新高

回顧11月恒指上親26500都企唔穩咖! 50及100天線都係魔咒大位, 餐餐都係沖上去又落番黎, 港股一路升, 港元就一路轉弱, 近日美元於97打回頭下試95水平, 推動股市向上, 當美元落到95附近亦要慎防會有反彈, AH股相關性極高, 上証2550屢次受阻亦壓住港股的升勢, 大鱷就借勢詐死係26500消化沽壓, 磨下養熊引淡, 部署攻上26600

只要升埋明日, 恒指就平了去年2月以來最長連升記錄, 連環突破多個阻力大位, 本周港股收大陽燭冇走雞, 但要小心連升隨時會斷纜, 當淡友投降就係港股回吐之時, 如明日恒指收升, 就係罕有地升足全個星期, 下周獲利沽壓必定會增加, 升近二千點已經夠水位俾大鱷轉身, 港股升勢通常係震住上, 跌下彈下, 好淡通殺, 大鱷才能獲得最大利潤

11/1周五收市~恒指收26667, 升145點, 連升6天

昨日已提醒大家要居安思危, 以往恒指上親50及100天線餐餐都企唔穩, 今次就連續3日收100天線之上, 夾硬連升6天, 目的係嚇退淡友, 結果淡友真係驚會再爆升, 拿拿臨止蝕撤退, 日前已說太快造淡是死罪, 要食埋26600肥熊才會掉頭, 今日去到26800關前造淡本來有值博率, 但因為淡友於26000~26300太早進場, 輸到唔敢再博, 逼死淡友就插水, 大鱷呢招萬試萬靈, 即係港股即將會作出調整

港股今日雖然創即月新高, 但上証收升卻未能突破日前高位2574, 中港股市通常係同步見頂, 上証見頂的話, 港股今日創出高位亦好難企得穩26600, 向上阻力大, 加上而家只係月中, 有排都未到月尾結算周, 時間尚早, 冇必要花子彈月頭升到月尾一路推高, 下周要回調整固消化沽壓, 擴大下周的波幅然後再推升, 按照慣性走勢, 如該月收升, 就會在下旬才創即月高位, 所以連升後應回吐, 逼死好友, 養熊引淡震牛, 然後再上沖創新高

大鱷為了開餐乜都做得出, 今日果然伸多一腳上去創即月新高26692, 26600附近1936隻肥熊已陣亡, 即係呢浸推升任務已完成, 本周合共殺熊8896隻, 飽到上心口喇! 連埋上周殺牛5654隻, 半個月已屠牛熊14550隻, 已食夠半月數, 即係可以回氣喇! 抖一抖再殺過, 向27000/27260進發

一如我昨日所說, 當夜期收低水就係見短頂訊號, 今晚真係收低水, 燈神梁蛇大手掃貨, 當買到重倉就係見頂訊號, 全城唱好向上望, 測市指標利淡訊號增加(QQ $335打回頭, 油價急升油股唔跟升, 避險的公用股受追捧, 大媽走內銀, 內銀腳軟, 盈警+配股潮, 美元止跌回升，港匯走弱，大市續升但成交連日縮減....), 上証日升日跌, 今日升, 下周一就要跌, 好友要小心港股升勢亦要斷纜了

英國國會將投票決定脫歐，市場預期不獲通過, 英國有可能硬脫歐, 美國聯邦政府局部停工進入第四週, 停擺時間破歷史紀錄, 增加全國進入緊急狀態的機會, 80萬聯邦僱員領不到薪金, 特朗普一意孤行觸發民怨, 市場避險情緒升溫,

一般來說, 大鱷未食夠肥熊就算有利淡消息都會扮睇唔到, 夾硬繼續升, 但一食飽熊熊就會掉頭插, 唔好見連升就凈係向上望, 其實大市有暗湧, 呢兩日利淡訊號逐步增加, 小心大市要回吐, 不過資金市買盤強, 大市不會深潛, 回一回又會再升過, 近日中資股配股潮起, 推高大市目的係要營造向好氣氛, 高位抽水, 亦係港股跌唔落, 愈升愈有的其中一個原因

日前低見26212守住裂口即彈因為大鱷未食夠熊熊, 今日肥熊已陣亡, 恆指六連升，去年2月起未試過七連升，預示下周一港股會收跌, 港股升左一個多星期, 輪到利淡因素發酵, 港股升勢要斷纜喇! 要消化沽壓拖到一月下旬, 等再有新的利好消息(例如中美達成貿易協議.上証彈高.美國暫停加息.業績佳....)做催化劑, 就會再闖關, 以月波幅來看, 港股仍有上升空間, 去年一月都係連升後回氣再爆上, 升到你唔信

===========================================

2019年1月4日 17:30 人行宣布本月分兩次降準1個百分點 強調「並非大水漫灌」

<匯港通訊> 在國家總理李克強發言要加大宏觀政策逆周期調節力度，進一步採取減稅降費措施，運用好全面降準、定向降準工具，支持民營企業同小微企業融資。人民銀行收市後公布，今個月內，將分兩次降低存款準備金率，合共1個百分點。人行指，降準會釋放約1.5萬億元人民幣資金，即將開展的定向中期借貸便利操作和普惠金融定向降准動態考核所釋放的資金，再考慮今年不續做第一季到期的中期借貸便利的因素後，淨釋放長期資金約8000億元人民幣。

2019年1月4日 15:38 新華社文章：今年不確定性或導致股市低迷

<匯港通訊> 《新華社》發表文章指，股市是經濟晴雨表，2018年多重外部因素疊加，世界經濟出現新風險，全球股市也經歷大起大落。分析人士普遍認為2019年，貿易摩擦、英國「脫歐」、貨幣波動等諸多不確定性因素依然存在，全球主要股市前景並不樂觀。