20190106「唔識賭馬的河馬仔賽馬專欄」

2019/01/06 00:16:46 網誌分類: 賽馬

06 Jan

上年累積賺蝕 : - $105200

(以下分析只是河馬仔個人觀點，注數只是河馬仔自己會買的，僅屬參考而已，賽馬沒有必勝，絕不可以孤注一擲或投注過度。)

今次就吹下一場三班千四賽事吹下水，看似好多伏兵，實際隻隻要估的東西好多。

最多人估應該係最輕磅的【蟲草之星】，磅輕強配當然係優點，但其實無論呢幾場試過有冇遮擋放頭留後都好，真係都幾均速。前一場同【再享耆成】【珍珠鳳凰】近當然算強，但其實威脅唔算大。而上場在走二疊下輸【不羈的風】未必奇，但要過隻四班常客【軒轅齊飛】到最後數步先甩到又真係有點那個。今場用62分對住一堆三班中班對手，雖然未必有超三班馬在此，但呢隻馬係唔係食得哂係好有疑問。

【遨遊神駒】贏個次真係多重意外所致，因禍得福迫入內欄後又阻不少實力份子，幸好外面一齊衝的【加州再豫】飛到超外，否則該勝仗未必到佢。今年跑幾場都麻麻，特別上場都近乎零籍口下連一隻【發財寶】都過唔到，又真係失望得好緊要。

【安喜】上千四可能有變數，但上場對手如不計當日受阻之【競駿天驕】，【安喜】所贏的對手再出都好普通，上千四用均速走甩情況有點似【蟲草之星】，除非有分在手否則可能都係近。

【歡樂小子】上場迫得相當接近，但有可能係該場跑第二的以為可以飛出大外疊都食得哂而輕敵而已，今場排檔一差鬥後勁，如有些馬匹係有分在手佢就難頂。

最後如果揀Q/QP，我還是揀回以下三隻，冷未必咁易出，係博下有冇得扭扭條Q，驚隻公眾大熱門其實現時都唔係超得去邊，上場呢隻馬如果贏得早就可贏，只係今次對手太弱先再焗揀。

20190106「河馬仔賽馬專欄」真金白銀投注紀錄