太平館生日飯

2019/01/03 04:13:24 網誌分類: 生活

03 Jan

        　　提到太平館，第一時間會想起瑞士雞翼，身邊不少好友都有去過朝聖，只是米珠蓮遲遲未有行動。直至早前朋友A生日，終於有藉口到太平館試菜（最好訂枱，以免浪費時間排隊），實行豉油西餐當生日飯，總好過每次都食正規西餐嘛。

        　　當晚約七時入座，已經差不多爆滿，雖然幾乎人人都點瑞士雞翼，但米珠蓮偏偏不「隨波逐流」，決定食乾炒牛河、燒乳鴿和誰見到都會尖叫的巨型疏乎里！等了不到十分鐘，牛河已經炒好，河粉都均勻沾上豉油，炒得條條分明，牛肉夠軟腍，如果少油一點就無得輸！燒乳鴿認真要試，鴿肉相當入味，而巨型疏乎里因製作需時，最好預早一點落單。疏乎里一上枱，同枱朋友即時忍不住拿出手機相機影個不停，擾攘一輪才捨得食。大過人頭的疏乎里，兩個人Share剛好，味道不會過甜，而且非常鬆軟，大滿足！

        查詢：2721 3559

        米珠蓮